ცხაურები ფანჯარაზე

დუბაის პრემიერს საკუთარი ქალიშვილი ჰყავს დატყვევებული: ვრცელდება სკანდალური ვიდეო

150
(განახლებულია 20:45 18.02.2021)
ფარულად გადაღებულ ვიდეოში პრემიერის ქალიშვილი ამბობს, რომ უკვე ორი წელია მამის ტყვეობაშია და მას გამუდმებით იცავს ოცდაათი პოლიციელი.

თბილისი, 18 თებერვალი — Sputnik. დუბაის პრემიერ-მინისტრს, შეიხ მოჰამედ იბნ რაშიდ ალ მაქთუმს უკვე ორი წელია, რაც საკუთარი ქალიშვილი ჰყავს დატყვევებული ქვეყნიდან გაქცევის მცდელობის გამო, იუწყება BBC.

ამის შესახებ ინფორმაცია თავად პრინცესა ლატიფა ბინტ მოჰამედ იბნ რაშიდ ალ მაქთუმმა გაავრცელა ფარულად ჩაწერილი ვიდეოთი, რომელიც „ბი-ბი-სის“ მიაწოდა.

​ვიდეოში 35 წლის პრინცესა ამბობს, რომ ციხედ გადაკეთებულ ვილაში ცხოვრობს და 30 პოლიციელი იცავს. ირკვევა, რომ ქალს ფანჯრის გაღების უფლებაც კი არ აქვს, გამუდმებით მარტოა და სამედიცინო დახმარებაზეც კი არ მიუწვდება ხელი.

არსებული ცნობით, პრემიერის ქალიშვილი ბოლოს 2018 წელს გამოჩნდა ინდოეთის სანაპიროსთან იახტაზე. ამის შემდეგ ინდოეთისა და არაბთა გაერთიანებული საამიროების სპეცსამსახურებმა ერთობლივი რეიდი ჩაატარეს და პრინცესა დუბაიში დაბრუნეს.

​გავრცელებული ინფორმაციით, პრინცესა ლატიფა ქვეყნიდან გაქცევას აპირებდა, და ეს გაქცევის მეორე მცდელობა იყო — ქვეყნის დატოვებას პირველად ის ჯერ კიდევ მოზარდობისას, 2002 წელს შეეცადა.

გამოცემის ინფორმაციით, 2018 წელს ლატიფა გაეროს ადამიანის უფლებათა კომისარმა, ირლანდიის ყოფილმა პრეზიდენტმა მერი რობინსონმა მოინახულა. მაშინ მან დაასკვნა, რომ პრინცესას არაფერი ემუქრებოდა. თუმცა მოგვიანებით განმარტა, რომ ქალის ნათესავებმა ის დაარწმუნეს, თითქოს პრემიერის ქალიშვილს ბიპოლარული აშლილობა ჰქონდა და საკუთარ თავს უქმნიდა საფრთხეს.

გარდა ამისა CNN წერს, რომ დუბაის მმართველმა მანამდე კიდევ ერთი ქალიშვილი დააბრუნა ძალით ქვეყანაში. ირკვევა, რომ შეიხა შამსა, რომელიც სხვა ცოლისგან ჰყავს პრემიერ-მინისტრს, ლონდონში იყო გაქცეული, თუმცა ის იქიდან გაიტაცეს და ძალით დააბრუნეს არაბთა გაერთიანებულ საამიროებში.

150
თემები:
საერთაშორისო პანორამა (188)
ოლიმპიური ჩირაღდანი

ოლიმპიური ჩირაღდნის ესტაფეტაში პლანეტის უხნესი ქალი მიიღებს მონაწილეობას

42
(განახლებულია 20:30 05.03.2021)
კანე ტანაკა, რომელიც 2019 წელს ოფიციალურად ცნეს პლანეტის ყველაზე ხნიერ მცხოვრებად, ამ დროისათვის 118 წლისაა

თბილისი, 5 მარტი - Sputnik. იაპონიაში ოლიმპიური ცეცხლის დანთების ესტაფეტაში პლანეტის უხნესი ადამიანი, 118 წლის კანე ტანაკა მიიღებს მონაწილეობას, იუწყება CNN–ი.

​აღინიშნება, რომ ქალბატონი ტანაკა ოლიმპიურ ჩირაღდანს ქალაქ შიმაში მიიღებს, სადაც ცხოვრობს კიდეც. ორგანიზატორების ჩანაფიქრით, დედამიწის ყველაზე ასაკოვან ქალს ასი მეტრის გადალახვა მოუწევს ინვალიდის სავარძლით, თუმცა ბოლო რამდენიმე ნაბიჯს საკუთარი ფეხით გაივლის.

ამასთან ორგანიზატორები განმარტავენ, რომ კანე ტანაკას მონაწილეობა ღონისძიებაში, რომელიც მაისშია დაგეგმილი და რომლის სპონსორიც სიცოცხლის დამზღვევი კომპანია გახლავთ, ქალი ჯანმრთელობის მდგომარეობასა და ამინდზეა დამოკიდებული.

„შესანიშნავია, რომ მან ასეთ ასაკს მიაღწია და ჯერ კიდევ შეუძლია აქტიური ცხოვრება. გვინდა, რომ სხვა ადამიანებმაც დაინახონ ეს და გამხნევდნენ, მიხვდნენ, რომ ასაკი დაბრკოლება არ არის“, — ამბობს ტანაკას შვილიშვილი.

კანე ტანაკა 1903 წლის 2 იანვარს დაიბადა. იაპონიაში სულ ბოლოს ჩატარებული ოლიმპიადის დროს, 1964 წელს ის 61 წლის იყო.

2019 წელს კანე ტანაკა ოფიციალურად ცნეს პლანეტი უხნეს ადამიანად.

42
თემები:
საერთაშორისო პანორამა (188)
არ დაკიდოთ სარკე აბაზანაში

ქალმა აბაზანაში სარკე ჩამოხსნა და საიდუმლო ოთახი აღმოაჩინა - ვიდეო

209
(განახლებულია 19:31 05.03.2021)
ქალმა სარკის უკან ხვრელი მას შემდეგ აღმოაჩინა, რაც გამუდმებული ორპირი ქარებით ძალიან შეწუხდა და ბინის გამოკვლევა გადაწყვიტა

თბილისი, 5 მარტი - Sputnik. მრავალბინიან კორპუსში ქირით მცხოვრებმა ახალგაზრდა ქალმა, რომელსაც გამუდმებით აწუხებდა იდუმალი წარმოშობის ორპირი ქარი ბინაში, საცხოვრებლის გამოკვლევა გადაწყვიტა და აბაზანის სარკის უკან საიდუმლო გასასვლელი იპოვა, რომელიც სხვა ბინაში მიდოდა, იუწყება Daily Mail–ი.

გავრცელებული ინფორმაციით, შემთხვევა ნიუ–იორკში მოხდა.

შეშინებულმა სამანტა ჰარტსომ (ასე ჰქვია ქალს) დასახმარებლად მეგობრებს უხმო, შემდეგ კი „უცნობი ტერიტორიის“ შესასწავლად გაძვრა სარკისმიღმა ხვრელში.   

აღმოჩნდა, რომ მისი აბაზანის უკან მთელი ბინა იყო, რომელშიც რემონტი ჯერ კიდევ არ გახლდათ დასრულებული. კედლებიდან სადენები იყო გამოჩრილი, ხოლო ოთახის შუაში სამშენებლო ნაგვით სავსე ტომრები ელაგა. ამასთან ბინის შემოსასვლელი კარი ღია იყო.

სამანტა შეაძრწუნა იმის წარმოდგენამ, რომ მის ბინაში მოხვედრა ნებისმიერ ადამიანს ნებისმიერ დროს შეეძლო.

აღსანიშნავია, რომ ვიდეო, რომელიც მან „უცხო ტერიტორიაზე მოგზაურობისას“ გადაიღო და სოციალურ ქსელში გამოქვეყნა, იუზერებმა უკვე შეადარეს 1992 წელს გადაღებულ საშინელებათა საკულტო ფილმს „კენდიმენი“.

209
თემები:
საერთაშორისო პანორამა (188)
კორონავირუსის ეპიდემია

კოვიდ-სტატისტიკა საქართველოში: დადებითობის მაჩვენებელი, რეგიონები

0
(განახლებულია 11:44 06.03.2021)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 355-ით გაიზარდა და ინფიცირებულთა საერთო რიცხვმა 272.617-ს მიაღწია.

თბილისი, 6 მარტი - Sputnik. 6 მარტის მონაცემებით, საქართველოში კორონავირუსით ინფიცირების დადებითობის დღიური მაჩვენებელი 1,8%-ს შეადგენს, ბოლო 14 დღის - 1,6%-ს, ბოლო 7 დღის - 1,44%-ს. ინფორმაციას საქართველოს მთავრობის ადმინისტრაცია ავრცელებს.

აღსანიშნავია, რომ ბოლო 24 საათში ჩატარდა 19.737 კვლევა ტესტით , მათ შორის ანტიგენის სწრაფი ტესტით - 12.307, PCR ტესტით - 7.430.

ბოლო დღე-ღამეში გამოვლენილი კორონავირუსის 355 შემთხვევიდან ყველაზე მეტი – 176 შემთხვევა დედაქალაქში დაფიქსირდა. ინფიცირებულთა შემთხვევების რაოდენობით მეორე ადგილზე იმერეთი, შემდეგ კი შიდა ქართლის რეგიონია.

რეგიონების მიხედვით კორონავირუსით ინფიცირების სტატისტიკა ასეთია: 

იმერეთი - 48, შიდა ქართლი - 30, სამეგრელო - ზემო სვანეთი - 23, კახეთი - 19, აჭარა - 17, გურია - 14, რაჭა-ლეჩხუმი და ქვემო სვანეთი - 10, ქვემო ქართლი - 8, მცხეთა-მთიანეთი - 6, სამცხე-ჯავახეთი - 4.

ბოლო 24 საათში ვირუსისგან გამოჯანმრთელდა 91 პირი და ჯამში გამოჯანმრთელებულთა რაოდენობა 266.344-მდე გაიზარდა.

ბოლო დღე-ღამის განმავლობაში გარდაიცვალა 4 ადამიანი და გარდაცვლილთა საერთო რაოდენობამ 3.567-ს მიაღწია.

ამ დროის მონაცემებით, საქართველოში 2.680 აქტიური შემთხვევაა.

კოვიდ-კლინიკებში მოთავსებულია 1.387 პაციენტი, მათ შორის, თბილისის საავადმყოფოებში - 688, იმერეთში - 233, აჭარაში - 158.

267 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 79 პირი, მათგან თბილისში - 54, იმერეთში - 9, აჭარაში- 2.

კოვიდ-სასტუმროებში მოთავსებულია 142 ადამიანი, მათ შორის 102 - თბილისში, 24 - აჭარაში, 9 - იმერეთში.

საცხოვრებელ ბინაზე ვირუსის მკურნალობის კურსს 1.151 პირი გადის.

დღევანდელი მდგომარეობით, საკარანტინო სივრცეში მოთავსებულია 312 ადამიანი, მათ შორის, თბილისში - 153, ხოლო აჭარაში - 19. თვითიზოლაციაში იმყოფება 6.174 ადამიანი, მათ შორის თბილისში - 2.789 პირი, იმერეთში - 691, აჭარაში - 560.

საქართველოში ახალი კორონავირუსით დაავადებულთა საერთო რიცხვმა 272.617-ს მიაღწია. გამოჯანმრთელდა 266.344 ადამიანი (ბოლო 24 საათში – 91), გარდაიცვალა – 3.567  (ბოლო 24 საათში – 4).

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

0