ხორვატიაში დამანგრეველი მიწისძვრა მოხდა: პრემიერმა შედეგები შეაფასა
(განახლებულია 22:24 29.12.2020)
დამანგრეველი მიწისძვრის შემდეგ საგანგებო სამსახურები მუშაობას აგრძელებენ, ასეულობით მოქალაქეს დროებითი განთავსება შესთავაზეს
თბილისი, 29 დეკემბერი – Sputnik. ხორვატიაში ქალაქ პეტრინიას ცენტრი, რომელიც მიწისძვრის ეპიცენტრთან ყველაზე ახლოს მდებარეობს, ნაწილობრივ დანგრეულია, განაცხადა პრემიერმა ანდრეი პლენკოვიჩმა.
ხორვატიაში 12:20 საათზე 6,3 მაგნიტუდის მიწისძვრა მოხდა. ეპიცენტრი ქვეყნის ცენტრალურ ნაწილში - ქალაქ პეტრინიას რაიონში მდებარეობდა. მთავრობის მეთაური ანდრეი პლენკოვიჩი და პრეზიდენტი ზორან მილანოვიჩი მინისტრებთან ერთად ამ ქალაქში გაემგზავრნენ.
Situacija u Petrinji. pic.twitter.com/EK63mcVofC
— Hrvatski Crveni križ (@crvenikriz_hr) December 29, 2020
„ამჟამად ყველა სამსახური დანგრეულ ობიექტებში ეძებენ, ხომ არ დარჩა ვინმე ნანგრევების ქვეშ... პირველადი შეფასებით, პეტრინიას ცენტრის დიდი ნაწილი „წითელ ზონაში“ მოექცა, ანუ ცხოვრებისთვის გამოუსადეგარია“, - განუცხადა ჟურნალისტებს მთავრობის მეთაურმა.
მისი თქმით, ყაზარმაში უზრუნველყოფილია 500 ადგილი იმ ადამიანების ღამის გასათევად, ვისაც საკუთარ სახლში დაბრუნება არ შეუძლია, კიდევ 100 ადგილი არის სასტუმროში. მთავრობა ცდილობს უზრუნველყოს განთავსება ყველა ადამიანს, ვინც უსახლკაროდ დარჩა, აღნიშნა მან.
Croatian town of Petrinja suffered a lot of damage in the earthquake today pic.twitter.com/W7ypSFj5vR
— Based Croatia (@Based_Croatia) December 29, 2020
ადგილობრივი ხელისუფლების მონაცემებით, პეტრინიაში დაიღუპა 12 წლის გოგონა. მედიაში იტყობინებიან, რომ ახლომდებარე ქალაქ სისაკის საავადმყოფოში გადაყვანილია 20 ადამიანი, რომლებსაც სხვადასხვა სიმძიმის ტრავმები აღენიშნებათ. თუმცა თავად საავადმყოფო მიწისძვრის შედეგად ძლიერ დაზიანდა და მიმდინარეობს პაციენტების ევაკუაცია და აღჭურვილობის გამოტანა რამდენიმე განყოფილებიდან, ამიტომ აღნიშნული რიცხვი ოფიციალურად არ დასტურდება.
ახლახან ადგილობრივმა ხელისუფლებამ გაავრცელა ინფორმაცია, რომ მიწისძვრის შედეგად ექვსი ადამიანი დაიღუპა. ერთი დაშავებული მძიმე მდგომარეობაშია.
ვინც 2020 წელს ოჯახი შეინარჩუნა: დაწერეთ წერილი და მიიღეთ ბრილიანტის ორი ბეჭედი
(განახლებულია 21:48 26.01.2021)
ბრილიანტის ბეჭდების საჩუქრად მიღება მსოფლიოს ნებისმიერ წერტილში მცხოვრებ წყვილს შეუძლია, თუ ისინი ერთ პირობას დააკმაყოფილებენ.თბილისი, 26 იანვარი — Sputnik. წყვილს, რომელმაც კორონავირუსული პანდემიით გამოწვეულ სირთულეებს გაუძლო და ოჯახური ერთიანობა შეინარჩუნა, ამერიკელი კრისტენ ბონავიტა ბრილიანტის ორი ბეჭდის ჩუქებას ჰპირდება — ოღონდ ერთი პირობით, წერს Daily Mail ქალის Facebook-გვერდზე დაყრდნობით.
გავრცელებული ინფორმაციით, ბრილიანტის ნიშნობის ბეჭდები მსოფლიოს ნებისმიერ კუთხეში მცხოვრებს წყვილს შეუძლია მიიღოს, თუ ისინი ბონავიტას მიერ წამოყენებულ პირობას დააკმაყოფილებენ.
ირკვევა, რომ კრისტენ ბონავიტა და მისი მეუღლე 2020 წელს დაშორდნენ ერთმანეთს, რაც ქალმა ძალიან მძიმედ გადაიტანა. ხოლო მას შემდეგ, რაც განცდებს თავი დააღწია და ყველაფერი უკან დარჩა, გადაწყვიტა თავიდან მოიშოროს წარუმატებელი ოჯახური ცხოვრების შესახებ მოგონებები და თავისი ბეჭედი ბედნიერ წყვილს უსახსოვროს.
როდესაც კრისტენის ყოფილმა ქმარმა მისი სურვილის შესახებ შეიტყო, თავადაც მოინდომა ამ კეთილ საქმეში ჩართვა და საკუთარი ბეჭდის გაჩუქებაც გადაწყვიტა. ასე რომ, ახლა ორი ძვირადღირებული სამკაული ახალ პატრონებს ელოდება.
„მინდა ჩემი და ჩემი ყოფილი ქმრის კუთვნილი ნიშნობის ბეჭდები ვაჩუქო წყვილს, რომელიც 2020 წელს მძიმე პრობლემებს შეეჯახა, მაგრამ სირთულეების გადალახვა ერთად შეძლო“, — დაწერა კრისტენ ბონავიტამ.
- მისი ერთადერთი პირობა ასეთია: წყვილმა უნდა დაწეროს მოკლე ესე იმის შესახებ, თუ როგორ მოახერხეს ურთიერთობების შენაჩუნება პანდემიის დროს. მონათხრობი არ უნდა აღემატებოდეს 250 სიტყვას, წერილს კი უნდა ერთვოდეს 2020 წელს გადაღებული ფოტო.
აღსანიშნავია, რომ ექსპერტების შეფასებით, კრისტენ ბონავიტას თითქმის ორკარატიანი ბეჭედი 2 800 დოლარი ღირს, მისი მეუღლისა კი უფრო იაფი — დაახლოებით 760 დოლარი.
თემები:
კანონმდებელმა თოვლის კაცზე ნადირობის დაშვება მოითხოვა: რა წერია კანონპროექტში
(განახლებულია 21:22 26.01.2021)
კანონმდებელს მიაჩნია, რომ ამგვარი ზომა არაერთ ადამიანს მიიზიდავს და ტურიზმის გამოცოცხლებას შეუწყობს ხელს.თბილისი, 26 იანვარი — Sputnik. საჭიროა გაიცეს ოფიციალური ნებართვა თოვლის კაცზე (იეტი) ნადირობაზე, დადგინდეს ნადირობის სეზონი და გაიცეს ლიცენზია ყველაზე, ვისაც ამ მითიურ არსებასთან ახლოდან გაცნობის სურვილი აქვს – ასეთი უცნაური წინადადება წამოაყენა ამერიკელმა კონგრესმენმა, რესპუბლიკელმა ჯასტინ ჰემფრიმ, რომელიც კონგრესში ოკლაჰომის შტატს წარმოადგენს.
აღნიშნულის შესახებ წერს CNN.
Bigfoot may be a considered a myth — but that's not stopping one Oklahoma lawmaker from proposing open season on the creature https://t.co/yAqvi4OMuH
— CNN (@CNN) January 26, 2021
ჰემფრის თქმით, ასეთი ზომა ოკლაჰომაში ტურიზმს გამოაცოცხლებს და კიდევ მეტ ადამიანს მიიზიდავს შტატში.
კონგრესმენის მიერ წარმოდგენილი კანონპროექტის თანახმად, ნებადართულია იეტის მხოლოდ ცოცხლად შეპყრობა, რის შემდეგაც იღბლიან მონადირეს ჯილდოდ 25 ათასი დოლარი გადაეცემა.
როგორც ჰემფრი აცხადებს, პირადად მას იეტების არსებობის არ სჯერა, თუმცა არაერთი სანდო პირისგან მოუსმენია, რომ ისინი თოვლის კაცს შეხვედრიან.
მართალია, თოვლის კაცის არსებობა მეცნიერულად დადასტურებული არ არის, მაგრამ ოკლაჰომაში ყოველწლიურად ტარდება იეტისადმი მიძღვნილი დღესასწაული, რომელშიც ბევრი ადამიანი მონაწილეობს.
სოციალური ქსელების მომხმარებლებმა მიიჩნიეს, რომ ჯასტინ ჰემფრის წინადადება ტყეში ადამიანისთვის სროლას დააკანონებს, რაც მერე შეიძლება შეცდომით გამართლდეს.
თემები:
თბილისში კომენდანტის საათის მოხსნის მოთხოვნით მორიგი აქცია გაიმართა
თბილისი, 26 იანვარი – Sputnik. თბილისში პარლამენტის შენობასთან კოვიდ-შეზღუდვების მოხსნის მოთხოვნით მორიგი აქცია გაიმართა.
აქციის ორგანიზატორია „მოძრაობა საქართველოსთვის“. მოძრაობის წევრებმა საღამოს საათებში გადაადგილებაზე დაწესებული შეზღუდვა გააპროტესტეს.
ქვეყანაში ეპიდემიოლოგიური ვითარების გაუარესების გამო 28 ნოემბრიდან მკაცრი შეზღუდვები მოქმედებს. კერძოდ, აუცილებელია პირბადის ტარება ქუჩაში, შეზღუდულია გადაადგილება 21:00-დან 05:00 საათამდე, დაკეტილია რესტორნები, კაფეები და ა.შ. შეზღუდვების შემსუბუქება ეტაპობრივად 1 თებერვლიდან დაიწყება.
©
Sputnik / Alex Shlamov
აქციის მონაწილეები თავისუფლების მოედნიდან პარლამენტის შენობამდე მსვლელობით მივიდნენ.
„მოძრაობა საქართველოსთვის“ წარმომადგენლებმა კიდევ ერთი აქცია დაანონსეს. მათი განცხადებით, ოთხშაბათს შეზღუდვების მოხსნის მოთხოვნით აქცია ქუთაისში გაიმართება.
დღეს ცნობილი გახდა, რომ კოვიდ-შეზღუდვების წინააღმდეგ გამოსული აქციის მონაწილეები ხელისუფლების წინააღმდეგ სარჩელის შეტანას საკონსტიტუციო სასამართლოში აპირებენ.
მიუხედავად იმისა, რომ რამდენიმე კვირაში შეზღუდვების ნაწილი მოიხსნება, ხოლო სხვა აკრძალვები შემსუბუქდა, პროტესტის მონაწილეები არ აპირებენ დათმობას და დემონსტრაციების შეწყვეტას. ბევრი მათგანი შეზღუდვების დაუყოვნებლივ მოხსნას მოითხოვს. ეპიდემიოლოგები მათ ეწინააღმდეგებიან – სპეციალისტების აზრით, ყველა შეზღუდვის ერთდროულად მოხსნა ქვეყანაში მდგომარეობას დაამძიმებს.