გუანტანამოს ციხე კუბაზე

გუანტანამოში ყველაზე გასაიდუმლოებული ობიექტი დაიხურა

68
(განახლებულია 20:12 05.04.2021)
2019 წელს გავრცელდა ინფორმაცია, თითქოს გუანტანამოს პატიმრების გადმოყვანა საქართველოში იგეგმებოდა, რაც კატეგორიულად უარყო პენიტენციურმა სამსახურმა.

თბილისი, 5 აპრილი — Sputnik. გუანტანამოს ციხის ყველაზე გასაიდუმლოებული ობიექტის „ბანაკი 7“-ის ყველა პატიმარი სხვა ბლოკში გადაიყვანეს, იუწყება აშშ-ის შეიარაღებული ძალების სამხრეთის სარდლობა.

გავრცელებული ინფორმაციით, ახლა ისინი „ბანაკი 5“-ის ტერიტორიაზე არიან, გუანტანამოს პატიმრები ორ ობიექტზე იქნებიან მოთავსებული.

სარდლობის განცხადებით, ეს ცვილებები საფრთხეს არ უქმნის პერსონალს და ასევე ხელს არ უშლის პატიმრების მიმართ „უსაფრთხო, კანონიერი და ჰუმანური დამოკიდებულების“ უზრუნველყოფას.

ამასთან, რამდენი პატიმარი იმყოფებოდა „ბანაკი 7“-ში, არ ზუსტდება.

„ბანაკი 7“ (Camp 7), ასევე ცნობილი სახელწოდებით Camp Platinum, 2006 წელს დაარსდა საერთაშორისო ტერორისტებისთვის. 2017 წელს სომალის მოქალაქე გულიდ ჰასან დოურადმა, რომელიც Camp 7-ის პატიმარი იყო, განაცხადა, რომ ციხის პერსონალი ყოველდღიურად მიმართავს პატიმრების ფსიქოლოგიურ წამებას.

სხვადასხვა საერთაშორისო ორგანიზაციები, მათ შორის ეუთო და გაერო, მოუწოდებდნენ ამერიკის ადმინისტრაციას, დაეხურა ციხე, მაგრამ ის დღესაც განაგრძობს ფუნქციონირებას.

ათ წელზე მეტი ხნის წინ პრეზიდენტმა ბარაკ ობამამ ხელი მოაწერა გუანტანამოს ციხის დაკეტვის შესახებ ბრძანებულებას, მაგრამ კონგრესმა უარი თქვა ამ ნაბიჯის დაფინანსებაზე.

აღსანიშნავია, რომ 2019 წელს გავრცელდა ინფორმაცია, თითქოს საქართველოში, რუსთავის გარეუბანში მშენებარე ციხეებში გუანტანამოს პატიმრები შეიძლებოდა გადმოეყვანათ, თუმცა ეს ინფორმაცია კატეგორიულად უარყო იუსტიციის სამინისტროს სპეციალურმა პენიტენციურმა სამსახურმა. 

68
თემები:
საერთაშორისო პანორამა (328)
ვენახი

საფრანგეთის სოფლის მეურნეობა უდიდეს კატასტროფას განიცდის

100
(განახლებულია 23:27 17.04.2021)
საფრანგეთის სოფლის მეურნეობის მინისტრი მიიჩნევს, რომ ქვეყანაში XXI საუკუნის დასაწყისიდან ამხელა კატასტროფა არ მომხდარა

თბილისი, 17 აპრილი – Sputnik. საფრანგეთის ხელისუფლება ერთ მილიარდ ევროს გამოყოფს სოფლის მეურნეობის დარგის დასახმარებლად, რომელიც გვიანი ყინვების გამო კატასტროფას განიცდის, განაცხადა ქვეყნის პრემიერ-მინისტრმა ჟან კასტექსმა.

„ესაა ნამდვილი დრამა, რასაც ამ კლიმატური კატასტროფის გამო დარგის პროფესიონალები განიცდიან. ეს არის ადამიანური, ეკონომიკური დრამა. ახლა დგას სოფლის მეურნეობის დარგის მუშაკთა გადარჩენის საკითხი“, - განაცხადა კასტექსმა სოფლის მეურნეობის დარგის წარმომადგენლებთან შეხვედრის შემდეგ.

მისი თქმით, სახელმწიფომ ამ კატასტროფას სათანადოდ უნდა უპასუხოს. სახელმწიფო გამოყოფს ერთ მილიარდ ევროს, რადგან „სიტუაცია ასეთ ზომებს ამართლებს“, განაცხადა საფრანგეთის პრემიერმა.

ადრე სოფლის მეურნეობის მინისტრმა ჟულიენ დენორმანდიმ აღნიშნა, რომ საფრანგეთში გვიანმა ყინვებმა დააზიანა „ასობით ათასი ჰექტარი ვენახები, ხე-ხილი და ნათესები“. მისი თქმით, ეს „შესაძლოა, სოფლის მეურნეობაში XXI საუკუნიდან ყველაზე დიდი კატასტროფაა“.

100
Приспущенный британский флаг на здании парламента в Лондоне

დიდ ბრიტანეთში პრინც ფილიპის დაკრძალვის ცერემონია მიმდინარეობს

40
დაკრძალვის ცერემონიაზე არ დაუშვეს ჟურნალისტები, გამონაკლისს შადგენენ ოპერატორები, რომლებიც პირდაპირ ტრანსლაციას ახორციელებენ

თბილისი, 17 არილი — Sputnik. უინძორის სასახლეში ბრიტანეთის დედოფალ ელისაბედ მეორის მეუღლის, ედინბურგის ჰერცოგ ფილიპის დაკრძალვის ცერემონია მიმდინარეობს.

პრინცი ფილიპი 9 აპრილს გარდაიცვალა, ივნისში მას 100 წელი შეუსრულდებოდა. დედოფლის კონსორტის, მეუღლის სტატუსით ედინბურგის ჰერცოგმა 22 ათასი დამოუკიდებელი ღონისძიება გამართა და 637 უცხოური ვიზიტი განახორციელა. პენსიაზე გასვლის მომენტისთვის, 2017 წლის აგვისტოში პრინცი პატრონაჟს 785 ორგანიზაციას უწევდა.

ელისაბედ მეორის და პრინც ფილიპის ქორწინებამ 73 წელს გასტანა. მათ ჰყავთ ოთხი შვილი, რვა შვილიშვილი და მალე მე-11 შვილთაშვილი შეეძინებათ. დაკრძალვას ესწრება ყველა შვილი და შვილიშვილი, შვილთაშვილები ცერემონიაში არ მონაწილეობენ.

გარდაცვლილი სასახლიდან უკვე გამოასვენეს: ის მიჰყავთ კატაფალკით - Land Rover-ით, რომელიც პირადად ედინბურგის პრინცმა დააპროექტა.

სასახლეს მიაცილებენ პრინცის და დედოფლის ვაჟები, შვილიშვილები, პრინცები უილიამი და ჰარი (ჰარი ბრიტანეთში კალიფორნიიდან გასულ უქმეებზე დაბრუნდა და დაკრძალვის დღემდე თვითიზოლაციაში იმყოფებოდა), ასევე სამეფო ოჯახის სხვა წევრები და პრინც ფილიპის კარის თანამშრომლები.

დამსწრეები მთელ ქვეყანასთან ერთად ჰერცოგს წუთიერი დუმილით პატივს მიაგებენ, შემდეგ კი დაიწყება პრინცის პანაშვიდი, რომელსაც, კოვიდსაწინააღმდეგო წესების მიხედვით, მხოლოდ 30 ნათესავი დაესწრება.

40
მიხეილ ცაგარელი

„ძალიან ვცემდი, რეანიმაციაში წაიყვანეს, ძლივს გადაარჩინეს...“ - მიხეილ ცაგარელი პირადზე

0
(განახლებულია 15:37 17.04.2021)
მიხეილ ცაგარელმა საკუთარი ცხოვრების უცნობ დეტალებზე საჯაროდ პირველად ისაუბრა. ნახეთ რა შეემთხვა ცნობილ ასტროლოგს

ასტროლოგი მიხეილ ცაგარელი იხსენებს, რომ ბავშვობაში მოჩხუბარი ბავშვი იყო. როგორც ცაგარელმა გადაცემაში „მხოლოდ ლელასთან“ გაიხსენა, თუ ვინმე გააბრაზებდა, წყობიდან ძალიან გამოდიოდა.

„ზოგადად კურო ყველაზე მშვიდი ნიშანია, თუმცა თუ წონასწორობიდან გამოვიდა მტრისას. იქ კონტროლი უკვე აღარ აქვს, არც ვერძი, არც მორიელი, ვერავინ ვეღარ დაუდგება წინ. ეს მომენტი მეც მქონდა ადრე, თუმცა მაშინ არ ვიცოდი ასტროლოგია. ვვარჯიშობდი ყოველთვის, ვიყავი წყალბურთებული, მოცურავე. მქონდა სამი ასეთი შემთხვევა სკოლაში – ბავშვებს ჩხუბის შედეგად ვახრჩობდი ფაქტობრივად. ძალიან ვცემდი, იმ დონემდე მიმყავდა რომ რეანიმამაციაში წაიყვანეს სამივე და ძლივს გადაარჩინეს. ჩემი ბრალი არ იყო, იმათი პროვოცირებული იყო. ეს იყო მეექვსე კლასამდე. მეექვსე კლასის მერე მე არ მიჩხუბია“,- განაცხადა ცაგარელმა.

0
თემები:
ქართველი სელებრითები