პანდემია იაპონიაში

კორონავირუსის შემთხვევების რაოდენობა მსოფლიოში უკვე 90 მილიონს აჭარბებს

89
(განახლებულია 20:38 11.01.2021)
COVID-19-ის შემთხვევების ყველაზე დიდი რაოდენობა დაფიქსირებულია აშშ-ში – 22,2 მილიონზე მეტი. მსოფლიოში პანდემიის შედეგად 1,93 მილიონი ადამიანი გარდაიცვალა.

თბილისი, 11 იანვარი – Sputnik. მსოფლიოში კორონავირუსით ინფიცირების რეგისტრირებული შემთხვევების რაოდენობა 90 მილიონიან ნიშნულს გადასცდა, აცხადებს ჯონს ჰოპკინსის უნივერსიტეტი, რომელიც ფედერალური და ადგილობრივი ხელისუფლებების, მასმედიაში გავრცელებულ და სხვა ღია წყაროების მონაცემებს აჯამებს.

უნივერსიტეტის ბოლო ინფორმაციით, ახალი კორონავირუსული ინფექცია მსოფლიოში 90 260 468 ადამიანს დაუდგინდა.

ამასთან, COVID-19-ის შემთხვევების ყველაზე დიდი რაოდენობა დაფიქსირებულია აშშ-ში – 22,2 მილიონზე მეტი. მსოფლიოში პანდემიის შედეგად 1,93 მილიონი ადამიანი გარდაიცვალა, თითქმის 50 მილიონი კი გამოჯანმრთელდა.

ჯანდაცვის მსოფლიო ორგანიზაციამ COVID-19-ის აფეთქება პანდემიად 2020 წლის 11 მარტს გამოაცხადა.

89
თემები:
COVID-19-ის პანდემია მსოფლიოში (1300)
Google-ს ლოგოტიპი

Google-მ ამბიციური პროექტი დახურა: დასახელდა მიზეზები

6
(განახლებულია 11:25 25.01.2021)
ახალი პროექტი, რომელიც გასულ წელს წარმატებით გამოიცადა, კომპანიის ხელმძღვანელობის თქმით, მეტად სარისკოა

თბილისი, 25 იანვარი — Sputnik. კომპანია Alphabet–მა, რომელიც Google–ს ეკუთვნის,  შეწყვიტა პროექტი Project Loon–ი, რომლის მიზანიც სტრატოსფერული ბურთების მეშვეობით ინტერნეტზე უსადენი წვდომის ქსელის შექმნა იყო, ნათქვამია პროექტის ოფიციალურ საიტზე.

Loon–ის გენერალური დირექტორი ალასტერ ვესტგარტი ამ გადაწყვეტილებას იმით ხსნის, რომ კომპანიამ ვერ შეძლო საკმარისი რაოდენობით პარტნიორებისა და ინვესტორების მოძიება. გარდა ამისა, აღმოჩნდა, რომ პროექტი მნიშვნელოვნად ვერ ამცირებდა ხარჯებს.

„რადიკალურად ახალი ტექნოლოგიების შექმნა მეტად სარისკოა თავისი არსით“, — განაცხადა ვესტგარტმა.

აღსანიშნავია, რომ Project Loon–ი გასულ წელს წარმატებით გამოიცადა, რა დროსაც კენიაში 35 აეროსტატი გაუშვეს. თითოეული ბურთი დაახლოებით 80 კვადრატულ კილომეტრს ფარავდა.

 

6
თემები:
საერთაშორისო პანორამა
მილგამყვანი ხომალდი „ფორტუნა“

„ჩრდილოეთის ნაკადი-2“: „ფორტუნამ“ დანიის წყლებში მუშაობა განაახლა

3
(განახლებულია 10:58 25.01.2021)
„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით.

თბილისი, 25 იანვარი — Sputnik. მილგამყვანმა ხომალდმა „ფორტუნამ“ დანიის წყლებში „ჩრდილოეთის ნაკადი–2–ის“ მშენებლობაზე მუშაობა განაახლა, იუწყება პროექტი ოპერატორი Nord Stream 2 AG––ი.

„ხომალდმა „ფორტუნამ“ დაიწყო მუშაობა გაზსადენ „ჩრდილოეთის ნაკადი–2–ზე“. მუშაობა მიღწეული შეთანხმებების შესაბამისად მიმდინარეობს“, — განაცხადეს კომპანიაში.

„ჩრდილოეთის ნაკადი 2“

„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით. გაზსადენი გადის რუსეთის, ფინეთის, შვედეთის, დანიისა და გერმანიის ეკონომიკურ ზონებზე ან ტერიტორიულ წყლებზე.

პროექტს ახორციელებს Nord Stream 2 AG, რომლის ერთადერთი აქციონერია „გაზპრომი“.

აშშ-ის ხელისუფლება ეწინააღმდეგება პროექტს და ცდილობს, ევროკავშირს თავს მოახვიოს თავისი თხევადი გაზი. მოწინააღმდეგეთა შორის ასევე არიან უკრაინა და ევროპის ქვეყნები. 2019 წლის დეკემბერში აშშ-ის პრეზიდენტმა დონალდ ტრამპმა ხელი მოაწერა 2020 წლის თავდაცვის ბიუჯეტს, რომელიც სანქციებს ითვალისწინებს „ჩრდილოეთის ნაკადი 2“-ის მიმართ. შედეგად, შვეიცარიულმა კომპანია Allseas-მა, რომელიც გაზსადენის გაყვანაზე მუშაობს, საქმიანობა შეაჩერა და ხომალდები გაიყვანა.

გაზსადენზე მუშაობა გასული წლის დეკემბერში განახლდა გერმანიის ეკონომიკურ ზონაში ხომალდ „ფორტუნას“ გამოყენებით. დანიის ხელისუფლებასთან შეთანხმებით, პროექტზე მუშაობის განახლება მიმდინარე წლის 15 იანვრიდან გახდა შესაძლებელი. ამასთან, შეერთებულმა შტატებმა 19 იანვარს სანქციები დაუწესა ხომალდ „ფორტუნას“ და მის მფლობელ კომპანიასაც.

 

3
თემები:
საერთაშორისო პანორამა