ახალი წელი ბათუმში

მსოფლიოს ქვეყნების ყველაზე უცნაური საახალწლო ტრადიციები

547
(განახლებულია 13:50 16.01.2021)
ალბათ ყველა ვთანხმდებით, რომ ახალი წელი ერთ-ერთი ყველაზე ჯადოსნური და ფერადი დღესასწაულია დედამიწაზე. ის იმედებთან, სითბოსთან, საჩუქრებთან და დადებით ემოციებთან ასოცირდება.

ახალი წლის ჯადოსნური ღამე მსოფლიოს დიდ ნაწილს აერთიანებს და ერთ დიდ დღესასწაულში რთავს. თუმცა, არსებობს უამრავი განსხვავებული, მხიარული და უცნაური ტრადიცია, რომელიც სხვადასხვა ქვეყანაში არსებობს და მას საახალწლოდ თუ საშობაოდ აუცილებლად იცავენ.

ზოგიერთი ქვეყნისთვის ახალი წლის ღამეს საფრთხობელის დაწვა ან მეგობართან ხელჩართული ბრძოლა ისეთივე ჩვეულებრივი ამბავია, როგორც ჩვენთვის გოზინაყის მომზადება თუ მეკვლეობა. უფრო მეტიც, ზოგან თუ შემწვარი მუხლუხოებით პირი არ ჩაიტკბარუნეს, ახალ წელს ისე რა გემო ექნება!

დღევანდელ სტატიაში შევეცადეთ შეგვეკრიბა მსოფლიოში ყველაზე განსაკუთრებული, უცნაური და უნიკალური საახალწლო ტრადიციები.

სამხრეთ აფრიკა - შემწვარი მუხლუხოები

დიახ, თქვენ არ მოგესმათ. სამხრეთ აფრიკაში მთავარი სადღესასწაულო კერძი სწორედ შემწვარი მუხლუხოა. ის ნამდვილ დელიკატესად ითვლება, რადგან, როგორც ამბობენ, უგემრიელესია. გარდა ამისა, ნოყიერი და სასარგებლოცაა – უამრავ ცილას შეიცავს. ადგილობრივები მას საახალწლოდ უბრალოდ შემწვარს მიირთმევენ, ან პომიდვრის სოუსთან ერთად. მოკლედ, თუ საახალწლო მუხლუხოს გადაყლაპავთ, იღბლიანი წელი გელით.

 

იაპონია - თეთრი ტორტი მაწყვით და KFC

იაპონიაში წითელი და თეთრი ნამცხვარი საახალწლო სუფრის მთავარი მოვლენაა. ეს ღრუბელივით თეთრი, ფაფუკი ტორტი, რომელიც ათქვეფილი კრემითა და მარწყვითაა დაფარული, იაპონურ კულტურაში იმდენადაა ფესვგადგმული, რომ მას ფაქტობრივად ყველგან წააწყდებით – რეკლამებში, მაღაზიებში. მისი ემოჯიც კი არსებობს. თუ არ გჯერათ, ჩაიხედეთ ტელეფონში და დარწმუნდებით. მოკლედ, იაპონური საახალწლო სუფრა ამ ტორტის გარეშე წარმოუდგენელია.

და, რა თქმა უნდა, KFC (Kentucky Fried Chicken), ანუ შემწვარი წიწილა კენტუკიდან. დიახ, დაივიწყეთ საშობაო ინდაური. მრავალი იაპონელისთვის ტრადიციული საშობაო ვახშამი სწორედ კენტუკის შემწვარი ქათამია.

ვენესუელა - გორგოლაჭებით სრიალი

ვენესუელის დედაქალაქ კარაკასში შობის ღამეს გორგოლაჭებით სრიალებენ და ეს ტრადიცია იმდენად პოპულარული გახდა, რომ ხელისუფლებას მოუწია ქუჩების დაკეტვა, რათა ყველამ შეძლოს უსაფრთხოდ სრიალი. უცნობია, როგორ დაიწყო ეს ყველაფერი, მაგრამ იქ საშობაო წირვაზეც კი გორგოლაჭებით მიდიან. წირვის შემდეგ კი გახუხულ პურსა და ყავას მიირთმევენ. მართლაც მხიარული და საოცარი სანახაობაა შობის ღამეს კარაკასის ქუჩებში.

ესპანეთი - წითელი საცვლები და ყურძნის 12 მარცვალი

ესპანეთს ორი უჩვეულო საახალწლო ტრადიცია აქვს. ახალი წლის ღამეს, 12 საათზე ყურძნის ზუსტად 12 მარცვალი უნდა შეჭამოთ, თან ძალიან სწრაფად – ზუსტად 12 წამში.  თითოეული მარცვალი ერთ თვეს აღნიშნავს და თუ ყველას შეჭამთ, მაშინ წარმატებული წელი „გარანტირებული“ გაქვთ.

გარდა ამისა, არ დაგავიწყდეთ წითელი საცვლის ჩაცმაც. შეიძლება ეს იყოს წინდაც. ოღონდ აუცილებელია, რომ ის სხვისგან იყოს საჩუქრად მიღებული. ვალენსიის ერთი პატარა სოფელი კი უფრო წინ წავიდა: აქ ახალი წლის ღამეს ტრადიციაა ქუჩაში მხოლოდ წითელი საცვლებით სირბილი.

ფინეთი - საუნა შობის ღამეს

თითოეული ფინელი შობის ღამეს საუნაში წასასვლელად ემზადება, რათა საშობაო სადილის მირთმევამდე კარგად დაისვენოს და განიტვირთოს. ამას აღიქვამენ, როგორც გაწმენდის შესანიშნავ გზას. ფინელები საუნას დიდ მნიშვნელობას ანიჭებენ და მათი სიწმინდის სიმბოლოცაა.

ფილიპინები - ყველაფერი, რაც მრგვალია

ფილიპინებში მიიჩნევენ, რომ ახალი წლის სუფრაზე ყველაფერი მრგვალი უნდა იყოს: ხილი, ბოსტნეული, ტკბილეული და ა.შ. ის, რაც ფორმით მონეტას ჰგავს, მათთვის კეთილდღეობისა და ბევრი ფულის მომტანია. მათ სჯერათ, რომ რაც უფრო მეტი მრგვალი ნივთი ექნებათ ახალ წელს, მით უფრო ბარაქიანი წელი ელით.

ფილიპინელები ტანსაცმელზეც კი ქარგავენ ან ხატავენ მრგვალ ფორმებსა და ჩუქურთმებს, რათა მომავალი წელი ფინანსურად კარგი ჰქონდეთ.

სამხრეთ ამერიკის ქვეყნები - ფერადი საცვლები

ახალი წლის ღამეს სამხრეთ ამერიკელები ფერად საცვლებს იცვამენ, ფერს კი იმის მიხედვით არჩევენ, თუ რა სურთ ყველაზე მეტად. თუ სიყვარულში გამართლება გინდა, წითელი საცვალი უნდა ჩაიცვა, ოქროსფერი ფინანსური წარმატების მომტანია, თეთრი ჰარმონიასა და სიმშვიდეს მოგიტანთ, ლურჯი კი ჯანმრთელობას.

ბოლივიელებს კი სჯერათ, რომ 12 საათის დადგომისთანავე თუ სწრაფად გაიქცევიან და გამოიცვლიან ტრუსებს, მით უკეთესი ახალი წელი ექნებათ.

პერუ - ჩხუბის ფესტივალი

ახალ წელს პერუში მეგობრები ხელჩართულ ბრძოლას იწყებენ, რათა ახალი ფურცლიდან დაიწყონ ცხოვრება და ძველი წყენაც სამუდამოდ დაივიწყონ.

პანამა - საფრთხობელის დაწვა

პანამელები მიიჩნევენ, რომ თუ ახალი წლის ღამეს ადამიანის ნებისმიერი გამოსახულების ნივთს დაწვავენ, მათ საუკეთესო და ბედნიერი წელი გარანტირებული ექნებათ.

ავსტრალია - იხმაურეთ ტაფებითა და ქვაბებით

ახალი წლის ღამეს დასტაცეთ ხელი ტაფებსა და ქვაბებს, გამოდით ქუჩაში და იხმაურეთ რაც შეიძლება მეტი, თუ გინდათ, რომ ახალ წელს ავსტრალიურად შეხვდეთ.

ჩილე - ღამის გატარება ახლობლის საფლავთან

საოცარია, მაგრამ ჩილეში წინასაახალწლოდ გარდაცვლილებს იხსენებენ. ახალი წლის დადგომამდე რამდენიმე საათით ადრე ჩილელები ახლობლების სასაფლაოზე მიდიან, სხედან და ახალი წლის დადგომას ელოდებიან. საყვარელი ადამიანის საფლავზე ღამის გათევა მათთვის პატივის მიგებას ნიშნავს.

ბედნიერ და მხიარულ შობა-ახალ წელს გისურვებთ!

 

მარიამ ბერიძე

547
შეყვარებულები

ვინც 2020 წელს ოჯახი შეინარჩუნა: დაწერეთ წერილი და მიიღეთ ბრილიანტის ორი ბეჭედი

93
(განახლებულია 21:48 26.01.2021)
ბრილიანტის ბეჭდების საჩუქრად მიღება მსოფლიოს ნებისმიერ წერტილში მცხოვრებ წყვილს შეუძლია, თუ ისინი ერთ პირობას დააკმაყოფილებენ.

თბილისი, 26 იანვარი — Sputnik. წყვილს, რომელმაც კორონავირუსული პანდემიით გამოწვეულ სირთულეებს გაუძლო და ოჯახური ერთიანობა შეინარჩუნა, ამერიკელი კრისტენ ბონავიტა ბრილიანტის ორი ბეჭდის ჩუქებას ჰპირდება — ოღონდ ერთი პირობით, წერს Daily Mail ქალის Facebook-გვერდზე დაყრდნობით.

გავრცელებული ინფორმაციით, ბრილიანტის ნიშნობის ბეჭდები მსოფლიოს ნებისმიერ კუთხეში მცხოვრებს წყვილს შეუძლია მიიღოს, თუ ისინი ბონავიტას მიერ წამოყენებულ პირობას დააკმაყოფილებენ.

ირკვევა, რომ კრისტენ ბონავიტა და მისი მეუღლე 2020 წელს დაშორდნენ ერთმანეთს, რაც ქალმა ძალიან მძიმედ გადაიტანა. ხოლო მას შემდეგ, რაც განცდებს თავი დააღწია და ყველაფერი უკან დარჩა, გადაწყვიტა თავიდან მოიშოროს წარუმატებელი ოჯახური ცხოვრების შესახებ მოგონებები და თავისი ბეჭედი ბედნიერ წყვილს უსახსოვროს.

როდესაც კრისტენის ყოფილმა ქმარმა მისი სურვილის შესახებ შეიტყო, თავადაც მოინდომა ამ კეთილ საქმეში ჩართვა და საკუთარი ბეჭდის გაჩუქებაც გადაწყვიტა. ასე რომ, ახლა ორი ძვირადღირებული სამკაული ახალ პატრონებს ელოდება.

„მინდა ჩემი და ჩემი ყოფილი ქმრის კუთვნილი ნიშნობის ბეჭდები ვაჩუქო წყვილს, რომელიც 2020 წელს მძიმე პრობლემებს შეეჯახა, მაგრამ სირთულეების გადალახვა ერთად შეძლო“, — დაწერა კრისტენ ბონავიტამ.
  • მისი ერთადერთი პირობა ასეთია: წყვილმა უნდა დაწეროს მოკლე ესე იმის შესახებ, თუ როგორ მოახერხეს ურთიერთობების შენაჩუნება პანდემიის დროს. მონათხრობი არ უნდა აღემატებოდეს 250 სიტყვას, წერილს კი უნდა ერთვოდეს 2020 წელს გადაღებული ფოტო.

აღსანიშნავია, რომ ექსპერტების შეფასებით, კრისტენ ბონავიტას თითქმის ორკარატიანი ბეჭედი 2 800 დოლარი ღირს, მისი მეუღლისა კი უფრო იაფი — დაახლოებით 760 დოლარი.

93
თემები:
საერთაშორისო პანორამა
ნადირობა

კანონმდებელმა თოვლის კაცზე ნადირობის დაშვება მოითხოვა: რა წერია კანონპროექტში

39
(განახლებულია 21:22 26.01.2021)
კანონმდებელს მიაჩნია, რომ ამგვარი ზომა არაერთ ადამიანს მიიზიდავს და ტურიზმის გამოცოცხლებას შეუწყობს ხელს.

თბილისი, 26 იანვარი — Sputnik. საჭიროა გაიცეს ოფიციალური ნებართვა თოვლის კაცზე (იეტი) ნადირობაზე, დადგინდეს ნადირობის სეზონი და გაიცეს ლიცენზია ყველაზე, ვისაც ამ მითიურ არსებასთან ახლოდან გაცნობის სურვილი აქვს – ასეთი უცნაური წინადადება წამოაყენა ამერიკელმა კონგრესმენმა, რესპუბლიკელმა ჯასტინ ჰემფრიმ, რომელიც კონგრესში ოკლაჰომის შტატს წარმოადგენს.

აღნიშნულის შესახებ წერს CNN.

​ჰემფრის თქმით, ასეთი ზომა ოკლაჰომაში ტურიზმს გამოაცოცხლებს და კიდევ მეტ ადამიანს მიიზიდავს შტატში.

კონგრესმენის მიერ წარმოდგენილი კანონპროექტის თანახმად, ნებადართულია იეტის მხოლოდ ცოცხლად შეპყრობა, რის შემდეგაც იღბლიან მონადირეს ჯილდოდ 25 ათასი დოლარი გადაეცემა.

როგორც ჰემფრი აცხადებს, პირადად მას იეტების არსებობის არ სჯერა, თუმცა არაერთი სანდო პირისგან მოუსმენია, რომ ისინი თოვლის კაცს შეხვედრიან.

მართალია, თოვლის კაცის არსებობა მეცნიერულად დადასტურებული არ არის, მაგრამ ოკლაჰომაში ყოველწლიურად ტარდება იეტისადმი მიძღვნილი დღესასწაული, რომელშიც ბევრი ადამიანი მონაწილეობს.

სოციალური ქსელების მომხმარებლებმა მიიჩნიეს, რომ ჯასტინ ჰემფრის წინადადება ტყეში ადამიანისთვის სროლას დააკანონებს, რაც მერე შეიძლება შეცდომით გამართლდეს.

39
თემები:
საერთაშორისო პანორამა
ყვავილი ზამთარში

დღის ასტროპროგნოზი ზოდიაქოს ნიშნებისთვის: 27 იანვარი

0
(განახლებულია 12:08 26.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 27 იანვარია, ოთხშაბათი. მზარდი მთვარე კირჩხიბის ნიშანშია. ამ დღეს პლანეტა მერკური მფარველობს.

დღეს მგზნებარე ვნებებისა და განცდების დღეა. ემოციურ ფონზე მოსალოდნელია ცვალებადი განწყობა, სპონტანური მოქმედებები და გრძნობები, ექსცენტრულობა. ადამიანებს მწვავე რეაგირება ექნებათ ირგვლივ განვითარებულ მოვლენებზე. ყოველივე ამის გათვალისწინებით ექსპერტები გირჩევენ, არ შეეხოთ სხვების გრძნობებსა და ინტერესებს – ეს, შესაძლოა, სავალალოდ დასრულდეს. ამ დღეს პლუსიც აქვს – მომატებული ამბიციურობა და პატივმოყვარეობა სამუშაოზე, კარიერასა და სიყვარულში წარმატებების მიღწევას შეუწყობს ხელს.

2021 წლის მთავარი მიმოხილვა: როგორი იქნება ხარის წელიწადი აღმოსავლური ჰოროსკოპის მიხედვით>>

ვერძი: ექსპერტები გირჩევენ, რაც შეიძლება შორს დაიჭიროთ თავი ჭორებისა და ინტრიგებისგან, რომ ამაში ჩათრეული არ აღმოჩნდეთ. რაც არ უნდა ბობოქარი მოვლენები განვითარდეს ირგვლივ, განზე უნდა დარჩეთ, შეინარჩუნოთ ნეიტრალიტეტი და მხოლოდ საკუთარი საქმე გააკეთოთ. გარშემომყოფები თქვენ გარეშეც მოაგვარებენ სიტუაციას, მაგრამ თუ თავს ვერ შეიკავებთ და ვინმეს მხარეს დაიჭერთ, საბოლოოდ ეს სანანებელი გაგიხდებათ – ამან თქვენს რეპუტაციაზე დამღუპველად შეიძლება იმოქმედოს.

კურო: სასურველი შედეგის მისაღწევად დღეს მხოლოდ „შემოვლითი“ გზებით უნდა ისარგებლოთ. გარშემომყოფებთან პირდაპირი საუბრის მცდელობა არაფერს მოიტანს, ხოლო „პარტიზანული“ მეთოდები კი, როგორიცაა, მაგალითად, მინიშნებები, საკმაოდ ეფექტური აღმოჩნდება. ასე რომ, თუ საკუთარი იდეის წამოწევა გინდათ, ამისთვის საუკეთესო საშუალება იქნება მოხერხებულობა, საჭირო ადამიანის დარწმუნება ამ იდეაში ისე, რომ მან იფიქროს, თითქოს თვითონ მოუვიდა ეს აზრი თავში.

ტყუპი: მოემზადეთ იმისთვის, რომ დღეს მოულოდნელად საკმაოდ მაცდური წინადადება შეიძლება მიიღოთ. ეს, შესაძლოა, თქვენს შემოსავლებს, მუშაობას ან პირად ცხოვრებას ეხებოდეს. თუმცა, სანამ დათანხმდებით, ყველაფერი კარგად უნდა აწონ–დაწონოთ. როდესაც დეტალებს ჩაუღრმავდებით და კარგად გათვლით, მომგებიანია თუ არა ეს წინადადება თქვენთვის, მხოლოდ მაშინ შეძლებთ სწორი გადაწყვეტილების მიღებას.

კირჩხიბი: დღეს ნამდვილ სუპერმენად იგრძნობთ თავს. ვარსკვლავები მოგანიჭებენ უსაზღვრო ენერგიას, აივსებით აზარტით, ვერ იგრძნობთ დაღლილობას და ამ ყველაფრის წყალობით მთების გადადგმა შეგიძლიათ. განსაკუთრებით კარგი იქნება, თუ რაღაც გადაუჭრელი საკითხები გაქვთ „მარაგში“ – დღეს შესანიშნავი შანსია ყველაზე უიმედო ჩანაფიქრის განხორციელებისთვისაც კი. და მაინც, როდესაც „მთების გადადგმას“ დაიწყებთ, ზედმეტიც არ მოგივიდეთ – ზომიერება მაინც კარგი რამაა.

ლომი: გარშემომყოფები რამე საკითხისადმი მოულოდნელი მიდგომით შეიძლება გააკვირვოთ. არაა გამორიცხული, რომ პრობლემის, რომელზეც ბევრი ადამიანი ამაოდ იმტვრევდა თავს, გადაჭრის ძალზე დახვეწილი მეთოდი წარმოადგინოთ. დღეს არასტანდარტული აზროვნება გახასიათებთ და ამის წყალობით ბევრ ამოცანას სხვა კუთხით შეხედავთ. ეს განსაკუთრებით შესამჩნევი იქნება შემოქმედების სფეროებში მოღვაწე ლომებისთვის – შთაგონების მოზღვავებას იგრძნობთ.

ქალწული: დღეს განსაკუთრებულად დამოუკიდებლად იგრძნობთ თავს. ნებისმიერი მცდელობა ირგვლივ მყოფთა მხრიდან, რომ რჩევა მოგცენ ან გმართონ, პირად შეურცხყოფად იქნება თქვენი მხრიდან აღქმული. ასეთი პოზიცია, ერთი მხრივ, შესაძლოა, თქვენთვის გარშემომყოფებთან კონფლიქტებით შემობრუნდეს. მეორე მხრივ კი, დამოუკიდებლები ვერ მიიღებთ ვერანაირ ჩარჩოს, საზღვარს და ეს საქმეებზე შეიძლება პოზიტიურად აისახოს. იქ, სადაც სხვა ჩიხში მოექცევა, თქვენ არაორდინარულ გადაწყვეტილებას შესთავაზებთ.

სასწორი: დღეს რაღაც მოვლენამ შეიძლება გაგანაწყოთ და კალაპოტიდანაც კი ამოგაგდოთ. მაგრამ სასოწარკვეთილებაში ჩავარდნა არ ღირს. ეს ნორმალურია – საქმეებში ხან ყველაფერი კარგად გამოდის და ხან – არა. ირგვლივ მყოფების იმედზე ყოფნაც ყოველთვის არ ღირს. დღეს უნდა გახსოვდეთ, რომ ერთადერთი ადამიანი, რომელსაც ანგარიში უნდა ჩააბაროთ და ვისი იმედიც უნდა გქონდეთ, ეს თვითონ თქვენ ხართ. ასეთ შემთხვევაში იმედგაცრუებაც ნაკლები გექნებათ.

მორიელი: დღეს დილიდან ლიდერის პოზიციაზე იგრძნობთ თავს. და საქმე ის კი არაა, რომ სხვებზე მბრძანებლობა მოგინდებათ, არამედ მთავარია ის, რომ გარშემომყოფები თქვენ სიტყვას დაუგდებენ ყურს. თქვენი ნათქვამი ძალზე დამაჯერებელი იქნება და ამის წყალობით დიდი ძალისხმევის გარეშე მიიპყრობთ ყურადღებას, დააინტერესებთ ადამიანებს და დაარწმუნებთ საკუთარ სიმართლეში. სწორედ ეს უნდა გააკეთოთ დღეს – წარმოადგინოთ თქვენი იდეები, პროექტები ხოლო ყოფით საკითხებზე დროის დახარჯვა მართლაც გაუმართლებელი იქნება.

მშვილდოსანი: დღეს გარშემომყოფები, თითქოს შეთანხმებულად, თქვენი მოთმინების გამოცდას მოაწყობენ, რომელიც ისედაც უკვე სავსეა. გასაკვირი არცაა, რომ რაღაც მომენტში მოთმინების ფიალა გაივსოს და „აფეთქდეს“ ეს რომ არ მოხდეს, ვარსკვლავები გირჩევენ, „ორთქლი ნელ–ნელა გამოუშვათ“ და არ დაელოდოთ მის ავსებას. სჯობს, მაგალითად, მთელი დღე იბუზღუნოთ, ვიდრე მრისხანება მთელი დღე აგროვოთ და მერე ერთიანად ამოხეთქოთ – მოაწყოთ გრანდიოზული სკანდალი.

თხის რქა: დღეს არაერთი სიურპრიზი შეიძლება გელოდებოდეთ. არა გამორიცხული, რომ ამის წყალობით რაღაც–რაღაცებს სრულიად სხვა კუთხით შეხედოთ. საქმეებში, შესაძლოა, ახალი ფაქტები გამოჩნდეს, არ გარშემომყოფებიდან ერთ–ერთმა აბსოლუტურად სხვა მხრიდან აჩვენოს თავი. ეს, რა თქმა უნდა, საქმეებისგან მოგწყვეტთ, მაგრამ ახალ შთაბეჭდილებებს მიიღებთ.

მერწყული: დღეს რისკავთ, რომ რომელიღაც საინტერესო იდეა საფუძველშივე ამოძირკვოთ. ამაში დამნაშავე თქვენი მოუთმენლობა იქნება გადაწყვეტილების მიღებისა და სურვილის არქონა, რომ დეტალებს ჩაუღრმავდეთ. მერე რომ სანანებელი არ გაგიხდეთ, გახსნილი უნდა იყოთ ნებისმიერი ახალი აზრის, პროექტისა და იდეისთვის. ბოლოს და ბოლოს, მათზე უარის თქმას ყოველთვის მოასწრებთ.

თევზები: დღეს საშუალება მოგეცემათ, რომ თქვენი ორგანიზატორული უნარები წარმოაჩინოთ, თუნდაც ეს ნიჭი „ღრმა ძილის მდგომარეობაში“ იყოს. გარშემომყოფებისთვის დავალების მიცემა, მოვალეობების გადანაწილება, ენთუზიაზმით დამუხტვა – ეს ყველაფერი დღეს თქვენთვის ძალზე იოლია. თუნდაც სხვების ხელმძღვანელობის საშუალება არ გქონდეთ, სულ მცირე, საკუთარი თავის შესანიშნავად ორგანიზებას მაინც მოახერხებთ.

0