მადრიდის ხელისუფლება ქალაქის კატასტროფის ზონად გამოცხადებას ითხოვს: ვრცელდება ვიდეო
(განახლებულია 21:37 14.01.2021)
მადრიდში ბოლო ათწლეულებში რეკორდული რაოდენობის თოვლი მოვიდა, რამაც ქალაქის ცხოვრების პარალიზება გამოიწვია.თბილისი, 14 იანვარი — Sputnik. მადრიდის ხელისუფლება დიდთოვლობით მიყენებულ ზარალს 1,4 მლრდ ევროდ აფასებს და ესპანეთის მთავრობას ქალაქის კატასტროფის ზონად გამოცხადებას სთხოვს.
„ამ დროისათვის დათვლილი გვაქვს ბოლო დღეების დამანგრეველი შედეგები, რაც 1,398 მილიარდ ევროს შეადგენს“, — განაცხადა ქალაქის მერმა ხოსე ლუის მარტინეს–ალმეიდამ პრესკონფერენციაზე.
ალმეიდამ მოუწოდა ქვეყნის ხელისუფლებას, შეძლებისდაგვარად გამოაცხადოს მადრიდი კატასტროფის ზონად, ვინაიდან საამისოდ ყველა პირობა არსებობს.
Hay motivos suficientes para estudiar la declaración de Madrid como zona catastrófica. Se trataría de beneficiar a los madrileños que peor lo han pasado y que más daños materiales y personales han sufrido. #FilomenaMadrid pic.twitter.com/rd4bpmHFmF
— José Luis Martínez-Almeida (@AlmeidaPP_) January 11, 2021
მანამდე მადრიდის მერია იუწყებოდა, რომ, წინასწარი დათვლებით, ქალაქში დიდთოვლობამ სრულად გაანადგურა ან დააზიანა 150 ათასი ნარგავი, ხოლო შენობა–ნაგებობებს 29,75 მლნ ევროს ზარალი მიადგა.
„კატასტროფის მასშტაბები ისეთია, როგორიც არასდროს გვინახავს. ვითარება მადრიდში — ეს არის სიტუაცია კატასტროფის ზონაში“, — განაცხადა ქალაქის ვიცე-მერმა ბეგონია ვილიასესმა.
მისი განმარტებით, თუ ქალაქი კატასტროფის ზონად გამოცხადდება, ეს სახელმწიფო ბიუჯეტიდან დამატებითი ფინანსების მიღებას შეუწყობს ხელს დიდთოვლობის შედეგების აღსაკვეთად. ამასთან ქალაქის ხელისუფლება არ გამორიცხავს, რომ ზარალის რაოდენობა გაიზარდოს.
„მადრიდში 1250 ტონა თოვლი მოვიდა... ქალაქში სიცოცხლე შეწყდა. ეს იყო უბედურება, რასაც ჩვენ ვერ განვჭვრეტდით“, — განაცხადა ქალაქის თავმა.
ამასთან მან გააფრთხილა მოსახლეობა, რომ მადრიდში ცხოვრების ნორმალურ კალაპოტში დაბრუნებას დრო სჭირდება, თუმცა თავად მოსახლეობის ნაწილი დიდთოვლობას ნაკლებად უჩივის და კარგადაც ერთობა – ერთგვარ ტურნირებსაც კი აწყობს გუნდაობაში.
Madrid's Gran Via today was the scene of an epic snowball battle interumpted briefly by a skier who swiftly became the target #NieveInMadrid #Filomena #NevadaMadrid #Madrid #nievemadrid #snow pic.twitter.com/cGsD4Y1ig1
— The Local Spain (@TheLocalSpain) January 9, 2021
ამ დროისათვის ქალაქში გრძელდება გაწმენდითი სამუშაოები, მიმდინარეობს წაქცეული ხეების გატანა, ნაწილობრივ აღდგენილია ავტობუსების, საგარეუბნო და შორი მანძილის მატარებლების მოძრაობა, ასევე ნაწილობრივ დაიწყო მუშაობა „ბარახასის“ აეროპორტმა. სკოლები 18 იანვრამდე დაიკეტა, მოსახლეობა სახლებიდან, დისტანციურად მუშაობს.
გასული კვირის ბოლოს ესპანეთს ქარიშხალი „ფილომენა“ დაატყდა თავს, რომელსაც დიდთოვლობა მოჰყვა. აღსანიშნავია, რომ თოვლის სტიქიამ 1971 წლის რეკორდი მოხსნა და მადრიდის სრული პარალიზება გამოიწვია.
თემები:
ინაუგურაციის წინ: FBI ეროვნულ გვარდიაში შემოწმებებს ატარებს
თბილისი, 18 იანვარი — Sputnik. აშშ–ის გამოძიების ფედერალური ბიურო ეროვნულ გვარდიაში შემოწმებას ატარებს არჩეული პრეზიდენტის, ჯო ბაიდენის ინაუგურაციის წინ, იუწყება სააგენტო „ასოშეითედ პრესი“.
მანამდე ტელეარხმა MSNBC–მა გაავრცელა ინფორმაცია, რომ ვაშინგტონში უკვე ჩავიდა ეროვნული გვარდიის 15 ათასი მებრძოლი ღონისძიების დასაცავად, რომელიც 20 იანვარს უნდა გაიმართოს. ამ დღისთვის მათი რაოდენობა 25 ათასამდე გაიზრდება — ძლოვნებს ორმოცდაათივე შტატიდან ელოდებიან.
მასმედიით გავრცელებული ინფორმაციით, სამხედროთა შორის, რომლებმაც ინაუგურაციის დაცვის დავალება მიიღეს, შესაძლოა იყვნენ მომავალი პრეზიდენტისა და სხვა ვიპ–სტუმრებისთვის საფრთხის შემცველი პირებიც. როგორც აშშ–ის სახმელეთო ძალების მინისტრი რაიან მაკარტი ამბობს, ხელისუფლებისთვის ცნობილია ეს პოტენციური საფრთხე.
ჯო ბაიდენის საინაუგურაციო პროგრამას პოპულარული მსახიობი წაიყვანს
ცნობილი ხდება ისიც, რომ გამოძიების ფედერალურმა ბიურომ ერთი კვირის წინ დაიწყო გვარდიის წევრთა შემოწმებები. ამასთან მაკარტი და ხელისუფლების სხვა წარმომადგენლები აცხადებენ, რომ მსგავსი საფრთხეების მტკიცებულება არ დაფიქსირებულა.
„ჩვენ გამუდმებით ვადევნებთ თვალყურს, მეორედ და მესამედ ვამოწმებთ ოპერაციაში ჩართულ ხალხს... აუცილებელია ავამოქმედოთ ყველა მექანიზმი იმ ქალებისა და მამაკაცების საგულდაგულოდ შესამოწმებლად, რომლებიც მსგავსი ოპერაციებით იქნებიან დაკავებული“, — განაცხადა მაკარტიმ.
აღინიშნება, რომ ფედერალური ბიურო ადამიანებს თავისი მონაცემთა ბაზებისა და ასევე სპეციალური სიების მიხედვით ამოწმებს, რომლებიც შეიძლება შეიცავდეს ინფორმაციას ტერორიზმთან დაკავშირებული საფრთხეების შესახებ.
როგორც გენერალი დენიელ ჰოკანსონი განმარტავს, იმ შემთხვევაში, თუ სამხედროთა შორის ექსტრემისტული შეხედულებების მქონე პირის შესახებ გახდება ცნობილი, ინფორმაცია დაუყოვნებლივ გადაეცემა სამართალდამცველ ორგანოებსა და ზემდგომ ხელმძღვანელობას.
თემები:
ყველაფერი დაკეტილია: ავსტრიაში მკაცრი ლოკდაუნი სამი კვირით გააგრძელეს
თბილისი, 17 იანვარი - Sputnik. ავსტრიაში კორონავირუსის გამო მკაცრი ლოკდაუნი 7 თებერვლამდე გაგრძელდება, ასეთი განცხადებით რესპუბლიკის კანცლერი სებასტიან კურცი გამოვიდა.
„ექსპერტები თანხმდებიან იმაში, რომ 7-დღიანი ავადობა უნდა შემცირდეს 50-მდე, იდეალურ შემთხვევაში - 25-მდე, სანამ გახსნას შევძლებთ“, - აღნიშნა კურცმა.
©
photo: Sputnik / Natalia Seliverstova
მან განმარტა, რომ ავსტრიისთვის ეს დაახლოებით ინფიცირების 700 ახალ შემთხვევას ნიშნავს, და აღნიშნა, რომ არ არის დარწმუნებული, რომ ამ რიცხვის მიღწევა დადგენილ ვადებში საერთო შესაძლებელია.
ქვეყანაში მკაცრი კარანტინი 26 დეკემბერს დაიწყო, ვარაუდობდნენ, რომ ის 24 იანვარს დასრულდებოდა. უკვე სამი კვირაა ქვეყანაში პრაქტიკულად არაფერი არ მუშაობს: ღიაა მხოლოდ სუპერმარკეტები, აფთიაქები, ბანკები, ასევე მომსახურებათა ის სფეროები, სადაც კლიენტთან ახლო კონტაქტი არ იგულისხმება. 24 საათის განმავლობაში არ შეიძლება სახლის დატოვება საპატიო მიზეზის გარეშე, რაშიც სხვა ყველაფერთან ერთად, გასეირნება მოიაზრება.
მოსახლეობა ასეთი შეზღუდვების გამო ძალიან დაიღალა: შაბათს ავსტრიაში შემზღუდავი ზომების მოწინააღმდეგეთა რამდენიმე დემონსტრაცია გაიმართა, ყველაზე დიდი აქცია ვენაში შეიკრიბა: ქალაქის პოლიციის მონაცემებით, საერთო ჯამში დედაქალაქის ქუჩებში დაახლოებით 10 ათასი ადამიანი გამოვიდა.
შეგახსენებთ, რომ ავსტრიაში 27 დეკემბერს დაიწყო კორონავირუსის საწინააღმდეგო ვაქცინაცია, ის სამ ეტაპად ჩატარდება.
COVID-19 საქართველოში: რამდენი შემთხვევა გამოვლინდა ბოლო დღე-ღამეში
თბილისი, 18 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 110-ით გაიზარდა და ინფიცირებულთა საერთო რიცხვმა 247.915 მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.
ამ დროისათვის სულ გამოჯანმრთელდა 234.636 ადამიანი (ბოლო 24 საათში – 1.643), გარდაიცვალა – 2.958 (ბოლო 24 საათში – 25), კარანტინის რეჟიმშია 460, სტაციონარებში ექიმების დაკვირვების ქვეშ 3.670 პაციენტი, ხოლო კოვიდ–სასტუმროებში 634 ადამიანი იმყოფება.
ბოლო 24 საათში ჩატარდა 4.964 კვლევა ტესტით, მათ შორის ანტიგენის სწრაფი ტესტით – 2.930, PCR ტესტით – 2.034.
საქართველოში კორონავირუსის პირველი შემთხვევა 26 თებერვალს დაფიქსირდა.