დონალდ ტრამპი

დონალდ ტრამპი აშშ-ის საარჩევნო სისტემის შეცვლას მოითხოვს

51
(განახლებულია 13:51 01.03.2021)
მანამდე მასმედია წერდა, რომ ტრამპის სიტყვით გამოსვლა არის მისი ცენტრალური როლის დასტური რესპუბლიკურ პარტიაში და წარმოაჩენს იმასაც, რომ სწორედ იგია ყველაზე სავარაუდო კანდიდატი 2024 წლის არჩევნებში.

თბილისი, 1 მარტი — Sputnik. შეერთებულ შტატებს არჩევნების რეფორმა ესაჭიროება, რაც მოხდა, აღარ უნდა განმეორედეს, განაცხადა აშშ-ის ყოფილმა პრეზიდენტმა დონალდ ტრამპმა ორლანდოში კონსერვატორული პოლიტიკური მოქმედებების კონფერენციაზე (Conservative Political Action Conference) სიტყვით გამოსვლისას.

მისი თქმით, 2020 წლის ნოემბრის არჩევნები გაყალბდა, მაგრამ სასამართლოებმა არ მოინდომეს, რამე მოემოქმედათ ამ ფაქტის წინააღმდეგ.

„ეს არჩევნები ფალსიფიცირებული იყო და უმაღლესმა და სხვა სასამართლოებმა არაფერი გააკეთეს ამის წინააღმდეგ... ჩვენ არჩევნების რეფორმა გვჭირდება... მსგავსის დაშვება აღარ შეიძლება“, — ციტირებს ექს-პრეზიდენტის სიტყვებს გამოცემა CBS News.

ტრამპის თქმით, აუცილებელია არჩევნების რეგისტრაციის ნორმების, ამომრჩევლის პირადობის დადასტურების სტანდარტების გამკაცრება, ასევე ხმის მისაცემად ერთი დღის დაწესება.

მანამდე გავრცელდა ინფორმაცია, რომ აშშ-ის კონსერვატორული წრეების დიდ ნაწილს 2024 წლის საპრეზიდენტო კანდიდატად რესპუბლიკური პარტიისგან სწორედ დონალდ ტრამპის ხილვა სურს.

კონფერენციაზე გამოსვლისას ექს-პრეზიდენტმა ხაზგასმით აღნიშნა, რომ მისი პოლიტიკური კარიერა ჯერ კიდევ არ არის დასრულებული და მან კრიტიკის ქარცეცხლი დაატეხა თეთრი სახლის ამჟამინდელ მეთაურს ჯო ბაიდენს.

ამასთან ყოფილმა პრეზიდენტმა დადო პირობა, რომ უახლოეს მომავალში წარმოადგენს საკუთარ ხედვას აშშ-ის მომავლის შესახებ.

აღსანიშნავია, რომ მანამდე მომავალ არჩევნებში დონალდ ტრამპის კანდიდატურისთვის მხარდაჭერის შესახებ ისაუბრეს რესპუბლიკური პარტიის გავლენიანმა სენატორებმა მიტ რომნიმ და მიტჩ მაკკონელიმ. მათი თქმით, რესპუბლიკური პარტია მზადაა, მხარი დაუჭიროს ყოფილ პრეზიდენტს 2024 წლის საპრეზიდენტო არჩევნებში, თუ ის პარტიის შიდა ნომინაციაში გაიმარჯვებს.

51
თემები:
საერთაშორისო პანორამა (325)
ევროკავშირის დროშა

შეთანხმება მიღწეულია: ევროკავშირი COVID-პასპორტებს ზაფხულში აამოქმედებს

49
(განახლებულია 10:37 15.04.2021)
კოვიდ-პასპორტი ვაქცინირებულებს, COVID-19–ისგან განკურნებულებსა თუ დაავადებაზე უარყოფითი ტესტის მქონეებს ევროკავშირის მასშტაბით მოგზაურობას გაუმარტივებს

თბილისი, 15 აპრილი — Sputnik. ევროკავშირის ქვეყნები ოფიციალურად შეთანხმდნენ ზაფხულისთვის ტურისტული COVID–პასპორტების შემოღების თაობაზე, დეტალებს კანონმდებლები მაისში განიხილავენ, იუწყება  Reuters–ი დიპლომატიურ წრეებში არსებულ წყაროებზე დაყრდნობით.

აღნიშნული დოკუმენტი ვაქცინირებულებს, COVID-19–ისგან განკურნებულებსა თუ დაავადებაზე უარყოფითი ტესტის მქონეებს ევროკავშირის მასშტაბით მოგზაურობას გაუმარტივებს.

როგორც აღინიშნება, ევროპარლამენტმა, რომელიც ასევე უნდა დაეთანხმოს გადაწყვეტილებას, რათა ის ძალაში შევიდეს, თავისი პოზიცია აპრილის ბოლოსთვის უნდა შეათანხმოს.

როგორც მოსალოდნელია, კანონმდებლების, ქვეყნების წარმომადგენლებისა და ევროკავშირის აღმასრულებელ ხელისუფლებას შორის დასკვნითი მოლაპარაკებები მაისში დაიწყება.

ამასთან, როგორც Reuters–ი წერს, ევროკავშირის წევრი ქვეყნები დოკუმენტის გაცემისას ვალდებული იქნებიან, გაითვალისწინონ მხოლოდ  ევროკავშირის მიერ მოწონებული ვაქცინებით აცრა, თუმცა ზოგ ქვეყანას შეუძლია სერტიფიკატები რუსული „სპუტნიკ V–ითა“ თუ ჩინური Sinovac–ით აცრების შემთხვევაშიც გასცეს, რომლებიც მათ ტერიტორიებზეა დაშვებული.

49
თემები:
საერთაშორისო პანორამა (325)
ჯო ბაიდენი

რჩევების მიუხედავად: ბაიდენმა ავღანეთიდან აშშ-ის ჯარების გაყვანა გადაწყვიტა

15
(განახლებულია 10:16 15.04.2021)
მიუხედავად იმისა, რომ აშშ-ის პრეზიდენტს ავღანეთში „თალიბანის“ შესაძლოა მოძლიერების თაობაზე აფრთხილებდნენ, მან მაინც მიიღო იქიდან ამერიკული ჯარების გაყვანის გადაწყვეტილება

თბილისი, 15 აპრილი — Sputnik. აშშ–ის პრეზიდენტმა ჯო ბაიდენმა მიიღო გადაწყვეტილება, გამოიყვანოს ამერიკული ჯარები ავღანეთიდან 11 სექტემბრისთვის, იუწყება СNN–ი.

გავრცელებული ინფორმაციით, პრეზიდენტმა აღნიშნული გადაწყვეტილება ადმინისტრაციის ბევრი წევრის რჩევის მიუხედავად მიიღო, რომლებიც მას ამ ნაბიჯთან დაკავშირებულ საფრთხეეებზე ამახვილებინებდნენ ყურადღებას.

როგორც არხს ყოფილმა და მოქმედმა ოფიციალურმა პირებმა აცნობეს, ადმინისტრაციის თანამშრომლებს განსაკუთრებით აშფოთებდათ ამერიკელი დიპლომატების უსაფრთხოების საკითხი ქვეყანაში ავღანეთიდან აშშ–ის ძალების სრული გამოყვანის შემთხვევაში და ასევე შტატების კონტრეტერორისტული მისიის ბედი.

გავრცელებული ინფორმაციით, პეზიდენტის გადაწყვეტილების მოწინააღმდეგეთა შორის იყვნენ აშშ–ის შეიარაღებული ძალების შტაბების მეთაურთა კომიტეტის ხელმძღვანელი გენერალი მარკ მილი, ცენტრალური სარდლობის ხელმძღვანელი გენერალი კენეტ მაკენზი და სახელმწიფო დეპარტამენტის სხვა თანამშრომლები.

არხის ცნობით, ავღანეთიდან ამერიკული ჯარების გაყვანის თაობაზე კონსულტაციები რამდენიმე თვის განმავლობაში გრძელდებოდა და ამ პერიოდში ბაიდენი არაერთხელ გააფრთხილეს, რომ „თალიბანს შეუძლია ძალების აღდგენა“. ამასთან ირკვევა, რომ ამერიკის ლიდერს აღიზიანებდა ავღანეთში ჯარების ხანგრძლივად დატოვების წინადადება და ამბობდა, რომ წინასაარჩევნო კამპანიისას მან იქიდან ამერიკული ძალების გაყვანის პირობა დადო.

15
თემები:
საერთაშორისო პანორამა (325)
ვაკის პარკი

ხმალაძე: ვაკის პარკში სასტუმრო არ აშენდება

0
(განახლებულია 10:39 15.04.2021)
დედაქალაქის მერიისთვის მიუღებელია ვაკის პარკში სასტუმროს აშენება, ამიტომ ინვესტორს მსგავსი ობიექტების არარეკრეაციულ ზონაში აგებას სთავაზობენ.

 

თბილისი, 15 აპრილი – Sputnik. ვაკის პარკის ტერიტორიაზე სასტუმროს მშენებლობას არ დავუშვებთ, განაცხადა თბილისის ვიცე-მერმა ირაკლი ხმალაძემ ტელეკომპანია „იმედის“ ეთერში. 

სკანდალი სასტუმრო „ბუდაპეშტის“ ირგვლივ მერამდენე წელია გრძელდება. ინვესტორმა გიორგი ზაქაიძემ ვაკის პარკში სასტუმროს აშენების უფლება დიდი ხნის წინ მოიპოვა, თუმცა, მშენებლობის დაწყება რამდენჯერმე გადავადდა.

ხმალაძის განცხადებით,  ვაკის პარკის ტერიტორიაზე სასტუმროს მშენებლობის გადაწყვეტილება თბილისის ყოფილი მერის გიგი უგულავას დანაშაულებრივი გადაწყვეტილება იყო. ინვესტორს კახა კალაძის უწყებამ ორი ალტერნატიული ვარიანტი შესთავაზა – სასტუმროს აშენება სხვა ტერიტორიაზე ან ამ ტერიტორიის მერიისთვის მიყიდვა. თუმცა, მხარეებს შორის შეთანხმების მიღწევა ამ დრომდე ვერ მოხერხდა.

„სასტუმროს მშენებლობაზე ნებართვა 2013 წელს გამონაკლისის წესითაა გაცემული, დღეს ეს მიწის ნაკვეთი 20 მილიონ ლარადაა შეფასებული. მუნიციპალიტეტს უჭირს ამ ოდენობის კომპენსაციის გადახდა, ამიტომაც ვეცდებით ადგილმონაცვლეობის თაობაზე შეთანხმებას მივაღწიოთ... მიუხედავად ყველაფრისა, ჩვენ კიდევ ერთხელ ვაცხადებთ, რომ პარკის ტერიტორიაზე სასტუმროს მშენებლობა არ განხორციელდება“, – განაცხადა ხმალაძემ.

მისი თქმით, საუბარია 2,8 ათას კვადრატულ მიწის ნაკვეთზე, რომელიც აუდიტორულმა კომპანიამ 20 მლნ ლარად შეაფასა.

 „ბუდაპეშტის“ რთული ბედი

„მწვანე“ აქტივისტები არაერთი წელი იცავდნენ ვაკის პარკს. გარემოსდამცველებმა სასამართლოსაც მიმართეს მას შემდეგ, რაც 2013 წელს მერიამ 8-9-სართულიანი სასტუმროს მშენებლობაზე უვადო ნებართვა გასცა. იმ დროს მერიას მიხეილ სააკაშვილის გუნდის წევრი გიგი უგულავა ხელმძღვანელობდა.

ვაკის პარკი იკეტება: რას გეგმავს მერია>>>

რაც შეეხება სასამართლოს, სამივე ინსტანციამ მიიჩნია, რომ მერია თავის დროზე კანონის დაცვით მოქმედებდა და ამიტომაც მხარი ინვესტორს დაუჭირეს.

ვიდრე საქმე სასამართლოებში იხილებოდა, მშენებლობა შეჩერებული იყო, მაგრამ როგორც კი უზენაესმა სასამართლომ გადაწყვეტილება გამოიტანა, საკითხი კვლავ აქტუალური გახდა და თბილისის მერიამ სწრაფად მოქმედება დაიწყო. თბილისის მერმა კახა კალაძემ პირობა დადო, რომ ვაკის პარკში სასტუმროს მშენებლობას არ დაუშვებს.

2019 წლის 25 იანვრიდან დღემდე კომპანიამ და თბილისის მერიამ ურთიერთშეთანხმებას ვერ მიაღწიეს.

0
თემები:
თბილისის მერია