ვარშავაში

პოლონეთში კორონავირუსის სამხრეთაფრიკული შტამი აღმოაჩინეს

61
ქვეყანაში მანამდე კორონავირუსის პანდემიის მესამე ტალღის დადგომის შესახებ განაცხადეს. ეპიდემიის დასაწყისიდან დღემდე პოლონეთში კორონავირუსით 1 623 218 ადამიანი დაავადდა

თბილისი, 19 თებერვალი - Sputnik. პოლონეთში კორონავირუსის სამხრეთაფრიკული მუტაცია პირველად გამოვლინდა, განაცხადა ქვეყნის ჯანდაცვის მინისტრმა ადამ ნეძელსკიმ.

„ასეთი მუტაციის გამოვლენის პირველი შემტხვევა გვაქვს", – განაცხადა ნეძელსკიმ პრესკონფერენციაზე ვარშავაში და აღნიშნა, რომ კორონავირუსის ეს სახეობა ბელოსტოკში დაფიქსირდა.

უფრო ადრე პოლონეთმა კორონავირუსის პანდემიის მესამე ტალღის შესახებ განაცხადა. ჯანდაცვის სამინისტროს ბოლო მონაცემებით, ქვეყანაში კორონავირუსით სულ, ეპიდემიის დაწყებიდან დღემდე ინფიცირებულია 1 623 218 ადამიანი, გარდაიცვალა 41 823.

ექსპერტების თქმით, მუტაცია 501Y.V2, რომელიც სამხრეთ აფრიკის რესპუბლიკაში დეკემბერში აღმოაჩინეს, 50%–ით უფრო გადამდებია, ვიდრე ამის წინა სახეობა. ამ დროისთვის ის სულ მცირე 20 ქვეყანაშია გავრცელებული.

61
თემები:
COVID-19-ის პანდემია მსოფლიოში (1317)
რუსული ვაქცინა

აშშ-ის მთავარმა ინფექციონისტმა რუსული ვაქცინა შეაქო

25
რუსული ვაქცინა „სპუტნიკV“ სახელმწიფო რეგულატორების მიერ გაცემული ნებართვების რაოდენობით მსოფლიოში მეორე ადგილს იკავებს.

თბილისი, 6 მარტი – Sputnik. აშშ-ის მთავარმა ინფექციონისტმა ენთონი ფაუჩიმ ბერძნულ ტელეარხ Skai-სთვის მიცემულ ინტერვიუში კორონავირუსის საწინააღმდეგო რუსული ვაქცინა „სპუტნიკV“ შეაქო, იუწყება РИА Новости.

ჟურნალისტმა აშშ-ის პრეზიდენტის, ჯო ბაიდენის მრჩეველს დაუსვა კითხვა, აიცრებოდა თუ არა ის რუსული „სპუტნიკით“ ან ჩინური ვაქცინით.

„მონაცემები, რომლებიც მე ვიცი „სპუტნიკის“ შესახებ, საკმაოდ კარგია. მე არ მაქვს საკმარისი ინფორმაცია ჩინური ვაქცინის შესახებ, რადგან მათ აქვთ ორი თუ სამი სხვადასხვა ვაქცინა. ასე რომ არ მიდევნებია თვალი მათი ეფექტურობისთვის, მაგრამ რუსული პრეპარატის მონაცემები საკმაოდ კარგად გამოიყურება“, - უპასუხა ფაუჩიმ, რომელსაც არხი აშშ-ის წამყვან მეცნიერს უწოდებს.

ფაუჩიმ ასევე განაცხადა, რომ საუბრები ვაქცინების შესაძლო გვერდითი ეფექტების შესახებ ნაკლებად აღელვებს.

„ჩემი შეშფოთება მინიმალურია. ამას იმიტომ ვაცხადებ, რომ აშშ-ში Pfizer-ისა და Moderna-ს ვაქცინებზე ჩატარებულმა ტესტებმა აჩვენა მათი ეფექტურობა 94-95%-მდე და მინიმალური რეაქტიულობა. პირველი დოზის შემდეგ ჩნდება გარკვეული ტკივილი მკლავში, რომელიც დაახლოებით 24 საათს გრძელდება. მეორე დოზაში რეაქტიულობა უფრო მაღალია. Pfizer-ის შემთხვევაში ის ჩნდება 21 დღის შემდეგ, Moderna-ს - 28 დღის შემდეგ. მეორე დოზის შემდეგ ვლინდება დაღლილობის, ტკივილის, შემცივნების სიმპტომი და შესაძლოა მცირე ცხელება“, - განაცხადა ეპიდემიოლოგმა.

მისი თქმით, ადამიანთა უმრავლესობაში აღნიშნული სიმპტომები 24 საათს გრძელდება, თუმცა ზოგიერთ ადამიანს შეიძლება ცოტა მეტხანს გაუგრძელდეს.

რუსეთის ჯანდაცვის სამინისტრომ „სპუტნიკ V“-ს 2020 წლის აგვისტოში დაარეგისტრირა. ვაქცინა გამალეის ცენტრში შემუშავდა.

სამეცნიერო ჟურნალმა The Lancet-მა გამოქვეყნდა ნაშრომი, რომელიც „სპუტნიკV“-ს კლინიკური კვლევების მესამე ფაზის შედეგებს ასახავს. ნაშრომის თანახმად, „სპუტნიკ V“-ს ეფექტურობა 91,6%-ს შეადგენს და ის იმუნოგენურობისა და უსაფრთხოების მაღალ დონეს ავლენს. ვაქცინა ახალი კორონავირუსული ინფექციით დაავადების მძიმე შემთხვევებისგან სრულ დაცვას უზრუნველყოფს.

25

როგორი იქნებოდა ჩვენი სამყარო, დედამიწა რომ ბრტყელი ყოფილიყო? - შემეცნებითი ვიდეო

30
(განახლებულია 14:07 06.03.2021)
ინტერნეტ-სივრცეში ხშირად წააწყდებით დედამიწის სიბტყელის შესახებ ხუმრობებსა თუ სერიოზული თეორიებს, რომლებსაც დღეისათვის უამრავი მიმდევარი ჰყავს

Flatearther-ებს (ბრტყელი დედამიწის თეორიის მხარდამჭერები) ნამდვილად მდიდარი ფანტაზია აქვთ, მათი აზრით ამერიკის აერონავტიკის და კოსმოსური სივრცის კვლევის ეროვნული სამმართველო სამყაროს რეალობას უმალავს.

ისინი რომ მართლები ყოფილიყვნენ, ხეები დიაგონალურად გაიზრდებოდა, მზის დაბნელება კი განსხვავებული სანახაობა იქნებოდა. ასევე, მათი თქმით, მზე ბრუნავს დედამიწის გარშემო და არა პირიქით. თუმცა რეალობა სულ სხვაგვარია.

ვიდეოში იხილავთ, როგორი იქნებოდა სამყარო, თუ კი დედამიწა მართლად ბრტყელი იქნებოდა.

30

ანტი-კომენდანტი: აქცია კოვიდ-შეზღუდვების წინააღმდეგ თბილისში

0
შაბათს თბილისის საკრებულოს შენობასთან კოვიდ-შეზღუდვების წინააღმდეგ რამდენიმე საათიანი საპროტესტო აქცია გაიმართა. დაწვრილებით - Sputnit-საქართველოს ვიდეოში იხილავთ

კოვიდ-შეზღუდვების წინააღმდეგ აქციაში 200-ზე მეტი ადამიანი მონაწილეობდა. მომიტინგეებს შორის ძირითადად ახალგაზრდები იყვნენ, რომლებიც გასართობი დაწესებულებეის გახსნასა და საკომენდანტო საათის გაუქმებას მოითხოვდნენ. ზოგიერთი მათგანის ბანერზე ეწერა „ანტი-კომენდანტი“.

აქციაში ასევე მონაწილეობდნენ მომღერლები, მუსიკოსები, ტურისტული სფერს წარმომადგენლები, პოლიტიკოსები და საზოგადო მოღვაწეები, მათ შორის პარტია „გირჩისა“ და ლეიბორისტული პარტიის წარმომადგენლები, ასევე სამოქალაქო სექტორის აქტივისტები.

აქცია თავდაპირველად უშუალოდ საკრებულოს შენობასთან დაიწყო, მოგვიანებით დემონსტრანტებმა ბანერებიანად წრიულ კუნძულზე წმინდა გიორგის ქანდაკების ძირში გადაინაცვლეს. მიტინგის დროს სატრანსპორტო მიმოსვლა შეიზღუდა, თუმცა არ გადაკეტილა. საავტომობილო მოძრაობას ადგილზე საპატრულო პოლიციის თანამშრომლები აკონტროლებდნენ.

 

0