დონალდ ტრამპი

ტრამპი: ძალაუფლების გადაცემა ორგანიზებულად მოხდება

90
(განახლებულია 19:54 07.01.2021)
აშშ-ის კონგრესმა არეულობის ფონზე ოფიციალურად დაამტკიცა ჯო ბაიდენის პრეზიდენტად არჩევა. კონგრესის გადაწყვეტილებით სახელმწიფოს მეთაურის არჩევნების შედეგების გასაჩივრების საკონსტიტუციო შესაძლებლობები საბოლოოდ შეიზღუდა.

თბილისი, 7 იანვარი – Sputnik. აშშ-ის მოქმედი პრეზიდენტი დონალდ ტრამპი პირობას დებს, რომ 20 იანვარს არჩეული პრეზიდენტისთვის, დემოკრატი ჯო ბაიდენისთვის ძალაუფლების გადაცემა ორგანიზებულად მოხდება – მიუხედავად იმისა, რომ თავად ტრამპი ქვეყანაში გამართული საპრეზიდენტო არჩევნების შედეგებს არ ეთანხმება.

კონსტიტუციის თანახმად, არჩეული პრეზიდენტის ინაუგურაცია 20 იანვარს უნდა გაიმართოს.

ვაშინგტონში კომენდანტის საათის და კაპიტოლიუმში მომხდარი არეულობების ფონზე კონგრესმა ხუთშაბათს ბაიდენის აშშ-ის პრეზიდენტად არჩევა დაამტკიცა.

„მიუხედავად იმისა, რომ საერთოდ არ ვეთანხმები არჩევნების შედეგებს, და ფაქტები ჩემს სასარგებლოდ მეტყველებს, 20 იანვარს ძალაუფლების გადაცემა წესისამებრ მოხდება“, – მოჰყავს ტრამპის ციტატა მის თანაშემწეს დენ სკავინოს Twitter-ში.

ტრამპმა ასევე აღნიშნა, რომ „ეს საპრეზიდენტო ისტორიაში უდიდესი პირველი ვადის დასასრულს ნიშნავს, ეს მხოლოდ დასაწყისია ჩვენი ბრძოლისა იმისათვის, რომ ამერიკა ისევ დიადი გავხადოთ“.

კონგრესს საპრეზიდენტო არჩევნების შედეგები გუშინდელ სხდომაზე უნდა დაემტკიცებინა, მაგრამ სხდომა მოულოდნელად შეწყდა იმის გამო, რომ დონალდ ტრამპის მხარდამჭერები კაპიტოლიუმის შენობაში შეიჭრნენ და არეულობები მოაწყვეს.

სამართალდამცველებმა ცრემლსადენი გაზი გამოიყენეს. დაუდგენელ ვითარებაში პოლიციის მიერ ნასროლმა ტყვიამ სამხედრო–საჰაერო ძალების ვეტერანის ეშლი ბებიტის სიცოცხლე იმსხვერპლა, კაპიტოლიუმთან კიდევ სამი ადამიანი დაიღუპა.

 

90
ბავშვი კატასთან ერთად

ცემინებისა და ასთმის გარეშე: შექმნილია კატებზე ალერგიის საწინააღმდეგო ვაქცინა

20
(განახლებულია 14:06 27.01.2021)
სპეციალსტების თქმით, კატებზე ალერგიის საწინააღმდეგი ვაქცინის შექმნა ნამდვილი სენსაციაა, ვინაიდან დაავადება არ იკურნება

თბილისი, 27 იანვარი — Sputnik. ალერგია მსოფლიოში ერთ-ერთი ყველაზე გავრცელებული დაავადებაა. პლანეტის მოსახლეობის დაახლოებით მესამედი ალერგიის ამა თუ იმ ფორმით იტანჯება, მაგრამ კატებზე ალერგია მალე შეიძლება სამუდამოდ დასრულდეს, იუწყება რადიო Sputnik-ი. 

გავრცელებული ინფორმაციით, რუსი მეცნიერები ქმნიან პრეპარატს, რომელიც მილიონობით ადამიანს კატებზე ალერგიისგან გადაარჩენს. სეჩენოვის უნივერსიტეტმა უკვე დაასრულა კვლევები და როგორც მისი რექტორი პიოტრ გლიბოჩკო აცხადებს, სპეციფიკური ალერგენები თითქმის მზად არის.

სავარაუდოდ, კატებზე ალერგიის საწინააღმდეგო ვაქცინა 2021 წლის ბოლომდე დარეგისტრირდება.

სპეციალისტების თქმით, ეს ნამდვილი სენსაციაა, რადგან ალერგია არ იკურნება, მისი გაკონტროლება მხოლოდ მედიკამენტების დახმარებით ხდება.

აღსანიშნავია ისიც, რომ ჯერჯერობით გაუგებარია, ეს ვაქცინა მათ დაეხმარება, ვისაც კატაზე ალერგია უკვე აქვს, თუ დაავადების განვითარების თავიდან ასაცილებლად იქნება გამოყენებული.

20
თემები:
მსოფლიო და მეცნიერება
არქეოლოგიური გათხრები

არქეოლოგიური აღმოჩენა: ნაპოვნია მაიას ეპოქის უნიკალური გიგანტური ნიღაბი - ფოტო

35
(განახლებულია 13:34 27.01.2021)
არქეოლოგებმა ნიღაბი, „განძის მაძიებლებისგან“ დაცვის მიზნით, დროებით ჩამარხეს, სანამ მის შესასწავლად საჭირო აღჭურვილობასა და დაფინანსებას არ მოიძიებდნენ

თბილისი, 27 იანვარი — Sputnik. მექსიკელმა არქეოლოგებმა მაიას ცივილიზაციის გიგანტური ნიღაბი იპოვეს და აღადგინეს. ამის შესახებ LiveScience იუწყება.

​ირკვევა, რომ ნიღაბი ჯერ კიდევ 2017 წელს აღმოაჩინეს უკანის არქეოლოგიურ უბანში, თანამედროვე ქალაქ მოტულის მახლობლად, თუმცა მეცნიერებმა ამის შესახებ ინფორმაციის გასაჯაროვება მხოლოდ ახლაღა გადაწყვიტეს. არქეოლოგების თქმით, აღმოჩენის შესახებ ინფორმაცია თავად არტეფაქტის უსაფრთხოების დაცვის მიზნით არ გაავრცელეს. არსებობდა რისკი, რომ „განძის მაძიებლები“ მას მიაგნებდნენ და გაანადგურებდნენ.

„სინამდვილეში, მთელი ამ ხნის განმავლობაში, მეცნიერები ისტორიულ ღირებულებას მაროდიორებისგან მალავდნენ. უფრო მეტიც, 2017 წელს არქეოლოგებმა განზრახ დამარხეს ეს ნიღაბი ისე, რომ ვერავის ეპოვნა. თავად კი მხოლოდ მაშინ დაბრუნდნენ ადგილზე, როცა საჭირო აღჭურვილობა და დაფინანსება მოიძიეს. ობიექტის სარესტავრაციო სამუშაოები ახლახან დასრულდა“, — წერს გაზეთი.

მექსიკის ანთროპოლოგიისა და ისტორიის ეროვნული ინსტიტუტის (INAH) მკვლევარებმა გულმოდგინედ იმუშავეს ნიღბის აღდგენაზე. მათ გაამაგრეს ნიღბის მყიფე ნაწილები, თავდაპირველ მდგომარეობაში დააბრუნეს დროებით გადაადგილებული ნაწილები, არტეფაქტის ზედაპირი საფუძვლიანად გაწმინდეს, რის შედეგადაც არტეფქტის ყველა ორნამენტი და შემონახული ფერები გამოვლინდა.

ნიღაბი წარმოადგენს უცნობი ღვთაების ან „იმ დროის ძალიან მნიშვნელოვანი ადამიანის“ სახის გამოსახულებას. არტეფაქტი გვიანი პრეკლასიკური მაიას ხანით — ძველი წელთაღრიცხვით  300 წ.- ახალი წელთაღრიცხვით 250 წლით თარიღდება.

35
თემები:
საერთაშორისო პანორამა
ექიმი და პაციენტი

თუ ნერვული ტიკი გაქვთ: ექიმები „დამნაშავე“ ვიტამინს ასახელებენ

0
ექიმების თქმით, თუ ნერვული ტიკი დაგეწყოთ და ეს მდგომარეობა ორ კვირაზე მეტ ხანს გაგრძელდა, დაუშვებელია მისი გადაღლილობისა და სტრესისთვის მიწერა

თბილისი, 27 იანვარი — Sputnik. ვიტამინ B12-ის ნაკლებობა ჯანმრთელობას სერიოზულ პრობლემებს უქმნის, ამიტომ მისი პრევენცია გადაუდებლად აუცილებელია, აცხადებენ ექიმები.

სპეციალისტებმა ჩამოთვალეს ამ ორგანული ნაერთის დეფიციტის შედეგები და რეკომენდაციებისც გასცეს, თუ როგორ უნდა მოხდეს მათი პრევენცია.

ექსპერტების თქმით, B12-ის ნაკლებობის გამო შეიძლება ნერვული ტიკი განვითარდეს. თუ ეს მდგომარეობა ორ კვირაზე მეტ ხანს გაგრძელდა, მისი გადაღლილობისა და სტრესისთვის მიწერა დაუშვებელია.

ამასთან აღნიშნული ვიტამინის ნაკლებობა იწვევს ანემიასაც. 

ორგანიზმში ვიტამინ B12–ის დეფიციტი აისახება არა მარტო კანის ფერზე — რომელიც მქრქალი ყვითელი ხდება, არამედ სხვა ორგანოებზეც: ენა წითლდება და წყლულებით იფარება, კიდურებში ჩნდება ჩხვლეტის შეგრძნება, მხედველობა კი უარესდება. ამ ყველაფერს ემატება ადვილად გაღიზიანებადობაც.

ასკორბინოთერაპია კიბოს წინააღმდეგ: აღმოჩენილია C  ვიტამინის ახალი თვისებები>>

ასეთ შემთხვევაში ექიმები სისხლის ანალიზის ჩატარებას გვირჩევენ. თუ აღმოჩნდება, რომ ორგანიზმში ვიტამინი B12 ცოტაა, მაშინ მარაგის შესავსებად უნდა მიირთვათ ისეთი პროდუქტები, როგორებიცაა: ცხიმიანი თევზი, სოკო, კვერცხი და რძე. ასევე საჭიროა სუფთა ჰაერზე მეტი სიარული და სპორტით დაკავება.

0
თემები:
ექიმი გირჩევთ