ირანული ხომალდის ინცინდენტი წითელ ზღვაში: აშშ განცხადებას ავრცელებს
(განახლებულია 16:01 07.04.2021)
წითელ ზღვაში ირანულ ხომალდზე, რომელიც ისლამური რევოლუციის გუშაგთა კორპუსს ეკუთვნის, აფეთქება მოხდა – ვრცელდება ინციდენტის ვიდეო.თბილისი, 7 აპრილი — Sputnik. აშშ-ის ხელისუფლებამ იცის წითელ ზღვაში ხომალდ Saviz-ზე მომხდარი ინცინდენტის შესახებ, თუმცა შეერთებულ შტატებს ამასთან არანაირი კავშირი არ აქვს, წერს გაზეთი The Hill პენტაგონის ოფიციალური წარმომადგენლის ჯესიკა მაკნალტის განცხადებაზე დაყრდნობით.
„შეგვიძლია დავადასტუროთ, რომ ამ ინცინდენტში აშშ-ის არანაირი ძალა არ ყოფილა ჩართული“, — განაცხადა მაკნალტიმ.
ამასთან, პენტაგონის წარმომადგენლის თქმით, ამ საკითხზე მას „არანაირი დამატებითი ინფორმაციის“ მიწოდება არ შეუძლია.
მანადე სააგენტო Al-Arabiya-მ გაავრცელა ინფორმაცია, რომ ირანის ისლამური რევოლუციის გუშაგთა კორპუსის კუთვნილ სატვირთო ხომალდ Saviz-ზე თავდასხმა მოხდა წითელ ზღვაში, ერიტრეის სანაპიროებთან.
როგორც სააგენტო Tasnim წერდა, ინცინდენტი ხომალდის კორპუსში ჩალაგებული ნაღმების შედეგად მოხდა.
ისრაელის მედიასაშუალებების ცნობით, აღნიშნული ხომალდი დაზვერვით სამუშაოებს აწარმოებდა.
ირანის ხელისუფლებას მომხდართან დაკავშირებით ჯერჯერობით არ გაუკეთებია ოფიციალური განცხადება.
თემები:
საფრანგეთის სოფლის მეურნეობა უდიდეს კატასტროფას განიცდის
(განახლებულია 23:27 17.04.2021)
საფრანგეთის სოფლის მეურნეობის მინისტრი მიიჩნევს, რომ ქვეყანაში XXI საუკუნის დასაწყისიდან ამხელა კატასტროფა არ მომხდარა
თბილისი, 17 აპრილი – Sputnik. საფრანგეთის ხელისუფლება ერთ მილიარდ ევროს გამოყოფს სოფლის მეურნეობის დარგის დასახმარებლად, რომელიც გვიანი ყინვების გამო კატასტროფას განიცდის, განაცხადა ქვეყნის პრემიერ-მინისტრმა ჟან კასტექსმა.
„ესაა ნამდვილი დრამა, რასაც ამ კლიმატური კატასტროფის გამო დარგის პროფესიონალები განიცდიან. ეს არის ადამიანური, ეკონომიკური დრამა. ახლა დგას სოფლის მეურნეობის დარგის მუშაკთა გადარჩენის საკითხი“, - განაცხადა კასტექსმა სოფლის მეურნეობის დარგის წარმომადგენლებთან შეხვედრის შემდეგ.
მისი თქმით, სახელმწიფომ ამ კატასტროფას სათანადოდ უნდა უპასუხოს. სახელმწიფო გამოყოფს ერთ მილიარდ ევროს, რადგან „სიტუაცია ასეთ ზომებს ამართლებს“, განაცხადა საფრანგეთის პრემიერმა.
ადრე სოფლის მეურნეობის მინისტრმა ჟულიენ დენორმანდიმ აღნიშნა, რომ საფრანგეთში გვიანმა ყინვებმა დააზიანა „ასობით ათასი ჰექტარი ვენახები, ხე-ხილი და ნათესები“. მისი თქმით, ეს „შესაძლოა, სოფლის მეურნეობაში XXI საუკუნიდან ყველაზე დიდი კატასტროფაა“.
დიდ ბრიტანეთში პრინც ფილიპის დაკრძალვის ცერემონია მიმდინარეობს
თბილისი, 17 არილი — Sputnik. უინძორის სასახლეში ბრიტანეთის დედოფალ ელისაბედ მეორის მეუღლის, ედინბურგის ჰერცოგ ფილიპის დაკრძალვის ცერემონია მიმდინარეობს.
პრინცი ფილიპი 9 აპრილს გარდაიცვალა, ივნისში მას 100 წელი შეუსრულდებოდა. დედოფლის კონსორტის, მეუღლის სტატუსით ედინბურგის ჰერცოგმა 22 ათასი დამოუკიდებელი ღონისძიება გამართა და 637 უცხოური ვიზიტი განახორციელა. პენსიაზე გასვლის მომენტისთვის, 2017 წლის აგვისტოში პრინცი პატრონაჟს 785 ორგანიზაციას უწევდა.
©
REUTERS / Hannah McKay
ელისაბედ მეორის და პრინც ფილიპის ქორწინებამ 73 წელს გასტანა. მათ ჰყავთ ოთხი შვილი, რვა შვილიშვილი და მალე მე-11 შვილთაშვილი შეეძინებათ. დაკრძალვას ესწრება ყველა შვილი და შვილიშვილი, შვილთაშვილები ცერემონიაში არ მონაწილეობენ.
გარდაცვლილი სასახლიდან უკვე გამოასვენეს: ის მიჰყავთ კატაფალკით - Land Rover-ით, რომელიც პირადად ედინბურგის პრინცმა დააპროექტა.
სასახლეს მიაცილებენ პრინცის და დედოფლის ვაჟები, შვილიშვილები, პრინცები უილიამი და ჰარი (ჰარი ბრიტანეთში კალიფორნიიდან გასულ უქმეებზე დაბრუნდა და დაკრძალვის დღემდე თვითიზოლაციაში იმყოფებოდა), ასევე სამეფო ოჯახის სხვა წევრები და პრინც ფილიპის კარის თანამშრომლები.
დამსწრეები მთელ ქვეყანასთან ერთად ჰერცოგს წუთიერი დუმილით პატივს მიაგებენ, შემდეგ კი დაიწყება პრინცის პანაშვიდი, რომელსაც, კოვიდსაწინააღმდეგო წესების მიხედვით, მხოლოდ 30 ნათესავი დაესწრება.
„ძალიან ვცემდი, რეანიმაციაში წაიყვანეს, ძლივს გადაარჩინეს...“ - მიხეილ ცაგარელი პირადზე
(განახლებულია 15:37 17.04.2021)
მიხეილ ცაგარელმა საკუთარი ცხოვრების უცნობ დეტალებზე საჯაროდ პირველად ისაუბრა. ნახეთ რა შეემთხვა ცნობილ ასტროლოგსასტროლოგი მიხეილ ცაგარელი იხსენებს, რომ ბავშვობაში მოჩხუბარი ბავშვი იყო. როგორც ცაგარელმა გადაცემაში „მხოლოდ ლელასთან“ გაიხსენა, თუ ვინმე გააბრაზებდა, წყობიდან ძალიან გამოდიოდა.
„ზოგადად კურო ყველაზე მშვიდი ნიშანია, თუმცა თუ წონასწორობიდან გამოვიდა მტრისას. იქ კონტროლი უკვე აღარ აქვს, არც ვერძი, არც მორიელი, ვერავინ ვეღარ დაუდგება წინ. ეს მომენტი მეც მქონდა ადრე, თუმცა მაშინ არ ვიცოდი ასტროლოგია. ვვარჯიშობდი ყოველთვის, ვიყავი წყალბურთებული, მოცურავე. მქონდა სამი ასეთი შემთხვევა სკოლაში – ბავშვებს ჩხუბის შედეგად ვახრჩობდი ფაქტობრივად. ძალიან ვცემდი, იმ დონემდე მიმყავდა რომ რეანიმამაციაში წაიყვანეს სამივე და ძლივს გადაარჩინეს. ჩემი ბრალი არ იყო, იმათი პროვოცირებული იყო. ეს იყო მეექვსე კლასამდე. მეექვსე კლასის მერე მე არ მიჩხუბია“,- განაცხადა ცაგარელმა.
თემები: