ტრანსგენდერები ღიად შეძლებენ ჯარში სამსახურს: პრეზიდენტი ახალ ბრძანებულებას ამზადებს

© photo: Sputnik / Alexander Imedashviliამერიკელი ჯარისკაცები საქართველოში
ამერიკელი ჯარისკაცები საქართველოში - Sputnik საქართველო
გამოწერა
ტრანსგენდერებთან დაკავშირებული აკრძალვის გაუქმება გარკვეული მიზეზებით ყოვნდება, თუმცა, დაპირების თანახმად, ეს უახლოეს დღეებსა თუ კვირებში მოხდება

თბილისი, 25 იანვარი — Sputnik. აშშ–ის პრეზიდენტი ჯო ბაიდენი უახლოეს ხანებში გააუქმებს დონალდ ტრამპის მიერ ხელმოწერილ ბრძანებულებას, რომელიც ტრანსგენდერებს არმიაში სამსახურს უკრძალავდა, იუწყება NBC News–ი თეთრი სახლის პრესმდივნის, ჯენ პსაკის განცხადებაზე დაყრდნობით.  

​მისი თქმით, პრეზიდენტის ეს ბრძანებულება არ შედის ბაიდენის უპირველესი მოქმედებების ძირითად გეგმაში, თუმცა შეტანილია დამატებითი ნაბიჯების სიაში და „უახლოეს დღეებსა და კვირებში“ გაიცემა.

როგორც NBC News–ი წერს, მანამდე ჯო ბაიდენმა პირობა დადო, რომ მუშაობის პირველივე დღეებში გადახედავდა ტრამპის ადმინისტრაციის პოლიტიკას ტრანსგენდერების მიმართ, თუმცა ეს ნაბიჯები სავარაუდოდ იმის გამო ყოვნდება, რომ აშშ–ის თავდაცვის მინისტრი ლლოიდ ოსტინი ჯერ კიდევ არ არის დამტკიცებული თანამდებობაზე.

ლლოიდ ოსტინი - Sputnik საქართველო
პირველად აშშ-ის ისტორიაში: პენტაგონის შეფი აფროამერიკელი გახდებაა

ამასთან აშშ–ის ისტორიაში პენტაგონის პირველმა შავკანიანმა შეფმა 19 იანვარს სენატში მოსმენებისას განაცხადა, რომ მხარს უჭერს იმ ბრძანებულების გაუქმებას, რომელიც ტრანსგენდერებს შეიარაღებულ ძალებში ღიად სამსახურს უკრძალავს.

„თუ ხართ ჯანმრთელი, კვალიფიციური და შეგიძლიათ დააკმაყოფილოთ არმიაში სამსახურის სტანდარტები, მაშინ ამის უფლება უნდა გქონდეთ. მე მხარს დავუჭერ ამას“, — განაცხადა ოსტინმა მოსმენებზე. 

ლლოიდ ოსტინის პენტაგონის შეფად დანიშვნასთან დაკავშირებული კენჭისყრის მომდევნო რაუნდი ხუთშაბათს გაიმართება წარმომადგენელთა პალატაში. სენატში კენჭისყრის თარიღი ჯერ არ ჩანიშნულა.

 

ყველა ახალი ამბავი
0