რუსული კოვიდ-ვაქცინა

სერბეთში 500 ათას დოზა რუსულ ვაქცინას ელოდებიან

63
(განახლებულია 20:14 10.01.2021)
სერბეთის ჯანდაცვის სახელმწიფო მინისტრი, ასევე შინაგან საქმეთა მინისტრი და პარლამენტის სპიკერი გასულ ოთხშაბათს რუსული ვაქცინით აიცრნენ კორონავირუსზე

თბილისი, 10 იანვარი – Sputnik. სერბეთი რუსეთიდან 500 ათას დოზა ვაქცინა „სპუტნიკ V–ს“ მიღებას ელოდება, რათა უახლოეს დღეებში მასობრივი ვაქცინაცია დაიწყო, განაცხადა ქვეყნის პრემიერმა ანა ბრნაბიჩმა.

კვირას ბრნაბიჩი და ჯანდაცვის სახელმწიფო მინისტრი მირსად ჯერლეკი მედპერსონალის ვაქცინაციის დაწყებას დაესწრნენ ბელგრადის საუნივერსიტეტო კლინიკა „ტირშოვაში“. მთავრობის მეთაურის თქმით, თვის ბოლომდე სერბეთში ვაქცინის 2 მილიონამდე დოზა შევა სხვადასხვა მწარმოებლებისგან, ხოლო თებერვალში კიდევ 1,5 მლნ დოზას ელოდებიან.

„დარწმუნებული ვარ, რომ წლის პირველი ნახევრის დასრულებამდე სერბეთში მასობრივ იმუნიზაციას დავასრულებთ — ასეთია ჩვენი მიზანი. გვაქვს შეთანხმება 8 მლნ დოზა ვაქცინაზე 4 მლნ კაცზე გათვლით“, — უთხრა პრემიერ–მინისტრმა ჟურნალისტებს.

მისი თქმით, ქვეყანა ორშაბათს Pfizer–ისგან პრეპარატის დამატებით 18 525 დოზას მიიღებს და ასევე ელოდება დაახლოებით 500 ათას „სპუტნიკ V–ს“ რუსეთიდან.  

მირსად ჯერლეკმა განმარტა, რომ სერბეთის ხელისუფლება COVID–19–ზე 720 ათასი მოქალაქის ვაქცინაციის პირველი ფაზის დასრულებას ამერიკულ–გერმანული Pfizer/BioNTech–ითა და რუსული „სპუტნიკ V–ით“ გეგმავს.

„რუსი მეცნიერების მიღწევები“: The New York Times–ის ჟურნალისტი რუსული ვაქცინით აიცრა>>

აღსანიშნავია, რომ ჯანდაცვის სახელმწიფო მინისტრი, ასევე შინაგან საქმეთა მინისტრი და პარლამენტის სპიკერი გასულ ოთხშაბათს სწორედ რუსული ვაქცინით აიცრნენ კორონავირუსზე. სერბეთის მთავრობამ იმავე დღეს დაამტკიცა უახლოეს თვეებში „სპუტნიკ V–ს“ დიდი პარტიის მიწოდება.

როგორც ვაქცინის Twitter–აკაუნტზეა ნათქვამი, რუსეთის პირდაპირი ინვესტიციების ფონდი და სერბეთის მთავრობა  ქვეყანაში 2 მლნ დოზა ვაქცინის შეტანაზე შეთანხმდნენ. ვაქცინის პირველი პარტია — 2,4 ათასი დოზა ბელგრადს 30 დეკემბერს მიეწოდა.

 

 

 

 

63
თემები:
მსოფლიო დღეს (2489)
კორონავირუსის პანდემია. ავსტრია

რატომ ჩნდება კორონავირუსის ახალი შტამები მეცნიერების მოსაზრება

26
(განახლებულია 20:54 01.08.2021)
მეცნიერებმა აღმოაჩინეს, რომ მუტაციების გაჩენის რისკები ორ ფაქტორზეა დამოკიდებული: ვაქცინირებული მოსახლეობის წილსა და ინფიცირებულების ზღვრულ რაოდენობაზე.

თბილისი, 1 აგვისტო – Sputnik  ავსტრიის მეცნიერებისა და ტექნოლოგიის ინსტიტუტის მეცნიერებმა განაცხადეს, რომ SARS-CoV-2–ის ახალი ვარიანტები ბევრ ქვეყანაში შეზღუდვების გაუქმების შემდეგ გავრცელდა. იუწყება РИА Новости ჟურნალ Scientific Report–ში გამოქვეყნებულ კვლევაზე დაყრდნობით.

მეცნიერებმა ეპიდემიოლოგიური მოდელი ააგეს და აღმოაჩინეს, რომ მუტაციების გაჩენის რისკები ორ ფაქტორზეა დამოკიდებული: ვაქცინირებული მოსახლეობის წილსა და ინფიცირებულების ზღვრულ რაოდენობაზე. გამოთვლების შედეგად მკვლევარები მივიდნენ დასკვნამდე, რომ აუცილებელია მოსახლეობის უმრავლესობა – მინიმუმ 60% აიცრას.

მკვლევარები ამტკიცებენ, რომ ადამიანებმა ვაქცინაციის შემდეგაც უნდა ატარონ პირბადე და დაიცვან სოციალური დისტანცია. სპეციალისტების აზრით, თავისუფალი გადაადგილება რისკის შემცველია მსოფლიოში ვაქცინაციის სხვადასხვა ტემპის გამო, ასევე საშიშია ახალი საშიში შტამების გამოჩენის მხრივ პოპულაციაში. ეს რომ არ მოხდეს, ეპიდემიოლოგიური შეზღუდვები საერთაშორისო დონეზე უნდა შეთანხმდეს, მიიჩნევენ მკვლევარები.

26
თემები:
COVID-19-ის პანდემია მსოფლიოში
ტოკიო პანდემიის დროს

ტოკიოში კორონავირუსით ინფიცირების ახალი ანტირეკორდი დაფიქსირდა

25
(განახლებულია 18:59 01.08.2021)
იაპონიის დედაქალაქში ოლიმპიური თამაშები მიმდინარეობს. COVID-19–ით დაინფიცირების შემთხვევები ფიქსირდება იმ ადამიანებს შორისაც, რომლებსაც კავშირი აქვთ ღონისძიებებთან

თბილისი, 1 აგვისტო – Sputnik. იაპონიის დედაქალაქში პანდემიის დაწყებიდან პირველად ერთ დღე–ღამეში კორონავირუსით ინფიცირების 4 ათასზე მეტი შემთხვევა დაფიქსირდა, იუწყება ტელეარხი NHK.

ტოკიოში ინფიცირების 4.085 ახალი შემთხვევა გამოვლინდა, აქედან 95 ადამიანი მძიმე მდგომარეობაშია. ასევე ახალი ანტირეკორდი დაფიქსირდა პარასკევს მთელი ქვეყნის მასშტაბით – 10,7 ათასი შემთხვევა.

ტოკიოში 12 ივლისიდან რიგით მეოთხე საგანგებო რეჟიმი მოქმედებს, რომელიც 22 აგვისტომდე გაგრძელდება, ანუ პარალიმპიური თამაშების დაწყებამდე, რომელიც 24 აგვისტოდან 5 სექტემბრის ჩათვლით გაგრტძელდება. დედაქალაქის გარდა საგანგებო რეჟიმი კიდევ მთელ რიგ პრეფექტურებში მოქმედებს.

ტოკიოში ამჟამად ოლიმპიური თამაშები მიმდინარეობს, რომელიც ყველაზე მასშტაბურია სპორტის სახეობების მხრივ – 33, და ასევე ჯილდოების კომპლექტების თვალსაზრისით – 339. ღონისძიება მკაცრი შეზღუდვების პირობებში ტარდება.

ოლიმპიურ ღონისძიებებში ჩართულებს ყოველდღე უტარებენ ტესტირებას. მხოლოდ კვირას მონაწილეებსა და ოლიმპიადაზე დასაქმებულებს შორის 18 ახალი შემთხვევა გამოვლინდა, თან ერთ შემთხვევაში ვირუსი სპორტსმენს დაუდასტურდა. სულ ოლიმპიადის პერიოდში ინფიცირების რიცხვმა ღონისძიების მონაწილეებს შორის 260–ს მიაღწია.

25
თემები:
COVID-19-ის პანდემია მსოფლიოში
ჩაფიქრებული მამაკაცი

დაკარგული ასაკი არარსებული დრო, ცხოვრებისეული პაუზა თუ ახალი მიზნების ხანა

0
(განახლებულია 20:24 01.08.2021)
ოდესმე გსმენიათ „დაკარგული ასაკის" სინდრომის შესახებ? დაკარგული ასაკი - ესაა 50-დან დაახლოებით 70 წლამდე პერიოდი. „დაკარგულს" კი იმიტომ უწოდებენ, რომ ეს დრო ჩვენ ცხოვრებაში თითქოს არც არსებობს.

არ არსებობს იმ მარტივი მიზეზის გამო, რომ ამ პერიოდში ჯერ მთელი ძალით ვცდილობთ ჯერ კიდევ ახალგაზრდა ვჩანდეთ, შემდეგ კი სევდიანად ვაღიარებთ, რომ დავბერდით.

შედეგად კი, უბრალოდ, საკუთარი ცხოვრებიდან უზარმაზარ მონაკვეთს ვჭრით, რომელიც შეიძლება ჩვენი ცხოვრების საუკეთესო პერიოდი იყოს.

ზოგიერთი მიიჩნევს, რომ 55-ის ან 60 წლის შემდეგ ცხოვრებისგან სიამოვნების მიღებაზე აღარც უნდა იფიქრო.

სულაც არა! საიდუმლო მარტივია.

55-ის მერე არ უნდა ეცადო იცხოვრო, როგორც 30 ან 40 წლისამ. ამის ნაცვლად თავს უფლება უნდა მისცე, განვითარდე.

15 წლის როცა ვართ, ჩვენ ხომ არ ვცდილობთ ვიცხოვროთ, როგორ 5 წლისებმა, 30 წლისა — როგორც 15 წლისებმა? 15 წლისები არ ვთამაშობთ თოჯინებითა და ჯარისკაცებით. ხოლო 30 წლისანი არ ვუსმენთ იმ მუსიკას, რომელიც 15 წლისებს მოგვწონდა.

ეს, რა თქმა უნდა, არ ნიშნავს, რომ ნაკლებ სიამოვნებას ვიღებთ. ეს ნიშნავს, რომ სიამოვნებას სხვა რამისგან ვიღებთ.

ალბათ, ბევრისგან გსმენიათ, რომ დაახლოებით 50-55 წლის ასაკში ჩნდება შეგრძნება, რომ ცხოვრებაში რაღაც დამთავრდა და რაღაც, რაც ამ მომენტში უნდა დაწყებულიყო, არ დაიწყო. მარტივად რომ ვთქვათ, ცხოვრებაში რაღაც შესვენებისმაგვარი ჩნდება – პაუზა, რომელიც, რაოდენ სამწუხაროც არ უნდა იყოს, შეიძლება დიდხანს, სიკვდილამდეც კი გაგრძელდეს.

აქ საქმე მიზანთან გვაქვს. 50-ის მერე, სტანდარტულად, მიზნად ვისახავთ ვიცხოვროთ ადრინდელზე უკეთესად, გამოვიყურებოდეთ იმაზე ცუდად არა, ვიდრე უწინ, ვიმუშაოთ, იმაზე ცოტა არ გამოვიმუშაოთ, ვიდრე უწინ, უკეთ დავისვენოთ…

და განა გასაკვირია, რომ ამდენი ადამიანი სევდით შეიგრძნობს, რომ 50-ის მერე მათი ცხოვრება თითქოს გაჩერდა? განა შეიძლება სხვაგვარად იყოს, როდესაც ვცდილობთ საკუთარი თავი გავიმეოროთ?

სცადეთ და საკუთარ თავს სხვა მიზანი დაუსახეთ — იცხოვროთ უკეთ, ვიდრე აქამდე. მიიღოთ ცხოვრებისგან მეტი სიამოვნება. უფრო მხიარულად გაერთოთ, საინტერესოდ დაისვენოთ, უკეთ გამოიყურებოდეთ, ძლიერ გიყვარდეთ. სცადეთ და მაშინვე იგრძნობთ, რომ ცხოვრებას აზრი კვლავ მიეცა.

სანამ ვფიქრობთ, რომ 50-ის მერე ჩვენი პირადი განვითარება სრულდება, სანამ სასოწარკვეთილი ვცდილობთ წარსულს ჩავებღაუჭოთ, ვიცხოვროთ ისე, როგორც ადრე ვცხოვრობდით, სიხარულზე და სიამოვნებაზე ფიქრიც არ ღირს.

55-ის მერე სიხარული და კმაყოფილება ცხოვრებისგან მაშინ ჩნდება, როდესაც წარსულს გაუშვებთ და თავს უფლებას მისცემთ იცხოვროთ, შეიცვალოთ, განვითარდეთ, გახდეთ სხვანაირი, გყავდეთ ახალი მეგობრები, გქონდეთ ახალი გატაცება, საქმე, ახალი სიამოვნება.

0
თემები:
სასარგებლო რჩევები