ბორის ჯონსონი

ბორის ჯონსონმა ევროკავშირთან სავაჭრო ხელშეკრულებას ხელი მოაწერა

77
თემთა პალატაში დამტკიცების შემდეგ, 1246-გვერდიანი დოკუმენტი გადაეგზავნა განსახილველად ბრიტანეთის პარლამენტის ლორდთა პალატას, შემდეგ კი, როგორც მოსალოდნელია, მას ხელს დედოფალი ელისაბედ II მოაწერს

თბილისი, 30 დეკემბერი — Sputnik. დიდი ბრიტანეთის პრემიერმა ბორის ჯონსონმა ხელი მოაწერა ევროკავშირთან Brexit-ის შემდეგ ვაჭრობისა და თანამშრომლობის შესახებ შეთანხმებას, რომელიც გასულ კვირას არის მიღწეული, იუწყება РИА Новости.

შეთანხმების გაფორმების შესახებ დოკუმენტი დაუნინგ-სტრიტზე ჩაიტანეს ბრიუსელიდან, სადაც მას ხელი მოაწერეს ევროკომისიის თავმჯდომარე ურსულა ფონ დერ ლაიენმა და ევროსაბჭოს თავმჯდომარე შარლ მიშელმა. ჯონსონმა აღნიშნა, რომ მზად არის, ხელშეკრულება მომავალი კვირიდან აამოქმედოს, ასევე მან მადლობა გადაუხადა ევროკავშირისა და დიდი ბრიტანეთის წარმომადგენლებს, რომლებიც გარიგებაზე მუშაობდნენ.

ოთხშაბათს დიდი ბრიტანეთის პარლამენტის თემთა პალატამ მიიღო ევროკავშირთან სავაჭრო შეთანხმების შესახებ კანონპროექტი Brexit-ზე, რომლის პირობები 1 იანვრიდან ამოქმედდება.

სავაჭრო შეთანხმების შესახებ კანონპროექტის მიღებას მხარი დაუჭირა 521-მა დეპუტატმა, წინააღმდეგი იყო 73.

თემთა პალატაში დამტკიცების შემდეგ, 1246-გვერდიანი დოკუმენტი გადაეგზავნა განსახილველად ბრიტანეთის პარლამენტის ლორდთა პალატას, შემდეგ კი, როგორც მოსალოდნელია, მას ხელს დედოფალი ელისაბედ II მოაწერს.

2020 წლის 31 იანვარს დიდმა ბრიტანეთმა 47-წლიანი წევრობის შემდეგ ევროკავშირი დატოვა. Brexit-ის გამოცხადებიდან გარდამავალი პერიოდი, როდესაც ბრიტანეთში ევროკავშირის ყველა ნორმა და კანონი მოქმედებდა, მოქალაქეები კი გამარტივებული პროცედურით მოგზაურობდნენ, 31 დეკემბერს იწურება.

შედეგად, ახალი წლიდან შეწყდება მოქალაქეების (ბრიტანელებს ხანგრძლივი მოგზაურობისას დასჭირდებათ ევროპული ვიზები, ევროპელებს - ბრიტანული), საქონლის (აღდგება სასაზღვრო კონტროლი, მათ შორის, სანიტარული, მაგრამ არ იქნება საბაჟო გადასახადი და კვოტები) და მომსახურების (ბრიტანელ გადამზიდებს ან დამზღვევებს მოუწევთ ევროკავშირის წესებით საქმიანობა, აღარ იმოქმედებს პროფესიული კვალიფიკაციის ურთიერთაღიარების პრაქტიკა) თავისუფალი გადაადგილება.

თუმცა შენარჩუნდება თავისუფალი ტვირთგადაზიდვები და ავიამიმოსვლა, ლონდონის თანამშრომლობა Europol-თან და ევროპის ქვეყნების სამართალდამცავ ორგანოებთან, მათ შორის, მონაცემთა სწრაფი გაცვლა, ასევე თანამშრომლობა ისეთი საფრთხეების სფეროში, როგორიცაა, მაგალითად, პანდემია.

მხარეებმა გადაწყვიტეს, ერთობლივად განკარგონ თევზის რესურსები. თუმცა, ხუთი წლით გაიყინა სტატუს-კვო თევზჭერის უფლებებზე.

ბრიტანეთი გადადის სრულიად დამოუკიდებელ საგარეო და საშინაო პოლიტიკაზე, მათ შორის, სანქციების საკითხში.

77
რუსული ვაქცინა „სპუტნიკV

პაკისტანმა რუსული ვაქცინის გამოყენების ნებართვა გასცა

10
ადგილობრივი ფარმაცევტული კომპანია AGP რუსული ვაქცინა „სპუტნიკV"-ს ერთადერთი იმპორტიორი და დისტრიბუტორი იქნება

თბილისი, 24 იანვარი - Sputnik. პაკისტანის მთავრობამ რუსული ვაქცინა „სპუტნიკV"-ს სასწრაფო გამოყენების ნებართვა გასცა და პრეპარატის იმპორტისა და გავრცელების უფლება ადგილობრივ ფარმაცევტულ კომპანიას მიანიჭა, იუწყება გაზეთი Dawn.

ქვეყნის ოფიციალურმა წარმომადგენელმა განუცხადა გამოცემას, რომ რუსული ვაქცინა გახდა მესამე პრეპარატი, რომლის გამოყენებაც დაიშვა ქვეყანაში.

მან ასევე განმარტა, რომ ადგილობრივი ფარმაცევტული კომპანია AGP რუსული ვაქცინის ერთადერთი იმპორტიორი და დისტრიბუტორი იქნება.

მანამდე ცნობილი გახდა, რომ პაკისტანის ხელისუფლებამ ვაქცინა AstraZeneca-ს და ჩინური კომპანია Sinopharm-ის პრეპარატის სასწრაფო გამოყენება დაუშვა.

ქვეყნის ჯანდაცვის სამინისტროს ბოლო მონაცემებით, პაკისტანში კორონავირუსი დაუდასტურდა 528 ათას ადამიანს, გამოჯანმრთელდა 482 ათასი პირი, გარდაცვლილთა რიცხვი 11 ათასს აღემატება.

რუსეთში კორონავირუსის საწინააღმდეგო ვაქცინის 7,6 მილიონი დოზაა წარმოებული >>

კორონავირუსის საწინააღმდეგო მსოფლიოში პირველი ვაქცინა რუსეთმა 2020 წლის აგვისტოში დაარეგისტრირა. პრეპარატ „სპუტნიკ V"-ს უპირატესობად სპეციალისტები მის უსაფრთხოებას, ეფექტურობასა და ხანგრძლივი ნეგატიური შედეგების არარსებობას ასახელებენ. „სპუტნიკV"-ს ეფექტურობა 90%-ს აღემატება, დაავადების მძიმე შემთხვევებში ვაქცინა სრულ დაცვას უზრუნველყოფს.

10

ძაღლი-თერაპევტი: საუკეთესო მკურნალი და მეგობარი

23
იცით თუ არა, რომ მედიცინაში ოფიციალურად არსებობს ძაღლებით მკურნალობის მიმართულება?

დიახ, არაფერი შეგვშლია: ძაღლებით მკურნალობას, ანუ კანისთერაპიას (canis — ლათინურად "ძაღლი") ამერიკის შეერთებულ შტატებში ჩაეყარა საფუძველი ჯერ კიდევ მეორე მსოფლიო ომის დროს და დღემდე წარმატებით გამოიყენება მთელ მსოფლიოში…

ნახეთ ვიდეო და ხილულად დარწმუნდით, რა ძალა აქვს ფუმფულა მეგობრის თანადგომას უმძიმესი სენით შეპყრობილებისთვისაც კი.

 

23
ტურისტული ბიზნესის საპროტესტო აქცია თბილისში

ინფექციონისტი: შეუძლებლად მიმაჩნია ერთიანად ყველა შეზღუდვის მოხსნა, თუმცა...

0
საქართველოში, განსაკუთრებით დიდ ქალაქებში მოსახლეობა შეზღუდვების მოხსნას ითხოვს. საზოგადოებრივი ტრანსპორტის მუშაობის აღდგენის, ზამთრის კურორტების და ბაზრობების გახსნის მოთხოვნით საპროტესტო აქციები იმართება.

თბილისი, 24 იანვარი – Sputnik. შეუძლებლად მიმაჩნია ერთიანად ყველა შეზღუდვის მოიხსნას, თუმცა გარკვეული შემსუბუქების დრო ნამდვილად დადგა, განაცხადა ინფექციონისტმა ოთარ ჩოკოშვილმა ტელეკომპანია „რუსთავი 2“-ის ეთერში.

ქვეყანაში ეპიდემიოლოგიური ვითარების გაუარესების გამო 28 ნოემბრიდან მკაცრი შეზღუდვები მოქმედებს. კერძოდ, აუცილებელია პირბადის ტარება ქუჩაში, შეზღუდულია გადაადგილება 21:00-დან 05:00 საათამდე, დაკეტილია რესტორნები, კაფეები და ა.შ. შეზღუდვების შემსუბუქება ეტაპობრივად 1 თებერვლიდან დაიწყება.

„ჩვენ საკუთარი გამოცდილებით ძალიან კარგად მოგვეხსენება, რომ რეგულაციების სრული მოხსნა გარკვეულ დროში, დაახლოებით, 1-2 თვეში იწვევს მდგომარეობის ძალიან ცუდი მიმართულებით წასვლას და შემდგომ გართულებებს“, - ამბობს ჩოკოშვილი.

ინფექციონისტის განცხადებით, ქვეყანაში თუ ერთბაშად მოიხსნება ყველა შეზღუდვა, შეიძლება კვლავ ისეთი ეპიდვითარება შეიქმნას, როგორიც დეკემბრის თვეში იყო.

„შემთხვევები რადიკალურად შემცირდა, მაგრამ ჩვენთან უკვე დაფიქსირებულია ბრიტანული შტამი, რაც იმას ნიშნავს, რომ თუ ხელაღებით მოვხსნით ყველა შეზღუდვას, შეიძლება იმავე მდგომარეობაში ჩავვარდეთ, როგორშიც ვიყავით დეკემბერში. თუმცა, ხაზს ვუსვამ, რომ შეზღუდვების ნაწილი უნდა შემსუბუქდეს“, - ამბობს ჩოკოშვილი.

საქართველოში, განსაკუთრებით დიდ ქალაქებში მოსახლეობა შეზღუდვების მოხსნას ითხოვს. საზოგადოებრივი ტრანსპორტის მუშაობის აღდგენის, ზამთრის კურორტების და ბაზრობების გახსნის მოთხოვნით საპროტესტო აქციები იმართება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 546-ით გაიზარდა და ინფიცირებულთა საერთო რიცხვმა 253.518-ს მიაღწია.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

0