სოციალური ქსელი „ფესიბუკი“

Facebook-ის ნახევარ მილიარდ მომხმარებლის მონაცემები ინტერნეტში ღია წვდომაში მოხვდა

148
საუბარია ადამიანების პირად მონაცემებზე - მათი სრულ სახელებზე, ლოკაციებზე, დაბადების თარიღებზე, ტელეფონის ნომრებზე

თბილისი, 4 აპრილი – Sputnik. მსოფლიოს 106 ქვეყნის მკვიდრი Facebook-ის 533 მილიონი მომხმარებლის პირადი მონაცემები და სატელეფონო ნომრები ინტერნეტში ღია წვდომაში მოხვდა, იუწყება РИА Новости გამოცემა Business Insider-ზე დაყრდნობით.

გამოცემის მონაცემებით, ეს ინფორმაცია გამოქვეყნდა ჰაკერულ ფორუმზე და ის უფასოდ ხელმისაწვდომია „ყველასათვის, ვისაც მონაცემებთან მუშაობის ელემენტარული უნარი გააჩნია“. ქსელში აღმოჩნდა აშშ-დან 32 მილიონზე მეტი მომხმარებლის მონაცემები, საუდის არაბეთიდან - 28 მილიონზე მეტის, ასევე რუსეთიდან - 10 მილიონზე მეტის. საუბარია სრულ სახელებზე, ლოკაციებზე, დაბადების თარიღებზე და სხვა ინფორმაციაზე.

კიბერუსაფრთხოების სფეროში მოღვაწე კომპანია Hudson Rock-ის ტექნიკურმა დირექტორმა ელონ გელმა უამბო გამოცემას, რომ დიდი ალბათობით, მონაცემთა გაჟონვით ბოროტმოქმედები ისარგებლებენ.

„ამხელა მოცულობის მონაცემთა ბაზა, რომელიც შეიცავს პირად ინფორმაციას, ისეთს, როგორიცაა Facebook-მომხმარებელთა დიდი ნაწილის ტელეფონის ნომრები, სავარაუდოდ გამოიწვევს სიტუაციას, როდესაც ბოროტმოქმედები ისარგებლებენ ამ ინფორმაციით შეტევებისას სოციალური ინჟინერიის გამოყენებით ან გატეხვის მცდელობების დროს“, - განაცხადა მან.

Business Insider იუწყება, რომ Facebook-ში აღნიშნულთან დაკავშირებით კომენტარი არ გაუკეთებიათ.

კომპანია Facebook და ამავე სახელწოდების სოციალური ქსელი 2004 წელს მარკ ცუკერბერგმა დააარსა. კომპანიის შტაბ-ბინა კალიფორნიაში მდებარეობს. Facebook, WhatsApp-ის გარდა, ფლობს სხვა პოპულარულს სერვისებს, ისეთებს როგორიცაა Messenger და Instagram.

148
ევროკავშირის დროშა

შეთანხმება მიღწეულია: ევროკავშირი COVID-პასპორტებს ზაფხულში აამოქმედებს

82
(განახლებულია 10:37 15.04.2021)
კოვიდ-პასპორტი ვაქცინირებულებს, COVID-19–ისგან განკურნებულებსა თუ დაავადებაზე უარყოფითი ტესტის მქონეებს ევროკავშირის მასშტაბით მოგზაურობას გაუმარტივებს

თბილისი, 15 აპრილი — Sputnik. ევროკავშირის ქვეყნები ოფიციალურად შეთანხმდნენ ზაფხულისთვის ტურისტული COVID–პასპორტების შემოღების თაობაზე, დეტალებს კანონმდებლები მაისში განიხილავენ, იუწყება  Reuters–ი დიპლომატიურ წრეებში არსებულ წყაროებზე დაყრდნობით.

აღნიშნული დოკუმენტი ვაქცინირებულებს, COVID-19–ისგან განკურნებულებსა თუ დაავადებაზე უარყოფითი ტესტის მქონეებს ევროკავშირის მასშტაბით მოგზაურობას გაუმარტივებს.

როგორც აღინიშნება, ევროპარლამენტმა, რომელიც ასევე უნდა დაეთანხმოს გადაწყვეტილებას, რათა ის ძალაში შევიდეს, თავისი პოზიცია აპრილის ბოლოსთვის უნდა შეათანხმოს.

როგორც მოსალოდნელია, კანონმდებლების, ქვეყნების წარმომადგენლებისა და ევროკავშირის აღმასრულებელ ხელისუფლებას შორის დასკვნითი მოლაპარაკებები მაისში დაიწყება.

ამასთან, როგორც Reuters–ი წერს, ევროკავშირის წევრი ქვეყნები დოკუმენტის გაცემისას ვალდებული იქნებიან, გაითვალისწინონ მხოლოდ  ევროკავშირის მიერ მოწონებული ვაქცინებით აცრა, თუმცა ზოგ ქვეყანას შეუძლია სერტიფიკატები რუსული „სპუტნიკ V–ითა“ თუ ჩინური Sinovac–ით აცრების შემთხვევაშიც გასცეს, რომლებიც მათ ტერიტორიებზეა დაშვებული.

82
თემები:
საერთაშორისო პანორამა
ჯო ბაიდენი

რჩევების მიუხედავად: ბაიდენმა ავღანეთიდან აშშ-ის ჯარების გაყვანა გადაწყვიტა

17
(განახლებულია 10:16 15.04.2021)
მიუხედავად იმისა, რომ აშშ-ის პრეზიდენტს ავღანეთში „თალიბანის“ შესაძლოა მოძლიერების თაობაზე აფრთხილებდნენ, მან მაინც მიიღო იქიდან ამერიკული ჯარების გაყვანის გადაწყვეტილება

თბილისი, 15 აპრილი — Sputnik. აშშ–ის პრეზიდენტმა ჯო ბაიდენმა მიიღო გადაწყვეტილება, გამოიყვანოს ამერიკული ჯარები ავღანეთიდან 11 სექტემბრისთვის, იუწყება СNN–ი.

გავრცელებული ინფორმაციით, პრეზიდენტმა აღნიშნული გადაწყვეტილება ადმინისტრაციის ბევრი წევრის რჩევის მიუხედავად მიიღო, რომლებიც მას ამ ნაბიჯთან დაკავშირებულ საფრთხეეებზე ამახვილებინებდნენ ყურადღებას.

როგორც არხს ყოფილმა და მოქმედმა ოფიციალურმა პირებმა აცნობეს, ადმინისტრაციის თანამშრომლებს განსაკუთრებით აშფოთებდათ ამერიკელი დიპლომატების უსაფრთხოების საკითხი ქვეყანაში ავღანეთიდან აშშ–ის ძალების სრული გამოყვანის შემთხვევაში და ასევე შტატების კონტრეტერორისტული მისიის ბედი.

გავრცელებული ინფორმაციით, პეზიდენტის გადაწყვეტილების მოწინააღმდეგეთა შორის იყვნენ აშშ–ის შეიარაღებული ძალების შტაბების მეთაურთა კომიტეტის ხელმძღვანელი გენერალი მარკ მილი, ცენტრალური სარდლობის ხელმძღვანელი გენერალი კენეტ მაკენზი და სახელმწიფო დეპარტამენტის სხვა თანამშრომლები.

არხის ცნობით, ავღანეთიდან ამერიკული ჯარების გაყვანის თაობაზე კონსულტაციები რამდენიმე თვის განმავლობაში გრძელდებოდა და ამ პერიოდში ბაიდენი არაერთხელ გააფრთხილეს, რომ „თალიბანს შეუძლია ძალების აღდგენა“. ამასთან ირკვევა, რომ ამერიკის ლიდერს აღიზიანებდა ავღანეთში ჯარების ხანგრძლივად დატოვების წინადადება და ამბობდა, რომ წინასაარჩევნო კამპანიისას მან იქიდან ამერიკული ძალების გაყვანის პირობა დადო.

17
თემები:
საერთაშორისო პანორამა
გიორგი ღოღობერიძე

გიორგი ღოღობერიძე: ოჯახში ტოლეტანტები ვიყავით...

0
(განახლებულია 14:48 15.04.2021)
გიორგი ღოღობერიძე იხსენებს ბავშვობას და ამბობს, რომ მისი აღზრდა- განათლება მამის დამსახურებაა, რომელსაც სურდა, რომ შვილი მარტო ერთ სფეროში არ ყოფილიყო განსწავლული.

 

გიორგი ღოღობერიძე: ოჯახში ტოლეტანტები ვიყავით...
„ყანა, რომელსაც ვამუშავებდი ხოლმე, ძალიან დიდი იყო და საკმაოდ შორს ჩვენი სახლიდან. როცა ნაგავი გამქონდა, მერე სიმინდს ვთესავდი, შემდეგ მიწას აზოტის დაყრა სჭირდებოდა. ამ სამუშაოს სკოლის პერიოდიდან მოყოლებული ვაკეთებდი“, - იხსენებს გიორგი ღოღობერიძე.

ექიმი გიორგი ღოღობერიძე: „მამა მეზღვაური იყო და მას წელიწადში მხოლოდ ორ თვეს ვხედავდი სახლში. მერე მან უარი თქვა ყველაფერზე. ის ტელეწამყვანი გახდა და აჭარის ტელევიზიაში მუშაობდა. ჟურნალისტობიდან სამოქალაქო სფეროში გადაინაცვლა და დღეს ადვოკატია.“

0