ამერიკა, ვაშინგტონი, თეთრი სახლი

აშშ დეტალურად სწავლობს ჯანმოს მოხსენებას კორონავირუსის წარმოშობის შესახებ

56
(განახლებულია 14:57 30.03.2021)
ჯანმომ უჰანში საერთაშორისო სპეციალისტების ვიზიტის შედეგად მომზადებული მოხსენება, რომლის გამოქვეყნებაც ჯერ ნებადართული არ არის, შესასწავლად ორგანიზაციის წევრ ქვეყნებს გადასცა.

თბილისი, 30 მარტი — Sputnik. აშშ-ის სხვადასხვა უწყებების სპეციალისტები სწავლობენ ჯანდაცვის მსოფლიო ორგანიზაციის მოხსენებას ახალი ტიპის კორონავირუსის წარმოშობის შესახებ, განაცხადა თეთრი სახლის პრეს-მდივანმა ჯენ პსაკიმ ბრიფინგზე.

აღნიშნული მოხსენება ჯანმოს საერთაშორისო სპეციალისტების უჰანში სამუშაო ვიზიტის საფუძველზეა შედგენილი. ექსპერტებმა კორონავირუსი SARS-CoV-2-ის წარმოშობის თაობაზე ოთხი ძირითადი ჰიპოთეზა დაასახელეს, რომლის თანახმადაც ვირუსის გადაცემა ღამურიდან ადამიანზე შუალედური რგოლის — ოთხიდან ერთ-ერთი ცხოველის მეშვეობით მოხდა. ამასთან მკვლევარებს ეჭვი შეაქვთ ახალი ტიპის კორონავირუსის ხელოვნურ წარმოშობასა და მისი უჰანის ლაბორატორიიდან გავრცელებაში.   

„მოხსენება, რომელსაც ჯერ ემბარგო აქვს (გამოქვეყნებული არ არის, — რედ.), ახლა ამერიკელი ექსპერტების ხელშია სამთავრობო სტრუქტურებიდან. <...> ჩვენ ამ მოხსენებას დეტალურად და სწრაფად შევისწავლით. ამაზე ჩვენი მთავრობის საუკეთესო სპეციალისტები მუშაობენ“, — განაცხადა პსაკიმ.

ამასთან ერთად თეთრი სახლის პრეს-მდივანმა აღნიშნა, რომ ვაშინგტონი კვლევის დასრულების შემდეგ გამოაცხადებს, რა სამომავლო ნაბიჯების გადადგმას აპირებს ჯანმოს მოხსენებაში წარმოდგენილი მონაცემების მიმართ.

მანამდე, იმავე დღეს ჩინეთის საგარეო საქმეთა სამინისტროს წარმომადგენელმა ჩჟაო ლიცზიანმა აშშ-ს ბრალი დასდო, რომ ის ზეწოლას ახდენს ჯანმოზე და ასევე ახალი კორონავირუსის წარმოშობის შესახებ მოხსენების ავტორებზე. მისი თქმით, ჩინეთისთვის მიუღებელია აშშ-ის უსასრულო ბრალდებები და ქვეყნის რეპუტაციის შელახვის მცდელობები.

56
თემები:
საერთაშორისო პანორამა (322)
ატომური ელექტროსადგური კაშივაძაკი-კარივა

იაპონიამ უდიდესი ატომური ელექტროსადგურის მუშაობა შეაჩერა

40
(განახლებულია 11:40 14.04.2021)
იაპონიის უდიდესი ატომური ელექტროსადგურის უსაფრთხოების სისტემაში მარეგულირებელმა სერიოზული დარღვევები გამოავლინა

თბილისი, 14 აპრილი — Sputnik. იაპონიის ატომური ენერგეტიკის კონტროლის სახელმწიფო კომიტეტმა დროებით შეაჩერა ქვეყნის ყველაზე დიდი ატომური ელექტროსადგური „კაშივაძაკი–კარივას“ მუშაობა, იუწყება Associated Press–ი.

​გავრცელებული ინფორმაციით, კომიტეტმა ეს გადაწყვეტილება მას შემდეგ მიიღო, რაც სადგურის სადგურის უსაფრთხოების სისტემაში დარღვევები გამოავლინა.  

სადგურის მფლობელ ენერგეტიკულ კომპანია Tokyo Electric Power–ს (TEPCO), რომელიც ასევე უდიდესი ენერგეტიკული კომპანიაა იაპონიაში, ოფიციალურად აეკრძალა ატომური ელექტროსადგურის რეაქტორებში ბირთვული საწვავის ჩატვირთვა.

ცნობილი ხდება, რომ მარეგულირებელმა ორგანოებმა ანტიტერორისტული აღჭურვილობის გაუმართაობა და ბირთვული მასალების არასაკმარისი დაცვა სადგურის რამდენიმე ადგილზე ჯერ კიდევ 2018 წელს გამოავლინეს. მართალია, TEPCO–მ გამოასწორა უსაფრთხოების ფუნქციები, მაგრამ პრობლემები მაინც სერიოზულად და სისტემატურად ჩაითვალა. ამიტომ მარეგულირებელმა სადგურის თავიდან გაშვება შეუძლებლად მიიჩნია. 

როგორც ატომური ენერგეტიკის კონტროლის კომიტეტის თავმჯდომარე ტოიოში ფუკეტა ამბობს, აეს–ის დასჯის თაობაზე განცხადება ოფიციალურად მომდევნო კვირაში გაკეთდება.

აღინიშნება, რომ „კაშივაძაკი–კარივა“ ნაწილობრივ 2007 წლის მიწისძვრისას დაზიანდა. სადგურის 54 ბირთვული რეაქტორიდან ამ დროისათვის მხოლოდ ოთხი მუშაობდა.

ქვეყნის ხელისუფლებამ „კაშივაძაკი–კარივას“ ბირთვულ უსაფრთხოებას „წითელი“ რეიტინგი მიანიჭა, რაც პირველად მოხდა იაპონიის ქტომური ენერგეტიკის ოპერატორის ისტორიაში.

სადგური მუშაობას სავარაუდოდ ერთი წლის შემდეგ განაახლებს, თუ ყველა გამოვლენილ პრობლემას აღმოფხვრის.

40
თემები:
საერთაშორისო პანორამა (322)
საფრანგეთის დროშა საელჩოს მანქანაზე

პროვოკაციული გადაწყვეტილება: პარიზი თეირანისთვის კოორდინირებული პასუხის გაცემას მოითხოვს

18
(განახლებულია 11:00 14.04.2021)
საფრანგეთი მოუწოდებს ბირთვული გარიგების ხელმომწერ ქვეყნებს, კოორდინირებული პასუხი გასცენ ირანის სახიფათო გადაწყვეტილებას

თბილისი, 14 აპრილი — Sputnik. საფრანგეთი მსოფლიოს ზესახელმწიფოებთან შეათანხმებს საპასუხო ნაბიჯებს ირანის წინააღმდეგ, რომელიც ურანის 60%-მდე გამდიდრებას გეგმავს, იუწყება სააგენტო Reuters–ი ელისეს სასახლეზე დაყრდნობით. 

საუბარია მოქმედების ერთობლივი ყოვლისმომცველი გეგმის მონაწილე ქვეყნებზე, რომლებმაც 2015 წელს მოაწერეს ხელი ირანის ბირთვულ პროგრამას. ესენია: საკუთრივ საფრანგეთი, რუსეთი, ჩინეთი, გერმანია, დიდი ბრიტანეთი და აშშ.

საფრანგეთის პრეზიდენტის წარმომადგენლის თქმით, ირანის გეგმები მეტად სერიოზულია და შექმნილი ვითარება  ყველა ამ ქვეყნის კოორდინირებულ პასუხს მოითხოვს.

მანამდე თეირანმა გაავრცელა ინფორმაცია, რომ ირანი 60%-მდე გამდიდრებული ურანის მიღებას მომდევნო კვირაში გეგმავს. როგორც ირანის საგარეო საქმეთა მინისტრის მოადგილე აბას არაქჩიმ აღნიშნა, თეირანი ათასი ახალი ცენტრიფუგის დადგმას აპირებს ნათანზის ბირთვულ ობიექტზე, სადაც რამდენიმე დღის წინ დივერსია მოხდა.

თავის მხრივ, თეთრმა სახლმა ირანის ხელისუფლების გადაწყვეტილება პროვოკაციულად შეაფასა და ხაზი გაუსვა, რომ ბირთვულ გარიგებაზე მოლაპარაკებების გაგრძელებას ელოდებიან.

ბირთვული პროგრამა – ეს ერთობლივი ყოვლისმომცველ მოქმედებათა გეგმაა, რომელსაც 2015 წელს მოაწერეს ხელი შეერთებულმა შტატებმა, დიდმა ბრიტანეთმა, გერმანიამ, ჩინეთმა, რუსეთმა, საფრანგეთმა და ირანმა. გეგმა თეირანისთვის სანქციების მოხსნას მოიაზრებდა ბირთვული პროგრამის შეზღუდვის სანაცვლოდ.

სამი წლის შემდეგ, 2018 წლის მაისში შეერთებულმა შტატებმა მიიღო გადაწყვეტილება, ცალმხრივად გასულიყო შეთანხმებიდან და აღედგინა მკაცრი სანქციები ირანისთვის. კიდევ ერთი წლის შემდეგ კი თეირანმაც უარი თქვა შეთანხმებით ნაკისრი ვალდებულებების შესრულებაზე, რომლის პირველი ეტაპიც ურანის გამდიდრებას და მძიმე წყლის მარაგებს შეეხებოდა.

2020 წლის დეკემბერში ირანში ძალაში შევიდა კანონი, რომელიც მაღალგამდიდრებული ურანის (20%-მდე) წარმოების დაწყებასა და ამისთვის უფრო მძლავრი ცენტრიფუგების ამოქმედებას ითვალისწინებს. ამასთან კანონი მოიაზრებს ატომური ენერგიის საერთაშორისო სააგენტოს ფართო შემოწმებებზე უარს იმ შემთხვევაში, თუ თეირანი ვერ შეძლებს ნავთობით თავისუფალ ვაჭრობასა და ფინანსური ოპერაციების განხორციელებას.

18
თემები:
საერთაშორისო პანორამა (322)
წარბები

თუ წარბები გითხელდებათ, შეიმოწმეთ ფარისებრი ჯირკვალი: ექიმი გირჩევთ

0
(განახლებულია 14:24 14.04.2021)
ამერიკელი დერმატოლოგი ჩამოთვლის იმ სერიოზულ დაავადებებს, რომლებზეც წარბების ცვენა-შეთხელება შეიძლება მიანიშნებდეს

თბილისი, 14 აპრილი — Sputnik. თუ შენიშნავთ, რომ წარბები გითხელდებათ, შესაძლოა დადგა დრო, რომ ფარისებრი ჯირკვლის ჰორმონების დონე შეიმოწმოთ, აცხადებს აშშ–ის დერმატოლოგიის აკადემიის წევრი სეჯალ შაჰი.

მისი თქმით, ფარისებრი ჯირკვლის დისბალანსი, სხვა პრობლემების გარდა, წარბების ცვენასაც იწვევს და ეს ამ პრობლემის ფავრცელებული სიმპტომია.

გარდა ამისა, წარბების გათხელება ასევე შეიძლება იყოს ატოპიური დერმატიტის, ეგზემის ან მკვებავი ნივთიერებების (კერძოდ, რკინის) დეფიციტისა თუ ანემიის შედეგი.

ამასთან სპეციალისტი ზოგ შემთხვევაში გვირჩევს, წარბების ამოქნას მოვეშვათ და ბუნებრივი ზრდის საშუალება მივცეთ. საქმე ისაა, რომ ამ პროცედურამ თმის ფოლიკულებს შეიძლება გამოუსწორებელი ტრავმა მიაყენოს და საბოლოოდ დააზიანოს კიდეც.

როგორც დერმატოლოგი ამბობს, სჯობს წარბები იშვითად გამოიქნათ, განსაკუთრებით, უშუალოდ წარბის ძვლოვანი ქედის ზედა ნაწილში, და მხოლოდ მისი ქვედა ნაწილის მოწესრიგებით შემოიფარგლოთ. კიდევ უკეთესი იქნება, თუ საერთოდ უარს იტყვით ამაზე.

0
თემები:
ექიმი გირჩევთ