თბილისი, 1 აპრილი — Sputnik. რუსეთი ფლობს სამხედრო საშუალებებს იმისთვის, რომ ევროპის დანარჩენ მსოფლიოსთან დამაკავშირებელი ინტერნეტ-კაბელები მწყობრიდან გამოიყვანოს, განაცხადა ნიდერლანდელმა ევროდეპუტატმა ბარტ გროტჰიოისმა.
When Russia is actively testing to disconnect itself from the Internet, and at the same time probably is manoeuvring in a position to sabotage undersea Internet cables, should this then not be a priority for Europe? 👇 pic.twitter.com/EhaUF7pObQ
— Bart Groothuis (@bgroothuis) March 26, 2021
ამასთან, მისი თქმით, რუსეთი ამ ბოლო წლებში ამოწმებს – შეუძლია თუ არა ისე გაეთიშოს ინტერნეტს, რომ თავად ზარალი არ მიადგეს.
„რუსეთი უკვე ორი წელია ამოწმებს, შეიძლება თუ არა გაეთიშოს ინტერნეტს მისი ეკონომიკისა და საზოგადოებისთვის სერიოზული ზარალის გარეშე. დიახ, მას ეს შეუძლია. გარდა ამისა, რუსეთი ფლობს მოწინავე სამხედრო საშუალებებს იმ ბოჭკოვანი კაბელების დასაზიანებლად, რომლებიც ჩვენს კონტინენტს სხვებთან აკავშირებს და ჩვენი ციფრული ეკონომიკის საყრდენს წარმოადგენს“, — აღნიშნა გროტჰიოისმა.
ამასთან დაკავშირებით ევროდეპუტატმა მონაცემთა დამუშავების სტრატეგიის შემუშავება მოითხოვა, რომელიც საინფორმაციო ნაკადების უსაფრთხოებას უზრუნველყოფს — როგორც წყალქვეშ, ისე ევროპის კონტინენტის ხმელეთზე.
გარდა ამისა, გროტჰიოისს მიაჩნია, რომ ევროკავშირის სამხედრო–საზღვაო ძალებმა, ნებისმიერი მტრული ოპერაციის შემთხვევაში, აქტიური წინააღმდეგობა უნდა გაუწიონ არაკეთილმოსურნე მხარეს.
