Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

აშშ-ში კორონავირუსის ორი ახალი შტამი აღმოაჩინეს

© REUTERS / CALLAGHAN O'HARECOVID 19 აშშ-ში
COVID 19 აშშ-ში - Sputnik საქართველო
გამოწერა
მეცნიერები ხაზგასმით აღნიშნავენ, რომ ჯერჯერობით არ აქვთ საფუძველი ივარაუდონ, რომ კოვიდ-ვაქცინები არაეფექტური იქნება ახალი შტამების მიმართ.

თბილისი, 14 იანვარი — Sputnik. აშშ-ის ოჰაიოს უნივერსიტეტის სწავლულებმა კორონავირუსის კიდევ ორი ახალი შტამი აღმოაჩინეს, რომელთაგან ერთი „ბრიტანულ“ შტამს ჰგავს, ხოლო მეორე კიდევ უფრო გადამდებია.

როგორც უნივერსიტეტის განცხადებაშია ნათქვამი, პირველი მუტაცია, მიუხედავად იმისა, რომ „ბრიტანულს“ ჰგავს, დიდი ალბათობით აშშ-ში წარმოიშვა. მეორე შტამმა კი სამი ისეთი გენეტიკური მუტაცია შეიძინა, რომლებიც მანამდე SARS-Cov-2-თან ერთად არ გვხდებოდა.

ჯანმომ კორონავირუსის ახალი „იაპონური შტამის“ საფრთხე შეაფასა - Sputnik საქართველო
ჯანმომ კორონავირუსის ახალი „იაპონური შტამის“ საფრთხე შეაფასა

პირველი შტამი ოჰაიოში გამოუვლინდა პაციენტს და მეცნიერებს ჯერჯერობით არ შეუძლიათ თქვან, რამდენად ფართოდაა ის გავრცელებული. მეორე ვარიანტი კი ქალაქ კოლუმბუსში ჭარბობს 2020 წლის დეკემბრის ბოლოდან.

ამასთან მეცნიერები აღნიშნავენ, რომ მათ ჯერჯერობით არ აქვთ საფუძველი ივარაუდონ, რომ ახალი მუტაციები კოვიდ–ვაქცინების ეფექტურობაზე გავლენას მოახდენს.

კორონავირუს SARS-CoV-2-ის „ბრიტანული“ შტამის შესახებ ინფორმაცია დეკემბრის შუა რიცხვებში გავრცელდა. მოგვიანებით გაერთიანებული სამეფოს ხელისუფლებამ დაადასტურა, რომ ქვეყანაში გამოვლენილი შტამი დიდი სისწრაფით ვრცელდებოდა და მოსახლეობისგან მაქსიმალურ სიფრთხილეს მოითხოვდა. თუმცა, მიუხედავად იმისა, რომ, წინასწარი მონაცემებით, ახალი შტამი შესაძლოა 70%-ით უფრო გადამდები იყოს, ჯერჯერობით არაფერი მიანიშნებს იმაზე, რომ ის უფრო საშიშია სიკვდილიანობის ან ჰოსპიტალიზაციის თვალსაზრისით.

ყველა ახალი ამბავი
0