Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

არ გამოიყენოთ კორონავირუსის სამკურნალოდ: ჯანმო განცხადებას ავრცელებს

© AP Photo / Armando Francaკორონავირუსით ინფიცირებული პაციენტი პალატაში
კორონავირუსით ინფიცირებული პაციენტი პალატაში - Sputnik საქართველო, 1920, 02.03.2021
გამოწერა
ჯანდაცვის მსოფლიო ორგანიზაციის ექსპეტებმა აღნიშნულ პრეპარატთან დაკავშირებით დასკვნა გამოაქვეყნეს, რომელიც ექვს კვლევას ეფუძნება

თბილისი, 2 მარტი — Sputnik. პრეპარატ ჰიდროქსიქლოროქინის გამოყენება კორონავირუსით დაავადების თავიდან ასაცილებლად რეკომენდებული არ არის, ნათქვამია ჯანდაცვის მსოფლიო ორგანიზაციის ექსპერტების დღეს გამოქვეყნებულ დასკვნაში.

„ანთების საწინააღმდეგო ჰიდროქსიქლოროქინი არ უნდა გამოიყენებოდეს ინფიცირების თავიდან ასარიდებლად იმ ადამიანებში, რომლებიც არ არიან დაავადებული COVID-19–ით“— წერია დასკვნაში.

ჯანმოს განცხადებით, აღნიშნული რეკომენდაცია ექვს კვლევას ეფუძნება, რომლებშიც ექვსი ათასზე მეტმა ადამიანმა მიიღო მონაწილეობა. კვლევებმა აჩვენა, რომ ჰიდროქსიქლოროქინი „არ ახდენდა მნიშვნელოვან ეფექტს კორონავირუსის დიაგნოზით ჰოსპიტალიზაციასა და სიკვდილიანობაზე“.

ექიმები  - Sputnik საქართველო, 1920, 09.04.2020
ანტიპარაზიტული პრეპარატი COVID-19-ის ვირუსს 48 საათში ანადგურებს: ავსტრალიური კვლევა

გარდა ამისა, ჯანმოს ექსპერტებმა გაარკვიეს, რომ პრეპარატი ასევე „ვერ ახდენს მნიშვნელოვან ეფექტს ინფიცირების ლაბორატორიულად დადასტურებულ შემთხვევებზე და დიდი ალბათობით ზრდის კიდეც ნეგატიური შედეგების რისკს“.   

ჯანმოს ექსპერტების განცხადებით, აღნიშნული წამალი აღარ არის პრიორიტეტი კვლევებისთვის და ორგანიზაციის რესურსები COVID-19–ის საწინააღმდეგო უფრო პერსპექტიული პრეპარატების კვლევისკენ უნდა მიიმართოს.

თებერვლის შუა რიცხვებში ცნობილი გახდა, რომ ჯანმო ანტიპარაზიტული პრეპარატის, ივერმექტინის გამოყენების შესაძლებლობას სწავლობს კორონავირუსის სამკურნალოდ. მანამდე „ივერმექტინის“ ეფექტი ავსტრალიელმა მეცნიერებმა გამოავლინეს, რომელთა განცხადებითაც, პრეპარატი ხელს უშლის კორონავირუსის შეღწევას ადამიანის უჯრედებში და ამიტომ ის ეფექტური იქნება მის სამკურნალოდ — მინიმალური გვერდითი მოვლენებით.

ყველა ახალი ამბავი
0