ევროპოლის შტაბბინა

საგანგაშო სტატისტიკა: ევროპოლი მშობლებს პედოფილების გააქტიურებაზე აფრთხილებს

49
(განახლებულია 16:52 29.12.2020)
ბავშვთა მიმართ ინტერნეტით ჩადენილი სექსუალური დანაშაულების სტატისტიკა ევროპული პოლიციის სააგენტოს ხელმძღვანელობის სერიოზულ შეშფოთებას იწვევს.

თბილისი, 29 დეკემბერი — Sputnik. კორონავირუსის პანდემიის პერიოდში ინტერნეტით სექსუალურ საფუძველზე ჩადენილი დანაშაულების რიცხვმა საგრძნობლად იმატა, განსაკუთრებით, ბავშვების მიმართ, იუწყება ევროპოლი.

აღნიშნულის შესახებ ევროპული საპოლიციო სააგენტოს ხელმძღვანელმა კატრინ დე ბოლმა ისაუბრა ინტერვიუში, რომელიც მედიაკონცერნ Funke-ს გამოცემებში გამოქვეყნდა 28 დეკემბერს.

ევროპოლის შეფის თქმით, პედოფილები პანდემიის დაწყების მომენტიდან ბევრად უფრო აქტიურად ეძებენ ინტერნეტში როგორც არასრულწლოვნებზე სექსუალური ძალადობის ამსახველ მასალებს, ისე თავად სავარაუდო მსხვერპლსაც.

„დამნაშავეები ცდილობენ დაამყარონ უშუალო კონტაქტი ბავშვებთან, რომლებიც „ლოკდაუნის“ გამო დიდ დროს ატარებენ ინტერნეტში — ხშირად მშობლების მეთვალყურეობის გარეშე“, — აცხადებს კატრინ დე ბოლი.

ევროპოლის შეფის თქმით, უწყების მიერ დაფიქსირებული შემთხვევების სტატისტიკა მას ძლიერ აშფოთებს.

აღსანიშნავია, რომ გერმანიის პოლიციის სპეციალურმა ქვედანაყოფებმა 1 სექტემბერს მთელი ქვეყნის მასშტაბით ჩაატარეს ჩხრეკა 50 ეჭვმიტანილის ბინაში ბავშვთა პორნოგრაფიის შენახვა-გავრცელებასთან დაკავშირებით, რა დროსაც ოთხი ადამიანი დაიჭრა. ბოლო მონაცემებით, პედოფილების ონლაინ-ქსელს, რომლის კვალზეც გერმანიის პოლიცია გავიდა, დაახლოებით 30 ათასი ანონიმური მომხმარებელი ჰყავდა. ისინი ინტერნეტის მეშვეობით უცვლიდნენ ერთმანეთს ბავშვთა პორნოგრაფიას და საკუთარ დანაშაულებრივ ქმედებებს ჩატებსა და მესენჯერებში განიხილავდნენ. ეს გერმანიის ისტორიაში ბავშვთა მიმართ ძალადობის ყველაზე დიდი შემთხვევაა.

49
თემები:
მსოფლიო დღეს (2471)
ნადირობა

კანომდებელმა თოვლის კაცზე ნადირობის დაშვება მოითხოვა: რა წერია კანონპროექტში

6
(განახლებულია 16:35 26.01.2021)
კანონმდებელს მიაჩნია, რომ ამგვარი ზომა არაერთ ადამიანს მიიზიდავს და ტურიზმის გამოცოცხლებას შეუწყობს ხელს

თბილისი, 26 იანვარი — Sputnik. საჭიროა გაიცეს ოფიციალური ნებართვა თოვლის კაცზე (იეტი) ნადირობაზე, დადგინდეს ნადირობის სეზონი და გაიცეს ლიცენზია ყველაზე, ვისაც ამ მითიურ არსებასთან ახლოდან გაცნობის სურვილი აქვს, ასეთი წინადადება წამოაყენა ამერიკელმა კონგრესმენმა, რესპუბლიკელმა ჯასტინ ჰემფრიმ, რომელიც კონგრესში ოკლაჰომის შტატს წარმოადგენს.

აღნიშნულის შესახებ წერს CNN-ი.

​ჰემფრის თქმით, ასეთი ზომა ოკლაჰომაში ტურიზმს გამოაცოცხლებს და კიდევ მეტ ადამიანს მიიზიდავს შტატში.

კონგრესმენის მიერ წარმოდგენილი კანონპროექტის თანახმად, ნებადართულია იეტის მხოლოდ ცოცხლად შეპყრობა, რის შემდეგაც იღბლიან მონადირეს 25 ათასი დოლარი გადაეცემა ჯილდოდ.

როგორც ჰემფრი აცხადებს, პირადად მას იეტების არსებობა არ სჯერა, თუმცა არაერთი სანდო პირისგან მოუსმენია, რომ ისინი თოვლის კაცს შეხვედრიან.

მართალია, თოვლის კაცის არსებობა მეცნიერულად დადასტურებული არ არის, მაგრამ ოკლაჰომაში ყოველწლიურად ტარდება იეტისადმი მიძღვნილი დღესასწაული, რომელშიც ბევრი ადამიანი მონაწილეობს.

სოციალური ქსელების მომხმარებლებმა მიიჩნიეს, რომ ჯასტინ ჰემფრის წინადადება ტყეში ადამიანისთვის სროლას დააკანონებს, რაც მერე შეიძლება შეცდომით გამართლდეს.

6
თემები:
საერთაშორისო პანორამა
სასამართლო დარბაზი

გადაწყვეტილება გამოტანილია: სექსუალური ძალადობის მსხვერლთ 17 მილიონ დოლარს გადაუხდიან

36
(განახლებულია 15:42 26.01.2021)
მოსამართლის გადაწყვეტილებით, კომპანიის გაკოტრების პროცესში სპეციალურ ფონდი შეიქმნება, სადაც საკომპენსაციო თანხა მოიყრის თავს

თბილისი. 26 იანვარი — Sputnik. აშშ–ის სასამართლომ მოიწონა საპროდიუსერო კომპანია Weinstein Co–ს ლიკვიდაციის გეგმა, რომელიც 17, 1 მლნ დოლარის გამოყოფას ითვალისწინებს ჰარვი ვაინშტაინის სექსუალური ძალადობის მსხვერპლთათვის, წერს გამოცემა Variety.

გავრცელებული ინფორმაციით, აღნიშნული თანხა 50–ზე მეტ დაზარალებულზე გადანაწილდება.

მოსამართლე მერი უოლრატის თქმით, სასამართლო რეგულირების გარეშე ჰარვი ვაინშტაინის მსხვერპლები უკეთეს შემთხვევაში მინიმალურ კომპენსაციას მიიღებენ, უარესში — საერთოდ არაფერს. გამომდინარე აქედან, მოსამართლე უოლრატმა, კომპანიის გაკოტრების პროცედურის ფარგლებში, სპეციალური ფონდის შექმნის დადგენილება გამოიტანა, სადაც საკომპენსაციო თანხა მოიყრის თავს.

როგორც ირკვევა, ვაინშტაინის ქმედებებით ყველაზე მეტად დაზარალებულთაგან თითოეულს 500 ათასი დოლარი გადაეცემა.

სექსუალური ძალადობა ქალთა მიმართ: საქართველოში უნიკალური კვლევა ჩატარდა>>

ჰოლივუდელ პროდიუსერთან, ჰარვი ვაინშტაინთან დაკავშირებული სექსუალური სკანდალი 2017 წელს აგორდა. პროდიუსერი ასზე მეტი ქალის მიმართ ძალადობაში დაადანაშაულეს, რომელთა შორის იყვნენ: ანჯელინა ჯოლი, უმა თურმანი, გვინეტ პელტროუ და ეშლი ჯადი.

ბრალდების ფონზე ჰარვი ვაინშტაინი საკუთარი კომპანიიდან გაათავისუფლეს. გასული წლის თებერვალში ნაფიცი მსაჯულების სასამართლომ პროდიუსერი დამნაშავედ ცნო საექსუალური ხასიათი დანაშაულებრივ ქმედებებში მირიამ ჰეილის მიმართ, რომელიც ვაინშტაინის თანაშემწედ მუშაობდა ერთ ერთ პროექტში, სამ სხვა პუნქტში კი, რომლებიც ბევრად სერიოზული დანაშაულის — გაუპატიურების შემცველი იყო, გაამართლა.

იმავე წლის მარტში 67 წლის ვაინშტაინს 23 წლით თავისუფლების აღკვეთა მიუსაჯეს და ნიუო–იორკის შტატის ციხეში გადაიყვანეს.

 

36
თემები:
საერთაშორისო პანორამა
ფრონტერას ყოფილი თანამშრომლები

მორიგი აქცია „ფრონტერას“ წინააღმდეგ - ყოფილი თანამშრომლები კუთვნილ ხელფასს ითხოვენ

0
(განახლებულია 16:01 26.01.2021)
კომპანიის მხრიდან იყო დაპირება, რომ პროდუქციის რეალიზებიდან შემოსული თანხით ჩვენს სახელფასო დავალიანებას გაისტუმრებდნენ, მაგრამ ისევ მოგვატყუეს, განაცხადეს აქციის მონაწილეებმა

თბილისი, 26 იანვარი - Sputnik. ამერიკული ნავთობ-კომპანია Frontera-ს ყოფილმა თანამშრომლებმა დედოფლისწყაროში მორიგი საპროტესტო აქცია გამართეს, იუწყება ტელეკომპანია „რუსთავი 2“.

აქციის მონაწილეები კომპანიის ოფისთან შეიკრიბნენ, რომელიც დედოფლისწყაროში მდებარეობს და არ ატარებენ ნავთობის გადამზიდ სატვირთო ავტომობილებს, რომელთაც ნავთობბაზის ტერიტორიიდან კომპანიის მიერ მოპოვებული ნავთობის გატანის საშუალებას არ ეძლევათ. მათ ორი ძირითადი მოთხოვნა აქვთ - სახელფასო დავალიანების დაფარვა და კომპანიის მიერ უკანონოდ გათავისუფლებული თანამშრომლების სამსახურში აღდგენა. 

კომპანიის მენეჯერის გიორგი ჯანიაშვილის განმარტებით,  „ფრონტერას“ ხელმძღვანელობა მზად არის, ყოფილ თანამშრომლებს შეხვდეს და არსებული საკითხი მოლაპარაკების მაგიდასთან განიხილოს. თუმცა, აქციის მონაწილეებს ადმინისტრაციის წარმომადგენლის არ სჯერათ.

ყოფილი თანამშრომლების განცხადებით,   „ფრონტერამ“ მათთან შეთანხმება რამდენჯერმე დაარღვია და მიუხედავად პროდუქტის რეალიზებისა, სახელფასო დავალიანება არ აანაზღაურა.

„ფრონტერას“ წინააღმდეგ სახელმწიფომ დავა საერთაშორისო არბიტრაჟში მოიგო. კომპანია „ფრონტერას“ 11-თვიანი დავალიანება 84 თანამშრომლის მიმართ, ჯამში მილიონამდე ლარი აქვს. კუთვნილი დავალიანების ანაზღაურების მოთხოვნით, ყოფილმა თანამშრომლებმა კომპანიის წინააღმდეგ სარჩელით სასამართლოს გასულ წელს მიმართეს, თუმცა საკითხი ამ დრომდე არ განხილულა.

Frontera Resources Corporation – ამერიკული კომპანიაა, რომელიც გაზისა და ნავთობის საბადოების მოძიებითა და მოპოვებითაა დაკავებული. დაარსდა 1996 წელს. კომპანიის სტრატეგიაა პერსპექტივების ძიება ნახშირწყალბადების მოსაპოვებლად აღმოსავლეთ ევროპის ბაზრებზე, რომლებიც შავი ზღვის აუზს განეკუთვნებიან. ამჟამად კომპანია მუშაობს საქართველოსა და მოლდოვაში. 

0