კაპიტოლიუმის შენობა

უცნობი პირები კაპიტოლიუმის შენობაში თვითმფრინავით შეფრენით იმუქრებიან

76
(განახლებულია 17:17 06.01.2021)
ამერიკელ ავიდისპეტჩერებს დაეგზავნათ შეტყობინება, რომ დაუყოვნებლივ აცნობონ შესაბამის სამსახურებს ნებისმიერი თვითმფრინავის შესახებ, რომელიც ფრენის ტრაექტორიას გასცდება.

თბილისი, 6 იანვარი — Sputnik. ნიუ-იორკში რამდენიმე ავიადისპეტჩერმა მოისმინა აუდიოჩანაწერი, რომლის ავტორებიც თვითმფრინავით კაპიტოლიუმის შენობაში შეფრენით იმუქრებოდნენ, რათა შური ეძიათ ირანელი გენერლის ქასემ სულეიმანის მკვლელობისთვის, იუწყება ტელეარხი CBS News.

„ოთხშაბათს ჩვენ თვითმფრინავით შევფრინდებით კაპიტოლიუმში. სულეიმანის გამო შურს ვიძიებთ“, — ციტირებს ტელეარხი ავიადისპეტჩერების მიერ მოსმენილ ფრაზას.

ვინ გაგზავნა ეს შეტყობინება, ამ დროისათვის დადგენილი არ არის.

ტელეარხის ინფორმაციით, მიუხედავად იმისა, რომ ხელისუფლება თავდასხმის მუქარას დამაჯერებლად არ მიიჩნევს, ისინი იძიებენ ავიასიხშირეების გამოყენების ფაქტს.

წყაროს ცნობით, ავიადისპეტჩერებს სამშაბათს დაეგზავნათ შეტყობინება, რომ დაუყოვნებლივ აცნობონ შესაბამის სამსახურს ნებისმიერი საფრთხის ან თვითმფრინავის შესახებ, რომელიც ფრენის ტრაექტორიას გასცდება.

როგორც აშშ-ის სამოქალაქო ავიაციის ფედერალურ სააგენტოში აცხადებენ, ისინი კონტაქტში არიან სამართალდამცველ ორგანოებთან. ამასთან, გამოძიების ფედერალური ბიურო ინციდენტის შესახებ კომენტარს არ აკეთებს, თუმცა აცხადებს, რომ „ნებისმიერ მუქარას, რომელიც საზოგადოებრივი უსაფრთხოების წინააღმდეგაა მიმართული, სერიოზულად ეკიდებიან“.  

ირანელი გენერალი ქასემ სულეიმანი 2020 წლის 3 იანვრის ღამით დაიღუპა ბაღდადის საერთაშორისო აეროპორტის რაიონში აშშ-ის სპეცოპერაციის შედეგად, რომელიც მისი ლიკვიდაციის მიზნით ჩატარდა. ვაშინგტონს გენერალი 2019 წლის 31 დეკემბერს ბაღდადში აშშ-ის საელჩოზე მომხდარი თავდასხმის ორგანიზატორად მიაჩნდა.

 

76
თემები:
მსოფლიო დღეს (2471)
ტოკიოს ოლიმპიადის ლოგოტიპი

კიდევ გადაიდება თუ არა ტოკიოს ოლიმპიადა: IOC-ი კომენტარს აკეთებს

10
(განახლებულია 22:27 22.01.2021)
IOC (საერთაშორისო ოლიმპიური კომიტეტი), თამაშების საორგანიზაციო კომიტეტი და ტოკიოს ხელისუფლება ყველაფერს გააკეთებს, რომ ზაფხულის ოლიმპიური თამაშების უსაფრთხოება უზრუნველყოს

თბილისი, 22 იანვარი - Sputnik. საერთაშორისო ოლიმპიური კომიტეტი და საერთაშორისო პარალიმპიური კომიტეტი ამ ზაფხულის ოლიმპიური და პარალიმპიური თამაშების გადადებას ან გაუქმებას გამორიცხავს, მიუხედავად მედიაში გავრცელებული ხმებისა, ნათქვამია IPC-ის განცხადებაში.

მანამდე გავრცელდა ინფორმაცია, რომ იაპონიის ხელისუფლებამ თამაშების გაუქმების შესახებ შეუთანხმებელი გადაწყვეტილება მიიღო და ახლა 2032 წლის ზაფხულის ოლიმპიურ თამაშებზე კონცენტრირდება. იაპონიის მთავრობის გენერალური მდივნის მოადგილემ მანაბუ საკაიმ უარყო ეს ინფორმაცია.

„საერთაშორისო ოლიმპიური კომიტეტი (IOC), IPC, საორგანიზაციო კომიტეტი „ტოკიო 2020“ და ყველა პარტნიორი განწყობილია თამაშების წარმატებით ჩატარებაზე და ორიენტირებულია ოლიმპიური და პარალიმპიური თამაშების უსაფრთხო და საიმედო ორგანიზებაზე. ეს პოზიცია არ შეცვლილა და დღეს კიდევ ერთხელ დაადასტურა IOC-მა, „ტოკიო 2020-მა“ და იაპონიის მთავრობამ“, — ნათქვამია IPC -ის განცხადებაში.

თავის მხრივ, ოლიმპიური თამაშების მინისტრმა სეიკო ჰასიმოტომ ხაზგასმით აღნიშნა, რომ მთავრობა, საორგანიზაციო კომიტეტი და ტოკიოს ხელისუფლება განაგრძობს სპორტული ფორუმისთვის მზადებას.

ამასთან, ზოგი მაღალი რანგის იაპონელი ჩინოვნიკი არ გამორიცხავს თამაშების გადადებას. ოსაკას პრეფექტურის გუბერნატორმა იოსიმურა ჰიროფუმიმ განაცხადა, რომ ოლიმპიადის გადადება არ სურთ, მაგრამ „გადატანა რეალურია“.

ტოკიოში ოლიმპიადა 2020 წლის 24 ივლისიდან 9 აგვისტომდე უნდა ჩატარებულიყო, მაგრამ პანდემიის გამო ჩემპიონატი ერთი წლით გადაიდო და 2021 წლის 23 ივლისიდან 8 აგვისტომდე პერიოდში გაიმართება.

10
თემები:
საერთაშორისო პანორამა
ბილ გეიტსი

ბილ გეიტსი კორონავირუსზე აიცრა: ქვეყნდება ფოტო

30
(განახლებულია 22:35 22.01.2021)
კომპანია Microsoft–ის დამფუძნებელი არ აკონკრეტებს, რომელი პრეპარატით ჩაიტარა ვაქცინაცია

თბილისი, 22 იანვარი - Sputnik. კომპანია Microsoft–ის დამფუძნებელი, მილიარდერი ბილ გეიტსი კორონავირუსზე აიცრა.

ამის შესახებ მან საკუთარ Twitter–აკაუნტზე დაწერა და ფოტოც დაურთო.

​„იმის ერთ–ერთი უპირატესობამ რომ 65 წლის ხარ, ისაა, რომ მაქვს COVID-19–ის წინააღმდეგ ვაქცინაციის უფლება. ამ კვირაში პირველი დოზა მივიღე და თავს მშვენივრად ვგრძნობ. მადლობა ყველა მეცნიერს, გამოცდების მონაწილეებს, მარეგულირებელ უწყებებსა და წინა ხაზზე მომუშავე მედიკოსებს, რომლებმაც ამ მომენტამდე მიგვიყვანეს“, — წერს გეიტსი.

ამასთან მილიარდერი არ აკონკრეტებს, რომელი ვაქცინით აიცრა.

30