ჯონ კირბი: პენტაგონი „დაჟინებით აკვირდება“ რუსეთის აქტიურობას არქტიკაში

© AP Photo / Susan Walshჯონ კირბი
ჯონ კირბი - Sputnik საქართველო, 1920, 06.04.2021
გამოწერა
პანტაგონის პრეს-მდივანმა ჟურნალისტებს არ გაუმხილა აშშ-ის დაზვერვისთვის ცნობილი სხვა დეტალები რუსეთის არქტიკაში მოღვაწეობასთან დაკავშირებით.

თბილისი, 6 აპრილი — Sputnik. აშშ-ის თავდაცვის სამინისტრო კვლავაც აკვირდება რუსეთის აქტიურობას არქტიკაში, ვინაიდან ეს რეგიონი მაღალი კონკურენციის ზონად მიაჩნია, განაცხადა პენტაგონის პრეს-მდივანმა ჯონ კირბიმ ბრიფინგზე.

რაკეტის სტარტის წინ - Sputnik საქართველო, 1920, 28.02.2021
რუსეთმა არქტიკაში კლიმატის მონიტორინგის მიზნით პირველი თანამგზავრი გაუშვა

მისი თქმით, რეგიონი, ტაქტიკური თვალსაზრისით, მნიშვნელოვან როლს ასრულებს ამერიკულ თავდაცვით სისტემაში.

„უკიდურესი დაჟინებით ვაკვირდებით ვითარებას [არქტიკაში]... ეროვნული უშიშროების კუთხით ამ რეგიონში ჩვენ გვაქვს ინტერესები, რომლებიც უნდა დავიცვათ“, — აღნიშნა კირბიმ.

ამასთან, მისი თქმით, არქტიკა ვაშინგტონისთვის არის არა მარტო ეროვნული უშიშროებისთვის საკვანძო რეგიონი, არამედ „პოტენციური დამაკავშირებელი სტრატეგიული დერეფანიცაა“ აშშ-ს, ევროპასა და ინდოეთის–წყნარი ოკეანის რეგიონს შორის, რის გამოც ის შესაძლოა „მოწყვლადი გახდეს ზრდადი მეტოქეობისთვის“.

აღსანიშნავია, რომ ჯონ კირბიმ უარი უთხრა ჟურნალისტებს, გაემჟღავნებინა მათთვის აშშ-ის დაზვერვისთვის ცნობილი დეტალები რუსეთის არქტიკაში მოღვაწეობასთან დაკავშირებით.

აღსანიშნავია, რომ მანამდე, მარტის ბოლოს რუსეთის სამხედრო–საზღვაო ძალებმა, კომპლექსური არქტიკული ექსპედიცია „უმკა-2021“-ის ფარგლებში, სწავლება ჩაატარეს არქტიკაში, რა დროსაც წყალქვეშა ატომური ნავების შესაძლებლობების დემონსტრირება მოახდინეს. როგორც რუსეთის პრეზიდენტმა განაცხადა, ამ მანევრებს ანალოგი არ გააჩნია საბჭოთა თუ თანამედროვე რუსეთის ისტორიაში. მანევრებში, გარდა საზღვაო ხომალდებისა, გამანადგურებელი МиГ-31-ებიც მონაწილეობდნენ.

ყველა ახალი ამბავი
0