ვაქცინა „სპუტნიკ V

კორონავირუსის საწინააღმდეგო რუსული ვაქცინა სამმა აფრიკულმა ქვეყანამ დაარეგისტრირა

34
მსოფლიო მასშტაბით უკვე 40-ზე მეტმა ქვეყანამ რეგისტრაციაში გაატარა კორონავირუსის საწინააღმდეგო რუსული ვაქცინა „სპუტნიკV"

თბილისი, 3 მარტი – Sputnik. ანგოლამ, ჯიბუტიმ და კონგოს რესპუბლიკამ დაარეგისტრირეს კორონავირუსის საწინააღმდეგო რუსული ვაქცინა „სპუტნიკV", ნათქვამია პირდაპირი ინვესტიციების რუსული ფონდის განცხადებაში. ამის შესახებ РИА Новости წერს.

„პირდაპირი ინვესტიციების რუსული ფონდი აცხადებს ანგოლაში, ჯიბუტისა და კონგოს რესპუბლიკაში კორონავირუსის საწინააღმდეგო რუსული ვაქცინა „სპუტნიკV"-ს რეგისტრაციის შესახებ. პრეპარატის რეგისტრაცია დაჩქარებული პროცედურის ფარგლებში მოხდა (emergency use authorization, EUA). ამგვარად, „სპუტნიკV" 1,1 მილიარდი მოსახლეობის მქონე 42-მა ქვეყანამ დაარეგისტრირა“, - აღნიშნეს ფონდში.

„სპუტნიკV" სახელმწიფო რეგულატორების მიერ გაცემული ნებართვების რაოდენობით კორონავირუსის საწინააღმდეგო ვაქცინების სამეულში შედის.

„ვაქცინაცია პანდემიის დასაძლევად მთავარ პირობას წარმოადგენს. „სპუტნიკV"-ს რეგისტრაცია ანგოლაში, ჯიბუტისა და კონგოში მყოფ ჩვენს პარტნიორებს მისცემს წვდომას უსაფრთხო და ეფექტურ პრეპარატზე, რომელიც მთელს მსოფლიოში მაღალი ნდობით სარგებლობს. კორონავირუსის საწინააღმდეგო პრეპარატების ეროვნული პორტფელების დივერსიფიკაცია „სპუტნიკV"-ს რეგისტრაციის შედეგად - საერთაშორისო თანამშრომლობის მნიშვნელოვანი მაგალითია, რომლის მთავარი შედეგი გადარჩენილი სიცოცხლეები გახდება“, - განაცხადა ფონდის ხელმძღვანელმა კირილ დმიტრიევმა.

ამჟამად „სპუტნიკV" რეგისტრირებულია რუსეთში, ბელორუსში, არგენტინაში, ბოლივიაში, სერბეთში, ალჟირში, პალესტინაში, ვენესუელაში, პარაგვაიში, თურქმენეთში, უნგრეთში, არაბთა გაერთიანებულ საემიროებში, ირანში, გვინეის რესპუბლიკაში, ტუნისში, სომხეთში, მექსიკაში, ნიკარაგუაში, სერბეთის რესპუბლიკაში (ბოსნია და ჰერცოგოვინას ენტიტეტი), მიანმარში, პაკისტანში, მონღოლეთში, ბაჰრეინში, მონტენეგროში, სენტ ვინსენტი და გრენადინებში, ყაზახეთში, უზბეკეთში, გაბონში, სან მარინოში, განაში, სირიაში, ყირგიზეთში, გაიანაში, ეგვიპტეში, ჰონდურასში, გვატემალაში, მოლდოვასა და სლოვაკეთში.

რუსეთის ჯანდაცვის სამინისტრომ „სპუტნიკ V“ 2020 წლის აგვისტოში დაარეგისტრირა. ესაა COVID-19-ის პროფილაქტიკისთვის განკუთვნილი მსოფლიოში პირველი ვაქცინა. პრეპარატი შეიქმნა ადამიანის ადენოვირუსული ვექტორების შესწავლილ და შემოწმებულ პლატფორმაზე. კლინიკური კვლევების მესამე ფაზაში „სპუტნიკ V“-მ გამოავლინა 91,6%-იანი ეფექტურობა და უსაფრთხოება. ვაქცინა სრულად იცავს ორგანიზმს ახალი კორონავირუსული ინფექციის მძიმე შემთხვევებისგან.

34
 EURO-2020-ს თასი

2020 წლის ევროპის ჩემპიონატზე ფეხბურთში ყველა მოთამაშე კორონავირუსზე უნდა აიცრას

32
მარტის შესარჩევი თამაშების შემდეგ თავიანთ კლუბებში დაბრუნების შემდეგ კორონავირუსზე ჩაბარებული ტექსტი დადებითი დაახლოებით 20 ფეხბურთელს აღმოაჩნდა

თბილისი, 11 აპრილი - Sputnik. 2020 წლის ევროპის ჩემპიონატზე ფეხბურთში მონაწილე ნაკრებების ყველა ფეხბურთელმა სავალდებულო ვაქცინაცია უნდა ჩაიტაროს.

იტალიური გამოცემა Corriere dello Sport-ის მონაცემებით, UEFA მუშაობს EURO-2020-თვის სამედიცინო პროტოკოლზე, რომელიც ჩემპიონატის 24 მონაწილე გუნდის 600-ვე ფეხბურთელის სავალდებულო ვაქცინაციას ითვალისწინებს.

როგორც აღინიშნა, ამ ნაბიჯის აუცილებლობას განაპირობებს შესარჩევი ტურნირის თამაშებზე მარტში გამოცხადებული შესვენება, როდესაც თავიანთ კლუბებში დაბრუნების შემდეგ კორონავირუსზე ჩაბარებული ტექსტი დაახლოებით 20 ფეხბურთელს დადებითი აღმოაჩნდა.

EURO-2020-ს მატჩები 11 ივნისიდან 11 ივლისიდან ევროპის 12 ქალაქში გაიმართება. ტურნირის რვა მასპინძელმა ქალაქმა დაადასტურა, რომ მზად არის მატჩების დროს ტრიბუნებზე ქომაგები დაუშვას - ესაა სანქტ-პეტერბურგი, ლონდონი, ბუდაპეშტი, ბაქო, ამსტერდამი, კოპენჰაგენი, ბუქარესტი და გლაზგო.

იტალიის, ესპანეთის, ირლანდიისა და გერმანიის ხელისუფლებამ ვერ მისცა UEFA-ს გარანტია, რომ რომი, ბილბაო, დუბლინი და მიუნხენი EURO-2020-ს მატჩებს ქომაგების დასწრებით ჩაატარებს.

19 აპრილამდე ოთხმა ქალაქმა უნდა წარმოადგინოს დამატებითი ინფორმაცია თავიანთი გეგმების შესახებ აღნიშნულ საკითხზე, ამავე პერიოდში UEFA მიიღებს საბოლოო გადაწყვეტილებას ამ ქალაქებში ტურნირის მატჩების ჩატარებასთან დაკავშირებით.

32
მალტა

მალტაზე წამსვლელთა საყურადღებოდ: ტურისტებს კომპენსაციას სთავაზობენ

44
(განახლებულია 11:54 11.04.2021)
მათ, ვინც დასვენებას მალტის არქიპელაგის კუნძულ გოზოზე გადაწყვეტს, 10%-ით მეტ კომპენსაციას გადაუხდიან

თბილისი, 11 აპრილი – Sputnik. მალტის ხელისუფლება 200 ევრომდე კომპენსაციის გადახდას გეგმავს იმ უცხოელთათვის, რომლებიც ქვეყანაში სამ დღეს მაინც გაატარებენ, იუწყება РИА Новости.

კომპენსაციის ოდენობა დამოკიდებულია აპარტამენტების კლასზე. ტურისტებს, რომლებიც ხუთვარსკვლავიან ნომრებს იქირავებენ, კომპენსაციის სახით 200 ევროს გადაუხდიან, ოთხვარსკვლავიან აპარტამენტებში - 150 ევროს, სამვარსკვლავიანებში - 100 ევროს.

მალტის ტურიზმის მინისტრმა კლეიტონ ბარტოლომ აღნიშნა, რომ 10 პროცენტით გაიზრდება იმ ტურისტების კომპენსაცია, ვინც დასვენებას მალტის არქიპელაგის კუნძულ გოზოზე გადაწყვეტს.

კუნძულოვანი სახელმწიფოს ეკონომიკის მეოთხედზე მეტს ტურისტული სექტორი აგენერირებს. პანდემიის გამო დარგი ფაქტობრივად გაჩერებდა. თუ 2019 წელს ქვეყანას ეწვია 2,7 მილიონზე მეტი ადამიანი, გასულ წელს ეს მაჩვენებელი 80%-ით შემცირდა.

44
სამძებრო ოპერაცია რიონზე

კარვები აღებულია: რა ვითარებაა „ნამახვან ჰესის“ წინააღმდეგ მიმდინარე საპროტესტო აქციაზე

0
(განახლებულია 00:55 12.04.2021)
აქციის მონაწილეები მოითხოვენ, მიეცეთ უფლება გააგრძელონ მშვიდობიანი პროტესტი სოფელ ნამოხვანის ტერიტორიაზე, ხოლო სამართალდამცველები მათ ალტერნატიულ ლოკაციად სოფელ გუმათს სთავაზობენ

თბილისი, 11 აპრილი – Sputnik. რიონის ხეობაში, სოფელ ნამოხვანის მიმდებარე ტერიტორიიდან საპროტესტო აქციის მონაწილეთა კარვების აღებამ შედარებით მშვიდობიანად ჩაიარა და აქციის ორგანიზატორებს კარვების სოფელ გუმათში ჩატანა შესთავაზეს, ამის შესახებ იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის უფროსმა სულხან თამაზაშვილმა განაცხადა.

მან კიდევ ერთხელ განმარტა, რომ კარვების აღება სოფელ ნამოხვანში მდინარე რიონის მოსალოდნელ ადიდებას უკავშირდება.

„მეტეოროლოგები გვიწინასწარმეტყველებენ ამინდის კიდევ უფრო გაუარესებას, მოსალოდნელია მდინარის კალაპოტიდან გადმოსვლა, დავდექით აუცილებლობის წინაშე, რომ კარვები იქედან აგვეღო. ამის ლეგიტიმაციას ჩვენ გვაძლევს კანონი პოლიციის შესახებ, 26-ე მუხლი. ამ დროისთვის კარვები არის მანქანებზე დალაგებული და შევთავაზეთ, რომ გუმათში ჩავიტანდით, სადაც ერთი კარავი უკვე დგას. მიმდებარე ტერიტორიაზე შეუძლიათ დადგან ეს კარვები და მშვიდობიან ვითარებაში გააგრძელონ პროტესტი“, - განაცხადა თამაზაშვილმა.

აქციის მონაწილეები თანახმა არიან, პროტესტი გადაიტანონ სხვა ადგილას, მაგრამ არა სოფელ გუმათში, როგორც ამას შსს სთავაზობს, არამედ სოფელ ნამოხვანთან. მათი მტკიცებით, იმ ადგილას, სადაც კარვები იყო გაშლილი, რიონის ადიდება არ ხდება, რადგან ამაღლებული ადგილია და მდინარის ადიდება უბრალო საბაბია კარვების ასაღებად. პოლიციას უკვე რამდენიმე დღეა გზა გადაკეტილი ჰქონდა და აქციის მონაწილეებს ნამოხვანში კარვებთან არ უშვებდა.

ამ დროისათვის აქციის მონაწილეები (დაახლოებით 400 ადამიანი) სოფელ გუმათთან „გუმათ ჰესის“ მიმდებარე ტერიტორიაზე არიან შეკრებულები და მათ ნამოხვანიდან ქუთაისის მიმართულებით გზა პროტესტის ნიშნად საკუთარი ავტომობილებით გადაკეტეს.

„მოვუწოდებ ყველას, რომ მოვიდნენ აქ... ჩვენ ყველამ უნდა შევძლოთ, ერთმანეთის მხარში დგომით ეს პრობლემა გადავჭრათ. მოვუწოდებთ მშვიდობიანად, ჩვენ არ მოვუწოდებთ, რომ მოვიდნენ და გადავიდეთ ხელჩართულ ბრძოლაზე. უბრალოდ, გვჭირდება ადამიანების სიმრავლე“, – განაცხადა აქციის ერთ-ერთმა ორგანიზატორმა, „რიონის ხეობის მცველმა“ ვარლამ გოლეთიანმა.

დღეს აქციაზე იმყოფებოდა სახალხო დამცველის წარმომადგენელი, რომელიც ასევე ესწრებოდ კარვების აღების პროცესს.

„დაუყოვნებლივ მიეცეთ აქციის მონაწილეებს მათ მიერ შეთავაზებულ ალტერნატიულ ადგილზე შეკრების გაგრძელების შესაძლებლობა, ხოლო თუ აღნიშნულზე არსებობს დასაბუთებული უარის საფუძველი, აქციის გაგრძელებისთვის გამოეყოთ ალტერნატიული ადგილი სასურველთან ახლომდებარე ლოკაციაზე, რომლის ადგილმდებარეობაც არსს არ დაუკარგავს მოქალაქეთა თავშეყრის მიზანს“, - განაცხადა სახალხო დამცველმა ნინო ლომჯარიამ.

პარალელურად რიონში მიმდინარეობს აქციის ერთ-ერთი მონაწილის, ნიკა ანთიძის ძებნა, რომელიც შაბათ საღამოს მდინარეში შევიდა და გაუჩინარდა. აქციის მონაწილეებმა სცადეს მისი გადარჩენა, მაგრამ უშედეგოდ, ის დინებამ წაიღო. მის ძებნაში მყვინთავები არიან ჩართული.

დღეს გავრცელდა ინფორმაცია, რომ კარვების აღება მათ შორის ამ ინციდენტსაც უკავშირდება - თითქოს კარვები სამძებრო ოპერაციას ხელს უშლიდა.

სამოქალაქო აქტივისტების, ადგილობრივი მცხოვრებლების, არასამთავრობო ორგანიზაციების წარმომადგენლებისა და სასულიერო პირების პროტესტი რიონის ხეობაში „ნამახვან ჰესის“ მშენებლობის წინააღმდეგ 168-ე დღე გრძელდება. მთელი ეს პერიოდი აქციის მონაწილეები ღამეებს ნამოხვანში გაშლილ კარვებში ათენებდნენ. ამაღამ ისინი საკუთარ ავტომობილებში გუმათში გაათენებენ.

აქციის მონაწილეები მოითხოვენ, რათა ჰესის მშენებლობა შეწყდეს, ხელისუფლებამ კი თურქულ კომპანია Enka-სთან კონტრაქტი მოშალოს. თავისი პოზიციის გასამყარებლად მომიტინგეები საუბრობენ ჰესის დამანგრეველ ზემოქმედებაზე გარემოზე და საეჭვო გარიგებაზე ინვესტორთან. „რიონის ხეობის მცველებმა“ ქუთაისში უკვე ორი მრავალათასიანი მიტინგი გამართეს. ისინი ასევე მოითხოვენ, თანამდებობიდან გადადგეს ეკონომიკისა და მდგრადი განვითარების მინისტრი ნათია თურნავა.

0