იემენის აეროპორტში აფეთქების შედეგები

აფეთქებების სერია იემენში: ათობით ადამიანი დაიღუპა

73
რამდენიმე საათის წინ ქვეყნის დედაქალაქში, აეროპორტის მოფრენის დარბაზში მოხდა ძლიერი აფეთქებების სერია, რამაც 22 ადამიანი იმსხვერპლა.

თბილისი, 30 დეკემბერი — Sputnik. იემენის ქალაქ ადენში კვლავ გაისმა აფეთქება - ამჯერად მააშიკის მთავრობის სასახლის მახლობლად, იუწყება РИА Новости.

რამდენიმე საათის წინ ადენის აეროპორტის დარბაზში რამდენიმე მძლავრი აფეთქება მოხდა. სწორედ იმ მომენტში თვითმფრინავის ტრაპზე უნდა ჩამოსულიყვნენ ახალი მთავრობის წევრები, რომლებიც ადენს ერ-რიადიდან ჩამოფრინდნენ.

Sky News-ის ცნობით, შენობას, სადაც ახლად არჩეული მინისტრები იმყოფებიან, შესაძლოა მოხვდა რაკეტა ან უპილოტო საფრენი აპარატი. არიან თუ არა დაჭრილები ან მსხვერპლი, ჯერ არ არის ცნობილი.

„რია ნოვოსტის“ წყაროს ინფორმაციით, პირველი აფეთქება გამოიწვია სარაკეტო სროლამ რაიონებიდან, რომლებსაც იემენის სამხრეთ-დასავლეთის თაიზის პროვინციაში „ანსარ ალაჰის“ მოძრაობის მეამბოხეები აკონტროლებენ. ტელეარხ Sky News Arabia-ს ცნობით, ადენის აეროპორტის თავზე აფეთქებამდე უპილოტო საფრენი აპარატების ხმა ისმოდა.

თავდასხმის შედეგად დაიღუპა 22 ადამიანი, 50-ზე მეტი დაიჭრა, ზოგიერთის მდგომარეობა მძიმეა. მინისტრები არ დაშავებულან, ისინი მთავრობის სასახლეში გადაიყვანეს. აეროპორტის შენობა და მიმდებარე რაიონები უშიშროების ძალებმა ალყაში მოაქციეს. საგამოძიებო კომისიას შსს უხელმძღვანელებს.

ახალი მთავრობის წევრები ადენში ერ-რიადიდან ჩავიდნენ. ისინი პრეზიდენტმა აბდ რაბუ მანსურ ხადიმ 18 დეკემბერს დანიშნა. მინისტრთა კაბინეტი ჩამოყალიბდა საერთაშორისოდ აღიარებულ მთავრობასა და სეპარატისტებს შორის გასული წლის შეთანხმების შედეგად სამხრეთ იემენის გარდამავალი საბჭოდან და მის შემადგენლობაში ხუთი სამხრეთელი მინისტრი მოხვდა.

იემენში 2015 წლიდან პრეზიდენტ აბდუ რაბუ მანსურ ხადის მხარდამჭერებსა და მეამბოხე ჰუსიტებს (მიჩნეულია, რომ ირანის მხარდაჭერით) შორის სამოქალაქო ომი მიმდინარეობს. ხადიმ, რომელიც საუდის არაბეთში იმყოფება, დანიშნა ახალი მთავრობა 24 მინისტრის შემადგენლობით, რომელსაც აბდელ მალიკი ჩაუდგა სათავეში. მთავრობის შემადგენლობაში შევიდა სამხრეთ იემენის გარდამავალი საბჭოს ხუთი წარმომადგენელი. ეს უკანასკნელი რესპუბლიკის სამხრეთის გამოყოფას უჭერს მხარს.

ქვეყნის ჩრდილოეთს, მათ შორის, ქალაქ სანას, ჰუსიტები აკონტროლებენ. ამიტომ საერთაშორისო დონეზე აღიარებული რესპუბლიკის დროებითი დედაქალაქი ადენია.

73

ყველაზე სასურველი და ყველაზე იდეალური: ვარსკვლავების სახეების ოქროს შუალედი - ფოტო

25
  • ჟურნალმა The Sun გამოაქვეყნა იდეალური სახის მქონე ცნობილი ადამიანების სია. სანიმუშო პროპორციულობის მხრივ პირველი ადგილი მსახიობმა მიშელ კიგანმა დაიკავა
  • სიაში მოხვდა პრინცი ჰარის მეუღლე მეგან მარკლი
  • და, რაღა თქმა უნდა, კიმ კარდაშიანი
  • სიაში ადგილი ერგო ბრიტანელ მსახიობ და ტელეწამყვან ამანდა ჰოლდენსაც
  • იდეალური პროპორციები აქვს ბრიტანელ მსახიობ და მომღერალ რიტა ორას
  • და კემბრიჯის ჰერცოგინია კეტრინ მიდლტონსაც
  • იდეალური სახის ნაკვთების მქონთა შორის მოხვდა მსახიობი სუზანა რეიდი
  • ასევე ბრიტანელი ვარსკვლავი ბილი ფაიერსი
  • და ბრიტანელი მსახიობი, ტელეწამყვანი და ფოტომოდელი ჰოლი უილობი
პროპორციულობა სამყაროში უამრავი სახით გვხვდება, მათ შორის ადამიანებშიც. იხილეთ Sputnik-საქართველოს ფოტოლენტაში ცნობილი ადამიანები, რომელთა მიმზიდველობაც მეცნიერულად არის ახსნილი ოქროს შუალედის ფორმულის დახმარებით

ბერძენმა ფილოსოფოსმა პითაგორამ ყველაფერი ლამაზი სამყაროში ოქროს შუალედის ფორმულით შეიქმნა და გარკვეულ პროპორციებს შეესაბამება, მათ შორისაა ქალის სახეც.

ბრიტანელმა პლასტიკურმა ქირურგმა ჯულიან დე სილვამ შეადგინა ცნობილი ქალების სია, რომლებიც სახეებიც მაქსიმალურად პროპორციულია.

25
  • ჟურნალმა The Sun გამოაქვეყნა იდეალური სახის მქონე ცნობილი ადამიანების სია. სანიმუშო პროპორციულობის მხრივ პირველი ადგილი მსახიობმა მიშელ კიგანმა დაიკავა
    © AP Photo / Joel C Ryan / Invision

    ჟურნალმა "The Sun" გამოაქვეყნა იდეალური სახის მქონე ცნობილი ადამიანების სია. სანიმუშო პროპორციულობის მხრივ პირველი ადგილი მსახიობმა მიშელ კიგანმა დაიკავა

  • სიაში მოხვდა პრინცი ჰარის მეუღლე მეგან მარკლი
    © AFP / Paul Edwards / Pool

    სიაში მოხვდა პრინცი ჰარის მეუღლე მეგან მარკლი

  • და, რაღა თქმა უნდა, კიმ კარდაშიანი
    © AFP / Jean-Baptiste Lacroix

    და, რაღა თქმა უნდა, კიმ კარდაშიანი

  • სიაში ადგილი ერგო ბრიტანელ მსახიობ და ტელეწამყვან ამანდა ჰოლდენსაც
    © AFP / Warren Allott

    სიაში ადგილი ერგო ბრიტანელ მსახიობ და ტელეწამყვან ამანდა ჰოლდენსაც

  • იდეალური პროპორციები აქვს ბრიტანელ მსახიობ და მომღერალ რიტა ორას
    © AFP / Getty Images / Getty Images for SHEIN

    იდეალური პროპორციები აქვს ბრიტანელ მსახიობ და მომღერალ რიტა ორას

  • და კემბრიჯის ჰერცოგინია კეტრინ მიდლტონსაც
    © AP Photo / Eddie Mulholland

    და კემბრიჯის ჰერცოგინია კეტრინ მიდლტონსაც

  • იდეალური სახის ნაკვთების მქონთა შორის მოხვდა მსახიობი სუზანა რეიდი
    © AP Photo / Jonathan Short / Invision

    იდეალური სახის ნაკვთების მქონთა შორის მოხვდა მსახიობი სუზანა რეიდი

  • ასევე ბრიტანელი ვარსკვლავი ბილი ფაიერსი
    © AP Photo / Joel Ryan / Invision

    ასევე ბრიტანელი ვარსკვლავი ბილი ფაიერსი

  • და ბრიტანელი მსახიობი, ტელეწამყვანი და ფოტომოდელი ჰოლი უილობი
    © AP Photo / Joel Ryan / Invision

    და ბრიტანელი მსახიობი, ტელეწამყვანი და ფოტომოდელი ჰოლი უილობი

რუსული ვაქცინა „სპუტნიკV

პაკისტანმა რუსული ვაქცინის გამოყენების ნებართვა გასცა

42
ადგილობრივი ფარმაცევტული კომპანია AGP რუსული ვაქცინა „სპუტნიკV"-ს ერთადერთი იმპორტიორი და დისტრიბუტორი იქნება

თბილისი, 24 იანვარი - Sputnik. პაკისტანის მთავრობამ რუსული ვაქცინა „სპუტნიკV"-ს სასწრაფო გამოყენების ნებართვა გასცა და პრეპარატის იმპორტისა და გავრცელების უფლება ადგილობრივ ფარმაცევტულ კომპანიას მიანიჭა, იუწყება გაზეთი Dawn.

ქვეყნის ოფიციალურმა წარმომადგენელმა განუცხადა გამოცემას, რომ რუსული ვაქცინა გახდა მესამე პრეპარატი, რომლის გამოყენებაც დაიშვა ქვეყანაში.

მან ასევე განმარტა, რომ ადგილობრივი ფარმაცევტული კომპანია AGP რუსული ვაქცინის ერთადერთი იმპორტიორი და დისტრიბუტორი იქნება.

მანამდე ცნობილი გახდა, რომ პაკისტანის ხელისუფლებამ ვაქცინა AstraZeneca-ს და ჩინური კომპანია Sinopharm-ის პრეპარატის სასწრაფო გამოყენება დაუშვა.

ქვეყნის ჯანდაცვის სამინისტროს ბოლო მონაცემებით, პაკისტანში კორონავირუსი დაუდასტურდა 528 ათას ადამიანს, გამოჯანმრთელდა 482 ათასი პირი, გარდაცვლილთა რიცხვი 11 ათასს აღემატება.

რუსეთში კორონავირუსის საწინააღმდეგო ვაქცინის 7,6 მილიონი დოზაა წარმოებული >>

კორონავირუსის საწინააღმდეგო მსოფლიოში პირველი ვაქცინა რუსეთმა 2020 წლის აგვისტოში დაარეგისტრირა. პრეპარატ „სპუტნიკ V"-ს უპირატესობად სპეციალისტები მის უსაფრთხოებას, ეფექტურობასა და ხანგრძლივი ნეგატიური შედეგების არარსებობას ასახელებენ. „სპუტნიკV"-ს ეფექტურობა 90%-ს აღემატება, დაავადების მძიმე შემთხვევებში ვაქცინა სრულ დაცვას უზრუნველყოფს.

42
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 25 იანვარი

0
(განახლებულია 12:50 24.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 25 იანვარია, ორშაბათი. მზარდი მთვარე ტყუპის ნიშანშია. ამ დღეს პლანეტა მთვარე მფარველობს.

დღეს ადამიანების უმრავლესობას ისეთი განწყობა შეექმნება, რომ სულ უბრალო ცხოვრებისეული მოვლენებისგან უსაზღვრო სიხარულს მიიღებს და პოზიტიური ენერგიით დაიმუხტება. გასეირნება ბუნებაში, სუფთა ჰაერზე, ფინჯანი ყავა ან ჩაი მეგობრებთან ერთად, გემრიელი საჭმელი – ეს ყოველივე იმდენ პოზიტიურ ემოციას მოგიტანთ, რამდენსაც რომელიმე ეგზოტიკურ ქვეყანაში მოგზაურობა მოგანიჭებდათ. ამ დღეს არ ღირს სერიოზულ გეგმებზე ფიქრი, რადგან დიდია ალბათობა, სასურველი რეალობად აღიქვათ. სამაგიეროდ, იდეალური დღეა რომანტიკისა და სიყვარულისთვის.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: განწყობის ნატამალიც კი არ გაქვთ იმისა, რომ რამე გააანალიზოთ ან დეტალებს ჩაუღმავდეთ. მზად ხართ, გადაწყვეტილებები დაუფიქრებლად მიღოთ და გულისძახილს მიჰყვეთ. თუმცა, ვარსკვლავები გაფრთხილებენ, რომ ინტუიციაზე დაყრდნობა დღეს არ ივარგებს. წინათგრძნობა მცდარი აღმოჩნდება და მათზე დაფიძნებული გადაწყვეტილება – არასწორი. შესაძლო გართულებებისა და უსიამოვნებების თავიდან ასაცილებლად, სჯობს, გადაწყვეტილებები ცხელ გულზე არ მიიღოთ.

კურო: დღეს ძალიან უნდა იფრთხილოთ, განსაკუთრებით სარისკო და ავანტიურულ პროექტებთან დაკავშირებით. იღბალზე მინდობა არ შეიძლება, არის დამანგრეველი კრახის საფრთხე. ასე რომ, თუ ფიქრობთ, რომ იღბალი თვითონ ჩაგივარდათ ხელში, იცოდეთ, რომ ეს მხოლოდ მოჩვენებითია და არავითარ შემთხვევაში არ უნდა გარისკოთ. გონივრული იქნება დროის მოგება და პროექტის სამომავლოდ გადადება: მალე სიტუაცია ცხადი გახდება და მიხვდებით, როგორ უნდა იმოქმედოთ.

ტყუპი: ისეთი ენთუზიაზმით ხართ სავსე, რომ უკუშედეგი შეიძლება მიიღოთ. იმის ნაცვლად, რომ წინ წახვიდეთ, გულმოდგინე „სწრაფვით, მგნებარებითა და გარღვევებით“ გარშემომყოფები შეიძლება გააღიზიანოთ და ეს ყველა წამოწყებას დაამუხრუჭებს. მსგავსი რამ რომ არ მოხდეს, სჯობს, დაზოგოთ ძალები და აქცენტი ახლობელ ადამიანებთან ურთიერთობებზე გადაიტანოთ. ხოლო თუ ვითარება თქვენს აქტიურობას მოითხოვს, ეცადეთ, ზედმეტი ენთუზიაზმი და გატაცება არ გამოავლინოთ.

კირჩხიბი: დღეს ასტროლოგები მოდუნებასა და კარგად დასვენებას გირჩევენ. ეს აუცილებელია, რათა აღიდგინოთ ენერგია და სასიცოცხლო ძალები. ერთი კია – ირგვლივ მყოფების გაგების იმედი არ უნდა გქონდეთ, ამიტომ აჯობს, მოქმედების იმიტაციაზე იფიქროთ ისე, რომ არ დააზარალოთ არც საკუთარი თავი და არც სხვები. შესაძლოა, საკუთარი მოვალეობების ნაწილი სხვებს გადააბაროთ, ზოგიერთი სამომავლოდ გადადოთ. მთავარია, ამან არ დაგამძიმოთ – სულ მალე ამ საქმეებს ახალი შემართებითა და ძალებით შეუდგებით.

ლომი: დღეს კარგი „შეჯანჯღარება“ გჭირდებათ. ისეთი შთაბეჭდილება რჩება, თითქოს ყველაფერი სულერთია. სინამდვილეში კი თქვენი ემოციები რუტინამ ჩაახშო და თუ ყოველდღიურ ყოფაში მრავალფეროვნების შეტანას შეძლებთ, ჩამქრალ ენთიაზიაზმს გააცოცხლებთ. დაფიქრიდით, იქნებ ღირს, დროებით გადადოთ საქმეები და ქალაქგარეთ გახვიდეთ დასასვენებლად. ან პირიქით – ახალ პერსპექტიულ პროექტს შეეჭიდოთ, თუნდაც ეს პერსპექტივა ბოლომდე გამოკვეთილი არ იყოს. თქვენი გადასაწყვეტია, ვარსკვლავების აზრით კი დღეს ცოტაოდენი ავანტიურა არ გაწყენდათ.

ქალწული: დღეს ნებისმიერი რამ, რისი მამოძრავებელი ძალაც თქვენ ხართ, შეიძლება ჩავარდეს. და თუმცა ეს ჩავარდნები წვრილმანებს შეეხება, თქვენს ყურადღებას მთლიანად დაიპყრობს და აზროვნების კონცენტრირებაში შეგიშლით ხელს. შედეგად გაგიჭირდებათ კარგი შედეგებით თავის წარმოჩენა. სხვათა შორის, გარშემომყოფები და ხელმძღვანელობაც კი თქვენგან რამე სახის გმირობას არც ელოდება შექმნილი საერთო პრობლემების ფონზე.

სასწორი: ექსპერტები კატეგორიულად არ გიორჩევენ მარტო მოქმედებას. ეს ისეთი დღეა, როდესაც დამოუკიდებლად ვერაფერს გადაწყვეტთ და თუ მაინც ცდით, შეიძლება სავალალო შედეგები მიიღოთ. ასე რომ, თუ დღეს რამე მნიშვნელოვანი საკითხი გაქვთ მოსაგვარებელი, მოგიწევთ მისი გარჩევა ირგვლივ მყოფებთან, მათი რჩევების მოსმენა, კომპრომისის მოძებნა. მაგრამ შედეგი დახარჯული ძალისხმევის კომპენსირებას მოახდენს. ეს რთული გზა ბევრად ეფექტური აღმოჩნდება.

მორიელი: დღეს ავანტიურაში ჩაბმა კარგ არაფერს მოგიტანთ არც სამუშაო და არც პირად ცხოვრებაში. ყველგან, სადაც ოდნავ მაინც გაქვთ იღბლის იმედი, ჩავარდნა გელოდებათ. იღბალი დღეს თქვენთვის „ისვენებს“. უსიამოვნებები რომ აირიდოთ თავიდან, ამისთვის საკმარისი იქნება, რომ არ გარისკოთ და ყველაფერში ნაცადი, კონსერვატიული კურსი შეინარჩუნოთ. შეგიძლიათ მიმდინარე საქმეებს მიხედოთ – არე თუ გვიან, ისიც თქვენი გასაკეთებელია.

მშვილდოსანი: დღეს მხოლოდ საკუთარი თავის იმედი არ უნდა გქონდეთ – ზედმეტმა თავდაჯერებულობამ შეცდომებამდე შეიძლება მიგიყვანოთ. არ არის გამორიცხული, რომ ცხვირწინ ვერ დაინახოთ და შეამჩნიოთ რამე, ან ელემენტარული რამ შეგეშალოთ. სამაგიეროდ, შესანიშნავად შეძლებთ მუშაობას მეწყვილესთან ერთად – მისი კონტროლი შეცდომებისგან დაგიცავთ და უფრო ყურადღებიანი გახდებით.

თხის რქა: დღეს კარგი იქნება, თუ სხვების მონაწილეობით დიდ პროექტებს არ შეეჭიდებით – ნაკლებად სავარაუდოა, რომ გამოგივიდეთ. იგივე ეხება ნებისმიერ ერთობლივ წამოწყებას. ერთადერთი ადამიანი, რომლის იმედიც უნდა გქონდეთ, ეს თვითონ თქვენ ხართ. ეს ნიშნავს, რომ ყურადღება იმ პროექტებზე უნდა გადაიტანოთ, სადაცთქვენ ხართ პირადად პასუხისმგებელი და სადაც ვერავინ შეგიშლით ხელს.

მერწყული: დღეს შესანიშნავი დროა იმისთვის, რომ მოაწყოთ პროექტის ან საკუთარი თავის პრეზენტაცია – გარშემომყოფები ამას ძალზე პოზიტიურად შეხვდებიან. გაქვთ განწყობა, რომ ემოციების ენაზე ისაუბროთ და ეს სწორედ ის ენაა, რომელსაც ყველა „ფრიადზე“ გაიგებს. სხვაგვარად რომ ვთქვათ, დღეს არაა აუცილებელი, მსმენელი ციფრებითა და ფაქტებით დაამძიმოთ. საკმარისია კაშკაშა, გადამდები ემოციები და ადამიანები სიამოვნებით გამოგყვებიან უკან.

თევზები: უნდა მოემზადოთ იმისთვის, რომ შესაძლოა ყველაფერი ისეთი არ აღმოჩნდეს, როგორც ერთი შეხედვით ჩანს. ამასთან სიურპრიზები შეიძლება იყოს როგორც სასიამოვნო, ისე უსიამოვნოც. მაგალითად, არაა გამორიცხული სირთულეები ისეთ საქმეებში, რომლებიც უკვე დიდი ხანია, გადაწყვეტილი გგონიათ. მოკლედ რტომ ვთქვათ, მთელი დღის განმავლობაში მოვლენების პულსზე უნდა გეჭიროთ ხელი და მზად იყოთ საქმეებში მოულოდნელობებისთვის.

0