თბილისი, 14 იანვარი — Sputnik. მსახიობმა მაკოლეი კალკინმა, რომელიც მთავარ როლს ასრულებს ფილმებში „მარტო სახლში“, მხარი დაუჭირა ფილმის მეორე ნაწილის რედაქტირებას და იქიდან აშშ–ის ამჟამინდელი პრეზიდენტის, დონალდ ტრამპის სცენის ამოჭრას.

​Twitter–ის ერთ–ერთმა მომხმარებელმა უკვე გამოაქვეყნა კიდეც რედაქტირებული მონაკვეთი, სადაც კალკინის გმირისა და ტრამპის მიერ სასტუმროს ფოიეში გათამაშებული ეპიზოდი აღარ არის.

ამასთან მსახიობმა მოიწონა იუზერის მიერ შეთავაზებული იდეა, რომელმაც პეტიციის შედგენის წინადადება წამოაყენა იმასთან დაკავშირებით, რომ დონალდ ტრამპი ფილმში 40 წლის მაკოლეი კალკინით ჩანაცვლდეს.

• ​„გაყუდულია!“ — ასე შეაფასა მსახიობმა იდეა სოციალურ ქსელში.

გარდა ამისა, სოციალური ქსელების მომხმარებლებს ასევე აქვთ იდეა, ტრამპის ნაცვლად ფილმის ეპიზოდში ჯო ბაიდენი ან კიანუ რივზი ჩასვან.

 

 

თბილისი, 25 იანვარი – Sputnik. ნიდერლანდების პოლიციამ უმსხვილესი ტრანსნაციონალური ნარკოსინდიკატის მეთაური დააკავა, იუწყება ადგილობრივი გამოცემა NL Times.

ჩინური წარმოშობის კანადის მოქალაქე ცე ჩი ლოპი, რომელსაც აზიელი „ელ ჩაპოს“ სახელით იცნობენ, ამსტერდამის „სხიპჰოლის“ აეროპორტში ავსტრალიის ხელსუფლების მოთხოვნით დააკავეს. დაკავებამ ინციდენტების გარეშე ჩაიარა. ამჟამად ნიდერლანდების პოლიცია ავსტრალიის ხელისუფლებასთან ნარკოკარტელის მეთაურის ექსტრადიციის საკითხებზე მუშაობს.

​

როგორც ავსტრალიური ტელეარხი ABC იუწყება, 57 წლის ცე ჩი ლოპი მსოფლიოში ერთ-ერთი ყველაზე მოუხელთებელი დამნაშავეა და თავისი დონით ელ ჩაპოს და პაბლო ესკობარსაც კი უტოლდება.  ავსტრალიის ფედერალური პოლიციის ინფორმაციით, ცე ჩი ლოპის ნარკოკარტელის წლიური ბრუნვა 70 მილიარდ ავსტრალიურ დოლარს აღწევს.

ავსტრალიის ფედერალურმა პოლიციამ ცე ჩი ლოპის დაკავების ორდერი გასცა 2019 წელს მსხვილი ოპერაციის დროს, რომელმაც ხუთ ქვეყანაში მოქმედი დანაშაულებრივი ტრანსნაციონალური სინდიკატის საქმიანობა გამოამჟღავნა. სინდიკატი წლების განმავლობაში ავსტრალიაში აკრძალული ნარკოტიკული ნივთიერებების შეტანა-გასაღებით იყო დაკავებული.