Windows 10

„მაიკროსოფტი“ 2021 წელს Windows 10-ის ახალი ვერსიის გამოშვებას გეგმავს

47
(განახლებულია 19:03 12.01.2021)
Windows 10X-ის ერთ-ერთი სასარგებლო ფუნქცია Modern Standby-ს რეჟიმი გახდება – ახალი ოფციის საშუალებით სისტემა ძილის რეჟიმიდან გამოსვლისას მუშაობის განახლებას მომენტალურად შეძლებს.

თბილისი, 12 იანვარი - Sputnik. კომპანია Microsoft 2021 წლის მეორე კვარტალში Windows 10-ის ახალი ვერსიის გამოშვებას გეგმავს. Microsoft-ის ოპერაციული სისტემის ახალი ვარიანტი მნიშვნელოვან ცვლილებებს ითვალისწინებს, იუწყება Gizmochina

აღსანიშნავია, რომ Windows 10X-ის ერთ-ერთი მთავარი ფუნქცია Modern Standby-ს რეჟიმი იქნება. თუ ახლა კომპიუტერს ძილის რეჟიმიდან გამოსასვლელად რაღაც დრო სჭირდება, ახალი ოფციის დახმარებით სისტემა მუშაობის განახლებას მომენტალურად შეძლებს. Modern Standby – ეს არის ძილის სპეციალური რეჟიმი, რომლის დროსაც ლეპტოპი მუდმივად განაახლებს ინფორმაციას რეალურ დროში.

საინტერესოა, რომ Windows 10X ძილის რეჟიმში მაინც ჩამოტვირთავს ახალ მეილებს, მიიღებს შეტყობინებებს, მუდმივად განაახლებს სოციალური ქსელის გვერდებს და სხვა კონტენტს. რა თქმა უნდა, შესაძლებელია აღნიშნული ოფციის გამორთვა.

Windows 10X – არის Microsoft-ის ოპერაციული სისტემის ახალი ვერსია, რომელიც შექმნილია განსაკუთრებით ორმაგი ჩვენების მოწყობილობებისთვის. როგორც რედმონდში ამტკიცებენ, იგი თავსებადი იქნება კლასიკურ ნოუთბუქებთანაც.

47
თემები:
მსოფლიო და მეცნიერება (607)
ვითარება ვაშინგტონში ინაუგურაციის წინ

ინაუგურაციის წინ: FBI ეროვნულ გვარდიაში შემოწმებებს ატარებს

10
ინაუგურაციის დასაცავად ვაშინგტონში უკვე ჩასულია ეროვნული გვარდიის 15 ათასი წევრი და კიდევ ათი ათასს ელოდებიან

თბილისი, 18 იანვარი — Sputnik. აშშ–ის  გამოძიების ფედერალური ბიურო ეროვნულ გვარდიაში შემოწმებას ატარებს არჩეული პრეზიდენტის, ჯო ბაიდენის ინაუგურაციის წინ, იუწყება სააგენტო „ასოშეითედ პრესი“.

მანამდე ტელეარხმა MSNBC–მა გაავრცელა ინფორმაცია, რომ ვაშინგტონში უკვე ჩავიდა ეროვნული გვარდიის 15 ათასი მებრძოლი ღონისძიების დასაცავად, რომელიც 20 იანვარს უნდა გაიმართოს. ამ დღისთვის მათი რაოდენობა 25 ათასამდე გაიზრდება — ძლოვნებს ორმოცდაათივე შტატიდან ელოდებიან.

მასმედიით გავრცელებული ინფორმაციით, სამხედროთა შორის, რომლებმაც ინაუგურაციის  დაცვის დავალება მიიღეს, შესაძლოა იყვნენ მომავალი პრეზიდენტისა და სხვა ვიპ–სტუმრებისთვის საფრთხის შემცველი პირებიც. როგორც აშშ–ის სახმელეთო ძალების მინისტრი რაიან მაკარტი ამბობს, ხელისუფლებისთვის ცნობილია ეს პოტენციური საფრთხე.

ჯო ბაიდენის საინაუგურაციო პროგრამას პოპულარული მსახიობი წაიყვანს

ცნობილი ხდება ისიც, რომ გამოძიების ფედერალურმა ბიურომ ერთი კვირის წინ დაიწყო გვარდიის წევრთა შემოწმებები. ამასთან მაკარტი და ხელისუფლების სხვა წარმომადგენლები აცხადებენ, რომ მსგავსი საფრთხეების მტკიცებულება არ დაფიქსირებულა.

„ჩვენ გამუდმებით ვადევნებთ თვალყურს, მეორედ და მესამედ ვამოწმებთ ოპერაციაში ჩართულ ხალხს... აუცილებელია ავამოქმედოთ ყველა მექანიზმი იმ ქალებისა და მამაკაცების საგულდაგულოდ შესამოწმებლად, რომლებიც მსგავსი ოპერაციებით იქნებიან დაკავებული“, — განაცხადა მაკარტიმ.

აღინიშნება, რომ ფედერალური ბიურო ადამიანებს თავისი მონაცემთა ბაზებისა და ასევე სპეციალური სიების მიხედვით ამოწმებს, რომლებიც შეიძლება შეიცავდეს ინფორმაციას ტერორიზმთან დაკავშირებული საფრთხეების შესახებ.

როგორც გენერალი დენიელ ჰოკანსონი განმარტავს, იმ შემთხვევაში, თუ სამხედროთა შორის ექსტრემისტული შეხედულებების მქონე პირის შესახებ გახდება ცნობილი, ინფორმაცია დაუყოვნებლივ გადაეცემა სამართალდამცველ ორგანოებსა და ზემდგომ ხელმძღვანელობას.

 

 

10
თემები:
საერთაშორისო პანორამა
დაკეტილი კაფეები ავსტრიაში

ყველაფერი დაკეტილია: ავსტრიაში მკაცრი ლოკდაუნი სამი კვირით გააგრძელეს

109
მკაცრი კარანტინი ქვეყანაში 26 დეკემბერს დაიწყო. დღემდე ვარაუდობდნენ, რომ ის 24 იანვარს დასრულდებოდა

თბილისი, 17 იანვარი - Sputnik. ავსტრიაში კორონავირუსის გამო მკაცრი ლოკდაუნი 7 თებერვლამდე გაგრძელდება, ასეთი განცხადებით რესპუბლიკის კანცლერი სებასტიან კურცი გამოვიდა.

„ექსპერტები თანხმდებიან იმაში, რომ 7-დღიანი ავადობა უნდა შემცირდეს 50-მდე, იდეალურ შემთხვევაში - 25-მდე, სანამ გახსნას შევძლებთ“, - აღნიშნა კურცმა.

მან განმარტა, რომ ავსტრიისთვის ეს დაახლოებით ინფიცირების 700 ახალ შემთხვევას ნიშნავს, და აღნიშნა, რომ არ არის დარწმუნებული, რომ ამ რიცხვის მიღწევა დადგენილ ვადებში საერთო შესაძლებელია.

ქვეყანაში მკაცრი კარანტინი 26 დეკემბერს დაიწყო, ვარაუდობდნენ, რომ ის 24 იანვარს დასრულდებოდა. უკვე სამი კვირაა ქვეყანაში პრაქტიკულად არაფერი არ მუშაობს: ღიაა მხოლოდ სუპერმარკეტები, აფთიაქები, ბანკები, ასევე მომსახურებათა ის სფეროები, სადაც კლიენტთან ახლო კონტაქტი არ იგულისხმება. 24 საათის განმავლობაში არ შეიძლება სახლის დატოვება საპატიო მიზეზის გარეშე, რაშიც სხვა ყველაფერთან ერთად, გასეირნება მოიაზრება.

მოსახლეობა ასეთი შეზღუდვების გამო ძალიან დაიღალა: შაბათს ავსტრიაში შემზღუდავი ზომების მოწინააღმდეგეთა რამდენიმე დემონსტრაცია გაიმართა, ყველაზე დიდი აქცია ვენაში შეიკრიბა: ქალაქის პოლიციის მონაცემებით, საერთო ჯამში დედაქალაქის ქუჩებში დაახლოებით 10 ათასი ადამიანი გამოვიდა.

შეგახსენებთ, რომ ავსტრიაში 27 დეკემბერს დაიწყო კორონავირუსის საწინააღმდეგო ვაქცინაცია, ის სამ ეტაპად ჩატარდება.

109
ეპიდემია საქართველოში

COVID-19 საქართველოში: რამდენი შემთხვევა გამოვლინდა ბოლო დღე-ღამეში

14
ამ დროისათვის სულ გამოჯანმრთელდა 234.636 ადამიანი (ბოლო 24 საათში – 1.643), გარდაიცვალა – 2.958 (ბოლო 24 საათში – 25), კარანტინის რეჟიმშია 460, სტაციონარებში ექიმების დაკვირვების ქვეშ 3.670 პაციენტი, ხოლო კოვიდ–სასტუმროებში 634 ადამიანი იმყოფება. 

თბილისი, 18 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 110-ით გაიზარდა და ინფიცირებულთა საერთო რიცხვმა 247.915 მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 234.636 ადამიანი (ბოლო 24 საათში – 1.643), გარდაიცვალა – 2.958 (ბოლო 24 საათში – 25), კარანტინის რეჟიმშია 460, სტაციონარებში ექიმების დაკვირვების ქვეშ 3.670 პაციენტი, ხოლო კოვიდ–სასტუმროებში 634 ადამიანი იმყოფება. 

ბოლო 24 საათში ჩატარდა 4.964 კვლევა ტესტით, მათ შორის ანტიგენის სწრაფი ტესტით – 2.930, PCR ტესტით – 2.034.

საქართველოში კორონავირუსის პირველი შემთხვევა 26 თებერვალს დაფიქსირდა.

14
თემები:
კორონავირუსი საქართველოში: ბოლო ცნობები