Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

„ცეცხლი ჯერ არ ჩამქრალა“: ევროპაში COVID-19-ის შემთხვევები იზრდება – ჯანმოს განცხადება

© REUTERS / THILO SCHMUELGENCOVID-პანდემია ევროპაში
COVID-პანდემია ევროპაში  - Sputnik საქართველო, 1920, 03.03.2021
გამოწერა
იტალიის ლომბარდიის პროვინციაში მეცნიერებმა კორონავირუსის ნიგერიული შტამი გამოავლინეს, რომლის მიმართაც კოვიდ-ვაქცინები შეიძლება არაეფექტური იყოს.

თბილისი, 3 მარტი — Sputnik. ევროპაში კორონავირუსით ინფიცირების მატების პირველი ნიშნები გაჩნდა, განაცხადა ჯანდაცვის მსოფლიო ორგანიზაციის (ჯანმო) ევროპის განყოფილების ხელმძღვანელმა ჰანს კლიუგემ.

​„[ევროპის] რეგიონში COVID-19-ით დაავადების კლების შემდეგ თებერვლის დასაწყისიდან ინფიცირების მატების პირველი ნიშნები გაჩნდა ცენტრალურ და აღმოსავლეთ ევროპაში, ასევე ბალკანეთის ნახევარკუნძულზე. ცეცხლი ჯერ არ ჩამქრალა“, — დაწერა კლიუგემ საკუთარ Twitter-ზე.

მისი მონაცემებით, ათიდან ოთხი ქვეყანა, რომლებშიც ბოლო დღე-ღამის განმავლობაში COVID-19-ის ყველაზე მეტი შემთხვევა გამოვლინდა, სწორედ ევროპის რეგიონშია. გამომდინარე აქედან, კლიუგე აუცილებლად მიიჩნევს ისეთი ზომების მიღებას, რაც ხელს შეუშლის ვირუსის გავრცელებას.

ამასთან იტალიის მიკრობიოლოგიური ლაბორატორიის დირექტორი არნალდო კარუზო ავრცელებს ინფორმაციას, რომ ლომბარდიის პროვინციის ქალაქ ბრეშიაში კორონავირუსის ნიგერიული შტამი გამოვლინდა. მისი თქმით, ამ შტამის მუტაციების წინააღმდეგ ამჟამად არსებული კოვიდ-ვაქცინები შესაძლოა არაეფექტური იყოს.

ყველა ახალი ამბავი
0