ჯო ბაიდენი

ბაიდენს ინაუგურაციის მეორე დღეს იმპიჩმენტით ემუქრებიან

93
(განახლებულია 19:32 14.01.2021)
მანამდე ამერიკის კონგრესის ქვედა პალატამ დონალდ ტრამპის იმპიჩმენტს მისცა ხმა და დოკუმენტი სენატში გადაგზავნა.

თბილისი, 14 იანვარი — Sputnik. აშშ-ის წარმომადგენელთა პალატის ახლადარჩეული წევრი, რესპუბლიკელი მარჯორი ტეილორი აპირებს ახლადარჩეული პრეზიდენტის ჯო ბაიდენის ინაუგურაციის მეორე დღესვე დააყენოს მისი იმპიჩმენტის საკითხი.

​„მინდა განვაცხადო ამერიკელი ხალხის სახელით, ჩვენ უნდა დავრწმუნდეთ, რომ ჩვენი ლიდერები ეძლევიან პასუხისგებაში, აშშ-ს არ შეიძლება ჰყავდეს პრეზიდენტი, რომელიც მზადაა ბოროტად ისარგებლოს თანამდებობით და იოლად მოსასყიდი გახდეს უცხოური მთავრობების, ჩინური და უკრაინული ენერგეტიკული კომპანიების მხრიდან“, – განაცხადა პოლიტიკოსმა ტელეარხ Newsmax-სთვის მიცემულ ინტერვიუში, რომელიც მან საკუთარ Twitter-ზე ატვირთა.

აღსანიშნავია, რომ მანამდე აშშ-ის კონგრესის წარმომადგენელთა პალატამ პრეზიდენტ დონალდ ტრამპს გამოუცხადა იმპიჩმენტი ვაშინგტონში მომხდარი არეულობებისკენ წაქეზების ბრალდებით. სტატიას ხელი ქვედა პალატის სპიკერმა, დემოკრატმა ნენსი პელოსიმ მოაწერა და ის უკვე გადაეგზავნა სენატს. იმისათვის რომ სენატში იმპიჩმენტი შედგეს, მას სენატორთა ორმა მესამედმა (არანაკლებ 67 ხმა) უნდა დაუჭიროს მხარი.

 

93
თემები:
საერთაშორისო პანორამა (25)
დონალდ ტრამპი

„პატრიოტული პარტია“: ტრამპი ახალი პარტიის შექმნას გეგმავს

20
(განახლებულია 14:53 20.01.2021)
გამოცემის ინფორმაციით, დონალდ ტრამპი ახალი პოლიტიკური პარტიის დაარსებას აპირებს, რასაც რესპუბლიკელები, დიდი ალბათობით, წინააღმდეგობას გაუწევენ

თბილისი, 20 იანვარი — Sputnik. შეერთებული შტატების მოქმედმა პრეზიდენტმა, რესპუბლიკელმა დონალდ ტრამპმა, რომლის უფლებამოსილების ვადა 20 იანვარს იწურება, ბოლო დროს თავის მომხრეებთან ერთად ახალი პოლიტიკური პარტიის შექმნის შესაძლებლობა განიხილა, იუწყება The Wall Street Journal-ი.

გამოცემის წყაროს ინფორმაციით, ტრამპს ახალი პოლიტიკური გაერთიანებისთვის  „პატრიოტული პარტიის“ დარქმევა სურს.  

გამოცემა აღნიშნავს, რომ ტრამპს თანაპარტიელებთან უთანხმოება აქვს მას შემდეგ, რაც რამდენიმე მათგანმა, მათ შორის, აშშ-ს სენატში რესპუბლიკელთა უმრავლესობის ლიდერმა მიჩ მაკკონელმა, განაცხადა, რომ პრეზიდენტმა ხალხს 6 იანვრის არეულობისკენ უბიძგა, რა დროსაც ტრამპის მომხრეები კაპიტოლიუმში შეიჭრნენ და შეეცადნენ, ხელი შეეშალათ 3 ნოემბრის საპრეზიდენტო არჩევნების შედეგების დამტკიცებისთვის. აღნიშნული არეულობების შედეგად რამდენიმე ადამიანი დაიღუპა.

ჯერჯერობით გაურკვეველია, რამდენად მტკიცედ აქვს გადაწყვეტილი დონალდ ტრამპს ახალი პარტიის ჩამოყალიბება, რაც მნიშვნელოვან ფინანსურ ხარჯებსა და დროს უკავშირდება. WSJ-ის ცნობით, პრეზიდენტს უამრავი მხარდამჭერი ჰყავს, რომელთა ნაწილი არ იყო ჩართული რესპუბლიკური პარტიის პოლიტიკაში მანამ, სანამ ის ქვეყნის სათავეში არ მოვიდა 2016 წელს.

ამასთან გამოცემა აღნიშნავს, რომ მესამე პარტიის შეექმნის ნებისმიერი მცდელობა დიდი ალბათობით გადააწყდება რესპუბლიკელთა მხრიდან წინააღმდეგობას.

20
თემები:
საერთაშორისო პანორამა (25)
Forbes-ის ლოგოტიპი

ყველაზე გულუხვი მილიარდერები: Forbes-მა ახალი რეიტინგი გამოაქვეყნა

46
(განახლებულია 12:56 20.01.2021)
ექსპერტებმა გამოანგარიშეს, რა თანხა გაიღეს მსოფლიოს უმდიდრესმა ადამიანებმა ქველმოქმედებაზე მთელი ცხოვრების განმავლობაში

თბილისი, 20 იანვარი — Sputnik. ამერიკულმა გამოცემა Forbes-მა ყველაზე გულუხვი ამერიკელი მილიარდერების რეიტინგი შეადგინა. გამოცემამ დაითვალა, რა თანხა დახარჯეს მათ ქველმოქმედებაზე მთელი ცხოვრების განმავლობაში. შემოწირულობის თანხები 2020 წლის მდგომარეობით გამოითვალეს, კაპიტალი კი — 2021 წლის 14 იანვრის მდგომარეობით.

გამოცემის თანახმად, ყველაზე გულუხვი მედიამაგნატი უორენ ბაფეტი გამოდგა, რომელმაც ქველმოქმედებაზე 42,8 მილიარდი დოლარი გაიღო. ბაფეტის ქონება 88,8 მილიარდ დოლარს შეადგენს. ის ფინანსებს ძირითადად ჯანდაცვისთვის და სიღარიბის წინააღმდეგ ბრძოლისთვის გამოყოფს. 2010 წელში ბაფეტმა წამოიწყო პროგრამა The Giving Pledge და მოუწოდა ამერიკელ მილიარდერებს, თავიანთი ქონების ნახევარი მაინც შეეტანათ საქველმოქმედო ორგანიზაციებში. თავადაც ბაფეტი ქონების 99%-ის გაღებას აპირებს.

რეიტინგში მეორე ადგილზე განთავსდნენ ბილ და მელინდა გეითსები. მათი ქონება 120.7 მილიარდ დოლარად არის შეფასებული. გეითსების შემოწირულობების საერთო რაოდენობამ 29.8 მილიარდი დოლარი შეადგინა. 2020 წელს წყვილმა პირობა დადო, რომ ორი წლის განმავლობაში COVID-19-ის წინააღმდეგ ბრძოლაში 1.75 მილიარდ დოლარს დახარჯავს.

Forbes-ის რეიტინგში მესამე ადგილი ჯორჯ სოროსმა დაიკავა, რომელსაც სიცოცხლის განმავლობაში 16,6 მილიარდი დოლარი აქვს გაღებული ქველმოქმედებისთვის. ამჟამად მისი ქონება 8,6 მილიარდ დოლარს შეადგენს.

აღსანიშნავია, რომ სოროსის ფონდი „ღია საზოგადოება“ მსოფლიოს 120 ქვეყანაში მოქმედებს და ფოკუსირებულია დემოკრატიასა და ამომრჩეველთა უფლებების დაცვაზე. მხოლოდ 2020 წელს ამ მიმართულებით მან 140 მილიონი დოლარი გამოყო, 1,2 მილიარდი დოლარი კი დისკრიმინაციის წინააღმდეგ ბრძოლისთვის, ადამიანის უფლებების დასაცავად და ჟურნალისტთა მხარდასაჭერად გადარიცხა. გარდა ამისა, COVID-19-ის პანდემიის დაწყებიდან, ჯორჯ სოროსმა 37 მილიონი დოლარი გაიღო შეერთებულ შტატებში არალეგალი მიგრანტების სამედიცინო მომსახურებისთვის.

მეოთხე ადგილზე მოხვდა ნიუ-იორკის ყოფილი მერი მაიკლ ბლუმბერგი, რომლის ქონებასაც ჟურნალი 54,9 მილიარდ დოლარად აფასებს. მისი შემოწირულობების საერთო ოდენობამ 11,1 მილიარდი დოლარი შეადგინა.

გულუხვი ამერიკელი მილიარდერების ჩამონათვალში მოხვდა Amazon-ის დამფუძნებლის, ჯეფ ბეზოსის ყოფილი მეუღლე მაკენზი სკოტიც, რომელმაც ქველმოქმედებაზე 5,83 მილიარდ დოლარზე მეტი გაიღო. ამ მაჩვენებლით ის რეიტინგის მეხუთე პოზიციაზე განთვასდა.

რაც შეეხება Facebook-ის დამფუძნებელ მარკ ცუკერბერგს, ის რეიტინგში მეათე ადგილს იკავებს 2,7 მილიარდი დოლარის შემოწირულობით.

46
თემები:
საერთაშორისო პანორამა (25)
ლაბორატორია

COVID-19 საქართველოში: ვითარება სამეგრელო–ზემო სვანეთის რეგიონში

0
(განახლებულია 15:24 20.01.2021)
ამ დროისათვის სამეგრელო–ზემო სვანეთის რეგიონის მასშტაბით მოქმედ საკარანტინო სივრცეებში მოთავსებულია 43 ადამიანი.

თბილისი, 20 იანვარი – Sputnik. ბოლო 24 საათის განმავლობაში სამეგრელო–ზემო სვანეთის რეგიონის მასშტაბით კორონავირუსის 32 ახალი შემთხვევა გამოვლინდა, იუწყება „Sputnik-საქართველოს“ კორესპონდენტი. 

რეგიონში სახელმწიფო რწმუნებულის ადმინისტრაციის ინფორმაციით, რეგიონის მასშტაბით მოქმედ ექვს კოვიდ–ცენტრში 226 პაციენტი აგრძელებს მკურნალობას, მათგან 18-ის მდგომარეობა მძიმეა. 

რუხის კლინიკაში მკურნალობის კურსს გადის 79 კოვიდ–პაციენტი, ფოთის ჰოსპიტალში – 40, აქედან ოთხი პაციენტის მდგომარეობა მძიმეა. სენაკის კლინიკა „სენამედში“ იმყოფება 35 პაციენტი, მათ შორის მძიმეა სამი პაციენტის მდგომარეობა. ზუგდიდის რეფერალურ ჰოსპიტალში 17 კოვიდ–ინფიცირებულია მოთავსებული – ოთხის პაციენტის მდგომარეობა მძიმეა. აბაშის „ევექსის“ კლინიკაში მკურნალობს 22 პაციენტი. სენაკის „ლაზიკა მედიში“ კი 33.

გასულ დღე-ღამეში კორონავირუსით ორი პაციენტი გარდაიცვალა,  გამოჯანმრთელდა 58ადამიანი.

ბოლო 24 საათში ქვეყნის მასშტაბით კორონავირუსის 469 ახალი შემთხვევა დაფიქსირდა და ინფიცირებულთა საერთო რიცხვმა 249.934 -ს მიაღწია.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

ნიკა ლატარია

0
თემები:
კორონავირუსი საქართველოში: ბოლო ცნობები