ამსტერდამი

ამსტერდამში ტურისტებს მსუბუქ ნარკოტიკებს აღარ მიჰყიდიან: განიხილება გეგმა

92
(განახლებულია 13:40 10.01.2021)
ამსტერდამის ხელისუფლება უკმაყოფილოა იმ ფაქტით, რომ უცხოელი ტურისტების გარკვეული ნაწილი ქვეყანაში მხოლოდ მსუბუქი ნარკოტიკებისთვის ჩადის

თბილისი, 10 იანვარი — Sputnik. ამსტერდამის ხელისუფლება აპირებს, აკრძალოს ტურისტებზე მსუბუქი ნარკოტიკების გაყიდვა, მომავალში კოფეშოპებში მხოლოდ ნიდერლანდების მოსახლეობას მოემსახურებიან. აღნიშნული ინიციატივა ამსტერდამის მერმა ფემკე ჰალსემამ წამოაყენა, იუწყება პორტალი NOS–ი.

გავრცელებული ინფორმაციით, ადგილობრივი ხელისუფლება უკმაყოფილოა იმით, რომ ტურისტების ნაწილი ქვეყანაში მხოლოდ მსუბუქი ნარკოტიკებისთვის ჩადის.

აღსანიშნავია, რომ  ბოლო 20 წლის განმავლობაში კოფეშოპების რაოდენობა ამსტერდამში 283–დან 166–მდე შემცირდა, თუმცა  მოთხოვნა მსუბუქ ნარკოტიკებზე გაიზარდა.

ამასთან კოფეშოპების თითქმის 30% ამსტერდამში მდებარეობს, რაც ჰალსემას თქმით, „ძლიერი სტიმულია უცხოელი ტურისტებისთვის“.

ამსტერდამის მერი მიუთითებს კვლევაზე, რომლის თანახმადაც უცხოელი ტურისტების დიდი რაოდენობა აღარ მოინდომებს ნიდერლანდების დედაქალაში ჩასვლას, თუ კოფეშოპებზე წვდომა არ ექნებათ.

გარდა ამისა, კვლევამ ასევე აჩვენა, რომ 2025 წლისთვის ადგილობრივი ბაზრის მომსახურებისთვის დღეს არსებული 166–დან მხოლოდ 73 ასეთი დაწესებულება იქნება საკმარისი.

„ამ გეგმის რეალიზებას ხვალვე არ ვაპირებთ. ვფიქრობ, რამდენიმე წელი გავა, სანამ აქამდე მივალთ“, — ამბობს ფემკე ჰალსემა.

მისი თქმით, ის ჯერ არ შეხვედრია კოფეშოპების მფლობელებს აღნიშნულ იდეაზე სასაუბროდ. ქალაქის მერს სურს, მოსაზრება თავდაპირველად მუნიციპალურ საბჭოსთან შეათანხმოს.

ამასთან ქალაქის მერი შიშობს, რომ მსუბუქი ნარკოტიკებით ვაჭრობამ შეიძლება ქუჩებში გადაინაცვლოს, თუმცა მაინც მიაჩნია, რომ გარკვეული ჯგუფის უცხოელი ტურისტების რაოდენობა შემცირდება. მას იმედი აქვს, რომ კორონავირუსის პანდემიის დასრულების შემდეგ ტურისტების სხვა ჯგუფების მიზიდვა იქნება შესაძლებელი, რომლებსაც ქვეყნის კულტურისა და სილამაზის გაცნობა სურთ და  არა „ქუჩაში კაიფით ხეტიალი“.

 

92
თემები:
საერთაშორისო პანორამა (45)
Telegram

Sputnik-ის ინგლისურენოვანი არხი Telegram-ზე ამუშავდა

2
(განახლებულია 16:42 25.01.2021)
არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი

თბილისი, 25 იანვარი — Sputnik. საინფორმაციო სააგენტო Sputnik–ი ახალ ინგლისურენოვან არხს ხსნის Telegram–ზე, რათა განავითაროს საინფორმაციო სერვისები Telegram–ის მულტიმედიური შესაძლებლობებით და გააშუქოს პოლიტიკური და ბიზნეს საკითხები, მსოფლიო ეკონომიკური ტენდენციები, უსაფრთხოებისა და თავდაცვის, კოსმოსის, ასევე ჯანდაცვისა და სხვა სფეროების სიახლეები და მიაწოდოს ის ფართო აუდიტორიას.

არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი — იქნება ეს დღის მთავარი თემები, კურიოზული შემთხვევები თუ კულისებს მიღმა მოვლენები.

Sputnik–ი საზოგადოებას შესთავაზებს ამონარიდებს მსოფლიოს სხვადასხვა ქვეყნის უმაღლეს თანამდებობის პირებთან, ბიზნესმენებთან, პოლიტიკოსებთან,  ანალიტიკოსებსა და წქსპერტებთან საინტერესო ექსკლუზიური ინტერვიუებიდან.

Sputnik–ის კორესპონდენტები 24/7–ზე იმუშავებენ პირდაპირ ეთერში და გააშუქებენ ყველა მნიშვნელოვან მსოფლიო მოვლენას: დაწყებული სახელმწიფო ვიზიტებით, დამთარებული საპროტესტო აქციებით, ტერორისტული შეტევებითა თუ ინფექციების აფეთქებებით.

Telegram–ში Sputnik–ის მოძებნა და გამოწერა შეგიძლიათ მისამართზე @sputniknewsint.

Sputnik-ი არის ერთ-ერთი ყველაზე დიდი საერთაშორისო მედიასაშუალება, რომელიც აერთიანებს 33 ენაზე მაუწყებელ მულტიმედიურ ინტერნეტ-საიტებს, ანალოგურ და ციფრულ რადიომაუწყებლობას მსოფლიოს 34 ქვეყნის 130-ზე მეტ ქალაქში. Sputnik-ი 24 საათის განმავლობაში აწვდის ინფორმაციას მსოფლიოს წამყვან გამოცემებს ინგლისურ, არაბულ, ესპანურ, ჩინურ ენებსა და ასევე ფარსიზე. Sputnik-ის საინფორმაციო რესურსების აუდიტორია 80 მლნ ვიზიტორს შეადგენს ერთ თვეში, ხოლო სოციალურ ქსელებში ხელმომწერთა საერთო რაოდენობა 20 მილიონს აღემატება.

 

2
ვაქცინაციის ცენტრი თელ-ავივში

COVID-19 მსოფლიოში: ისრაელი „ჰერმეტულად“ დაიხურა, შვედეთმა საზღვრები ჩაკეტა...

32
(განახლებულია 16:10 25.01.2021)
კორონავისრუსთან ბრძოლის ფარგლებში მსოფლიოს ქვეყნებს ისეთი მკაცრი ზომების გატარება უწევთ, რომლებისთვისაც მანამდე არასდროს მიუმართავთ

თბილისი, 25 იანვარი — Sputnik. მსოფლიოს ქვეყნების ხელისუფლებები კვალავც ებრძვიან კორონავირუსის გავრცელებას და სხვადასხვა ღონისძიებებს მიმართავენ ინფექციის შესაჩერებლად.

მაგალითად, ნიდერლანდების ხელისუფლებამ ქვეყანაში კომენდანტის საათის შემოღების გადაწყვეტილება მიიღო. მოქალაქეებს ეკრძალებათ საღამოს ცხრა საათიდან დილის ხუთის ნახევრამდე სახლიდან გასვლა. ასეთი შეზღუდვები მეორე მსოფლიო ომის შემდეგ პირველად მოქმედებს. დამრღვევებს ჯარიმის გადახდა მოუწევთ 95 ევროს ოდენობით. გამონაკლისს მხოლოდ ძაღლების მფლობელები წარმოადგენენ.

მკაცრი ზომების საპასუხოდ, ნიდერლანდების მოქალაქეები ქუჩებში გამოვიდნენ. პოლიციამ ქვეყნის მასშტაბით ორ ათეულზე მეტი აქტივისტი დააკავა, ხოლო  გამოწერილი ჯარიმების რაოდენობამ 3.5 ათასს გადააჭარბა.

ისრაელის მთავრობამ პრაქტიკულად „ჰერმეტულად“ დახურა ქვეყანა. გარდა იმისა, რომ შეჩერებულია საერთაშორისო ფრენები უცხოეთის მოქალაქეებისთვის, ხელისუფლებამ განაცხადა, რომ თელ-ავივის ბენ გურიონის სახელობის აეროპორტი მინიმუმ ერთი კვირით ჩაიკეტება და ისრაელი, პირველად ისტორიაში, შეწყვეტს არა მარტო ემიგრანტების, არამედ იმ თანამემამულეების მიღებასაც, რომლებიც ახლა საზღვარგარეთ იმყოფებიან.

შვედეთმა, რომელმაც მანამდე აღიარა, რომ კორონავირუსის გავრცელების წინააღმდეგ ბრძოლის რბილი ზომები არაეფექტური იყო, დახურა საზღვარი ნორვეგიასთან, სადაც COVID-19-ის „ბრიტანული“ შტამი გამოვლინდა.

ამ გზით ქვეყნის ხელისუფლება ცდილობს, შეზღუდოს სავაჭრო ტურიზმი ორი ქვეყნის საზღვარზე და დაიცვას საკუთარი მოქალაქეები ვირუსის ახალი მუტაციისგან.

საფრანგეთის ხელისუფლების მოთხოვნით, ყველა პირმა, რომლებიც ქვეყანაში საზღვაო ან საჰაერო გზით შევლენ, უნდა წარადგინოს კორონავირუსზე უარყოფითი ტესტი საზღვრის გადაკვეთამდე არა უგვიანეს 72 საათისა.

„ვაქცინა გეებად გაქცევთ - არ აიცრათ“ - რაბინი ისრაელის მოსახლეობას მოუწოდებს>>

ჯონს ჰოპკინსის უნივერსიტეტის ბოლო მონაცემებით, მსოფლიოში კორონავირუსით ინფიცირებულთა რაოდენობამ 99 მილიონს გადააჭარბა. აქედან დაავადებამ  2.1 მილიონზე მეტი ადამიანი იმსხვერპლა.

საშიში ინფექციის გავრცელების მხრივ პირველ ადგილზეა შეერთებული შტატები — 25 მილიონზე მეტი დაავადებულითა და 419 ათასზე მეტი გარდაცვლილით; მეორე ადგილზეა ინდოეთი — 10,6 მილიონზე მეტი ინფიცირებულითა და 153 ათასზე მეტი გარდაცვლილით, მესამე ადგილზეა ბრაზილია — ინფიცირების 8,8 მილიონი დადასტურებული შემთხვევითა და 217 ათასი გარდაცვლილით.

32
თემები:
საერთაშორისო პანორამა (45)