გერმანიის დროშა

აფრიკის ტომები გერმანიას 100 წლის წინანდელი დანაშაულისთვის უჩივიან

80
(განახლებულია 22:40 05.04.2021)
ისტორიკოსების შეფასებით, გერმანიის საექსპედიციო კორპუსმა ორი ტომის 100 ათასზე მეტი წარმომადგენელი გაანადგურა.

თბილისი, 5 აპრილი — Sputnik. თანამედროვე ნამიბიის ტერიტორიაზე მცხოვრები ორი ხალხის – ჰერეროებისა და ნამას წარმომადგენლებმა გერმანიის მთავრობის წინააღმდეგ სარჩელი შეიტანეს ნიუ-იორკის ფედერალურ საოლქო სასამართლოში და ფინანსური კომპენსაცია მოითხოვეს 100 წლის წინანდელი კოლონიალური დანაშაულების გამო, იუწყება გამოცემა Deutsche Welle.

​გავრცელებული ინფორმაციით, საუბარია ადგილობრივი ტომების მასობრივ მკვლელობებზე გერმანიის პროტექტორატის ტერიტორიაზე 1904–1908 წლებში.

აღსანიშნავია, რომ ოფიციალურმა ბერლინმა ჰერეროსა და ნამას ხალხების გაჟლეტვა კაიზერის გერმანიის ჯარების მიერ 2014 წელს აღიარა გენოციდად, თუმცა კომპენსაციის გადახდაზე უარს აცხადებენ.

მომჩივანებს მიაჩნიათ, რომ გერმანულმა მხარემ მოლაპარაკებები უნდა აწარმოოს არა მარტო ნამიბიის მთავრობასთან, არამედ ტომების ლიდერებთანაც, რომლებმაც მანამდეც სცადეს ფულადი კომპენსაციის მიღება ამერიკულ სასამართლოებში.

გერმანიის საგარეო საქმეთა სამინისტროში კი აცხადებენ, რომ ხელისუფლებას საკმარისი საფუძველი აქვს იმისთვის, რომ აღნიშნული ხალხების წარმომადგენლებთან პირდაპირი დიალოგი არ აწარმოოს.

„მოლაპარაკებებს ჩვენ მხოლოდ მთავრობების დონეზე ვაწარმოებთ და ამასთან არ გამოვრიცხავთ სამოქალაქო საზოგადოებრივ ორგანიზაციებსაც“, — განმარტა საგარეო უწყების წარმომადგენელმა.

მედიასაშულებების ვარაუდით, ამის მიზეზი შესაძლოა პრეცედენტის შექმნის საფრთხე იყოს: არც ერთ ყოფილ კოლონიალურ სახელმწიფოს აქამდე არასდროს უწარმოებია მოლაპარაკებები ყოფილ კოლონიებთან საუკუნის წინანდელი დანაშაულების გამო.

ისტორიკოსების შეფასებით, გერმანიის საექსპედიციო კორპუსმა სასტიკად ჩაახშო პროტექტორატის ტერიტორიაზე აფრიკული ტომების აჯანყება და სასტიკად გაუსწორდა მათ – ნაწილი შიმშილით დაიღუპა, ნაწილი კი – საკონცენტრაციო ბანაკებში. კაიზერის ჯარებმა მაშინ ამ ორი ტომის 100 ათასაზე მეტი წარმომადგენელი დახოცა. ბერლინის კოლონიალური ბატონობა აფრიკაში 1915 წლის ზაფხულში დასრულდა.

80
თემები:
საერთაშორისო პანორამა (328)
კამალა ჰარისი

აშშ-ის ვიცე-პრეზიდენტის მკვლელობის მუქარის ბრალდებით ფლორიდაში 39 წლის ექთანი დააკავეს

11
(განახლებულია 11:30 18.04.2021)
ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

თბილისი, 18 აპრილი - Sputnik. აშშ-ის ფედერალურმა ხელისუფლებამ ვიცე-პრეზიდენტ კამალა ჰარისის მკვლელობის მუქარის ბრალდებით ფლორიდის მკვიდრი ქალი დააკავა, იუწყება გამოცემა USA Today.

სამართალდამცველებმა 39 წლის ექთანი ნივიან პეტი ფელპსი (Niviane Petit Phelps) ხუთშაბათს დააკავეს. არსებული ინფორმაციით, ბრალდებული „შეგნებულად და განზრახ იმუქრებოდა აშშ-ის ვიცე-პრეზიდენტის მოკვლით და სხეულის დაზიანების მიყენებით“.

საიდუმლო სამსახურის მონაცემებით, ბრალდებულმა მეუღლეს, რომელიც ციხეში პატიმრობას იხდის, რამდენიმე ვიდეო გაუგზავნა, სადაც გამოხატავდა რისხვას 2020 წლის არჩევნების შედეგების გამო, ასევე იარაღის ტარების ნებართვას მოითხოვდა. სასამართლოს ხელთ არსებული დოკუმენტებით, ფელპსმა ჩაწერა ხუთი ვიდეორგოლი, სადაც ჰარისის მოკვლით იმუქრებოდა და კონკრეტულ თარიღს ასახელებდა. აღნიშნულია, რომ ქალის მუქარას ამყარებდა მისი რწმენა, თითქოს ჰარისი „სინამდვილეში შავკანიანი არაა“.

სამედიცინო დაწესებულების ადმინისტრაციამ, რომელშიც ფელპსი 20 წლის განმავლობაში მუშაობდა, განაცხადა, რომ მას დაითხოვენ.

ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

11
ვენახი

საფრანგეთის სოფლის მეურნეობა უდიდეს კატასტროფას განიცდის

102
(განახლებულია 23:27 17.04.2021)
საფრანგეთის სოფლის მეურნეობის მინისტრი მიიჩნევს, რომ ქვეყანაში XXI საუკუნის დასაწყისიდან ამხელა კატასტროფა არ მომხდარა

თბილისი, 17 აპრილი – Sputnik. საფრანგეთის ხელისუფლება ერთ მილიარდ ევროს გამოყოფს სოფლის მეურნეობის დარგის დასახმარებლად, რომელიც გვიანი ყინვების გამო კატასტროფას განიცდის, განაცხადა ქვეყნის პრემიერ-მინისტრმა ჟან კასტექსმა.

„ესაა ნამდვილი დრამა, რასაც ამ კლიმატური კატასტროფის გამო დარგის პროფესიონალები განიცდიან. ეს არის ადამიანური, ეკონომიკური დრამა. ახლა დგას სოფლის მეურნეობის დარგის მუშაკთა გადარჩენის საკითხი“, - განაცხადა კასტექსმა სოფლის მეურნეობის დარგის წარმომადგენლებთან შეხვედრის შემდეგ.

მისი თქმით, სახელმწიფომ ამ კატასტროფას სათანადოდ უნდა უპასუხოს. სახელმწიფო გამოყოფს ერთ მილიარდ ევროს, რადგან „სიტუაცია ასეთ ზომებს ამართლებს“, განაცხადა საფრანგეთის პრემიერმა.

ადრე სოფლის მეურნეობის მინისტრმა ჟულიენ დენორმანდიმ აღნიშნა, რომ საფრანგეთში გვიანმა ყინვებმა დააზიანა „ასობით ათასი ჰექტარი ვენახები, ხე-ხილი და ნათესები“. მისი თქმით, ეს „შესაძლოა, სოფლის მეურნეობაში XXI საუკუნიდან ყველაზე დიდი კატასტროფაა“.

102
გამვლელები პირბადეებით

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

0
(განახლებულია 12:22 18.04.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.

თბილისი, 18 აპრილი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1.437 ფაქტი გამოავლინა, იუწყება შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.

პოლიციამ იზოლაციისა და კარანტინის წესის დარღვევისთვის 122 ფიზიკური პირი დააჯარიმა.

დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 1.179 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის 136 ფაქტი გამოვლინდა.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.

იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

 

 

0