თბილისი, 7 იანვარი - Sputnik. ვაშინგტონში ტრამპის მომხრეები კაპიტოლიუმში შეიჭრნენ. კონგრესის მუშაობა შეწყდა, ხოლო კონგრესმენები სასწრაფოდ გაიყვანეს შენობიდან.
Pro-Trump protesters have stormed the US Capitol, where members of Congress were meeting to certify President-elect Joe Biden's win. https://t.co/XSjeyp448n pic.twitter.com/72YdffsuYJ
— CNN (@CNN) January 6, 2021
მანამდე კაპიტოლიუმის შენობის წინ აშშ–ის მოქმედი პრეზიდენტის, დონალდ ტრამპის მხარდამჭერებსა და პოლიციას შორის შეტაკებები მოხდა. სამართალდამცველებმა ცრემლსადენი გაზი და შუქბგერითი ყუმბარები გამოიყენეს დემონსტრანტების დასაშლელად.
მედიის ინფორმაციით, ამერიკის ლიდერის მხარდამჭერებმა ალყა შემოარტყეს კაპიტოლიუმს, ხალხი კედლებზე ძვრებოდა და შენობის აივნებზე აღწევდა, საიდანაც შესასვლელისკენ გადიოდნენ. პოლიცია საქმეში არ ერეოდა.
პროტესტის გამო სენატისა და წარმომადგენელთა პალატის მუშაობა შეწყდა. კონგრესის შენობის ოფისებიდან ხალხის ევ აკუაცია მოხდა. როგორც ტელეარხ NBC News–ს აცნობა სენატის ერთ–ერთმა წევრმა, ვიცე–პრეზიდენტი მაიკ პენსი კაპიტოლიუმიდან უსაფრთხო ადგილზე გაიყვანეს.
Protester seen hanging from the balcony in the Senate Chamber, after pro-Trump supporters and protesters breached the U.S. Capitol, sending the building into lockdown with lawmakers inside.
— ABC News (@ABC) January 6, 2021
The latest: https://t.co/gyZwp8Dtqi pic.twitter.com/IOtuPKJ0aH
ვაშინგტონის მერმა მურიელ ბაუზერმა ქალაქში კომენდანტის საათი გამოაცხადა.
თავის მხრივ დონალდ ტრამპმა მხარდამჭერებს სიმშვიდისკენ მოუწოდა, შემდეგ კი ვაშინგტონში ეროვნული გვარდიის შეყვანის ბრძანება გასცა. ამის შესახებ მისმა პრეს–მდივანმა კეილი მაკინანიმ დაწერა Twitter–ზე.
#BREAKING: Pro-Trump protesters have entered the Senate chamber as chaos continues inside the U.S. Capitol pic.twitter.com/0BK904FeqD
— Russell Falcon (@RussellFalcon) January 6, 2021
CNN–ის ინფორმაციით, შეტაკებებში დაშავდა რამდენიმე პოლიციელი, ერთ–ერთი მათგანი ჰოსპიტალიზებულია. მედიის ინფორმაციით, კონგრესის შენობაში დაიჭრა ერთ–ერთი დემონსტრანტიც, რომელსაც ტყვია მკერდში მოხვდა.
