უკრაინული თვითმფრინავის ჩამოგდება ირანში

ირანმა დაასახელა თანხა, რომელსაც უკრაინული Boeing-ის მსხვერპლთა ოჯახებს გადაუხდის

943
უკრაინის მხარემ, თავის მხრივ, განაცხადა, რომ ირანს დღემდე არ შეუსრულებია 2020 წლის ოქტომბრის ბოლოს თეირანში გამართული კონსულტაციების მეორე რაუნდის დროს მიღწეული შეთანხმება

თბილისი, 30 დეკემბერი - Sputnik. ირანმა განსაზღვრა კომპენსაციების თანხა შემთხვევით ჩამოგდებული უკრაინული თვითმფრინავის დაღუპული მგზავრების ოჯახებისთვის - თითოეულ ოჯახს გადაუხდიან 150 ათას დოლარს, იუწყება ირანული სააგენტო YJC. ამის შესახებ РИА Новости წერს.

„უკრაინის საერთაშორისო ავიახაზების“ თვითმფრინავმა Boeing 737-800-მა, რომელიც კიევში მიფრინავდა, 8 იანვარს, დილით, თეირანის აეროპორტიდან აფრენის შემდეგ მალევე განიცადა კატასტროფა. დაიღუპა 176 ადამიანი. ირანის სამხედროებმა 11 იანვარს განაცხადეს, რომ უკრაინული Boeing-ი შემთხვევით ჩამოაგდეს, დამნაშავე კი ადამიანური ფაქტორი გახდა: თვითმფრინავმა ირანის სამხედრო ობიექტის მახლობლად გადაიფრინა და „მტრულ სამიზნედ“, კერძოდ, ფრთოსან რაკეტად იქნა აღქმული. ამასთან, ირანში აღნიშნეს, რომ ელოდნენ აშშ-ის თავდასხმას, რასთან დაკავშირებითაც ქვეყნის ჰაერსაწინააღმდეგო თავდაცვის სისტემები სრულ საბრძოლო მზადყოფნაში იყო მოყვანილი. 

„მთავრობამ დღევანდელ სხდომაზე მიიღო დადგენილება, ავიაკატასტროფის შედეგად დაღუპულთა ოჯახებსა და ნათესავებზე 150 ათასი დოლარის ან ევროში ექვივალენტი თანხის გადახდისთვის მომზადების შესახებ”, - აღნიშნულია სააგენტოს განცხადებაში.

უკრაინის საგარეო საქმეთა სამინისტროს პრესმდივანმა ოლეგ ნიკოლენკომ ირანის მთავრობის გადაწყვეტილებაზე საუბრისას განაცხადა, რომ დაღუპულთა ოჯახებისთვის კომპენსაციების მოცულობა უნდა განისაზღვროს მხარეთა მოლაპარაკების გზით.

„მნიშვნელოვანი წინაპირობა უნდა გახდეს ტრაგედიის მიზეზების დადგენა და დამნაშავეთა პასუხისგებაში მიცემა. კომპენსაციების მოცულობის განსაზღვრისას გათვალისწინებული იქნება საერთაშორისო პრაქტიკა მსგავსი კატასტროფების დროს“, - აღნიშნა ნიკოლენკომ.

მისი სიტყვებით, უკრაინის მხარე ირანისგან თვითმფრინავის ჩამოგდების გარემოებათა შესახებ ტექნიკური ანგარიშის პროექტს ელოდება.

„ვაცხადებთ, რომ იმ განცხადებების გარდა, რომლებსაც ირანის მხარე მედიაში ბოლო დღეებში აკეთებს, სხვა წინსვლა არ არის. თეირანში 2020 წელს ოქტომბრის ბოლოს კონსულტაციების მეორე რაუნდის დროს მიღწეულ შეთანხმებებს ირანი დღემდე არ ასრულებს. მსგავსი სიტუაცია განსაკუთრებით მიუღებელია, ვინაიდან საუბარია უდანაშაულო ადამიანების ბედზე“, - აღნიშნა მან.

ირანის სამოქალაქო ავიაციის ორგანიზაციის ანგარიშის თანახმად, თვითმფრინავი საზენიტო-სარაკეტო კომპლექსიდან „ჰაერი-მიწა“ კლასის ორი მცირე მოქმედების რადიუსის რაკეტა Tor-M1-ით იქნა ჩამოგდებული. ორი რაკეტა Boeing 737-800-ის მიმართულებით ჩრდილოეთი მიმართულებიდან გაუშვეს. რაკეტების მოხვედრის შემდეგ თვითმფრინავმა დასახლებული რაიონის თავზე ფრენისას სწრაფად დაიწყო ვარდნა, რის შემდეგაც შეეჯახა „დაბრკოლებას“ გასართობ პარკში და მიწაზე ჩამოვარდა. შემდეგ ლაინერმა გადაკვეთა ფეხბურთის მოედანი, მთლიანად დაიშალა და აალდა.

943
შეყვარებულები

ვინც 2020 წელს ოჯახი შეინარჩუნა: დაწერეთ წერილი და მიიღეთ ბრილიანტის ორი ბეჭედი

84
(განახლებულია 21:48 26.01.2021)
ბრილიანტის ბეჭდების საჩუქრად მიღება მსოფლიოს ნებისმიერ წერტილში მცხოვრებ წყვილს შეუძლია, თუ ისინი ერთ პირობას დააკმაყოფილებენ.

თბილისი, 26 იანვარი — Sputnik. წყვილს, რომელმაც კორონავირუსული პანდემიით გამოწვეულ სირთულეებს გაუძლო და ოჯახური ერთიანობა შეინარჩუნა, ამერიკელი კრისტენ ბონავიტა ბრილიანტის ორი ბეჭდის ჩუქებას ჰპირდება — ოღონდ ერთი პირობით, წერს Daily Mail ქალის Facebook-გვერდზე დაყრდნობით.

გავრცელებული ინფორმაციით, ბრილიანტის ნიშნობის ბეჭდები მსოფლიოს ნებისმიერ კუთხეში მცხოვრებს წყვილს შეუძლია მიიღოს, თუ ისინი ბონავიტას მიერ წამოყენებულ პირობას დააკმაყოფილებენ.

ირკვევა, რომ კრისტენ ბონავიტა და მისი მეუღლე 2020 წელს დაშორდნენ ერთმანეთს, რაც ქალმა ძალიან მძიმედ გადაიტანა. ხოლო მას შემდეგ, რაც განცდებს თავი დააღწია და ყველაფერი უკან დარჩა, გადაწყვიტა თავიდან მოიშოროს წარუმატებელი ოჯახური ცხოვრების შესახებ მოგონებები და თავისი ბეჭედი ბედნიერ წყვილს უსახსოვროს.

როდესაც კრისტენის ყოფილმა ქმარმა მისი სურვილის შესახებ შეიტყო, თავადაც მოინდომა ამ კეთილ საქმეში ჩართვა და საკუთარი ბეჭდის გაჩუქებაც გადაწყვიტა. ასე რომ, ახლა ორი ძვირადღირებული სამკაული ახალ პატრონებს ელოდება.

„მინდა ჩემი და ჩემი ყოფილი ქმრის კუთვნილი ნიშნობის ბეჭდები ვაჩუქო წყვილს, რომელიც 2020 წელს მძიმე პრობლემებს შეეჯახა, მაგრამ სირთულეების გადალახვა ერთად შეძლო“, — დაწერა კრისტენ ბონავიტამ.
  • მისი ერთადერთი პირობა ასეთია: წყვილმა უნდა დაწეროს მოკლე ესე იმის შესახებ, თუ როგორ მოახერხეს ურთიერთობების შენაჩუნება პანდემიის დროს. მონათხრობი არ უნდა აღემატებოდეს 250 სიტყვას, წერილს კი უნდა ერთვოდეს 2020 წელს გადაღებული ფოტო.

აღსანიშნავია, რომ ექსპერტების შეფასებით, კრისტენ ბონავიტას თითქმის ორკარატიანი ბეჭედი 2 800 დოლარი ღირს, მისი მეუღლისა კი უფრო იაფი — დაახლოებით 760 დოლარი.

84
თემები:
საერთაშორისო პანორამა
ნადირობა

კანონმდებელმა თოვლის კაცზე ნადირობის დაშვება მოითხოვა: რა წერია კანონპროექტში

37
(განახლებულია 21:22 26.01.2021)
კანონმდებელს მიაჩნია, რომ ამგვარი ზომა არაერთ ადამიანს მიიზიდავს და ტურიზმის გამოცოცხლებას შეუწყობს ხელს.

თბილისი, 26 იანვარი — Sputnik. საჭიროა გაიცეს ოფიციალური ნებართვა თოვლის კაცზე (იეტი) ნადირობაზე, დადგინდეს ნადირობის სეზონი და გაიცეს ლიცენზია ყველაზე, ვისაც ამ მითიურ არსებასთან ახლოდან გაცნობის სურვილი აქვს – ასეთი უცნაური წინადადება წამოაყენა ამერიკელმა კონგრესმენმა, რესპუბლიკელმა ჯასტინ ჰემფრიმ, რომელიც კონგრესში ოკლაჰომის შტატს წარმოადგენს.

აღნიშნულის შესახებ წერს CNN.

​ჰემფრის თქმით, ასეთი ზომა ოკლაჰომაში ტურიზმს გამოაცოცხლებს და კიდევ მეტ ადამიანს მიიზიდავს შტატში.

კონგრესმენის მიერ წარმოდგენილი კანონპროექტის თანახმად, ნებადართულია იეტის მხოლოდ ცოცხლად შეპყრობა, რის შემდეგაც იღბლიან მონადირეს ჯილდოდ 25 ათასი დოლარი გადაეცემა.

როგორც ჰემფრი აცხადებს, პირადად მას იეტების არსებობის არ სჯერა, თუმცა არაერთი სანდო პირისგან მოუსმენია, რომ ისინი თოვლის კაცს შეხვედრიან.

მართალია, თოვლის კაცის არსებობა მეცნიერულად დადასტურებული არ არის, მაგრამ ოკლაჰომაში ყოველწლიურად ტარდება იეტისადმი მიძღვნილი დღესასწაული, რომელშიც ბევრი ადამიანი მონაწილეობს.

სოციალური ქსელების მომხმარებლებმა მიიჩნიეს, რომ ჯასტინ ჰემფრის წინადადება ტყეში ადამიანისთვის სროლას დააკანონებს, რაც მერე შეიძლება შეცდომით გამართლდეს.

37
თემები:
საერთაშორისო პანორამა
დაკავება

ფოთში შსს-ს თანამშრომელი დააკავეს

0
ფოთის საქალაქო სამმართველოს ინსპექტორ-გამომძიებელი მოსამართლის განჩინების საფუძველზე დააკავეს, მას სამ წლამდე პატიმრობა ემუქრება

თბილისი, 26 იანვარი – Sputnik. ფოთში უფლებამოსილების ბოროტად გამოყენების ბრალდებით ინსპექტორ-გამომძიებელი დააკავეს, იუწყება შსს-ს პრესსამსახური.

უწყების ინფორმაციით, ფოთის საქალაქო სამმართველოს ინსპექტორ-გამომძიებელი მოსამართლის განჩინების საფუძველზე დააკავეს.

სისხლის სამართლის საქმე აღიძრა „სამსახურეობრივი უფლებამოსილების ბოროტად გამოყენების“ ფაქტზე სსკ-ის 332-ე მუხლის პირველი ნაწილით, რაც სამ წლამდე თავისუფლების აღკვეთას ითვალისწინებს.

0