Sputnik-მოლდოვას ხელმძღვანელი ვლადიმირ ნოვოსადიუკი

გარდაიცვალა Sputnik-მოლდოვას ხელმძღვანელი ვლადიმირ ნოვოსადიუკი

15
ვლადიმერ ნოვოსადიუკი Sputnik-მოლდოვას დაარსების დღიდან ხელმძღვანელობდა. მანამდე კი იყო ქვეყანაში „რია ნოვოსტის“ კორესპონდენტი და წარმომადგენელი

თბილისი, 29 მარტი - Sputnik. გარდაიცვალა Sputnik-მოლდოვას ხელმძღვანელი ვლადიმირ ნოვოსადიუკი, იუწყება სააგენტო.

ვლადიმირ ნოვოსადიუკი Sputnik-მოლდოვას რედაქციას მისი დაარსების დღიდან ხელმძღვანელობდა. მანამდე იყო „რია ნოვოსტის“ კორესპონდენტი და წარმომადგენელი ქვეყანაში. დაჯილდოებულია Om Emerit-ის საპატიო წოდებით. არის პრემია „წლის ადამიანი - 2018“-ის მფლობელი მასმედიის კატეგორიაში საერთაშორისო საზოგადოებრივი ასოციაცია Personalitate-ის ვერსიით.

განცხადებაში ნათქვამია, რომ ვლადიმირ ნოვოსადიუკმა მოლდაველი ჟურნალისტების მთელი პლეადა აღზარდა. იგი ახსოვთ, როგორც იდეებით სავსე, უშრეტი ენერგიის ნოვატორი. ნოვოსადიუკი იყო ჟურნალისტიკის ვეტერანი, მას ძალიან უყვარდა მოლდოვა და მრავალი წლის განმავლობაში ქვეყნის მოვლენების ეპიცენტრში იმყოფებოდა.

„ვლადიმირ ნიკოლაევიჩის წყალობით Sputnik-მოლდოვა გახდა ისეთი, როგორსაც მკითხველი დღეს იცნობს - ჩვენი ქვეყნის ერთ-ერთი წამყვანი საინფორმაციო სააგენტო“, - ნათქვამია განცხადებაში.

Sputnik-საქართველო მწუხარებას გამოთქვამს ვლადიმირ ნოვოსადიუკის გარდაცვალების გამო.

15
Строительство газопровода Северный поток ‑ 2

„ჩრდილოეთის ნაკადი-2-ზე“ უარი უნდა ვთქვათ“: გერმანელი პოლიტიკოსები პირობას ასახელებენ

6
(განახლებულია 16:18 19.04.2021)
გერმანელი პოლიტიკოსების აზრით, რუსეთი უკრაინასთან საზღვარზე სამხედრო ჩარევის პირობებს ქმნის და ამიტომ ევროკავშირმა არაორაზროვანი გზავნილი უნდა აახლოს რუსეთს

თბილისი, 19 აპრილი — Sputnik. ევროპარლამენტის წამყვანი ფრაქციის, ევროპის სახალხო პარტიის ლიდერმა მანფრედ ვებერმა პროექტ „ჩრდილოეთის ნაკადი–2–ის“ დასრულების შეჩერების წინადადება წამოაყენა უკრაინის აღმოსავლეთში სიტუაციის შემდგომი დაძაბვის შემთხვევაში. აღნიშნულის თაობაზე მან RND-სთან ინტერვიუში განაცხადა.

გერმანელ პოლიტიკოსს მიაჩნია, რომ ევროკავშირმა მოსკოვს ამის თაობაზე „არაორაზროვანი სიგნალი“ უნდა გაუგზავნოს.

„თუ უკრაინის აღმოსავლეთში ვითარება უფრო გამწვავდება, მაშინ „ჩრდილოეთის ნაკადი–2–ს“ მხარდაჭერა შესაძლებელი აღარ იქნება“, — მიაჩნია ვებერს.

პოლიტიკოსი დარწმუნებულია, რომ რუსეთი მონაწილეობდა კიბერთავდასხმებში და სადეზინფორმაციო კამპანიებში. ამასთან მან მოსკოვის ქმედებები რეალურ საფრთხედ შეაფასა ევროკავშირისა და დასავლეთისთვის.

იგივე აზრისაა ბუნდესტაგის დეპუტატი თავისუფალი დემოკრატიული პარტიიდან ალექსანდერ ლამსდორფი. მისი ვარაუდით, რუსეთი სამხედრო ჩარევის პირობებს ქმნის და ამიტომ ევროკავშირმა უნდა გააგებინოს მოსკოვს, რომ თავდასხმის შემთხვევაში სანქციები გაფართოვდება.

„ასეთ შემთხვევაში პროექტ „ჩრდილოეთის ნაკადი–2–ის“ რეალიზაცია მაშინვე უნდა შეჩერდეს — ეს აშკარაა“, —  აღნიშნა პოლიტიკოსმა.

მანამდე რუსეთის პრეზიდენტმა ვლადიმირ პუტინმა განაცხადა, რომ რუსეთი არავისზე თავდასხმას არ აპირებს, და რომ რუსული საფრთხე — ეს მათი მოგონილია, „ვისაც რუსეთთან მებრძოლი მოწინავე რაზმის როლით რაღაც ბონუსებისა და პრეფერენციების მიღება სურთ“.

 

6
თემები:
საერთაშორისო პანორამა
რომი

იტალია ქვეყანაში ჩამსვლელებისთვის ახალ რეგულაციას აწესებს

16
(განახლებულია 15:38 19.04.2021)
საქართველოს საელჩო იტალიაში აფრთხილებს თანამოქალაქეებს, რომ იტალიაში ჩასვლისთვის ათდღიანი კარანტინის გავლაა საჭირო.

თბილისი, 19 აპრილი - Sputnik. იტალიამ COVID-19 -ის პერიოდში ქვეყანაში შესვლის წესები შეცვალა, იუწყება საქართველოს საელჩო იტალიაში.

უცხოელებმა, მათ შორის საქართველოს მოქალაქეებმა, იტალიის ტერიტორიაზე შესასვლელად 48 საათის განმავლობაში ჩატარებულ PCR ან ანტიგენურ სავალდებულო ტესტირების შედეგები უნდა იქონიონ თან.

ტესტირების პასუხები მათ თვითმფრინავში ჩასხდომის მომენტში უნდა წარუდგინონ გადამზიდავს ან შესაბამისი კონტროლის განხორციელებაზე უფლებამოსილ პირებს, აღნიშნულია საელჩოს მიერ გავრცელებულ ინფორმაციაში.

გარადა ამისა, პირები, რომლებიც იტალიის ტერიტორიაზე საქართველოდან შედიან, ექვემდებარებიან 10–დღიან სავალდებულო თვითიზოლაციას აქამდე არსებული 14–დღიანი თვითზიოლაციის ნაცვლად, ხოლო ამ პერიოდის დასრულების შემდეგ კი PCR ან ანტიგენური ტესტირება უნდა ჩაიტარონ.

საელჩოს ცნობით, საქართველოდან ჩასული ვიზიტორები ასევე  ვალდებულნი არიან შეავსონ ელექტრონული ანკეტა.

წესების სრული ტექსტის გაცნობა შესაძლებელია ამ ბმულზე.

ეს ცვლილებები ეხება იმ ქვეყნებს, რომლებსაც იტალიის ჯანდაცვის სამინისტრო მიაკუთვნებს C, D, E კატეგორიებს ქვეყანაში არსებული ეპიდსიტუაციის შესაბამისად.

თვითონ იტალიაში კოვიდ–საფრთხის მიხედვით რეგიონებს „ფერების" მიხედვით ყოფენ კატეგორიებად: თეთრი, ყვითელი, ნარინჯისფერი, წითელი. ქვეყანაში ასევე მოქმედებს ე.წ. კომენდანტის საათი.

იტალიაში დღე–ღამეში კორონავირუსის საშუალოდ 12 ათასი შემთხვევა ვლინდება.

შეზღუდვების ეტაპობრივი მოხსნა ქვეყანაში 26 აპრილიდან უნდა დაიწყოს.

16
თემები:
COVID-19-ის პანდემია მსოფლიოში