ნაიკის მაღაზია

„სატანისტური ბოტასები“: Nike მწარმოებელ კომპანიას უჩივის ვრცელდება ფოტოები

127
(განახლებულია 16:12 30.03.2021)
„ბოტასები“, რომელიც „ნაიკის“ სპორტული ფეხსაცმლის ბაზაზეა დამზადებული, ადამიანის სისხლის წვეთს შეიცავს და ასევე აქვს სატანისტური საკიდი-პენტაგრამა.

თბილისი, 30 მარტი — Sputnik. კომპანია Nike სასამართლოში უჩივის კომპანია MSCHF-ს, რომელმაც რეპერ Lil Nas X-თან თანამშრომლობით გასაყიდად გამოიტანა 666 წყვილი „სატანისტური“ სპორტული ფეხსაცმელი ადამიანის სისხლის წვეთით, იუწყება ტელეკომპანია NBC News.

 

​აღინიშნება, რომ „სატანისტური ბოტასები“ Nike-ის სპორტული ფეხსაცმელების ბაზაზეა დამზადებული, რის საფუძველზეც MSCHF-ს კომპანია სავაჭრო ნიშანზე უფლებების დარღვევაში ადანაშაულებს.

საქმე ისაა, რომ „ბოტასები“ სახელწოდებით Satan Shoes — Nike Air Max 97-ის მოდიფიცირებული ვერსიაა, ანუ ორიგინალურ ვერსიას დამატებული აქვს საკიდი–პენტაგრამა, ხოლო ფეხსაცმლის ლანჩაში მოთავსებული ჰაერის ბუშტი ადამიანის სისხლის წვეთს შეიცავს. გარდა ამისა, ფეხსაცმელზე დატანილია წარწერა Luke 10:18 — მინიშნება ლუკას სახარების მეათე თავის მე-18 მუხლზე, სადაც ციდან სატანის ვარდნაზეა საუბარი.

​ტელეარხის ცნობით, MSCHF-ში დაადასტურეს, რომ ფეხსაცმელში ჰაერის ბუშტი ნამდვილად შეიცავს სისხლის თითო წვეთს, რომელიც კომპანიის თანამშრომლებს აუღეს.

​გავრცელებული ინფორმაციით, „სატანისტური ბოტასების“ 666 წყვილი მაღაზიაში შეტანისთანავე გაიყიდა. თითოეულის ფასი 1018 დოლარი იყო.

როგორც Nike-ის სარჩელშია ნათქვამი, „სატანისტური ბოტასების“ გაყიდვაში გამოსვლას უკვე მოჰყვა მოწოდებები Nike-ის ბოიკოტირებისკენ, ვინაიდან საზოგადოებაში წარმოიშვა მცდარი აზრით, თითქოს „ნაიკს“ რაიმე კავშირი აქვს მსგავსი ფეხსაცმლის შექმნასთან და გაყიდვასთან.

​რაც შეეხება რეპერ Lil Nas X-ს, მან „სატანისტური ბოტასების“ შესახებ ერთგვარი კომენტარი გააკეთა სოციალურ ქსელში. მან Twitter-ზე გამოაქვეყნა მონაკვეთი ანიმაციური სერიალიდან „სპონჯბობი“, სადაც ერთ-ერთი პერსონაჟი ამბობს: „უბრალოდ ვიხუმრე... ხომ იცით, რომ უბრალოდ ვიხუმრე“.

127
თემები:
საერთაშორისო პანორამა (328)
კამალა ჰარისი

აშშ-ის ვიცე-პრეზიდენტის მკვლელობის მუქარის ბრალდებით ფლორიდაში 39 წლის ექთანი დააკავეს

14
(განახლებულია 11:30 18.04.2021)
ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

თბილისი, 18 აპრილი - Sputnik. აშშ-ის ფედერალურმა ხელისუფლებამ ვიცე-პრეზიდენტ კამალა ჰარისის მკვლელობის მუქარის ბრალდებით ფლორიდის მკვიდრი ქალი დააკავა, იუწყება გამოცემა USA Today.

სამართალდამცველებმა 39 წლის ექთანი ნივიან პეტი ფელპსი (Niviane Petit Phelps) ხუთშაბათს დააკავეს. არსებული ინფორმაციით, ბრალდებული „შეგნებულად და განზრახ იმუქრებოდა აშშ-ის ვიცე-პრეზიდენტის მოკვლით და სხეულის დაზიანების მიყენებით“.

საიდუმლო სამსახურის მონაცემებით, ბრალდებულმა მეუღლეს, რომელიც ციხეში პატიმრობას იხდის, რამდენიმე ვიდეო გაუგზავნა, სადაც გამოხატავდა რისხვას 2020 წლის არჩევნების შედეგების გამო, ასევე იარაღის ტარების ნებართვას მოითხოვდა. სასამართლოს ხელთ არსებული დოკუმენტებით, ფელპსმა ჩაწერა ხუთი ვიდეორგოლი, სადაც ჰარისის მოკვლით იმუქრებოდა და კონკრეტულ თარიღს ასახელებდა. აღნიშნულია, რომ ქალის მუქარას ამყარებდა მისი რწმენა, თითქოს ჰარისი „სინამდვილეში შავკანიანი არაა“.

სამედიცინო დაწესებულების ადმინისტრაციამ, რომელშიც ფელპსი 20 წლის განმავლობაში მუშაობდა, განაცხადა, რომ მას დაითხოვენ.

ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

14
ვენახი

საფრანგეთის სოფლის მეურნეობა უდიდეს კატასტროფას განიცდის

103
(განახლებულია 23:27 17.04.2021)
საფრანგეთის სოფლის მეურნეობის მინისტრი მიიჩნევს, რომ ქვეყანაში XXI საუკუნის დასაწყისიდან ამხელა კატასტროფა არ მომხდარა

თბილისი, 17 აპრილი – Sputnik. საფრანგეთის ხელისუფლება ერთ მილიარდ ევროს გამოყოფს სოფლის მეურნეობის დარგის დასახმარებლად, რომელიც გვიანი ყინვების გამო კატასტროფას განიცდის, განაცხადა ქვეყნის პრემიერ-მინისტრმა ჟან კასტექსმა.

„ესაა ნამდვილი დრამა, რასაც ამ კლიმატური კატასტროფის გამო დარგის პროფესიონალები განიცდიან. ეს არის ადამიანური, ეკონომიკური დრამა. ახლა დგას სოფლის მეურნეობის დარგის მუშაკთა გადარჩენის საკითხი“, - განაცხადა კასტექსმა სოფლის მეურნეობის დარგის წარმომადგენლებთან შეხვედრის შემდეგ.

მისი თქმით, სახელმწიფომ ამ კატასტროფას სათანადოდ უნდა უპასუხოს. სახელმწიფო გამოყოფს ერთ მილიარდ ევროს, რადგან „სიტუაცია ასეთ ზომებს ამართლებს“, განაცხადა საფრანგეთის პრემიერმა.

ადრე სოფლის მეურნეობის მინისტრმა ჟულიენ დენორმანდიმ აღნიშნა, რომ საფრანგეთში გვიანმა ყინვებმა დააზიანა „ასობით ათასი ჰექტარი ვენახები, ხე-ხილი და ნათესები“. მისი თქმით, ეს „შესაძლოა, სოფლის მეურნეობაში XXI საუკუნიდან ყველაზე დიდი კატასტროფაა“.

103
თბილისის სილიკონ ველი

თურნავა: ინვესტორები ქართული სტარტაპების გლობალურ ბაზარზე გატანით დაინტერესდნენ

0
(განახლებულია 13:16 18.04.2021)
ეკონომიკისა სამინისტროს ინფორმაციით, ამერიკელმა ინვესტორებმა ქართული სტარტაპების დასაფინანსებლად ნახევარმილიონიანი ფონდი შექმნეს.

თბილისი, 18 აპრილი - Sputnik. Silicon Valley-დან საუკეთესო სპეციალისტები და ინვესტორები ქართული სტარტაპებიы გლობალურ ბაზარზე გატანით დაინტერესდნენ, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ საქართველოს ინოვაციების და ტექნოლოგიების სააგენტოსა (GITA) და TECH Friends of Georgia-ს შორის მემორანდუმის ხელმოწერის შემდეგ.

ურთიერთთანამშრომლობის მემორანდუმი ონლაინფორმატში გაფორმდა აშშ-ში, სან-ფრანცისკოში საქართველოს გენერალური საკონსულოს ორგანიზებით. მემორანდუმის ფარგლებში, საქართველოს ინოვაციებისა და ტექნოლოგიების სააგენტო სპეციალური შერჩევის პრინციპით გამოავლენს გლობალური პოტენციალის მქონე სტარტაპებს, რომლებშიც TECH Friends of Georgia განახორციელებს 500 ათასი აშშ დოლარის ინვესტირებას.

მინისტრის თქმით, პანდემიის პერიოდში ძალიან ბევრი გრანტი გაიცა ახალგაზრდა, ნიჭიერ სტარტაპერებზე, რომლებმაც არაერთი ინოვაციური იდეა და პროექტი განავითარეს და  ყურადღება მიიპყრეს ყურადღება არა მხოლოდ ადგილობრივ ბაზარზე, არამედ უცხოეთშიც, მათ შორის, აშშ-ში, „სილიკონის ველიზე“.

„ამის ლოგიკური გაგრძელებაა მემორანდუმზე ხელმოწერა ჩვენს ინოვაციებისა და ტექნოლოგიების სააგენტოსა და ოთხ ამერიკელ ინვესტორს შორის. ესაა ვენჩურული ფონდები, რომლებიც საქმიანობენ „სილიკონ ველიზე“. მათ ერთობლივად შექმნეს ფონდი 500 ათასი აშშ დოლარის ოდენობით, რომლითაც მოხდება ჩვენ მიერ შერჩეული სტარტაპების თანადაფინანსება“, - განაცხადა თურნავამ.

მინისტრის ინფორმაციით, სტარტაპების  შერჩევის პროცესში ჩართულები არიან საუკეთესო სპეციალისტები და ინვესტორები „სილიკონ ველიდან“.

ონლაინ ღონისძიება ეკონომიკისა და მდგრადი განვითარების მინისტრმა ნათია თურნავამ გახსნა, დამსწრე საზოგადოებას მისასალმებელი სიტყვით აშშ-ის მინესოტას შტატის სენატორმა (2003-2009) ნორმ კოლემანმა (Norm Coleman) მიმართა. მემორანდუმს ხელი მოაწერეს ინოვაციების და ტექნოლოგიების სააგენტოს თავმჯდომარე ავთანდილ კასრაძემ და TECH Friends of Georgia-ს მმართველმა პარტნიორებმა: ისააკ ეპლბაუმმა (Isaac Applbaum), ორი სასონმა (Ori Sasson), მარკ აბრამოვიჩმა (Marc Abramowitz) და ტედ ტუსინგმა (Ted Tussing). ღონისძიებას ესწრებოდა ასევე საქართველოს კონსული სან-ფრანცისკოში ლევან ბერიძე.

ინოვაციური ეკოსისტემის განვითარებაზე საქართველოში 22 მილიონი ლარი დაიხარჯება >>

Silicon Valley-ში განთავსებულია მაღალტექნოლოგიური კომპანიების დიდი ნაწილი, რომლებიც კომპიუტერებისა და მათი შემადგენლობის, განსაკუთრებით მიკროპროცესორების შემუშავებასთან არის დაკავშირებული, ასევე პროგრამულ უზრუნველყოფასთან, მობილური კავშირის მოწყობილობებთან და სხვა. ამ ტექნოლოგიური ცენტრის დაარსება და განვითარება დაკავშირებულია წამყვანი უნივერსიტეტების, დიდი ქალაქების თავმოყრასთან ერთმანეთისგან დაახლოებით ერთი საათის სავალ მანძილზე.

0