ტედროს ადანომ გებრეიესუსი

„ეს ბოლო პანდემია არ არის“ ჯანმოს გენდირექტორი ვიდეომიმართვას ავრცელებს

75
(განახლებულია 21:43 28.12.2020)
ჯანმოს დირექტორის თქმით, მანამდე რამდენიმე წლის განმავლობაში შედგენილი ანგარიშები აჩვენებდა, რომ მსოფლიო პანდემიისთვის მზად არ იყო.

თბილისი, 28 დეკემბერი — Sputnik. ისტორია აჩვენებს, რომ კორონავირუსის პანდემია უკანასკნელი არ იქნება, განაცხადა ჯანდაცვის მსოფლიო ორგანიზაციის დირექტორმა ტედროს ადანომ გებრეიესუსმა ვიდეომიმართვაში.

„ისტორია გვაჩვენებს, რომ ეს პანდემია უკანასკნელი არ არის. ეპიდემიები — ეს ცხოვრების ფაქტია. მაგრამ მოსახლეობის ჯანმრთელობაში ჩადებული ინვესტიციებით, რომლებსაც ყველა მთავრობა დაუჭერს მხარს, ჯანმრთელობისადმი ერთიანი მიდგომით, შეგვიძლია დარწმუნებული ვიყოთ, რომ ჩვენი შვილები და მათი შვილები უფრო უსაფრთხო, მეტად მდგრად და სტაბილურ მსოფლიოს მიიღებენ მემკვიდრეობით“, — განაცხადა გებრეიესუსმა.

მისი თქმით, ერთი წლის წინ COVID-19 კაცობრიობისთვის აბსოლუტურად უცნობი დაავადება იყო, თუმცა 12 თვეში მან თავდაყირა დააყენა მსოფლიო. თუმცა, როგორც ჯანმოს დირექტორი ამბობს, ეს მოულოდნელობა არ ყოფილა, ვინაიდან რამდენიმე წლის განმავლობაში გაკეთებული ანგარიშებიდან ცხადი ხდებოდა, რომ მსოფლიო პანდემიისთვის მზად არ იყო.

არსებობს 1,8 მლრდ ადამიანის ინფიცირების რისკი: ჯანმო განცხადებას ავრცელებს>>

ჯანმოს დირექტორს მიაჩნია, რომ მთავრობებმა მომხდარიდან დასკვნები უნდა გამოიტანონ და მეტი სახსრები მიმართონ ჯანდაცვის სექტორისკენ.

 

75
თემები:
მსოფლიო დღეს (2471)

შავ ზღვაში რუსული სატვირთო გემი ჩაიძირა - ვიდეო

10
(განახლებულია 14:30 18.01.2021)
შავ ზღვაში, თურქეთის სანაპიროსთან ახლოს რუსული სატვირთო გემი ჩაიძირა. ამის შესახებ ინფორმაციას თურქული და რუსული მედია ავრცელებს

მათივე ცნობით, ეკიპაჟის 5 წევრი გადარჩენილია, ორი კი, დაღუპული იპოვეს. ეკიპაჟის 15-კაციანი შემადგენლობის სამძებრო-სამაშველო ოპერაცია ახლაც მიმდინარეობს. სავარაუდოდ, ეკიპაჟის წევრები სამ სამაშველო ნავზე იმყოფებიან.

სამაშველო ნავების ჩაძირვის ან დაღუპულების შესახებ ცნობები არ ვრცელდება. მაშველების მუშაობას კი უამინდობა უშლის ხელს.

10
რუსული ვაქცინა Sputnik V

„დასავლეთის უმეცრება“: ევროპაში რუსული ვაქცინა „სპუტნიკ V“ დაიცვეს

17
(განახლებულია 15:32 18.01.2021)
ჟურნალისტის აზრით, დასავლეთი წლების განმავლოაბში უარყოფდა რუსულ სამეცნიერო მიღწევებს, რაც არის კიდეც მიზეზი რუსული ვაქცინის მიმართ ეჭვებისა

თბილისი, 18 იანვარი — Sputnik. რუსეთმა შექმნა პრეპარატი, რომელსაც კორონავირუსის პანდემიის დათრგუნვა შეუძლია, ნათქვამია  ფრანგული „ლე მონდეს“ ესპანურენოვან გამოცემა Monde diplomatique–ს სტატიაში.

სტატიის ავტორის, ფედერიკო კუსკოს აზრით, დასავლეთი სკეპტიკური რეაქცია ვაქცინა Sputnik V–ს შექმნაზე იმითაა გამოწვეული, რომ დასავლეთში რუსული მეცნიერების მიმართ ერთგვარი უმეცრება არსებობს.

„ენობრივი, კულტურული და პოლიტიკური განხვავებებით აღძრული ეს უმეცრება ეჭვით ხვდება რუსეთის ინიციატივებს“, — აღნიშნავს ჟურნალისტი.

კუსკო ხაზს უსვამს, რომ პრეპარატის შექმნა რუსეთის სამეცნიერო აღმოჩენების მთელი ისტორიული ჯაჭვის შედეგია. მაგრამ, მისი აზრით, დასავლელი „მთხრობელები“ წლების განმავლობაში უარყოფდნენ რუსეთის მეცნიერულ მიღწევებს და ახლა გაკვირვებულები არიან ვაქცინის შექმნით.

  • „ისეთი ქვეყნებისგან განსხვავებით, როგორბიც არიან აშშ და ევროკავშირის სახელმწიფოები, სადაც ფარმაცევტული ლაბორატორიები თავიანთ წამლებს ასტრონომიულ ფასად ახვევენ თავს საზოგადოებას, რუსეთი ფულისთვის არ იღწვის“, — მიაჩნია კუსკოს.

ჟურნალისტის აზრით, 50 წლის შემდეგ „სპუტნიკ V–სთან“ დაკავშირებული ეჭვები, რომლებიც ახლა აქტიურად ვრცელდება მსოფლიოს სხვადასხვა ქვეყანაში, აღარავის გაახსენდება. 

 

17
თემები:
რუსეთი დღეს
რეტრო კინოკამერა

40 წლის შემდეგ - ტელემაყურებლები სოსო ჩხაიძის ფილმ „შვიდკაცას“ ნახავენ

0
საქართველოს კინემატოგრაფიის ეროვნული ცენტრი ცნობილი ქართველი რეჟისორის, სოსო ჩხაიძის კინოფილმს აღადგენს

თბილისი, 18 იანვარი - Sputnik. 40 წლის შემდეგ მაყურებლები ნახავენ სოსო ჩხაიძის მრავალსერიან მხატვრულ ფილმ „შვიდკაცას“, რომლის დასრულებაც კინორეჟისორს სიცოცხლეში არ დასცალდა, ნათქვამია საქართველოს კინემატოგრაფიის ეროვნული ცენტრის ვებგვერდზე.

ფილმზე რეჟისორი სოსო ჩხაიძე 1979 – 1987 წლებში მუშაობდა, მაგრამ შემდეგ ეს პროექტი მიივიწყა. ფილმის მთავარი გმირი, ახალგაზრდა კინორეჟისორი აგროვებს მასალებს სადიპლომო ფილმის გადასაღებად გურულ პოლიფონიურ სიმღერაზე. მაყურებელი თითქოს მასთან ერთად მოგზაურობს და ეცნობა გურული ხალხური სიმღერის დიდოსტატებს. ფილმში ასახულია 80-იანი წლების თბილისიც რეალური პერსონაჟებით.

„სამწუხაროდ, სოსო ჩხაიძეს არ დასცალდა ფილმის დასრულება, მაგრამ მან მოასწრო გადაღება, დამონტაჟება და გურიის ეპიზოდების ნაწილობრივი გახმოვანება. ეროვნული კინოცენტრის ფინანსური მხარდაჭერით ფილმზე მუშაობა წელს საბოლოოდ დასრულდება და მაყურებელი იხილავს შვიდსერიან სატელევიზო მხატვრულ ფილმს“, - აღნიშნულია კინოცენტრის განცხადებაში.

ფილმის დასრულებისთვის დაგეგმილია შემდეგი სამუშაოების ჩატარება: არსებული მასალის აღდგენა, ხმის გაწმენდა, ფერთა კორექცია, დიალოგების ნაწილის ჩაწერა, მონტაჟის დასრულება, მიქსინგი, ტიტრებისა და სუბტიტრების დამზადება.

ქართველი სცენარისტი და რეჟისორი იოსებ ჩხაიძე 1937 წლის 18 მარტს დაიბადა თბილისში. 1960 წელს დაამთავრა თბილისის პოლიტექნიკური ინსტიტუტი. 1964-1969 წლებში სწავლობდა „ვგიკში“ გრიგორი ჩუხრაის სარეჟისორო სახელოსნოში. იგი არის შოთა რუსთაველის პრემიის ლაურეატი, ალბერტ შვეიცერის მედლის მფლობელი. სოსო ჩხაიძე 1992 წლის 3 აგვისტოს გარდაიცვალა.

0