მიწისძვრა იაპონიაში

იაპონიაში მიწისძვრის შედეგები: დაშავებულია 153 ადამიანი, ნგრევა მასშტაბურია

101
(განახლებულია 18:49 15.02.2021)
იაპონიაში შაბათს მომხდარმა ძლიერმა მიწისძვრამ მასშტაბური ნგრევა გამოიწვია, ფუკუშიმას ატომური ელექტროსადგურების აუზებიდან კი რადიოაქტიური წყალი გადმოიღვარა.

თბილისი, 15 თებერვალი — Sputnik. იაპონიაში შაბათს მომხდარი მძლავრი მიწისძვრის შედეგად 153 ადამიანი დაშავდა, რომელთაგან 12 მძიმე მდგომარეობაშია, განაცხადა ქვეყნის პრემიერ-მინისტრმა იოსიჰიდე საგამ პარლამენტში გამოსვლისას.

პრემიერ-მინისტრის თქმით, მიწისძვრამ მასშტაბური ნგრევა გამოიწვია, რომლის აღმოსაფხვრელადაც ხელისუფლება ყველაფერს აკეთებს.

7,3 მაგნიტუდის მიწისძვრა (თავდაპირველად სიმძლავრე 7,1 მაგნიტუდას შეადგენდა, თუმცა მერე რყევები კიდევ უფრო გაძლიერდა) იაპონიაში 13 თებერვალს მოხდა და ერთ წუთზე მეტი ხნის განმავლობაში გრძელდებოდა. ეპიცენტრი წყნარ ოკეანეში, ფუკუშიმის პრეფექტურის სამხრეთ აღმოსავლეთში მდებარეობდა. ძლიერი რყევები იგრძნობოდა ათამდე სხვა პრეფექტურაში. ხელისუფლებამ მაშინვე გამოაცხადა ცუნამის საშიშროება, თუმცა მოგვიანებით გააუქმა საფრთხე.

აღსანიშნავია, რომ კვირას, 14 თებერვალს ფუკუშიმის რაიონში (სადაც მდებარეობს 2011 წლის ცხრაბალიანი მიწისძვრის შედეგად დაზიანებული ატომური ელექტროსადგური „ფუკუშიმა“) განმეორებითი მიწისძვრა მოხდა, რომლის სიმძლავრეც 5,2 მაგნიტუდას შეადგენდა.

​გავრცელებული ინფორმაციით, ატომური ელექტროსადგურის „ფუკუშიმა-1“-ის და „ფუკუშიმა-2“-ის აუზებიდან, რომლებშიც გადამუშავებული ბირთვული საწვავი ინახება, რადიოაქტიური წყლის ნაწილი გადმოიღვარა. იაპონიის ხელისუფლების განცხადებით, გადმოღვრილი წყლის მოცულობა მცირე იყო და მომხდარმა გავლენა ვერ მოახდინა ბირთვული საწვავის გაცივებაზე.

ამასთან ქვეყნის მთავრობა აცხადებს, რომ ბოლო ორ დღეში მომხდარი მიწისძვრების შედეგად ატომური ობიექტები არ დაზიანებულა.

101
თემები:
საერთაშორისო პანორამა (168)
ანკარა

თურქეთში ტურისტებისთვის შეზღუდვები გაახანგრძლივეს

41
ტესტი კორონავირუსის გამოსავლენად უნდა გაკეთდეს რეისამდე არაუმეტეს 72 საათით ადრე. ექვს წლამდე ასაკის ბავშვებს ტესტის გაკეთება კვლავ არ მოეთხოვებათ

თბილისი, 1 მარტი - Sputnik. თურქეთის ხელისუფლებამ გადაწყვიტა, კვლავ გაახანგრძლივოს შეზღუდვა, რომლის თანახმადაც ქვეყანაში ჩასულმა მოგზაურებმა უნდა წარადგინონ უარყოფითი ტესტი COVID-19-ზე. იუწყება ტურისტული ოპერატორების ასოციაცია.

ავიაკომპანიებისთვის დაგზავნილ დირექტივაში ნათქვამია, რომ ისინი ვალდებული არიან, თურქეთში მიმავალ თვითმფრინავში დაუშვან მხოლოდ ის ტურისტები, რომლებიც ამ დოკუმენტს წარუდგენენ.

წესები 26 მაისამდე იმოქმედებს.

აღნიშნულია, რომ კორონავირუსის ანალიზი უნდა გაკეთდეს არაუადრეს 72 საათისა რეისის აფრენამდე. ამასთან, ექვს წლამდე ბავშვებისთვის ტესტი კვლავაც არ არის საჭირო. ტესტის წარმოდგენის ვალდებულება არ გააჩნიათ ასევე სატრანზიტო მგზავრებს, რომლებიც მესამე სახელმწიფოებში მიემგზავრებიან.

41
ნიკოლა სარკოზი

ნიკოლა სარკოზის აპატიმრებენ: სასამართლომ ექს-პრეზიდენტს რეალური ვადა შეუფარდა

50
(განახლებულია 21:22 01.03.2021)
როგორც თავად საფრანგეთის ყოფილი ლიდერი ირწმუნება, მის წინააღმდეგ აღძრული სისხლის სამართლის საქმეები — მოსამართლეების შურისძიებაა იმის გამო, რომ მმართველობის პერიოდში მათ უფლებამოსილებები შეუკვეცა.

თბილისი, 1 მარტი — Sputnik. პარიზის სასამართლომ საფრანგეთის ყოფილი პრეზიდენტი ნიკოლა სარკოზი დამნაშავედ ცნო კორუფციასა და გავლენით ვაჭრობაში, რის გამოც მას სამი წლით თავისუფლების აღკვეთა მიესაჯა, იუწყება BFM TV.

გავრცელებული ინფორმაციით, აქედან ერთი წელი რეალურია, ხოლო ორი — პირობითი.

გარდა ამისა, ნიკოლა სარკოზის ბრალად ედებოდა ის ფაქტიც, რომ ის უკანონოდ ცდილობდა საფრანგეთის საკასაციო სასამართლოს თანამშრომლისგან ინფორმაციის მიღებას კომპანია L’Oreal-ის დამფუძნებლის ლილიან ბეტანკურის მიერ მისი საპრეზიდენტო კამპანიის არალეგალური დაფინანსების შესახებ.

სარკოზი, რომელმაც პრეზიდენტის პოსტი 2012 წელს დატოვა, მანამდე უკვე იყო ეჭვმიტანილი კორუფციაში. საფრანგეთში ამ დროისათვის კვლავ მიმდინარეობს გამოძიება 2007 წელს მისი საპრეზიდენტო კამპანიის დაფინანსების შესახებ ლიბიის ლიდერ მუამარ კადაფის მიერ.

როგორც თავად საფრანგეთის ყოფილი ლიდერი ირწმუნება, მის წინააღმდეგ აღძრული სისხლის სამართლის საქმეები — მოსამართლეების შურისძიებაა იმის გამო, რომ მმართველობის პერიოდში მათ უფლებამოსილებები შეუკვეცა.

50
თემები:
სასარგებლო რჩევები
ეკატერინე ტიკარაძე

ეკატერინე ტიკარაძე არ გამორიცხავს სასამართლო დავას COVAX-პლატფორმასთან

0
ამ ეტაპზე საქართველოს ჯანდაცვის სამინისტრო ელოდება COVAX-პლატფორმისგან უარყოფას იმ ბრალდებების, რომლებიც სამინისტროს მისამართით გაჟღერდა, განაცხადა მინისტრმა

თბილისი, 1 მარტი – Sputnik. საქართველომ შესაძლოა უჩივლოს COVAX-პლატფორმას ინფორმაციის გავრცელებისთვის, თითქოს ქვეყანა არ არის მზად Pfizer-ის ვაქცინის პირველი პარტიის მისაღებად ტექნიკური მიზეზების გამო, განაცხადა ჯანდაცვის მინისტრმა ეკატერინე ტიკარაძემ.

მანამდე ერთ-ერთმა ქართულმა საინფორმაციო საშუალებამ პლატფორმაზე დაყრდნობით გაასაჯაროვა ინფორმაცია იმის შესახებ, რომ თებერვალში ვაქცინა მიიღეს მხოლოდ იმ ქვეყნებმა, რომელთა ეროვნულმა რეგულატორებმა პრეპარატს ავტორიზება მისცეს და ვაქცინის მწარმოებლებთან გააფორმეს ზარალის ანაზღაურების კონტრაქტი.

„გამომდინარე იქიდან, რომ აქ საუბარია რეპუტაციულ რისკებზე, ჩივილსაც არ გამოვრიცხავ. ვინაიდან, ეს ყველაფერი, ჩვენდა სამწუხაროდ, საქართველოში არსებული მძიმე პოლიტიკური მდგომარეობიდან გამომდინარე ოპოზიციური ოპონენტების მხრიდან გამოყენებულია იმის ესკალაციისთვის, რომ საქართველოში მოხდეს პოლიტიკური დიდი დაძაბულობა და პოლარიზაცია“, - აღნიშნა ეკატერინე ტიკარაძემ ტელეკომპანია „რუსთავი2“-ის ეთერში.

მისი თქმით, ჯანდაცვის სამინისტრომ უკვე მიმართა პლატფორმას და მოსთხოვა პასუხი, თუ რატომ გაკეთდა ასეთი კომენტარი.

„ყველა იმ არსებულ კომუნიკაციაში, რომელიც ჩვენ დავიწყეთ COVAX-პლატფორმასთან 18 სექტემბრის მერე, მსგავსი გადაცდომა მათი მხრიდან და აღნიშვნა არ ყოფილა, რომ ჩვენ რაიმე შეცდომა დავუშვით. COVAX-პლატფორმა ერთხელ უკვე მოხდა მსგავს გაუგებრობაში, კერძოდ ბოსნიასთან მიმართებაში, რის გამოც ბოსნიამ COVAX-პლატფორმას უჩივლა“, - განაცხადა მინისტრმა.

მან უარყო გავრცელებული ინფორმაცია იმის შესახებ, რომ საქართველოში ვაქცინის შემოტანის შეფერხება უკავშირდება იმას, რომ ქვეყანა არ არის მზად მის შემოსატანად.

COVAX–პლატფორმის მეშვეობით ქვეყანაში Pfizer-ის პირველი პარტია თებერვლის ბოლოს უნდა შემოსულიყო და ქვეყანას მედპერსონალის ვაქცინაცია უნდა დაეწყო. მაგრამ ცნობილი გახდა, რომ ვაქცინის პირველი პარტიის შემოტანა მარტისთვის გადაიდო. ქვეყანაში უკვე შემოტანილია 50 ათასი სპეციალური შპრიცი, რომელიც აცრისთვის არის საჭირო. მობილიზებულია სპეციალური მაცივრები, რომლებიც Pfizer-ის ვაქცინის შესანახად არის საჭირო. ვაქცინაციის დასაწყებად მზად არის ცხრა სამედიცინო დაწესებულება.

0