თბილისი. 17 თებერვალი — Sputnik. რუსეთი საფრთხეს უქმნის ნატოს ყველა წევრ ქვეყანას, განაცხადა პენტაგონის ოფიციალურმა წარმომადგენელმა ბრიფინგზე, რომლის გამოსვლის სტენოგრამასაც აშშ–ის თავდაცვის სამინისტრო საკუთარ საიტზე აქვეყნებს.

„რუსეთი, იყენებს რა საკუთარი მიზნების მისაღწევად სამხედრო ძალას, ხილული საფრთხეა ნატოს ყველა მოკავშირისათვის, აშშ–ის ჩათვლით“, — აცხადებენ პენტაგონში.

ამასთან აღინიშნება, რომ აშშ–ს განზრახული აქვს საკუთარი ინტერესები გაატაროს და აიძულოს მოსკოვი, „პასუხი აგოს უგუნურ და აგრესიულ ქმედებებზე“.

© Sputnik / Alex Shlamov

ნატომ რუსეთს აფხაზეთისა და ცხინვალის რეგიონების აღიარების შეწყვეტისკენ მოუწოდა

„ჩვენ ვხედავთ რუსეთის სწრაფვას, ძირი გამოუთხაროს მსოფლიოში უსაფრთხოებასა და სტაბილურობას თავისი ავტორიტარული მიდგომით. ჩვენ ვხედავთ ამას და მის თანამშრომლობას ჩინეთთან“, — ხაზი გაუსვეს აშშ–ის თავდაცვის უწყებაში.

მანამდე ნატოს გენერალურმა მდივანმა იენს სტოლტენბერგმა აღნიშნა, რომ ალიანსი მზადაა რუსეთთან როგორც კონფრონტაციის, ისე თანამშრომლობისთვის. მისი თქმით, მოსკოვთან ურთიერთობების შენარჩუნება აუცილებელია, ვინაიდან არსებობს გამალებული შეიარაღების განახლების საფრთხე. თუმცა სტოლტენბერგს მაინც მიაჩნია, რომ რუსეთთან დიალოგის წარმოება ძალისა და სიმტკიცის პოზიციიდანაა საჭირო.

ამაზე პასუხად რუსეთის საგარეო საქმეთა სამინისტროს წარმმადგენელმა მარია ზახაროვამ განაცხადა, რომ სწორედ ნატო ერევა ღიად ქვეყნის საშინაო საქმეებში მისი პოლიტიკური და ეკონომიკური შეკავების მიზნით, იყენებს რა ამისთვის სასანქციო მექანიზმებსა და პოლიტიკურ პროვოკაციებს.

მისი ერთ-ერთი განსაკუთრებული პროექტია „ვეფხისტყაოსნის“ თემაზე შესრულებული მინანქრის სამკაული, რომელსაც საზოგადოებაში რეზონანსული გამოხმაურება მოჰყვა. გარდა ამისა, ქალბატონი ნათია მუშაობს ტანსაცმლის დიზაინზე. მისი ყველა ნამუშევარი არის ექსკლუზიური და არასოდეს მეორდება.

photo: Natia Arveladze / FB

ნათია არველაძე

- გაეცანით ჩვენს მკითხველს...

- ჩემი ინტერესი ხელოვნების მიმართ ადრეულ პერიოდში გამოვლინდა. ხატვა, აქსესუარები, ტანსაცმელი - ყოველთვის მიტაცებდა. ამიტომაც ჩავაბარე თბილისის სახელწიფო სამხატვრო აკადემიაში, შემდგომ კი უნივერსიტეტში ხელოვნების ისტორიის ფაკულტეტზე. თავისი თვითმყოფადობით ქართული კულტურა ყოველთვის აღფრთოვანებას იწვევდა ჩემში. მსურდა თვითონ შემექმნა რაღაც, რითაც გამოვხატავდი ჩემს დამოკიდებულებას და სიყვარულს. ასე გაჩნდა ქართულ ბაზარზე ბრენდი „მართა“, რომელიც უკვე 12 წელია არსებობს.

photo: Natia Arveladze / FB

ნათია არველაძე

- სამკაულების შექმნით როდის დაინტერესდით? როგორ შეისწავლეთ და რამდენად საინტერესო იყო ეს პროცესი თქვენთვის?

- სამკაული ყოველთვის მაინტერესებდა, თუმცა იმისთვის, რომ შექმნა კოლექცია, საკმაოდ ცოდნა, თანხები და რისკია საჭირო. 2016 წელს მონაწილეობა მივიღე თბილისის მოდის კვირეულში და ასე შეიქმნა პირველი და ჩემთვის უსაყვარლესი კოლექცია ტანსაცმლისა და სამკაულის, რომლის ინსპირაცია იყო ქართველ მეფეთა  შესამოსელი და უძველესი ოქრომჭედლობა. სამკაული შევასრულეთ ურთულესი ტექნიკით, რომელიც თვითონ მოვიფიქრე. ამ ყველაფერს დიდი შრომა და ნებისყოფა სჭირდებოდა, რომელშიც გვერდში მედგა ჩემი ატელიეს არაჩვეულებრივი პროფესიონალთა გუნდი. ეს იყო რაღაც დიდი და საინტერესო გზის დასაწყისი.

photo: courtesy of Atelier MARTA

ნათია არველაძის დიზაინით შექმნილი სამოსი

- რა ტექნიკით ქმნით სამკაულს და რა ეტაპებს გადიხართ, სანამ ნივთი დასრულებულ სახეს მიიღებს?

- დროთა განმავლობაში გადავედი მინანქრის ტექნიკაზე, რომელსაც გამოხატვის მეტი შესაძლებლობები აქვს.

ჩემთვის მთავარია იდეა, რომელიც შთამაგონებს, აღმაფრთოვანებს, მიკარგავს მოსვენებას და ტვინში იწყება სრული ქაოსი და ამ ქაოსიდან ნელ-ნელა ჩნდება, იკვეთება ფორმები, რასაც შინაგანად ვგრძნობ. ესკიზებს ვქმნი მანამდე, სანამ არ გამოიძერწება სასურველი ფორმა. შემდეგ მოდის უკვე შესრულების ტექნიკური მხარე, რაც ასევე რთული და საინტერესოა.

photo: Atelier MARTA / FB

ვეფხისტყაოსნის თემაზე შექმნილი სამკაული

- თქვენთვის, როგორც ქალისთვის, რასთან ასოცირდება ლამაზი სამკაული?

- ლამაზი სამკაული ისაა, რომელსაც იხდენს ადამიანი, რომელიც ორგანულადაა შერწყმული ხასიათთან, ინდივიდუალურობასთან.

ზოგადად სამკაული, ჩემის აზრით, ესაა თვითგამოხატვის საუკეთესო საშუალება. სამკაულით შეიძლება გახდე რომანტიულიც, მეოცნებეც, ვინტაჟურიც და რევოლუციონერიც.

photo: Atelier MARTA / FB

ნათია არველაძის დიზაინით შექმნილი სამკაული

- ყველაზე რთული და საპასუხისმგებლო ნამუშევარი გაიხსენეთ...

- ერთ-ერთ რთულ ნამუშევრად ჩემს შემოქმედებაში მივიჩნევ  კოლექციას „ვეფხისტყაოსანი", რომელზეც ვიმუშავე საკმაოდ მოკლე დროში და შევქმენი სცენები ნაწარმოებიდან. ეს იყო ძალიან საპასუხისმგებლო, რადგან ფაქტიურად პირველად ხდებოდა „ვეფხისტყაოსნის" დასურათება სამკაულში. საკმაოდ დიდი მოწონება ხვდა წილად და ვფიქრობ, რომ ადრე თუ გვიან ისევ მივუბრუნდები ამ თემას.

photo: Atelier MARTA / FB

ნათია არველაძის დიზაინით შექმნილი სამოსი

- სამკაულის გარად ქმნით ტანსაცმლის დიზაინს. რით არის თქვენი სამოსი გამორჩეული და იგრძნობა თუ არა ნამუშევრებში თქვენი ხელწერა?

- თავიდან,  როდესაც ტანსაცმლის შექმნა დავიწყე, ესეც ქართულ კულტურასთან იყო დაკავშირებული. მსურდა ტაძრის კედლებზე გამოსახული მეფეთა და დიდებულთა შესამოსელი, თანამედროვე სახით და დიზაინით გადმომეცა. ძალიან შთამბეჭდავი გამოვიდა, მაგრამ ასეთი ნამუშევრები სპეციფიურ მიდგომას მოითხოვს, ვიწრო წრეზეა გათვლილი და შესრულებაც ძვირადღირებულია. ამიტომ სამწუხაროდ, ხშირად ვერ ვქმნი.

ჩემს ატელიეში ამჟამად ფუნქციონირებს მუდმივი „შოურუმი“, სადაც ჩვენს მომხმარებელს ვთავაზობთ სხვადასხვა თანამედროვე სტილის სამოსს. შესრულებულია უმაღლესი ხარისხით, რაც დღეს საკმაოდ იშვიათია.

photo: Atelier MARTA / FB

ნათია არველაძის დიზაინით შექმნილი სამკაული

- რთული იყო ქართულ ბაზარზე სახელის მოხვეჭა და თავის დამკვიდრება? რა სირთულეების დაძლევა მოგიხდათ?

- ქართულ და ნებისმიერ ბაზარზე თავის დამკვიდრება, ესაა ურთულესი გზა. მთავარია მიზნისკენ სწრაფვა, დაუღალავი შრომა, უწყვეტი ძალისხმევა, მიზანსწრაფულობა. არაერთგზის მოგვიწევს გავიაროთ სირთულეების ქარცეცხლში და სწორედ მაშინ არ უნდა დანებდე. ესაა წარმატების გასაღები. დღეს, როცა წარსულს გადავხედავ, ვფიქრობ რა ძალით ვუმკლავდებიდი ამ გამოწვევებს. მაგრამ მგონია ესაა ყველაზე ძლიერი განცდა- სურვილი თვითგამოხატვისა. მერე რაღაცნაირად თავისთავად მოდის ინტერესიც და წარმატებაც.

photo: Atelier MARTA / FB

ნათია არველაძის დიზაინით შექმნილი სამკაული

- სამომავლოდ რა გეგმები გაქვთ?

- ამჟამად ვმუშაობ სამკაულის ახალ კოლექციაზე. წესით  საკმაოდ საინტერესო უნდა გამოვიდეს, რადგან შესრულების მხრივაც გარკვეული სიახლეები იქნება.