თბილისი, 28 დეკემბერი — Sputnik. კორონავირუსის მუტაცია გაგრძელდება, ჯანდაცვის მსოფლიო ორგანიზაცია დააკვირდება მის ახალ ვარიანტებს, განაცხადა ჯანმოს წარმომადგენელმა მარია ვან კერკჰოვემ.

„კორონავირუსის მუტაციები გაგრძელდება, ეს ბუნებრივი პროცესია. თავად ვირუსზე ეს არსებით გავლენას არ ახდენს, მაგრამ ჩვენ ამ ვარიანტების შესწავლა უნდა განვაგრძოთ“, - განაცხადა მან ბრიფინგზე.

© AP Photo / Russian Defense Ministry Press Service

ეფექტურია ახალი შტამის მიმართაც: კომენტარი კოვიდ-ვაქცინის შემქმნელებისგან

კერკჰოვემ აღნიშნა, რომ ჯანმო  ვირუსის ახალი შტამების დაკვირვებას და მთელი მსოფლიოს მეცნიერებთან თანამშრომლობას განაგრძობს.

თავის მხრივ,  ჯანმოს დირექტორმა ტედროს ადანომ გებრეიესუსმა განაცხადა, რომ მომავალ წელს პლანეტას COVID-19-ის ახალ ვარიანტებთან დაპირისპირება მოუწევს. მან ასევე სახელმწიფოებს მოუწოდა, ახალი შტამების შესახებ მონაცემები ჯანმოს და სხვა ქვეყნებს ოპერატიულად გაუზიარონ.

დეკემბრის შუა რიცხვებში დიდ ბრიტანეთში კორონავირუს SARS-CoV-2-ის ახალი მუტაცია აღმოაჩინეს. ის უფრო სწრაფად ვრცელდება, მეტად გადამდებია, თუმცა მედიკოსებს ჯერჯერობით არ აქვთ ინფორმაცია იმის შესახებ, რომ ის უფრო მეტად საშიშია.

თბილისი, 16 იანვარი - Sputnik. საქართველო კორონავირუსთან ბრძოლაში ეფექტური ღონისძიებების მიხედვით საუკეთესო ქვეყნების ათეულში მოხვდა, ამას აჩვენებს ოქსფორდის უნივერსიტეტის რეიტინგი.

უნივერსიტეტმა შეაფასა 183 ქვეყანა 19 ინდიკატორით - მათ შორისაა მთავრობის მოქმედებები, დახმარება მოსახლეობას და ჯანდაცვის სისტემის მუშაობა.

© AP Photo / Mark Lennihan

როდის დასრულდება კორონავირუსის ეპიდემია – ექსპერტების ახალი პროგნოზები

რეიტინგის მიხედვით, საქართველო იკავებს მე-10 ადგილს და მას საბერძნეთსა და ნიდერლანდებს შორის იყოფს.

რეიტინგის პირველი ხუთეული ასეთია: ზიმბაბვე, ვენესუელა, აზერბაიჯანი, იტალია და ჰონდურასი. ბოლო ადგილზეა მაკაო, ნიკარაგუა, ტანზანია, ტაივანი და ბოლივია.

კორონავირუსის პირველი შემთხვევა საქართველოში 26 თებერვალს დაფიქსირდა. დღეისათვის ინფიცირებულთა საერთო რაოდენობა 245 789-ს შეადგენს, გამოჯანმრთელდა 229 196 ადამიანი, გარდაიცვალა 2 893 პაციენტი.