დონალდ ტრამპი მხარდამჭერების წინაშე გამოსვლისას

დონალდ ტრამპის წინააღმდეგ შესაძლოა კონსტიტუციის 25-ე შესწორება გამოიყენონ

82
(განახლებულია 09:45 10.01.2021)
შესწორება, რომლის გამოყენებასაც აშშ-ის ვიცე-პრეზიდენტი არ გამორიცხავს, ჯონ კენედის მკვლელობის შემდეგ შევიდა კონსტიტუციაში

თბილისი, 10 იანვარი — Sputnik. აშშ–ის ვიცე–პრეზიდენტი მაიკ პენსი არ გამორიცხავს, გამოიყენოს კონსტიტუციის 25–ე შესწორება, რომელიც მასა და კაბინეტის უმრავლესობას პრეზიდენტის ხელისუფლებისგან ჩამოშორების უფლებას ანიჭებს, იუწყება ტელეარხი CNN–ი წყაროზე დაყრდნობით.

წყაროს ინფორმაციით, პენსმა ეს ვარიანტი იმ შემთხვევისთვის შემოინახა, თუ ამერიკის ლიდერი დონალდ ტრამპი „უფრო არასტაბილური“ გახდებოდა. მიმდინარე კვირაში კი, მას შემდეგ, რაც მოქმედი პრეზიდენტი თავისი მხარდაჭერების წინაშე სიტყვით გამოვიდა და კიდევ ერთხელ განაცხადა, რომ საპრეზიდენტო აღჩევნები გაყალბდა, რასაც ვაშინგტონში არეულობა და კაპიტოლიუმში დემონსტრანტების შეჭრა მოჰყვა,  ნათელი გახდა, რომ ეს ვარიანტი დასაშვებია.

აღნიშნული შესწორება აშშ–ის კონსტიტუციაში პრეზიდენტ ჯონ კენედის მკვლელობის შემდეგ მიიღეს. ის ითვალისწინებს სახელმწიფოს მეთაურის საქმეებიდან ჩამოშორებას მისი უუნარობის შემთხვევაში და ასევე საშუალებას იძლევა, გადაიჭრას სიტუაცია, როდესაც ლიდერის ავადმყოფობისა თუ გარდაცვალების შემთხვევაში მას აღარ შეუძლია არც მოვალეობების შესრულება და არც გადადგომა. ახალი პრეზიდენტის ინაუგურაციამდე კი სახელმწიფოს მეთაურის მოვალეობებს ვიცე–პრეზიდენტი შეასრულებს.

82
თემები:
საერთაშორისო პანორამა (60)
არჩილ თალაკვაძე

თალაკვაძე: პატივს მივაგებთ ჰოლოკოსტის მსხვერპლს

15
(განახლებულია 17:21 27.01.2021)
მსოფლიოში 27 იანვარს ჰოლოკოსტის მსხვერპლთა ხსოვნის საერთაშორისო დღე აღინიშნება – ფაშისტურ ბანაკებში 6 მილიონი ებრაელი და მილიონობით სხვა ეროვნების ადამიანი გაანადგურეს

თბილისი, 27 იანვარი – Sputnik. საქართველო პატივს მიაგებს ჰოლოკოსტის მსხვერპლს. ამის შესახებ Twitter–ში ქვეყნის პარლამენტის თავმჯდომარე არჩილ თალაკვაძემ დაწერა.

​„დღეს პატივს მივაგებთ იმ ადამიანთა ხსოვნას, რომლებიც ჰოლოკოსტს ემსხვერპლნენ. ჰოლოკოსტი სიტყვებით დაიწყო და გაგრძელდა მილიონობით უდანაშაულო ადამიანის შემზარავი მკვლელობით. დღეს ჩვენ მტკიცედ ვამბობთ, რომ ეს აღარასდროს განმეორდება!“ – დაწერა თალაკვაძემ.

საქართველოში „ქართველი შინდლერის“ და ჰოლოკოსტის მსხვერპლთა ხსოვნის მონუმენტი გახსნეს>>

ჰოლოკოსტის მსხვერპლის ხსოვნის საერთაშორისო დღე 27 იანვარს აღინიშნება. ამ დღეს, 1945 წელს საბჭოთა ჯარმა ოსვენციმის საკონცენტრაციო ბანაკი გაათავისუფლა. ყოველ წელს, 27 იანვარს ბუნდესტაგში ჰოლოკოსტის მსხვერპლთა ხსოვნის ცერემონია ტარდება.

15
ადამიანი დანით ხელში

ლაიქების დასაგროვებლად: სამმა მოზარდმა გოგომ თანატოლი პირდაპირ ეთერში მოკლა

191
(განახლებულია 17:06 27.01.2021)
მკვლელობის სცენა პირდაპირი ეთერით გადაიცემოდა „ფეისბუქსა“ და „ინსტაგრამზე“, ხოლო ერთ-ერთი გოგონა ტრაბახობდა კიდეც, რომ დანა შიგ გულში ჩაარტყა მსხვერპლს

თბილისი, 27 იანვარი — Sputnik. ოთხმა არასრულწლოვანმა გოგონამ, ლუიზიანის სავაჭრო ცენტრ Walmart –ში, თანატოლი მოკლა სოციალური ქსელებით ლაიქების მისაღებად, იუწყება The Daily Dot–ი.

გავრცელებული ინფორმაციით, პოლიციამ უკვე დააკავა 12, 13 და 14 წლის სამი გოგონა.

გამოძიების ვერსიით, ერთ–ერთმა მათგანმა დანა ჩაარტყა 15 წლის გოგონას, რასაც ინციდენტის მონაწილეები Facebook–ისა და Instagram–ის პირდაპირი ეთერით გადასცემდნენ.

ერთ–ერთ ვიდეოზე ისმოდა კიდეც, როგორ ტრაბახობდა ერთ გოგონა, რომ მოზარდ დანა შიგ გულში ჩაარტყა.

დაჭრილი ბავშვი საავადმყოფოში გადაიყვანეს, მაგრამ ექიმებმა მისი გადარჩენა ვერ შეძლეს.

ამ დროისათვის სამივე ბრალდებული არასრულწლოვანთათვის განკუთვნილ დროებითი მოთავსების იზოლატორში არიან გადაყვანილი.

 

191
თემები:
საერთაშორისო პანორამა (60)
მეათე მოწვევის პარლამენტი

ქართველ ოპოზიციონერ დეპუტატებს უფლებამოსილებას გაუზრდიან

0
საქართველოში შექმნილი პოლიტიკური კრიზისის ფონზე დამოუკიდებელი დეპუტატები მეტ უფლებამოსილებას მიიღებენ

თბილისი, 27 იანვარი - Sputnik. საქართველოს პარლამენტმა პირველი მოსმენით დაამტკიცა შესწორებები პარლამენტის რეგლამენტში, რომლებიც საკანონმდებლო ორგანოში ოპოზიციონერთა მცირე ჯგუფის უფლებებს აფართოებს.

პოლიტიკური კრიზისის ფონზე პარლამენტში ოპოზიცია წარმოდგენილი იქნება ცხრა დამოუკიდებელი დეპუტატით, თავად საკანონმდებლო ორგანოს კი შეზღუდული უფლებამოსილებები ექნება.

შესწორებების თანახმად, დამოუკიდებელ დეპუტატებს ვიცესპიკერის, ასევე, კომიტეტების თავმჯდომარეების მოადგილეების წარდგენის უფლება ექნებათ.

გარდა ამისა, დებატების დროს ან კანონპროექტის განხილვისას მათ ფრაქციისთვის ანალოგიურ დროს გამოუყოფენ.

შესწორებების მიზეზი გახდა დამოუკიდებელი დეპუტატების შეზღუდული უფლებამოსილებები, რომელთაც დღემდე არა აქვთ შესაძლებლობა, სრულფასოვნად მიიღონ მონაწილეობა პარლამენტის მუშაობაში და დაიკავონ ხელმძღვანელი თანამდებობები.

ვინაიდან მმართველი პარტია „ქართული ოცნება“ 2 თებერვალს დააკმაყოფილებს ოპოზიციის წარმომადგენელთა დიდი ნაწილის უარს მანდატებზე, ოპოზიციური ფრთა პარლამენტში წარმოდგენილი იქნება „ევროპელი სოციალისტების“ ოთხი, პარტია „მოქალაქეების“ ორი და პარტია „ახალი პოლიტიკური ცენტრი - გირჩის“ სამი დეპუტატით. ამასთან, პარტია „გირჩი“ არ აპირებს სხდომებში მონაწილეობას და აგრძელებს ბოიკოტს.

უფრო მეტი უფლებამოსილება?

შესწორებების განხილვისას მმართველი პარტიის წარმომადგენელმა ბეჟან კახაძემ კოლეგებს შესთავაზა, დამოუკიდებელ დეპუტატებს სამწევრიანი ფრაქციის შექმნისა და ბიუროს სხდომაზე დასწრების შესაძლებლობა მიეცათ.

ამასთან დაკავშირებით პარლამენტის თავმჯდომარე არჩილ თალაკვაძემ განმარტა, რომ არსებობს კონსტიტუციის ჩარჩოები, რომლებიც მკაცრად განსაზღვრავს პარლამენტის ბიუროს შემადგენლობას, ასევე ფრაქციების შესაძლებლობებსა და შემადგენლობას.

პროექტის ავტორმა ლევან მგალობლიშვილმა კი აღნიშნა, რომ დამოუკიდებელი დეპუტატების უფლებამოსილება შესაძლოა გაფართოვდეს რეგლამენტის შესაძლებლობების გათვალისწინებით, ისე რომ არ დაზარალდეს კონსტიტუცია.

„ჩვენ არ წავალთ კონსტიტუციის წინააღმდეგ, რომელიც პარლამენტის ფრაქციების შესაძლებლობებს განსაზღვრავს, მათ შორის, სახელმწიფო თანამდებობებზე გარკვეულ პირთა დანიშვნისას, მაგრამ ჩვენ შეგვიძლია რეგლამენტის ფარგლებში ოპოზიციონერებს მეტი შესაძლებლობა მივცეთ“, - განაცხადა მგალობლიშვილმა.

მისი თქმით, კანონპროექტი მეორე მოსმენისთვის დამუშავდება და განსახილველად იქნება წარდგენილი.

რატომ „გაღარიბდა“ პარლამენტი

საქართველოს პარლამენტში არჩევნების შედეგად 60 ოპოზიციონერი და 90 მმართველი პარტიის დეპუტატი მოხვდა. თუმცა ოპოზიციონერების უმრავლესობა დღემდე უარს აცხადებს არჩევნების შედეგების აღიარებაზე და ამბობს, რომ ისინი „ქართული ოცნების“ სასარგებლოდ გაყალბდა.

პარლამენტში მოხვედრილმა დეპუტატებმა პარტიებიდან - „ერთიანი ნაციონალური მოძრაობა“, „ევროპული საქართველო“, „ლელო“, „სტრატეგია აღმაშენებელი“, „საქართველოს პატრიოტთა ალიანსი“ და „გირჩი - მეტი თავისუფლება“ - პროტესტის ნიშნად პარლამენტის დატოვება გადაწყვიტეს.

ექვსიდან ხუთმა სუბიექტმა გააუქმა პარტიული სიები, რათა თავიანთი პარტიებიდან უფრო ლოიალური წარმომადგენლებით მათი ჩანაცვლების შესაძლებლობა მოესპო.

ერთადერთი, ვინც ეს არ გააკეთა, პარტია „პატრიოტთა ალიანსია“, რის წყალობითაც პარლამენტში მისი ოთხი ყოფილი წარმომადგენელი მოხვდა. მათ „პატრიოტების“ ადგილები დაიკავეს და შექმნეს საკუთარი პარტია „ევროპელი სოციალისტები“.

პარლამენტის შემცირებული შემადგენლობა საქართველოს პარლამენტს კონსტიტუციის შეცვლის, კონსტიტუციური კანონების მიღებისა და მიწის შესახებ კანონის შეცვლის შესაძლებლობას უკარგავს.

0