თბილისი, 9 მარტი — Sputnik. სახელმწიფოთა და მთავრობის მეთაური ქალებისა და მამაკაცების წილი რამდენიმე ათეული წლის შემდეგ გათანაბრდება, განაცხადა გაეროს გენმდივნის მოადგილემ პოლიტიკურ საკითხებში როზმარი დიკარლომ.
მისი თქმით, ეს 130 წლის შემდეგ მოხდება.
„ამჟამად არსებული პროგრესის გათვალისწინებით, სახელმწიფოთა და მთავრობათა მეთაურებად სქესთა გათანაბრებას კიდევ 130 წელი დასჭირდება“, — აღნიშნა დიკარლომ არაფორმალურ შეხვედრაზე.
მანამდე გაეროს გენერალურმა მდივანმა ანტონიუ გუტერეშმა განმარტა, რომ ამ დროისათვის ქალი მსოფლიოს მხოლოდ 22 ქვეყანაში არის სახელმწიფოს ან მთავრობის მეთაური. ამასთან მინისტრის პოსტებს ქალების მხოლოდ 21% იკავებს, ხოლო პარლამენტების ქალი დეპუტატების წილი 25%-ზე ნაკლებია.
როზმარი დიკარლოს თქმით, გაერომ პირადი მაგალითი უნდა მისცეს სქესთა თანასწორობის კუთხით, რასაც გუტერეში აკეთებს კიდეც. მაგალითად, გენერალურმა მდივანმა ორგანიზაციის სპეციალურ პოლიტიკურ მისიებში ხელმძღვანელი თანამდებობების 57%-ზე, მათ შორის ავღანეთსა და ერაყში, მისიების ხელმძღვანელებად სწორედ ქალები დანიშნა.
