ჯანმოს შტაბბინა ჟენევაში

ჯანმოს გამოძიების ხარისხი საეჭვოა: განცხადებას 14 ქვეყანა აწერს ხელს

95
(განახლებულია 13:01 31.03.2021)
მანამდე ჯანმოს ექსპერტებმა ქვეყნებს შესასწავლად გადასცეს მოხსენება, რომელიც კორონავირუსის წარმოშობის გამოძიების შედეგებს ასახავს

თბილისი, 31 მარტი — Sputnik. მსოფლიოს 14 სახელმწიფოს, აშშ–ის ჩათვლით, ეჭვი ეპარება ჯანდაცვის მსოფლიო ორგანიზაციის მიერ ჩატარებული გამოძიების ხარისხში ახალი კორონავირუსის წარმოშობასთან დაკავშირებით,  იუწყება გამოცემა Deutsche Welle.

ჯანმოს საერთაშორისო ექსპერტთა ჯგუფის მოხსენებაში, რომელიც 29 მარტს გამოქვეყნდა ჟენევაში, აღინიშნება, რომ ვირუსი სავარაუდოდ ბუნებრივად წარმოიშვა და ის ადამიანს ღამურიდან სხვა შუალედური ცხოველის გავლით გადაედო. თუმცა იქვე ხაზგასმულია, რომ ვირუსის ბუნებრივი წარმომავლობისა და ასევე ის საკითხი, რომ  SARS-CoV-2 ჩინეთის ფარგლებს გარეთ უჰანში მის პირველ შემთხვევამდეც ცირკულირებდა, შემდგომი კვლევების ჩატარებას მოითხოვს.

ამასთან ექსპერტები „უკიდურესად ნაკლებსარწმუნოდ“ მიიჩნევენ უჰანის ბიოლაბორატორიიდან ვირუსის გამოღწევის შესაძლებლობას.

როგორც აშშ–ის სახელმწიფო დეპარტამენტის განცხადებაშია ნათქვამი „SARS-CoV-2–ის პირველწყაროს ძებნის საერთაშორისო ჯგუფის მუშაობა მნიშვნელოვნად დაყოვნდა, ექსპერტებს არ ჰქონდათ წვდომა სრულ ინფორმაციასა და შეგროვებულ ნიმუშებზე“, რაც შეშფოთებას იწვევს. აღნიშნულ განცხადებას, აშშ–ის გარდა, ხელი მოაწერეს: ავსტრალიამ, დიდმა ბრიტანეთმა, დანიამ, ისრაელმა, კანადამ, ლატვიამ, ლიეტუვამ, ნორვეგიამ, სლოვენიამ, ჩეხეთმა, სამხრეთ კორეამ, ესტონეთმა და იაპონიამ.

განცხადებაში ქვეყნები ხაზს უსვამენ, რომ ისინი მხარს უჭერენ ვირუსის წარმოშობის საკითხში გამჭვირვალობასა და დამოუკიდებელ ანალიზს, რომელიც თავისუფალი იქნება ჩარევისა და არაკეთილსინდისიერი გავლენისგან.

საერთაშორისო ექსპერტების დაყოვნებისა და მუშაობის გვიან დაწყების, ასევე მანამდე აღებულ სინჯებზე შეზღუდული წვდონის თაობაზე წუხილი გამოთქვეს ევროკავშირშიც. თუმცა იქ მაინც მიესალმნენ ჯანმოს მოხსენებას და განაცხადეს, რომ ეს „პირველი სასარგებლო ნაბიჯია“.

მანამდე თეთრი სახლის პრესმდივანმა ჯენ პსაკიმ ბრიფინგზე განაცხადა, რომ ჯანმოს ექსპერტების მოხსენებას აშშ–ის სამთავრობო სტრუქტურების საუკეთესო ექსპერტები დეტალურად სწავლობენ, და რომ ვაშინგტონი ანალიზის დასრულების შემდეგ   გამოაცხადებს, რა სამომავლო ნაბიჯების გადადგმას აპირებს ჯანმოს მოხსენებაში წარმოდგენილი მონაცემების მიმართ.

95
თემები:
საერთაშორისო პანორამა (328)
კამალა ჰარისი

აშშ-ის ვიცე-პრეზიდენტის მკვლელობის მუქარის ბრალდებით ფლორიდაში 39 წლის ექთანი დააკავეს

10
(განახლებულია 11:30 18.04.2021)
ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

თბილისი, 18 აპრილი - Sputnik. აშშ-ის ფედერალურმა ხელისუფლებამ ვიცე-პრეზიდენტ კამალა ჰარისის მკვლელობის მუქარის ბრალდებით ფლორიდის მკვიდრი ქალი დააკავა, იუწყება გამოცემა USA Today.

სამართალდამცველებმა 39 წლის ექთანი ნივიან პეტი ფელპსი (Niviane Petit Phelps) ხუთშაბათს დააკავეს. არსებული ინფორმაციით, ბრალდებული „შეგნებულად და განზრახ იმუქრებოდა აშშ-ის ვიცე-პრეზიდენტის მოკვლით და სხეულის დაზიანების მიყენებით“.

საიდუმლო სამსახურის მონაცემებით, ბრალდებულმა მეუღლეს, რომელიც ციხეში პატიმრობას იხდის, რამდენიმე ვიდეო გაუგზავნა, სადაც გამოხატავდა რისხვას 2020 წლის არჩევნების შედეგების გამო, ასევე იარაღის ტარების ნებართვას მოითხოვდა. სასამართლოს ხელთ არსებული დოკუმენტებით, ფელპსმა ჩაწერა ხუთი ვიდეორგოლი, სადაც ჰარისის მოკვლით იმუქრებოდა და კონკრეტულ თარიღს ასახელებდა. აღნიშნულია, რომ ქალის მუქარას ამყარებდა მისი რწმენა, თითქოს ჰარისი „სინამდვილეში შავკანიანი არაა“.

სამედიცინო დაწესებულების ადმინისტრაციამ, რომელშიც ფელპსი 20 წლის განმავლობაში მუშაობდა, განაცხადა, რომ მას დაითხოვენ.

ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

10
ვენახი

საფრანგეთის სოფლის მეურნეობა უდიდეს კატასტროფას განიცდის

101
(განახლებულია 23:27 17.04.2021)
საფრანგეთის სოფლის მეურნეობის მინისტრი მიიჩნევს, რომ ქვეყანაში XXI საუკუნის დასაწყისიდან ამხელა კატასტროფა არ მომხდარა

თბილისი, 17 აპრილი – Sputnik. საფრანგეთის ხელისუფლება ერთ მილიარდ ევროს გამოყოფს სოფლის მეურნეობის დარგის დასახმარებლად, რომელიც გვიანი ყინვების გამო კატასტროფას განიცდის, განაცხადა ქვეყნის პრემიერ-მინისტრმა ჟან კასტექსმა.

„ესაა ნამდვილი დრამა, რასაც ამ კლიმატური კატასტროფის გამო დარგის პროფესიონალები განიცდიან. ეს არის ადამიანური, ეკონომიკური დრამა. ახლა დგას სოფლის მეურნეობის დარგის მუშაკთა გადარჩენის საკითხი“, - განაცხადა კასტექსმა სოფლის მეურნეობის დარგის წარმომადგენლებთან შეხვედრის შემდეგ.

მისი თქმით, სახელმწიფომ ამ კატასტროფას სათანადოდ უნდა უპასუხოს. სახელმწიფო გამოყოფს ერთ მილიარდ ევროს, რადგან „სიტუაცია ასეთ ზომებს ამართლებს“, განაცხადა საფრანგეთის პრემიერმა.

ადრე სოფლის მეურნეობის მინისტრმა ჟულიენ დენორმანდიმ აღნიშნა, რომ საფრანგეთში გვიანმა ყინვებმა დააზიანა „ასობით ათასი ჰექტარი ვენახები, ხე-ხილი და ნათესები“. მისი თქმით, ეს „შესაძლოა, სოფლის მეურნეობაში XXI საუკუნიდან ყველაზე დიდი კატასტროფაა“.

101