იაპონიის დროშა

იაპონია კურილის კუნძულების თაობაზე რუსეთთან „მტკიცე“ მოლაპარაკებებს გეგმავს

58
(განახლებულია 16:17 15.02.2021)
მეორე მსოფლიო ომის შემდეგ ტოკიოსა და მოსკოვს შორის სამშვიდობო შეთანხმება არ გაფორმებულა, რაც დღემდე გადაუჭრელ საკითხად რჩება.

თბილისი, 15 თებერვალი — Sputnik. იაპონიას განზრახული აქვს, მტკიცედ იმოქმედოს რუსეთთან სადავო ტერიტორიის საკითხის გადასაჭრელად, მიუხედავად იმისა, რომ რუსეთის კონსტიტუცია, მასში შეტანილი შესწორების თანახმად, კრძალავს სახელმწიფოს კუთვნილი ტერიტორიების გასხვისებას, განაცხადა იაპონიის მინისტრთა კაბინეტის გენერალურმა მდივანმა კაცუნობუ კატომ.

აღნიშნულის თაობაზე წერს საინფორმაციო სააგენტო РИА Новости.

„მიმაჩნია, რომ მთავრობა კვლავაც განწყობილი იქნება – დაჟინებით განაგრძოს მოლაპარაკებები ჩვენი ძირითადი კურსის შესაბამისად, რათა გადაიჭრას ტერიტორიული საკითხი და გაფორმდეს სამშვიდობო შეთანხმება“, — განაცხადა კატომ ბრიფინგზე.

მისი თქმით, გასული წლის სექტემბერში, უკვე მას შემდეგ, რაც რუსეთის კონსტიტუციაში ცვლილება შევიდა, იაპონიის ყოფილ პრემიერ-მინისტრ სინძო აბესა და რუსეთის პრეზიდენტ ვლადიმირ პუტინს შორის სატელეფონო საუბარი გაიმართა. ამ საუბრისას სინძო აბე მანამდე მიღწეულ შეთანხმებას შეეხო, რომელიც 1956 წლის ერთობლივი დეკლარაციის საფუძველზე სამშვიდობო ხელშეკრულების შესახებ მოლაპარაკებების დაჩქარებას ითვალისწინებდა.

აღსანიშნავია, რომ მეორე მსოფლიო ომის დასრულების შემდეგ რუსეთსა და იაპონიას შორის სამშვიდობო ხელშეკრულება არ გაფორმებულა, რაც ორ ქვეყანას შორის სამხრეთ კურილის ოთხი კუნძულის საკითხს დღემდე პრობლემად ტოვებს. მოსკოვი აცხადებს, რომ მეორე მსოფლიო ომის შედეგებით, აღნიშნული კუნძულები სსრკ-ის შემადგენლობაში გადავიდა და მათზე რუსეთის სუვერენიტეტი უდავოა. თუმცა 1956 წელს საბჭოთა კავშირმა და იაპონიამ ხელი მოაწერეს ერთობლივ დეკლარაციას, რომლის მიხედვითაც მოსკოვი ეთანხმებოდა იაპონიისთვის ორი კუნძულის — ჰაბომაისა და შიკოტანის გადაცემის საკითხის განხილვას მას შემდეგ, რაც ორ ქვეყანას შორის სამშვიდობო შეთანხმება გაფორმდებოდა. მაგრამ შემდგომმა მოლაპარაკებებმა ვითარება ვერანაირად ვერ შეცვალა.

58
თემები:
საერთაშორისო პანორამა (162)

NASA-ს მარსმავალმა წითელი პლანეტის სურათები გადაიღო - ფოტო

15
  • Perseverance 18 თებერვალს წარმატებით დაჯდა მარსზე
  • დაჯდომიდან სამ წუთში მან დედამიწაზე პირველი შავ-თეთრი ფოტო გამოგზავნა
  • მარსმავალმა ფერადი სურათებიც გადაიღო, თუმცა დიდი ფაილების გადმოგზავნას რამდენიმე დღე დაჭირდა
  • ერთ-ერთი სურათი აპარატმა დაჯდომის წინ ჰაერიდან გადაიღო
  • მეორე ფოტოზე კი მარსის პეიზაჟი მოჩანს
  • Perseverance - მეხუთე როვერია, რომელიც ნასამ წითელ პლანეტაზე გაუშვა
  • მარსმავალმა უნდა მოიპოვოს გრუნტის ნიმუშები და 2031 წელს დედამიწაზე დაბრუნდეს
  • დაახლოებით 2 თვის შემდეგ Perseverance იპოვის სწორ ზედაპირს, რათა გამოუშვას პატარა დრონი Ingenuity. ის მხოლოდ ამის შემდეგ დაიწყებს მარსზე პირველი ნიმუშების აღებას
  • პლანეტა საკმაოდ იდუმალებით მოცულია
  • Perseverance Mars Rover-ის მიერ გადაღებული ფოტო
  • ასე გამოიყურება მარსის ზედაპირი მარსმავალის ქვეშ
  • Perseverance-ს წყალობით NASA-ში იმედოვნებენ, რომ პასუხს გასცემენ მნიშვნელოვან საკითხვა - არის თუ არა სიცოცხლე მარსზე
NASA-ს მეხუთე მარსმავალმა წარმატებით ჩაწერა და პირველად გამოგზავნა დედამიწაზე არა მხოლოდ ხმები მარსის ზედაპირიდან, არამედ წითელი პლანეტის უნიკალური და შთამბეჭდავი ფოტოებიც

კოსმოსურმა სააგენტომ NASA გამოაქვეყნა რამდენიმე ფოტო და ვიდეო, რომლებიც მარსმავალის Perseverance კამერებმა პლანეტაზე დაჯდომისას გადაიღო. ასევე გამოჩნდა მისი მიკროფონის პირველი ჩანაწერები. ეს ბოლო დროის მთავარი კოსმოსური სენსაციაა. 

მარსმავალი Perseverance 18 თებერვალს წარმატებით დაჯდა წითელი პლანეტის ზედაპირზე. ამ პროცესს ერთდროულად რამდენიმე კამერა იღებდა.

15
  • Perseverance 18 თებერვალს წარმატებით დაჯდა მარსზე
    © REUTERS / NASA / JPL-Caltech

    Perseverance 18 თებერვალს წარმატებით დაჯდა მარსზე

  • დაჯდომიდან სამ წუთში მან დედამიწაზე პირველი შავ-თეთრი ფოტო გამოგზავნა
    © REUTERS / NASA / JPL-Caltech

    დაჯდომიდან სამ წუთში მან დედამიწაზე პირველი შავ-თეთრი ფოტო გამოგზავნა

  • მარსმავალმა ფერადი სურათებიც გადაიღო, თუმცა დიდი ფაილების გადმოგზავნას რამდენიმე დღე დაჭირდა
    © REUTERS / NASA / JPL-Caltech

    მარსმავალმა ფერადი სურათებიც გადაიღო, თუმცა დიდი ფაილების გადმოგზავნას რამდენიმე დღე დაჭირდა

  • ერთ-ერთი სურათი აპარატმა დაჯდომის წინ ჰაერიდან გადაიღო

    ერთ-ერთი სურათი აპარატმა დაჯდომის წინ ჰაერიდან გადაიღო

  • მეორე ფოტოზე კი მარსის პეიზაჟი მოჩანს
    © REUTERS / NASA/JPL-Caltech

    მეორე ფოტოზე კი მარსის პეიზაჟი მოჩანს

  • Perseverance - მეხუთე როვერია, რომელიც ნასამ წითელ პლანეტაზე გაუშვა
    © REUTERS / NASA / JPL-Caltech

    Perseverance - მეხუთე როვერია, რომელიც ნასამ წითელ პლანეტაზე გაუშვა

  • მარსმავალმა უნდა მოიპოვოს გრუნტის ნიმუშები და 2031 წელს დედამიწაზე დაბრუნდეს
    © REUTERS / NASA/JPL-Caltech

    მარსმავალმა უნდა მოიპოვოს გრუნტის ნიმუშები და 2031 წელს დედამიწაზე დაბრუნდეს

  • დაახლოებით 2 თვის შემდეგ Perseverance იპოვის სწორ ზედაპირს, რათა გამოუშვას პატარა დრონი Ingenuity. ის მხოლოდ ამის შემდეგ დაიწყებს მარსზე პირველი ნიმუშების აღებას

    დაახლოებით 2 თვის შემდეგ Perseverance იპოვის სწორ ზედაპირს, რათა გამოუშვას პატარა დრონი Ingenuity. ის მხოლოდ ამის შემდეგ დაიწყებს მარსზე პირველი ნიმუშების აღებას

  • პლანეტა საკმაოდ იდუმალებით მოცულია
    © REUTERS / NASA/JPL-Caltech

    პლანეტა საკმაოდ იდუმალებით მოცულია

  • Perseverance Mars Rover-ის მიერ გადაღებული ფოტო

    Perseverance Mars Rover-ის მიერ გადაღებული ფოტო

  • ასე გამოიყურება მარსის ზედაპირი მარსმავალის ქვეშ
    © REUTERS / NASA/JPL-Caltech

    ასე გამოიყურება მარსის ზედაპირი მარსმავალის ქვეშ

  • Perseverance-ს წყალობით NASA-ში იმედოვნებენ, რომ პასუხს გასცემენ მნიშვნელოვან საკითხვა - არის თუ არა სიცოცხლე მარსზე
    © REUTERS / NASA / JPL-Caltech

    Perseverance-ს წყალობით NASA-ში იმედოვნებენ, რომ პასუხს გასცემენ მნიშვნელოვან საკითხვა - არის თუ არა სიცოცხლე მარსზე

დონალდ ტრამპი

რესპუბლიკელების ლიდერი სენატორი მომავალ არჩევნებში ტრამპის მხარდაჭერას აპირებს

9
(განახლებულია 12:17 26.02.2021)
მანამდე ტრამპის სასარგებლოდ განცხადება ასევე გააკეთა კიდევ ერთმა რესპუბლიკელმა სენატორმა, რომელიც ასევე აკრიტიკებდა ქვეყნის ყოფილ ლიდერს

თბილისი, 26 თებერვალი — Sputnik. აშშ–ის სენატში რესპუბლიკური უმცირესობის ლიდერი მიტჩ მაკკოლნელი მზადაა, მხარი დაუჭიროს ყოფილ პრეზიდენტ დონალდ ტრამპს 2024 წლის საპრეზიდენტო არჩევნებში, თუ ის პარტიის შიდა ნომინაციაში გაიმარჯვებს.

ამის შესახებ სენატორმა ტელეარხ Fox News–ის ეთერში განაცხადა.

ამასთან მაკკონელიმ აღნიშნა, რომ 2024 წლამდე „კიდევ ბევრი რამ მოხდება“.

სენატორის თქმით, ამ დროისათვის პარტიაში უკვე არის ოთხამდე კანდიდატი, რომლებიც თავიანთი კანდიდატურების წამოყენებას გეგმავენ მომავალ საპრეზიდენტო არჩევნებზე.  

„მე ვიცი, სულ ცოტა, პარტიის ოთხი წევრის შესახებ, რომლებიც პრეზიდენტად კენჭისყრას აპირებენ, პლუს გუბენატორები და სხვები. კონკრეტული მოქმედი პირი არ არსებობს. ეს ღია რბოლა უნდა იყოს და თქვენთვის ამისი გაშუქება სიამოვნებად უნდა იქცეს“, - უთხრა მაკკონელიმ ტელეარხს. 

აღსანიშნავია, რომ მანამდე კიდევ ერთმა რესპუბლიკელმა სენატორმა (იუტას შტატი) განაცხადა, რომ იმ შემთხვევაში, თუ დონალდ ტრამპი 2024 წლის არჩევნებში მონაწილეობას გადაწყვეტს, რესპუბლიკელები კვლავ წამოაყენებენ მის კანდიდატურას თეთრი სახლის მეთაურის პოსტზე.

​როგორც ცოტა ხნის წინ გახდა ცნობილი, დონალდ ტრამპი,  პირველად პრეზიდენტის პოსტიდან წასვლის შემდეგ, 28 თებერვალს გამოვა საჯაროდ. 

ამასთან პორტალი Axios–ი ტრამპის პოლიტიკურ გარემოცვაში არსებულ წყაროებზე დაყრდნობით წერს, რომ  ყოფილი პრეზიდენტის გამოსვლა იქნება მისი ცენტრალური როლის დასტური რესპუბლიკურ პარტიაში და ასევე წარმოაჩენს იმასაც, რომ ფაქტობრივად სწორედ ტრამპია რესპუბლიკელების „ყველაზე სავარაუდო კანდიდატი“ 2024 წლის არჩევნებში.

აღსანიშნავია, რომ დონალდ ტრამპმა მანამდე სასტიკად გააკრიტიკა 17 რესპუბლიკელი კონგრესმენი და სენატორი, რომლებმაც მის იმპიჩმენტს დაუჭირე მხარი, მათ შორის იყო სენატორი მიტჩ მაკკონელიც. როგორც ექს–პრეზიდენტმა მაშინ განაცხადა, რესპუბლიკური პარტია ვერასდროს ისარგებლებს პატივისცემით, თუ მაკკონელის მსგავსი ლიდერები ხელისუფლებაში დარჩებიან.

9
თემები:
საერთაშორისო პანორამა (162)
საპატრულო პოლიცია

თბილისში მიმდინარე აქციის გამო გარკვეულ ქუჩებზე გადაადგილება შეზღუდულია

0
(განახლებულია 13:42 26.02.2021)
თბილისში აქციის მიმდინარეობისას დედაქალაქის მოსახლეობა გადაადგილებას ალტერნატიული გზებით შეძლებს. უწყებაში განმარტავენ, რომ გადაკეტილი გზები აქციის დასრულებისთანავე გაიხსნება

თბილისი, 26 თებერვალი - Sputnik. თბილისში მიმდინარე აქცია მსვლელობის გამო დედაქალაქის ცალკეულ უბნებში ავტროტრანსპორტის მოძრაობა დროებით შეზღუდულია, იუწყება შინაგან საქმეთა სამინისტრო.

ოპოზიციური პარტიების წარმომადგენლებმა დაიწყეს მზადება მასშტაბური საპროტესტო აქციისთვის ლოზუნგით „თავისუფლებისთვის“ – დაიძრნენ კოლონები რეგიონებიდან, პარლამენტის შენობასთან კი სცენა მონტაჟდება. აქციის მონაწილეები ფილარმონიიდან პარლამენტის შენობისკენ მსვლელობით უკვე გაემართნენ. შემდეგ პარლამენტთან ძირითადი მიტინგი გაიმართება, ხოლო ბოლოს აქციის მონაწილეები სახელმწიფო კანცელარიასთან გადაინაცვლებენ და პროტესტს იქ დაასრულებენ.

უწყებაში განმარტავენ, რომ საზოგადოებრივი წესრიგისა და უსაფრთხოების დაცვის მიზნით, დღეს 13:00 საათიდან დროებით შეიზღუდა გადაადგილება პეტრე მელიქიშვილის ქუჩასა და მერაბ კოსტავას გამზირზე.

  • აქციისა და მსვლელობის მიმდინარეობისას ასევე დროებით შეიზღუდება გადაადგილება შემდეგ ქუჩებზე: ალექსანდრე ჭავჭავაძის, მიტროფანე ლაღიძის, ბესიკის, ლესია უკრაინკას, ზაქარია ჭიჭინაძის ქუჩა, 9 აპრილის, ანტონ ფურცელაძის, არჩილ ჯორჯაძის, გია ჭანტურიას, რეზო ლაღიძის, ვასო აბაშიძის, მესხიას ქუჩა.

უწყებაში განმარტავენ, რომ ამ დროის განმავლობაში მოსახლეობა გადაადგილებას ალტერნატიული გზების მეშვეობით შეძლებს, კერძოდ მარჯვენა სანაპიროსა და რეზო თაბუკაშვილის ქუჩის გავლით. ასევე მოძრაობა თავისუფალი იქნება ჭონქაძის ქუჩასა და ზემო ვერის მიმართულებით გზებზე.

ტრანსპორტის ნაკადის უსაფრთხო გადაადგილებას საპატრულო პოლიციის ეკიპაჟები არეგულირებენ. აქცია-მსვლელობის დამთავრებისთანავე მოძრაობა ჩვეულ რეჟიმში აღდგება.

0