Пандемия коронавируса COVID 19 - полиция проверяет машины в Турции

ღია წერილის გამო: თურქეთში ათი ადმირალი დააკავეს

69
(განახლებულია 15:25 05.04.2021)
წერილი, რომელსაც მონტრეს კონვენციის მხარდამჭერი 100-ზე მეტი გადამდგარი თურქი ადმირალი აწერს ხელს, კვირას გამოქვეყნდა და ხელისუფლების მხრიდან მკაცრი კრიტიკა გამოიწვია.

თბილისი, 5 აპრილი — Sputnik. თურქეთში დაკავებულია 10 გადამდგარი ადმირალი, რომლებმაც ხელი მოაწერეს კოლექტიურ წერილს მონტრეს კონვენციის დაცვის შესახებ, იუწყება სააგენტო Anadolu.

აღინიშნება, რომ კიდევ ოთხი ადმირალი პროკურატურაშია დაბარებული დაკითხვაზე.

მონტრეს კონვენციასთან დაკავშირებული კოლექტიური წერილი, რომელსაც 103 გადამდგარი ადმირალი აწერდა ხელს, კვირას გამოქვეყნდა. წერილში ადმირალები შეთანხმებას, რომელიც ბოსფორისა და დარდანელის სრუტეებზე თურქეთის სუვერენულ უფლებებს აწესებს, ქვეყნის დიპლომატიურ გამარჯვებად აფასებენ და აცხადებენ, რომ ახალი „სტამბულის არხის“ პროექტის გამო შეთანხმებიდან გასვლაზე დისკუსიები მიუღებელია. ახალი არხი, რომლის აგებაც ბოსფორის სრუტის პარალელურად იგეგმება, მარმარილოსა და შავ ზღვებს დააკავშირებს ერთმანეთთან.

გარდა ამისა, ადმირალების აზრით, ასევე მიუღებელია პრეზიდენტ ერდოღანის მოწოდებები, შემუშავდეს ქვეყნის ახალი კონსტიტუცია. ამასთან ადმირალებს მიაჩნიათ, რომ ქვეყნის შეიარაღებული ძალები გადადიან გზიდან, რომელიც რესპუბლიკის დამაარსებელმა მუსტაფა ქემალ ათათურქმა მონიშნა.

თურქეთის პარლამენტის სპიკერმა, ვიცე-პრეზიდენტმა, პრეზიდენტის პრეს-სპიკერმა და რამდენიმე მინისტრმა ადმირალების წერილი–მოწოდება დაგმეს, ხოლო თავდაცვის მინისტრმა წერილობით განცხადებაში აღნიშნა, რომ მიმართვის ავტორები „დაბრმავებული არიან შურით და არ სურთ დაინახონ ქვეყნის შეიარაღებული ძალების წარმატება“, ხოლო თავად მიმართვა–მოწოდება „არმიისა და დემოკრატიისთვის ზიანის მიყენებას ემსახურება“.

როგორც ანკარის პროკურატურა იუწყება, გადამდგარი ადმირალების წერილის პუბლიკაციასთან დაკავშირებით შემოწმებები დაიწყო.

69
თემები:
საერთაშორისო პანორამა (328)
ვენახი

საფრანგეთის სოფლის მეურნეობა უდიდეს კატასტროფას განიცდის

99
(განახლებულია 23:27 17.04.2021)
საფრანგეთის სოფლის მეურნეობის მინისტრი მიიჩნევს, რომ ქვეყანაში XXI საუკუნის დასაწყისიდან ამხელა კატასტროფა არ მომხდარა

თბილისი, 17 აპრილი – Sputnik. საფრანგეთის ხელისუფლება ერთ მილიარდ ევროს გამოყოფს სოფლის მეურნეობის დარგის დასახმარებლად, რომელიც გვიანი ყინვების გამო კატასტროფას განიცდის, განაცხადა ქვეყნის პრემიერ-მინისტრმა ჟან კასტექსმა.

„ესაა ნამდვილი დრამა, რასაც ამ კლიმატური კატასტროფის გამო დარგის პროფესიონალები განიცდიან. ეს არის ადამიანური, ეკონომიკური დრამა. ახლა დგას სოფლის მეურნეობის დარგის მუშაკთა გადარჩენის საკითხი“, - განაცხადა კასტექსმა სოფლის მეურნეობის დარგის წარმომადგენლებთან შეხვედრის შემდეგ.

მისი თქმით, სახელმწიფომ ამ კატასტროფას სათანადოდ უნდა უპასუხოს. სახელმწიფო გამოყოფს ერთ მილიარდ ევროს, რადგან „სიტუაცია ასეთ ზომებს ამართლებს“, განაცხადა საფრანგეთის პრემიერმა.

ადრე სოფლის მეურნეობის მინისტრმა ჟულიენ დენორმანდიმ აღნიშნა, რომ საფრანგეთში გვიანმა ყინვებმა დააზიანა „ასობით ათასი ჰექტარი ვენახები, ხე-ხილი და ნათესები“. მისი თქმით, ეს „შესაძლოა, სოფლის მეურნეობაში XXI საუკუნიდან ყველაზე დიდი კატასტროფაა“.

99
Приспущенный британский флаг на здании парламента в Лондоне

დიდ ბრიტანეთში პრინც ფილიპის დაკრძალვის ცერემონია მიმდინარეობს

40
დაკრძალვის ცერემონიაზე არ დაუშვეს ჟურნალისტები, გამონაკლისს შადგენენ ოპერატორები, რომლებიც პირდაპირ ტრანსლაციას ახორციელებენ

თბილისი, 17 არილი — Sputnik. უინძორის სასახლეში ბრიტანეთის დედოფალ ელისაბედ მეორის მეუღლის, ედინბურგის ჰერცოგ ფილიპის დაკრძალვის ცერემონია მიმდინარეობს.

პრინცი ფილიპი 9 აპრილს გარდაიცვალა, ივნისში მას 100 წელი შეუსრულდებოდა. დედოფლის კონსორტის, მეუღლის სტატუსით ედინბურგის ჰერცოგმა 22 ათასი დამოუკიდებელი ღონისძიება გამართა და 637 უცხოური ვიზიტი განახორციელა. პენსიაზე გასვლის მომენტისთვის, 2017 წლის აგვისტოში პრინცი პატრონაჟს 785 ორგანიზაციას უწევდა.

ელისაბედ მეორის და პრინც ფილიპის ქორწინებამ 73 წელს გასტანა. მათ ჰყავთ ოთხი შვილი, რვა შვილიშვილი და მალე მე-11 შვილთაშვილი შეეძინებათ. დაკრძალვას ესწრება ყველა შვილი და შვილიშვილი, შვილთაშვილები ცერემონიაში არ მონაწილეობენ.

გარდაცვლილი სასახლიდან უკვე გამოასვენეს: ის მიჰყავთ კატაფალკით - Land Rover-ით, რომელიც პირადად ედინბურგის პრინცმა დააპროექტა.

სასახლეს მიაცილებენ პრინცის და დედოფლის ვაჟები, შვილიშვილები, პრინცები უილიამი და ჰარი (ჰარი ბრიტანეთში კალიფორნიიდან გასულ უქმეებზე დაბრუნდა და დაკრძალვის დღემდე თვითიზოლაციაში იმყოფებოდა), ასევე სამეფო ოჯახის სხვა წევრები და პრინც ფილიპის კარის თანამშრომლები.

დამსწრეები მთელ ქვეყანასთან ერთად ჰერცოგს წუთიერი დუმილით პატივს მიაგებენ, შემდეგ კი დაიწყება პრინცის პანაშვიდი, რომელსაც, კოვიდსაწინააღმდეგო წესების მიხედვით, მხოლოდ 30 ნათესავი დაესწრება.

40
ტურისტები პირბადეებით

კოვიდ-სტატისტიკა საქართველოში: სად დაფიქსირდა ინფიცირების ყველაზე მეტი შემთხვევა

8
დღეს დადებითობის დღიურმა მაჩვენებელმა 4 პროცენტს გადააჭარბა, ხოლო ბოლო 14 დღის მაჩვენებელი 3 პროცენტს მიუახლოვდა

თბილისი, 18 აპრილი – Sputnik. საქართველოში ბოლო 24 საათში გამოვლენილი კორონავირუსის 818 შემთხვევიდან ყველაზე მეტი – 465 შემთხვევა დედაქალაქში დაფიქსირდა. ინფორმაციას საქართველოს მთავრობის ადმინისტრაცია ავრცელებს.

ინფიცირებულთა შემთხვევების რაოდენობით მეორე ადგილზე აჭარა, შემდეგ კი სამეგრელო-ზემო სვანეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია:

აჭარა - 75, სამეგრელო - ზემო სვანეთი - 73, იმერეთი - 57, ქვემო ქართლი - 46, შიდა ქართლი - 29, კახეთი - 25, გურია - 18,  მცხეთა-მთიანეთი - 18, სამცხე-ჯავახეთი - 8, რაჭა-ლეჩხუმი და ქვემო სვანეთი - 4.

დადებითობის დღიური მაჩვენებელი - 4,35%, ბოლო 14 დღის - 2,98%, ბოლო 7 დღის - 3,41%.

ბოლო 24 საათში ვირუსისგან გამოჯანმრთელდა 783 პირი, ხოლო ჯამში გამოჯანმრთელებულთა რაოდენობა 280.915-მდე გაიზარდა.

ბოლო დღე-ღამის განმავლობaში გარდაიცვალა 14 ადამიანი და გარდაცვლილთა საერთო რაოდენობამ 3.939-ს მიაღწია.

ამ დროის მონაცემებით, საქართველოში 10.478 აქტიური შემთხვევაა.

კოვიდ-კლინიკებში მოთავსებულია 2.982 პაციენტი, მათ შორის, თბილისის საავადმყოფოებში - 1.577, აჭარაში - 405, იმერეთში - 371.

512 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 89 პირი, მათგან თბილისში - 67, იმერეთში - 6, აჭარაში - 7.

კოვიდ-სასტუმროში მოთავსებულია 439 ადამიანი, მათ შორის 228 - თბილისში, 196 - აჭარაში.

საცხოვრებელ ბინაზე ვირუსის მკურნალობის კურსს 7.057 პირი გადის.

დღევანდელი მდგომარეობით, საკარანტინო სივრცეში მოთავსებულია 310 ადამიანი, მათ შორის, თბილისში - 262, ხოლო აჭარაში - 3. თვითიზოლაციაში იმყოფება 16.452 ადამიანი, მათ შორის თბილისში - 8.317 პირი, აჭარაში - 2.314, იმერეთში - 1.180.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 818-ით გაიზარდა და ინფიცირებულთა საერთო რიცხვმა 295.358-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

 

 

8