თბილისი, 5 იანვარი – Sputnik. კონსალტინგურმა კომპანია Eurasia Group-მა გამოაქვეყნა იმ ათი მთავარი რისკის რეიტინგი, რომელსაც, მისი აზრით, მსოფლიო 2021 წელს შეეჯახება, იუწყება РИА Новости.

აშშ-ის სენატორთა ჯგუფი საპრეზიდენტო არჩევნების შედეგების წინააღმდეგ განცხადებას გააკეთებს>>

სიის პირველ ადგილზეა „გაყოფილი ამერიკა“, სადაც, როგორც ანალიტიკოსები მიუთითებენ, ხელისუფლებაში ჯო ბაიდენის მოსვლით იწყება ეპოქა, როდესაც შეერთებული შტატების მოსახლეობის დაახლოებით ნახევარი ყოველ მომდევნო სახელმწიფო მეთაურს არალეგიტიმურად ჩათვლის.

© CC0 / Pixabay / Mediamodifier

ექსპერტი: 2021 წელი ახალი კრიპტომილიონერებით არაერთხელ გაგვაკვირვებს

მეორე მთავარ რისკად COVID-19-ის პანდემია დასახელდა. ექსპერტების აზრით, ვაქცინაციის ფონზე საზოგადოება უფრო მეტად დაიყოფა მდიდრებისა და ღარიბების ფენებად, რამაც ბევრ ქვეყანაში შესაძლოა არეულობები გამოიწვიოს.

მესამე ადგილზეა ბრძოლა კლიმატის ცვლილებებთან, რომელიც, ანალიტიკოსების აზრით, საერთაშორისო კონკურენციას გამოიწვევს.

Eurasia Group-ის ვერსიით, წლის მთავარი რისკების სიაშია ასევე შევიდა დაძაბულობის ზრდა ვაშინგტონსა და პეკინს შორის, მონაცემების საერთაშორისო ფორმატში გადაცემის სირთულეები, გლობალური კონფლიქტის შესაძლებლობა ციფრულ სივრცეში, ეკონომიკასთან დაკავშირებული პრობლემები თურქეთში, რასაც პოლიტიკური შედეგების გამოწვევა შეუძლია, ახლო აღმოსავლეთის ქვეყნების ეკონომიკური ვარდნა ნავთობზე დაბალი ფასების გამო, გერმანიის კანცლერის ანგელა მერკელის დაგეგმილი გადადგომა თანამდებობიდან, ასევე პოლიტიკური და სოციალური კრიზისი ლათინურ ამერიკაში პანდემიისა და ზოგიერთ ქვეყანაში არჩევნების გამო.

© photo: Sputnik / Grigoriy Sisoev

რატომ იქნება 2021 წელი მიმდინარეზე უკეთესი: ბილ გეიტსი მიზეზებს ასახელებს

Saxo Bank-მა დეკემბერში 2021 წლის „შოკისმომგვრელი წინასწარმეტყველებანი“ გამოაქვეყნა. ასეთ წინასწარმეტყველებას ორგანიზაცია ყოველწლიურად აქვეყნებს. ის, ძირითადად, ნაკლებად სავარაუდო და სათანადოდ შეუფასებელ მოვლენებს ეხება, თუმცა ფინანსურ ბაზრებს „მძლავრი ტალღის დარტყმით“ ემუქრება.

ბანკის ერთ-ერთი პროგნოზით, 2021 წელს კრიტიკულ დონეს მიაღწევს დეზინფორმაციის გავრცელების საფრთხე. კიდევ ერთი პროგნოზით შეიქმნება სამოქალაქო ტექნოლოგიების ფონდი – თითოეულ ადამიანს გამოუყოფენ კაპიტალური აქტივების ფლობის წილს ტექნოლოგიურ სფეროში, ხოლო ვინც სამუშაო დაკარგა, ასევე დამატებით წილებს.

კუვეიტი კოტრდება: ნავთობის უდიდესი მარაგები ბიუჯეტს ვეღარ ავსებს>>

ბანკის კიდევ ერთ პროგნოზში ნათქვამია, რომ მსოფლიოს ეკონომიკის ზრდის რეკორდული ტემპების შესანარჩუნებლად ესაჭიროება „გარღვევები“ ენერგეტიკაში, წელს თერმობირთვული ენერგიის ათვისება გადაწყვეტს შიმშილის პრობლემას, გააიაფებს ტრანსპორტს, გამოიწვევს საყოველთაო რობოტიზაციასა და აამაღლებს ცხოვრების დონეს.

თბილისი, 28 იანვარი - Sputnik. შეზღუდული შესაძლებლობის მქონე პირებმა, აქტივისტებმა და ამ საკითხებზე მომუშავე არასამთავრობო ორგანიზაციების წარმომადგენლებმა მთავრობის ადმინისტრაციასთან აქცია გამართეს, იუწყება პირველი არხი.

შშმ პირთა ახალი უფლებები ძალაშია: კანონი სრულად ამოქმედდა>>

აქციის მონაწილეების განცხადებით, 2021 წლის იანვრიდან ასაკობრივი პენსიის ზრდის პარალელურად, შშმ პირთა სოციალური პაკეტის უცვლელად დატოვება მათი ჩაგვრა და დისკრიმინაციაა.

აქციის მონაწილეები მოთხოვნები შემდეგია:

• ასაკობრივ პენსიასთან ერთად გაიზარდოს სოციალური პაკეტი შშმ პირებისთვის, არაუგვიანეს 2021 წლის გაზაფხულისა
• საქართველოს მთავრობამ შეიმუშავოს კრიტერიუმები რითიც დადგინდება სოციალური პაკეტის ოდენობა, რათა დაკმაყოფილდეს შშმ პირთა საჭიროებები ღირსეული ცხოვრებისათვის
• სახელმწიფოს მხრიდან შშმ პირთა დისკრიმინაციის ფაქტების თავიდან არიდების მიზნით, ამუშავდეს გაერო-ს შეზღუდული შესაძლებლობის მქონე პირთა უფლებების კონვენციის იმპლემენტაციაზე პასუხისმგებელი უწყებათაშორისი საკოორდინაციო ორგანო.

საქართველოში 2021 წლის იანვრიდან ასაკობრივი პენსია გაიზრდა, თუმცა, პენსია (სოციალური შემწეობა) არ გაზრდილა შეზღუდული შესაძლებლობის მქონე პირებისთვის.

photo: Government of Georgia / FB

გახარია: ახალი წლიდან მიზნობრივი სოციალური დახმარების ახალი ტალღა იწყება

საქართველოში შშმ პირების პენსია არაერთგვაროვანია და ეფუძნება სხვადასხვა გარემოებას, მათ შორის, თუ რა ტიპის შეზღუდული შესაძლებლობა აქვს ადამიანს – მკვეთრად, მნიშვნელოვნად თუ ზომიერად გამოხატული.

მკვეთრად გამოხატული შეზღუდვის მქონე პირებისთვის შემწეობა 250 ლარია, მნიშვნელოვნად გამოხატული შეზღუდვების მქონე პირებისთვის 140 ლარი, ხოლო ზომიერად გამოხატული შეზღუდვების მქონე პირისთვის – 100 ლარი.

ამასთანავე, 18 წლამდე ბავშვებისთვის ეს დახმარება – 250 ლარია.

შემწეობის ოდენობა ასევე დამოკიდებულია პირის ასაკზე, შემოსავლის წყაროზე, ვეტერანის სტატუსზე და სხვა. 

გადაწყვეტილია: დედაქალაქის მთავრობის სხდომებს ჟესტური ენის თარჯიმანი ეყოლება>>

საქართველოს მთავრობა კორონავირუსის პანდემიის დროს 18 წლამდე შშმ პირებსა და მკვეთრად გამოხატული შეზღუდული შესაძლებლობების მქონე პირებს 6 თვის განმავლობაში 600 ლარით ეხმარება. სულ ამ დახმარების მიმღები 43 ათასი ბენეიფიცარია აღრიცხული.