ჯო ბაიდენი

ტრამპმა ბაიდენს ოვალურ კაბინეტში წერილი დაუტოვა: პრეზიდენტი კომენტარს აკეთებს

161
(განახლებულია 12:50 21.01.2021)
ინაუგურაციის დღეს ყოფილი პრეზიდენტი თავის შემცვლელს წერილს ახვედრებს ოვალურ კაბინეტში, რათა სახელმწიფოს ახალმა მეთაურმა შესვლისთანავე წაიკითხოს ის

თბილისი, 21 იანვარი — Sputnik. ექს–პრეზიდენტმა დონალდ ტრამპმა დიდსულოვანი წერილი დამიტოვა, განაცხადა აშშ–ის ახალმა პრეზიდენტმა ჯო ბაიდენმა. ამის შესახებ წერს CNN–ი.

​„რამდენადაც ეს პირადი წერილია, არ ვისაუბრებ მასზე მანამ, სანამ [ტრამპს] არ დაველაპარაკები. მაგრამ ის ძალიან დიდსულოვანი იყო“, — თქვა ბაიდენმა, როდესაც ოვალურ კაბინეტში პირველ განკარგულებებს აწერდა ხელს პრეზიდენტის რანგში.

წინამორბედის მიერ ქვეყნის მომავალი ლიდერისთვის გამოსათხოვარი წერილის დატოვება ერთ–ერთი თანამედროვე ტრადიციაა. ინაუგურაციის დღეს ყოფილი პრეზიდენტი თავის შემცვლელს წერილს ახვედრებს ოვალურ კაბინეტში, რათა სახელმწიფოს ახალმა მეთაურმა შესვლისთანავე წაიკითხოს ის.

ამასთან დონალდ ტრამპი არ დაესწრო ჯო ბაიდენის ინაუგურაციას, რომელიც 20 იანვარს გაიმართა. ტრამპი თეთრი სახლიდან ცერემონიამდე რამდენიმე საათით ადრე გაფრინდა მერილენდში. ბაიდენმა წინამორბედის ეს გადაწყვეტილება გამართლებულად მიიჩნია.

 

161
თემები:
საერთაშორისო პანორამა (173)
რომის პაპი ფრანცისკე

მსოფლიო წარღვნა: რის შესახებ აფრთხილებს კაცობრიობას რომის პაპი

65
(განახლებულია 21:40 02.03.2021)
პონტიფიკოსმა მოქალაქეებსა და პოლიტიკოსებს კეთილგონიერებისკენ მოუხმო და აღნიშნა, რომ ეს იგივეა რაც არის „თანაგრძნობა სიტუაციების, ადამიანების, მსოფლიოსა და მისი პრობლემებისადმი“.

თბილისი, 2 მარტი — Sputnik. მსოფლიო წარღვნა უწინასწარმეტყველა კაცობრიობას რომის პაპმა ფრანცისკემ - მისი თქმით, კატასტროფა მოხდება, თუ სხვადასხვა სახელმწიფოს ლიდერები არ მიიღებენ ზომებს გლობალური დათბობის წინააღმდეგ.

„ის (მსოფლიო წარღვნა - რედ.) მოხდება, თუ ჩვენ იგივე გზით სვლას განვაგრძობთ“, - ციტირებს პონტიფიკოსს გაზეთი Corriere della Sera.

ფრანცისკემ შეახსენა ადამიანებს, რომ ნოემ წარღვნის გადატანა სათნოებით შეძლო. მან მოქალაქეებსა და პოლიტიკოსებს კეთილგონიერებისკენ მოუხმო და აღნიშნა, რომ ეს იგივეა რაც არის „თანაგრძნობა სიტუაციების, ადამიანების, მსოფლიოსა და მისი პრობლემებისადმი“.

65
შვილები და მშობლები

პოტენციური მილიონერი: თქვენი რომელი შვილი გახდება ბიზნესმენი - მეცნიერების დასკვნა

52
(განახლებულია 17:27 02.03.2021)
მეცნიერებმა ექსპერიმენტის საფუძველზე დაადგინეს, რამდენიმე და-ძმიდან რომელ შვილს უფრო მეტად შესწევს რისკზე წასვლისა და ახალი საქმის დაწყების უნარი

თბილისი, 2 მარტი — Sputnik. ოჯახში, რომლებშიც ორი ან მეტი და–ძმა ცხოვრობს, მათ შორის ყველაზე უმცროსი უფრო მეტადაა მიდრეკილი გარისკოს და შექმნას სტარტაპი, ვიდრე უფროსები, ნათქვამია ბირმინჰემისა და რიდინგის უნივერსიტეტების სწავლულთა კვლევაში

მეცნიერების თქმით, უმცროსი შვილები, იმ შემთხვევაშიც კი, თუ ოჯახს მანამდე არასდროს ჰყოლია გვარში ბიზნესმენი, შედარებით მოზრდილ ასაკში სერიოზულ საქმეებს ჰკიდებენ ხელს.

მათი თქმით, უმცროსები მეამბოხეებად იბადებიან. ეს დეფინიცია კი ნიშნავს, რომ უმცროსებს ყველაფრის თავად გამოკვლევა და პირობითობების დარღვევა ჩვეულებრივ საქმედ მიაჩნიათ.  ეს მათი მახასიათებელია.

მეცნიერულ ექსპერიმენტში დაახლოებით 6300 ბრიტანული ოჯახი მონაწილეობდა. აღმოჩნდა, რომ ორშვილიანი ოჯახებიდან უმცროსი შვილების 49% ბიზნესის სფეროსადმია მიდრეკილი და შანსი აქვს, კომპანიის ხელმძღვანელი გახდეს, სამშვილიან ოჯახებში კი ამ მაჩვენებელმა 43% შეადგინა.

მეცნიერებმა დაასკვნეს, რომ უმცროსი შვილები უფრო მეტად ტემპერამენტიანები არიან და უფრო მეტად შესწევთ „აწყვეტისა“ და საქმის დაწყების უნარი.

ამასთან, უნდა აღინიშნოს ისიც, რომ კვლევების თანახმად, უფროსი შვილები მეტად გონიერები და საზრიანები არიან. ეს, სავარაუდოდ, იმითაა გამოწვეული, რომ მშობლები, რომლებსაც მანამდე დედობისა და მამობის გამოცდილება არ ჰქონიათ, სიყრმის შვილების მიმართ მეტ სიმკაცრეს იჩენდნენ და ცდილობდნენ, მათში გადაწყვეტილებების დამოუკიდებლად მიღების ჩვევა განევითარებინათ.

52
თემები:
მსოფლიო და მეცნიერება
გაზაფხული

დღის ასტროპროგნოზი ზოდიაქოს ნიშნებისთვის: 3 მარტი

0
(განახლებულია 11:56 02.03.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 3 მარტია, ოთხშაბათი. კლებადი მთვარე მორიელის ნიშანშია. ამ დღეს პლანეტა მერკური მფარველობს.

სასიამოვნო, როდესაც იღვიძებ და მოზღვავებულ ენერგიასა და ძალას გრძნობ. სწორედ ასეთია დღევანდელი დღე. ენერგია თუ გაღვიძებისთანავე არა, დღის განმავლობაში აუცილებლად მომძლავრდება. საქმეების თვალსაზრისით შესაფერისი დროა იმისთვის, რომ დაიცვათ საკუთარი თვალსაზრისი და გამოაჩინოთ ხასიათი (ოღონდ ზედმეტი არ მოგივიდეთ). არცთუ წარმატებული დღეა მოლაპარაკებებისა და საქმეების განხილვისთვის.

ზოდიაქოს ხუთი რჩეული ნიშანი – ვის გაუმართლებს ამ გაზაფხულზე>>

ვერძი: დღეს თქვენ მიმართ ოპოზიციურად განწყობილ ადამიანებს შეეჯახებით. ვიღაცას შეუძლია, პირში მოგახალოთ საკმაოდ არასასიამოვნო სიტყვები. მაგრამ ეს არ შეგაშფოთებთ – საბრძოლველად ხართ განწყობილი და არ გაუშვებთ შანსს ხელიდან, რომ კონკურენტი მიწასთან გაასწოროთ... ან დაუმეგობრდეთ მას – არც ესაა გამორიცხული, რადგან დღეს პარადოქსული მოქმედებები თქვენგან გამორიცხული არაა. სინამდვილეში, შეგიძლიათ, ვითარება რამდენიმე ნაბიჯით წინ გათვალოთ და შორს მიმავალი გეგმები შეადგინოთ.

კურო: დღეს დისკუსიის განწყობაზე ხართ და თან ნებისმიერთან, ნებისმიერ თემაზე. მზად ხართ, ყველას დაუმტკიცოთ თქვენი თვალსაზრისი და სიმართლე. თუნდაც გარშემომყოფები გეთანხმებოდნენ, მაინც იპოვით საბაბს, რომ იკამათოთ. მოხერხებულად შეგიძლიათ ირგვლივ მყოფების პროვოცირება მხოლოდ იმისთვის, რომ სათქმელი გქონდეთ – ისინი მართლები არ არიან. ვერაფერს გავაწყობთ – ასეთ განწყობაზე ხართ დღეს.

ტყუპი: დღეს რასაც არ უნდა მოკიდოთ ხელი, ყველაფერს სერიოზულად გააკეთებთ, ისე, თითქოს ამაზე იყოს თქვენი ცხოვრება დამოკიდებული. ეს ცუდი არაა, როდესაც საქმე სამუშაოს ან ნამდვილად მნიშვნელოვან პროექტებს ეხება. თუმცა ყოფით საკითხებში ასე ჯიქურ მოქმედება არ ივარგებს. ყველა ფრონტზე ერთდროულად ამგვარი დამოკიდებულებით მოქმედება თქვენს ძალებს გამოფიტავს. ეს რომ ასე არ მოხდეს, აჯობებს, თუ პრიორიტეტებს დილითვე გაანაწილებთ და გადაწყვეტთ, რა საქმეში ღირს „რქებით მიწოლა“ და რაში – არა.

კირჩხიბი: მზად ხართ, გარშემომყოფებს თქვენი უპირატესობანი აჩვენოთ. ზოგჯერ ეს თავისდაუნებურად გამოგივათ, რადგან ბევრ საქმეს არაჩვეულებრივად გაართმევთ თავს. ხართ ენერგიული, მტკიცედ განწყობილი, გონებაგამჭრიახი და ამის წყალობით ყველაზე ჩახლართული საქმეების გადაწყვეტაც შეგიძლიათ. ამასთან, არ იქნებით ქედმაღალი და გარშემომყოფებს ზემოდან არ დაუწყებთ ყურებას. თუ ვინმეს თქვენი შეშურდება – ეს მისი პრობლემაა.

ლომი: დღეს უცნობ თანამოსაუბრეშიც კი სულიერად მონათესავე ადამიანის დანახვა შეგიძლიათ. ხართ გულწრფელი, პირდაპირი, გაქვთ ურთიერთობების სურვილი. ამასთან, ახლობლებისა და მეგობრების წრე ვიწრო მოგეჩვენებათ და ახალი კონტაქტების, ან ვინმეს უფრო ახლოს გაცნობის სურვილი გაგიჩნდებათ. გულითადი საუბარი შეიძლება ვინმე ბავშვთან, კოლეგასთან, ან, სულაც, შემთხვევით გამვლელთანაც კი გააბათ, და ეს საუბარი ბევრ რამეზე დაფიქრებას გაიძულებთ.

ქალწული: დღეს აჩქარება არ ივარგებს. ვარსკვლავები გაფრთხილებენ, რომ დაუფიქრებელი ნაბიჯებით, სპონტანურად რამის ყიდვის გადაწყვეტილებით ან საქმის სწრაფად გაკეთების სურვილით შეცდომები შეიძლება დაუშვათ. თუნდაც დარწმუნებული იყოთ საკუთარ გადაწყვეტილებები, მაინც ღირს, რომ კიდევ ერთხელ დაფიქრდეთ, ხოლო საუკეთესო იქნება, თუ ამ საქმეს საერთოდ გადადებთ შემდეგი დღეებისთვის. დღეს ვითარებამ თქვენ წინაშე, შესაძლოა, საბედისწერო საკითხები დააყენოს, ხოლო არასწორი პასუხის ფასი საკმაოდ დიდი იქნება.

სასწორი: დღეს რამე საკითხში თქვენი ძალის ჩვენება ნამდვილად არ გაწყენთ – ეს საჭირო შედეგს უზრუნველყოფს. ხართ საკუთარ თავში დარწმუნებული. მტკიცე და მშვიდი. ამის წყალობით ნებისმიერ მნიშვნელოვან საქმეში – სამსახურსაცა და სახლშიც შეგიძლიათ სიმტკიცე აჩვენოთ. პრინციპული პოზიციებითა და საკუთარი აზრის დაცვით ბევრ რამეს მიაღწევთ, ხოლო გარშემომყოფებს თქვენი მოსაზრებების გათვალისწინება და ნებსით თუ უნებლიეთ კომპრომისებზე წასვლა მოუწევთ.

მორიელი: დღეს უზარმაზარი ენერგია გაქვთ. შეგიძლიათ გააკეთოთ ისეთი რამ, რაც ადრე წარმოუდგენლად გეჩვენებოდათ. მიზნისკენ ნაბიჯის გადადგმა, რთული ამოცანის ამოხსნასთან მიახლოება ან ჩიხიდან გამოსავლის მოძებნა – ეს ყველაფერი თქვენთვის დღეს ძალიან ადვილია. შეიძლება მოგეჩვენოთ კიდეც, რომ გზაზე არანაირი ისეთი დაბრკოლება არ არის, რომელსაც ვერ გადალახავთ. და ეს ბევრ რამეში სიმართლეცაა.

მშვილდოსანი: დღეს მთელი ძალით მოგიწევთ დამალვა სხვა ადამიანების მცდელობებისგან, რომ თქვენს ცხოვრებაში უცერემონიოდ შემოიჭრან და თავი მოგაბეზრონ. განწყობა გაქვთ, რომ მშვიდად გააკეთოთ თქვენი საქმეები, მაგრამ გარშემომყოფები ხშირად არ გაცდიან: რაღაცას გთხოვენ, რაღაცას ითხოვენ თქვენგან, პრეტენზიებს გიყენებენ... დღის ბოლოს უზარმაზარი დაძაბულობა შეიძლება დაგიგროვდეთ და საკმარისი იქნება ერთი ნაპერწკალი, რომ მძლავრი აფეთქება მოხდეს.

თხის რქა: დღეს ძვირფას იდეებსა და აზრებს აფრქვევთ. გასაკვირი არაა, რომ მათი სწრაფად გაზიარება გინდათ სხვებისთვის. მაგრამ თუ ვერ მოახრეხებთ თქვენი აზრების „სამსჯავროზე“ გატანას, დიდად არ შეწუხდეთ. საკმარისი იქნება, თუ ერთ დაინტერესებულ და კარგ მსმენელს იპოვით და ასევე მყუდრო ადგილს, სადაც არავინ შეგიშლით ხელს. ეს დაგეხმარებათ, რომ თქვენი იდეა სრულყოთ და დაუმუშავებელი ალმასი ბრწყინვალე ბრილიანტად აქციოთ.

მერწყული: დღეს გარშემომყოფები გაგაღიზიანებენ. თუნდაც გზაზე არ გეღობებოდნენ და თქვენს მუშაობას არანაირად არ უშლიდნენ ხელს, შეიძლება მოგეჩვენოთ, რომ ირგვლივ მყოფები მხოლოდ თავიანთი არაორგანიზებული იერით გწყვეტენ მნიშვნელოვან საქმეებს. დიდ დროსა და ძალას დახარჯავთ იმაზე, რომ გარშემომყოფები „გონზე მოიყვანოთ“. ადამიანები კი იფიქრებენ, რომ არაფრის გამო ედავებით და მართალიც იქნებიან.

თევზები: დღეს გაქვთ შანსი, რომ რამე ახალსა და საინტერესოს წააწყდეთ, რაც მომავალში თქვენს ბედზე აისახება. ეს, შეიძლება, იყოს ადამიანი, ან ახალი ცოდნა, შთაბეჭდილება, გრძნობა... თქვენი განწყობაც იმგვარია, რომ ერთ ადგილზე გაჩერება არ გინდათ, მზად ხართ მოძრაობისა და სირბილისთვისაც კი, რომ თქვენს ბედს შეეგებოთ. თქვენი გულიცა და გონებაც გახსნილია იქნება, ხოლო ცნობისწადილი თამამი, რომელიც მოულოდნელი საქციელის ბიძგს მოგცემთ.

0