COVID 19 ირანში

თეირანი ყველას არ ენდობა: ირანმა უცხოური კომპანიების ვაქცინების ტესტირება აკრძალა

45
(განახლებულია 10:18 10.01.2021)
ირანის სულიერ ლიდერს მიაჩნია, რომ აშშ და დიდი ბრიტანეთი შეიძლება სხვა ქვეყნების მოსახლეობის კორონავირუსით ინფიცირების გზებს ეძებდნენ

თბილისი, 10 იანვარი — Sputnik. უცხოური კომპანიები ვეღარ შეძლებენ, გამოცადონ საკუთარი კოვიდ–ვაქცინები ირანელ ხალხზე, განაცხადა ქვეყნის პრეზიდენტმა ჰასან როუჰანიმ. აღნიშნულის თაობაზე იუწყება სააგენტო Reuters-ი.

„უცხოურ კომპანიებს სურდათ ვაქცინები მოეწოდებინათ, რათა ისინი ირანელ ხალხზე გამოეცადათ. მაგრამ ქვეყნის ჯანდაცვის სამინისტრომ აღკვეთა ეს“, — განაცხადა როუჰანიმ.

მისი თქმით, ირანელები არ გახდებიან კოვიდ–ვაქცინების მწარმოებლებისთვის „საცდელი კურდღლები“. ამასთან მას არ დაუკონკრეტებია, რომელი კომპანიების პრეპარატები აიკრძალა ქვეყანაში.

თავის მხრივ, ირანის სულიერმა ლიდერმა აიათოლა ალი ჰამენეიმ განაცხადა, რომ დიდი ბრიტანეთი და აშშ, საიდანაც კორონავირუსის საწინააღმდეგო ვაქცინების იმპორტი აიკრძალა, არ იმსახურებენ ნდობას, ვინაიდან ეს ქვეყნები შესაძლოა სხვა ქვეყნებში კორონავირუსის გავრცელების გზებს ეძებდნენ.

ამასთან აიათალომა დააზუსტა, რომ ირანი მზადაა, შეიძინოს ვაქცინები იმ ქვეყნებიდან, რომლებსაც თეირანი ენდობა. თუმცა არ დააკონკრეტა, რომელ ქვეყნებზეა საუბარი.

45
თემები:
საერთაშორისო პანორამა (14)

შავ ზღვაში რუსული სატვირთო გემი ჩაიძირა - ვიდეო

10
(განახლებულია 14:30 18.01.2021)
შავ ზღვაში, თურქეთის სანაპიროსთან ახლოს რუსული სატვირთო გემი ჩაიძირა. ამის შესახებ ინფორმაციას თურქული და რუსული მედია ავრცელებს

მათივე ცნობით, ეკიპაჟის 5 წევრი გადარჩენილია, ორი კი, დაღუპული იპოვეს. ეკიპაჟის 15-კაციანი შემადგენლობის სამძებრო-სამაშველო ოპერაცია ახლაც მიმდინარეობს. სავარაუდოდ, ეკიპაჟის წევრები სამ სამაშველო ნავზე იმყოფებიან.

სამაშველო ნავების ჩაძირვის ან დაღუპულების შესახებ ცნობები არ ვრცელდება. მაშველების მუშაობას კი უამინდობა უშლის ხელს.

10
რუსული ვაქცინა Sputnik V

„დასავლეთის უმეცრება“: ევროპაში რუსული ვაქცინა „სპუტნიკ V“ დაიცვეს

16
(განახლებულია 15:32 18.01.2021)
ჟურნალისტის აზრით, დასავლეთი წლების განმავლოაბში უარყოფდა რუსულ სამეცნიერო მიღწევებს, რაც არის კიდეც მიზეზი რუსული ვაქცინის მიმართ ეჭვებისა

თბილისი, 18 იანვარი — Sputnik. რუსეთმა შექმნა პრეპარატი, რომელსაც კორონავირუსის პანდემიის დათრგუნვა შეუძლია, ნათქვამია  ფრანგული „ლე მონდეს“ ესპანურენოვან გამოცემა Monde diplomatique–ს სტატიაში.

სტატიის ავტორის, ფედერიკო კუსკოს აზრით, დასავლეთი სკეპტიკური რეაქცია ვაქცინა Sputnik V–ს შექმნაზე იმითაა გამოწვეული, რომ დასავლეთში რუსული მეცნიერების მიმართ ერთგვარი უმეცრება არსებობს.

„ენობრივი, კულტურული და პოლიტიკური განხვავებებით აღძრული ეს უმეცრება ეჭვით ხვდება რუსეთის ინიციატივებს“, — აღნიშნავს ჟურნალისტი.

კუსკო ხაზს უსვამს, რომ პრეპარატის შექმნა რუსეთის სამეცნიერო აღმოჩენების მთელი ისტორიული ჯაჭვის შედეგია. მაგრამ, მისი აზრით, დასავლელი „მთხრობელები“ წლების განმავლობაში უარყოფდნენ რუსეთის მეცნიერულ მიღწევებს და ახლა გაკვირვებულები არიან ვაქცინის შექმნით.

  • „ისეთი ქვეყნებისგან განსხვავებით, როგორბიც არიან აშშ და ევროკავშირის სახელმწიფოები, სადაც ფარმაცევტული ლაბორატორიები თავიანთ წამლებს ასტრონომიულ ფასად ახვევენ თავს საზოგადოებას, რუსეთი ფულისთვის არ იღწვის“, — მიაჩნია კუსკოს.

ჟურნალისტის აზრით, 50 წლის შემდეგ „სპუტნიკ V–სთან“ დაკავშირებული ეჭვები, რომლებიც ახლა აქტიურად ვრცელდება მსოფლიოს სხვადასხვა ქვეყანაში, აღარავის გაახსენდება. 

 

16
თემები:
რუსეთი დღეს
ბაკურიანი

„ბევრი ადამიანი დარჩება მშიერი“: საქართველოში შეზღუდვების მოხსნას ითხოვენ

0
მცირე და საშუალო ბიზნესის წარმომადგენლებს, რომლებიც გაკოტრების ზღვარზეა, მხარს უჭერს პარტია „გირჩი - მეტი თავისუფლება“

თბილისი, 18 იანვარი - Sputnik. ოპოზიციური პარტია „გირჩი - მეტი თავისუფლება“ ბიზნეს-სექტორის წარმომადგენლებთან ერთად მოითხოვს შეზღუდვების მოხსნას, რომლებიც კორონავირუსის გამოა დაწესებული. ამ საკითხს პარტიის ოფისში გამართული პრესკონფერენცია მიეძღვნა.

„გვაცადეთ მუშაობა! - „გირჩი“ კოვიდ-შეზღუდვების გაუქმებას მოითხოვს >>

მათი თქმით, შეზღუდვების გამო ადამიანებმა სამსახურები დაკარგეს, მცირე ბიზნესი ვერ უმკლავდება პრობლემებს და ერთმანეთის მიყოლებით კოტრდება.

„ჩვენს ბარში იყო გაფორმებული 82 ადამიანი, რომლებიც ამ მომენტისთვის იმ 200 ლარის იმედად არის... ამ 82 ადამიანს მოყვება ოჯახები, შემდეგ არის დაცვის სამსახური, დისტრიბუცია, რომლის ვალები გვაქვს და ვერ ვიხდით. სექტემბერში აღებული საქონელი გვიდევს. არის ქირა, რომელსაც ვერ ვიხდით“, - განაცხადა ბარ „სახელოსნოს“ მეპატრონემ ივა მაჭავარიანმა პრესკონფერენციაზე.

ქვეყნის მასშტაბით რესტორნები და ყველა კვების ობიექტი მხოლოდ გატანაზე მუშაობენ. ძალაში რჩება ღამის საათებში გადაადგილების აკრძალვა.

2020 წლის 28 ნოემბრიდან მუშაობა შეწყვიტეს საქართველოს ზამთრის კურორტებმა, სასტუმროებს აეკრძალათ სტუმრების მიღება, კაფეები, რესტორნები, საბაგიროები და ტრასები დაკეტილია.

არსებობს ვარაუდი, რომ ზამთრის კურორტები დამსვენებლებს 1 თებერვლიდან მიიღებენ, მაგრამ ყველაფერი ქვეყანაში არსებულ ეპიდვითარებაზე იქნება დამოკიდებული.

„სათხილამურო კლუბის“ მფლობელის, გურამ გოგიშვილის თქმით, მთავრობამ რაც შეიძლება სწრაფად უნდა მიიღოს გადაწყვეტილება სათხილამურო კურორტების გახსნის შესახებ.

გუდაური-კობის დამაკავშირებელი საბაგიროები ჩაირთო >>

„დროზე უნდა გადაწყვიტონ, უახლოეს დღეებში. თუ წელს სათხილამურო კურორტები არ გაიხსნება, ძალიან ბევრი ადამიანი დარჩება მშიერი“, - განაცხადა გოგიშვილმა.

საქართველოში არსებული ყველა სათხილამურო კურორტი - გუდაური, თეთნულდი, ჰაწვალი, ბაკურიანი, კოხტა-მიტარბი და გოდერძი გაჩერებულია. პანდემიამდე ამ კურორტებზე ტურისტული სეზონი დეკემბრის დასაწყისში იწყებოდა და მარტის ბოლომდე გრძელდებოდა.

 

0