მილგამყვანი „ფორტუნა“ რუსული გაზსადენის მშენებლობაზე

ამერიკელი რესპუბლიკელები რუსული გაზსადენის მიმართ ბაიდენის პოზიციას აკრიტიკებენ

39
(განახლებულია 21:24 22.02.2021)
რესპუბლიკელი სენატორების რისხვა სახელმწიფო დეპარტამენტის ანგარიშმა გამოიწვია, რომელიც მათ „სრულიად არაადეკვატურად“ შეაფასეს.

თბილისი, 22 თებერვალი — Sputnik. აშშ-ის კონგრესის რესპუბლიკელი სენატორები მწვავედ აკრიტიკებენ ჯო ბაიდენის ადმინისტრაციის პოზიციას გაზსადენ „ჩრდილოეთის ნაკადი-2“-ის მშენებლობის დასრულების მიმართ, იუწყება გამოცემა The Wall Street Journal.

„ბაიდენის მთავრობა გზავნის სიგნალებს, რომ მზადაა გასცეს ნებართვა გაზსადენის მშენებლობაზე, რასაც კატასტროფული შედეგები ექნება ამერიკის ეროვნული ინტერესებისა და ჩვენი ევროპელი მოკავშირეების ენერგოუსაფრთხოებისთვის“, — განაცხადა სენატორმა ტედ კრუზმა.

სენატორების კრიტიკა სახელმწიფო დეპარტამენტის ანგარიშს მოჰყვა, რომელშიც ჩამოთვლილია ის კომპანიები, რომლებსაც, სავარაუდოდ, დაუწესდებათ სანქციები გაზსადენის მშეებლობაში მონაწილეობის გამო. სენატორ კრუზსა და მის კოლეგებს — ჯიმ რიჩსა და მაიკლ მაკოლის კი ეს წინადადებები „სრულიად არაადეკვატურად“ მიაჩნიათ და აცხადებენ, რომ ისინი არ შეესაბამება კონგრესის განზრახვას, აღიკვეთოს „ჩრდილოეთის ნაკადი-2“-ის მშენებლობის ბოლომდე დასრულება.

WSJ-ის ინფორმაციით, სახელმწიფო დეპარტამენტის დოკუმენტში საუბარია რუსული მილგამყვანი ხომალდის „ფორტუნასა“ და მისი მფლობელი КВТ-РУС-ის მიერ ამერიკული შეზღუდვების დარღვევასა და მათ მიმართ სანქციების შემოღებაზე. ამასთან ხომალდსაც და კომპანიასაც უკვე აქვს დაწესებული შეერთებული შტატების მიერ შეზღუდვები სხვა მუხლებით. პროექტში მონაწილე სხვა რუსული, გერმანული თუ ევროპული კომპანიების წინააღმდეგ ახალი სანქციების დაწესებაზე კი დოკუმენტში არაფერია ნათქვამი.

აღსანიშნავია, რომ არც თეთრ სახლსა და არც სახელმწიფო დეპარტამენტს ეს ინფორმაცია ჯერ არ დაუდასტურებიათ, ხოლო ანგარიში არ გამოქვეყნებულა.

„ჩრდილოეთის ნაკადი-2“-ის ოპერატორი კომპანიის განცხადებით, პროექტი 95%-ით მზადაა, მისი ბოლომდე დასრულებისთვის სულ მხოლოდ 120 კმ მილების ჩადებაა დარჩენილი დანიის წყლებში, და დაახლოებით 28 კმ — გერმანიის წყლებში.

პროექტი „ჩრდილოეთის ნაკადი-2“ გაზსადენის ორი ტოტის მშენებლობას ითვალისწინებს რუსეთის სანაპიროებიდან გერმანიამდე ბალტიის ზღვის გავლით. საერთო სიმძლავრე — წელიწადში 55 მლრ კუბომეტრი ბუნებრივი აირი. პროექტს აქტიურად ეწინააღმდეგებიან აშშ, უკრაინა და ასევე ევროპის მთელი რიგი ქვეყნები. შეერთებულმა შტატებმა გაზსადენის წინააღმდეგ სანქციები დააწესა 2019 წელს, რის შედეგადაც შვეიცარიული კომპანია Allseas იძულებული გახდა, შეეჩერებინა მილების გაყვანის პროცესი. 2021 წელს კი, აშშ-ის ახალი პრეზიდენტის ინაუგურაციამდე ერთი დღით ადრე, ძველმა ადმინისტრაციამ, გარდა „ფორტუნასი“ და მისი მფლობელი КВТ-Рус-ისა, სანქციების ჩამონათვალში შეიყვანა კომპანია „რუსტანკერი“ და ტანკერები „მაქსიმ გორკი“ და „სიერა“.

რუსეთმა, თავის მხრივ, არაერთხელ განაცხადა, რომ პროექტი კომერციულია და ის ხელსაყრელია ევროპისთვის. ამასთან ბერლინი მხარს უჭერს გაზსადენის მშენებლობის დასრულებას და ეწინააღმდეგება აშშ-ის ცალმხრივ ექსტერიტორიულ სანქციებს.

39
თემები:
საერთაშორისო პანორამა (168)
ანკარა

თურქეთში ტურისტებისთვის შეზღუდვები გაახანგრძლივეს

37
ტესტი კორონავირუსის გამოსავლენად უნდა გაკეთდეს რეისამდე არაუმეტეს 72 საათით ადრე. ექვს წლამდე ასაკის ბავშვებს ტესტის გაკეთება კვლავ არ მოეთხოვებათ

თბილისი, 1 მარტი - Sputnik. თურქეთის ხელისუფლებამ გადაწყვიტა, კვლავ გაახანგრძლივოს შეზღუდვა, რომლის თანახმადაც ქვეყანაში ჩასულმა მოგზაურებმა უნდა წარადგინონ უარყოფითი ტესტი COVID-19-ზე. იუწყება ტურისტული ოპერატორების ასოციაცია.

ავიაკომპანიებისთვის დაგზავნილ დირექტივაში ნათქვამია, რომ ისინი ვალდებული არიან, თურქეთში მიმავალ თვითმფრინავში დაუშვან მხოლოდ ის ტურისტები, რომლებიც ამ დოკუმენტს წარუდგენენ.

წესები 26 მაისამდე იმოქმედებს.

აღნიშნულია, რომ კორონავირუსის ანალიზი უნდა გაკეთდეს არაუადრეს 72 საათისა რეისის აფრენამდე. ამასთან, ექვს წლამდე ბავშვებისთვის ტესტი კვლავაც არ არის საჭირო. ტესტის წარმოდგენის ვალდებულება არ გააჩნიათ ასევე სატრანზიტო მგზავრებს, რომლებიც მესამე სახელმწიფოებში მიემგზავრებიან.

37
ნიკოლა სარკოზი

ნიკოლა სარკოზის აპატიმრებენ: სასამართლომ ექს-პრეზიდენტს რეალური ვადა შეუფარდა

49
(განახლებულია 21:22 01.03.2021)
როგორც თავად საფრანგეთის ყოფილი ლიდერი ირწმუნება, მის წინააღმდეგ აღძრული სისხლის სამართლის საქმეები — მოსამართლეების შურისძიებაა იმის გამო, რომ მმართველობის პერიოდში მათ უფლებამოსილებები შეუკვეცა.

თბილისი, 1 მარტი — Sputnik. პარიზის სასამართლომ საფრანგეთის ყოფილი პრეზიდენტი ნიკოლა სარკოზი დამნაშავედ ცნო კორუფციასა და გავლენით ვაჭრობაში, რის გამოც მას სამი წლით თავისუფლების აღკვეთა მიესაჯა, იუწყება BFM TV.

გავრცელებული ინფორმაციით, აქედან ერთი წელი რეალურია, ხოლო ორი — პირობითი.

გარდა ამისა, ნიკოლა სარკოზის ბრალად ედებოდა ის ფაქტიც, რომ ის უკანონოდ ცდილობდა საფრანგეთის საკასაციო სასამართლოს თანამშრომლისგან ინფორმაციის მიღებას კომპანია L’Oreal-ის დამფუძნებლის ლილიან ბეტანკურის მიერ მისი საპრეზიდენტო კამპანიის არალეგალური დაფინანსების შესახებ.

სარკოზი, რომელმაც პრეზიდენტის პოსტი 2012 წელს დატოვა, მანამდე უკვე იყო ეჭვმიტანილი კორუფციაში. საფრანგეთში ამ დროისათვის კვლავ მიმდინარეობს გამოძიება 2007 წელს მისი საპრეზიდენტო კამპანიის დაფინანსების შესახებ ლიბიის ლიდერ მუამარ კადაფის მიერ.

როგორც თავად საფრანგეთის ყოფილი ლიდერი ირწმუნება, მის წინააღმდეგ აღძრული სისხლის სამართლის საქმეები — მოსამართლეების შურისძიებაა იმის გამო, რომ მმართველობის პერიოდში მათ უფლებამოსილებები შეუკვეცა.

49
თემები:
სასარგებლო რჩევები
საქართველოს პრეზიდენტის რეზიდენცია

„დიალოგი გაგრძელდება“: შეხვედრა ხელისუფლებასა და ოპოზიციას შორის დასრულდა

0
(განახლებულია 23:24 01.03.2021)
ოპოზიციას და ხელისუფლებას შორის ხანგრძლივი პაუზის შემდეგ გამართულ შეხვედრაზე შედგა ექვსპუნქტიანი ჩარჩო-ხელშეკრულება, რომელსაც შეხვედრის ყველა მონაწილემ მოაწერა ხელი

თბილისი, 1 მარტი - Sputnik. საქართველოს პრეზიდენტის სასახლეში დასრულდა ევროპული საბჭოს პრეზიდენტ შარლ მიშელის მიერ ორგანიზებული შეხვედრა ხელისუფლებასა და ოპოზიციას შორის.

შეხვედრაზე, რომელსაც მიშელის გარდა ესწრებოდა პრემიერი ირაკლი ღარიბაშვილი და ყველა ოპოზიციური პარტიის ლიდერი, შედგა ექვსპუქნტიანი ჩარჩო-დოკუმენტი, რომელსაც შეხვედრის მონაწილეებმა ხელი მოაწერეს.

ამ ექვს პუნტქს შორისაა ისეთი საკითხები, ვადამდელი არჩევნების ჩატარება, პოლიტპატმრების გათავისუფლება, მართლმსაჯულების რეფორმა. შემდგომ შეხვედრებზე მხარეებს შორის მსჯელობა სწორედ ამ საკითხების ირგვლივ გაგრძელდება.

მიშელის თქმით, საქართველოს საკითხი რამდენიმე კვირაში განიხილება ევროპარლამენტში. მანამდე კი ხელისუფლებასა და ოპოზიციას შორის უნდა გაიმართოს შეხვედრა, რომელზეც, ღარიბაშვილის თქმით, ეროვნული კონსენსუსი უნდა შედგეს.

„ჩვენ უნდა გამოვნახოთ შესაძლებლობა, ისეთი ეროვნული, საერთო იდეა, რომელიც გაგვაერთიანებს, ჩვენს ხალხს, ერს გააერთიანებს, ესაა, რაც სჭირდება დღეს ჩვენს ქვეყანას ყველაზე მეტად, საერთო ეროვნული კონსენსუსი, საერთო ეროვნული თანხმობა“, – განაცხადა ირაკლი ღარიბაშვილმა.

პრემიერის თქმით, მხარეებმა შეაჯერეს პოზიციები. მისი თქმით, ხელისუფლების საბოლოო პოზიცია ჩამოყალიბდება მმართველი პარტიის პოლიტსაბჭოში გამართული კონსლუტაციების შემდეგ.

„ვიმსჯელეთ მთელ რიგ საკითხებზე, იმ განსხვავებებზე, რომელიც გვაქვს მამართველ პარტიას, ხელისუფლებას და ოპოზიციას. ბუნებრივია, გვაქვს პრინციპული პოზიციები გარკვეულ საკითხებზე, რომელზეც გვაქვს ჩვენი არგუმენტირებული მოსაზრება, ასევე მოვისმინეთ თითოეული წარმომადგენლისგან მათ მიერ დასმული კითხვები და გავეცი პასუხი. ჩვენ შევთანხმდით იმაზე, რომ დიალოგი გაგრძელდება. მექნება კონსულტაციები პარტიის პოლიტიკურ საბჭოსთან და ჩამოვყალიბდებით შემდეგ ნაბიჯებზე“, - განაცხადა ღარიბაშვილმა.

პრეზიდენტის სასახლეში შეიკრიბნენ ყველა ოპოზიციური პარტიის ლიდერები - „ერთიანი ნაციონალური მოძრაობის“ (აკაკი მინაშვილი, სალომე სამადაშვილი), „ევროპული საქართველოს“ (დავით ბაქრაძე, გიგა ბოკერია), „ლელო საქართველოსთვის“ (მამუკა ხაზარაძე), „პატრიოტთა ალიანსის“ (ირმა ინაშვილი), რესპუბლიკური პარტიის (ხათუნა სამნიძე), ლეიბორისტული პარტიის (შალვა ნათელაშვილი), „მოქალაქეების“ (ალეკო ელისაშვილი), „გირჩი - მეტი თავისუფლება“ (ზურაბ ჯაფარიძე).

ევროპული საბჭოს პრეზიდენტი შარლ მიშელი საქართველოში ოფიციალური ვიზიტით იმყოფება. 

პოლიტიკური კრიზისი საქართველოში „ნაციონალური მოძრაობის“ თავმჯდომარის, ნიკა მელიას დაკავების შემდეგ კიდევ უფრო გამწვავდა. ოპოზიცია ქუჩაში გამოვიდა და ორი კვირის განმავლობაში საპროტესტო აქციების გამართვას აპირებს. ოპოზიციის ლიდერების თქმით, აქციები მხოლოდ იმ შემთხვევაში გადაიდება, თუ განახლდება მოლაპარაკების პროცესი მმართველ პარტიასთან. მომიტინგეები პოლიტპატიმრების გათავისუფლებას და ვადამდელი არჩევნების ჩატარებას მოითხოვენ.

დასავლელი შუამავლების ორგანიზებით მოლაპარაკებათა რამდენიმე რაუნდი უკვე ჩატარდა, მაგრამ უშედეგოდ.

0