ანგელა მერკელი

ქვეყნის ლიდერის რეიტინგმა დაიწია: გერმანიას ახალი ფავორიტი ჰყავს

62
(განახლებულია 17:34 28.12.2020)
გამოკითხვით გაირკვა, რომ წლის გამარჯვებული განსაკუთრებით პოპულარულია ქალთა შორის – მას ქალების 66% უჭერს მხარს.

თბილისი, 28 დეკემბერი — Sputnik. ქვეყნის მოსახლეობაში პოპულარობის მხრივ გერმანიის ჯანდაცვის მინისტრმა იენს შპანმა კანცლერ ანგელა მერკელს გადაუსწრო, იუწყება გამოცემა Bloomberg საზოგადოებივი აზრის კვლევის ინსტიტუტ Kantar-ის გამოკითხვის შედეგებზე დაყრდნობით.

გამოცემის ინფორმაციით, გამოკითხვის შედეგებმა ხაზი გაუსვა შპანის პოტენციალს, გახდეს ევროპის უმსხვილესი ეკონომიკის მქონე ქვეყნის მომავალი ლიდერი. 

კვლევის მონაცემებით, რესპონდენტთა 52% თანახმაა, რომ შპანს 2021 წელს გერმანიის „პოლიტიკაში მაქსიმალური გავლენა“ ჰქონდეს. აღსანიშნავია, რომ 2019 წლის ბოლოსთვის ამ მოსაზრებას მოსახლეობის მხოლოდ 28% უჭერდა მხარს.

ამასთან აღინიშნება, რომ იენს შპანი განსაკუთრებით პოპულარულია ქალებში (66%).

„დანამდვილებით შეიძლება ითქვას, რომ შპანი წლის გამარჯვებულია. მოქალაქეთა აზრით, ის კარგ პოლიტიკას ატარებს კორონავირუსის პირობებში“, — აცხადებს Kantar-ის ექსპერტი ტორსტენ შნაიდერ–ჰააზე.

რაც შეეხება ანგელა მერკელს, რომელიც გასულ წელს პირველ ადგილს იკავებდა გამოკითხვის თანახმად, წელს მეორე პოზიციაზე გადავიდა 51%-ით.

ლიდერთა ხუთეულში ასევე შევიდნენ: ბავარიის პრემიერ-მინისტრი მარკუს ზიოდერი (50%), ვიცე-კანცლერი და ფინანსთა მინისტრი ოლაფ შოლცი (47%) და შინაგან საქმეთა მინისტრი ჰაიკო მაასი (40%).

აღსანიშნავია, რომ მანამდე ავტორიტეტულმა ამერიკულმა გამოცემა Finencial Times-მა 2020 წლის ყველაზე გავლენიანი 12 ქალის სია გამოაქვეყნა, რომელთა შორის ანგელა მერკელმა მერვე ადგილი დაიკავა. 

 

62
თემები:
მსოფლიო დღეს (2471)
Telegram

Sputnik-ის ინგლისურენოვანი არხი Telegram-ზე ამუშავდა

6
(განახლებულია 16:42 25.01.2021)
არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი

თბილისი, 25 იანვარი — Sputnik. საინფორმაციო სააგენტო Sputnik–ი ახალ ინგლისურენოვან არხს ხსნის Telegram–ზე, რათა განავითაროს საინფორმაციო სერვისები Telegram–ის მულტიმედიური შესაძლებლობებით და გააშუქოს პოლიტიკური და ბიზნეს საკითხები, მსოფლიო ეკონომიკური ტენდენციები, უსაფრთხოებისა და თავდაცვის, კოსმოსის, ასევე ჯანდაცვისა და სხვა სფეროების სიახლეები და მიაწოდოს ის ფართო აუდიტორიას.

არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი — იქნება ეს დღის მთავარი თემები, კურიოზული შემთხვევები თუ კულისებს მიღმა მოვლენები.

Sputnik–ი საზოგადოებას შესთავაზებს ამონარიდებს მსოფლიოს სხვადასხვა ქვეყნის უმაღლეს თანამდებობის პირებთან, ბიზნესმენებთან, პოლიტიკოსებთან,  ანალიტიკოსებსა და წქსპერტებთან საინტერესო ექსკლუზიური ინტერვიუებიდან.

Sputnik–ის კორესპონდენტები 24/7–ზე იმუშავებენ პირდაპირ ეთერში და გააშუქებენ ყველა მნიშვნელოვან მსოფლიო მოვლენას: დაწყებული სახელმწიფო ვიზიტებით, დამთარებული საპროტესტო აქციებით, ტერორისტული შეტევებითა თუ ინფექციების აფეთქებებით.

Telegram–ში Sputnik–ის მოძებნა და გამოწერა შეგიძლიათ მისამართზე @sputniknewsint.

Sputnik-ი არის ერთ-ერთი ყველაზე დიდი საერთაშორისო მედიასაშუალება, რომელიც აერთიანებს 33 ენაზე მაუწყებელ მულტიმედიურ ინტერნეტ-საიტებს, ანალოგურ და ციფრულ რადიომაუწყებლობას მსოფლიოს 34 ქვეყნის 130-ზე მეტ ქალაქში. Sputnik-ი 24 საათის განმავლობაში აწვდის ინფორმაციას მსოფლიოს წამყვან გამოცემებს ინგლისურ, არაბულ, ესპანურ, ჩინურ ენებსა და ასევე ფარსიზე. Sputnik-ის საინფორმაციო რესურსების აუდიტორია 80 მლნ ვიზიტორს შეადგენს ერთ თვეში, ხოლო სოციალურ ქსელებში ხელმომწერთა საერთო რაოდენობა 20 მილიონს აღემატება.

 

6
ვაქცინაციის ცენტრი თელ-ავივში

COVID-19 მსოფლიოში: ისრაელი „ჰერმეტულად“ დაიხურა, შვედეთმა საზღვრები ჩაკეტა...

39
(განახლებულია 16:10 25.01.2021)
კორონავისრუსთან ბრძოლის ფარგლებში მსოფლიოს ქვეყნებს ისეთი მკაცრი ზომების გატარება უწევთ, რომლებისთვისაც მანამდე არასდროს მიუმართავთ

თბილისი, 25 იანვარი — Sputnik. მსოფლიოს ქვეყნების ხელისუფლებები კვალავც ებრძვიან კორონავირუსის გავრცელებას და სხვადასხვა ღონისძიებებს მიმართავენ ინფექციის შესაჩერებლად.

მაგალითად, ნიდერლანდების ხელისუფლებამ ქვეყანაში კომენდანტის საათის შემოღების გადაწყვეტილება მიიღო. მოქალაქეებს ეკრძალებათ საღამოს ცხრა საათიდან დილის ხუთის ნახევრამდე სახლიდან გასვლა. ასეთი შეზღუდვები მეორე მსოფლიო ომის შემდეგ პირველად მოქმედებს. დამრღვევებს ჯარიმის გადახდა მოუწევთ 95 ევროს ოდენობით. გამონაკლისს მხოლოდ ძაღლების მფლობელები წარმოადგენენ.

მკაცრი ზომების საპასუხოდ, ნიდერლანდების მოქალაქეები ქუჩებში გამოვიდნენ. პოლიციამ ქვეყნის მასშტაბით ორ ათეულზე მეტი აქტივისტი დააკავა, ხოლო  გამოწერილი ჯარიმების რაოდენობამ 3.5 ათასს გადააჭარბა.

ისრაელის მთავრობამ პრაქტიკულად „ჰერმეტულად“ დახურა ქვეყანა. გარდა იმისა, რომ შეჩერებულია საერთაშორისო ფრენები უცხოეთის მოქალაქეებისთვის, ხელისუფლებამ განაცხადა, რომ თელ-ავივის ბენ გურიონის სახელობის აეროპორტი მინიმუმ ერთი კვირით ჩაიკეტება და ისრაელი, პირველად ისტორიაში, შეწყვეტს არა მარტო ემიგრანტების, არამედ იმ თანამემამულეების მიღებასაც, რომლებიც ახლა საზღვარგარეთ იმყოფებიან.

შვედეთმა, რომელმაც მანამდე აღიარა, რომ კორონავირუსის გავრცელების წინააღმდეგ ბრძოლის რბილი ზომები არაეფექტური იყო, დახურა საზღვარი ნორვეგიასთან, სადაც COVID-19-ის „ბრიტანული“ შტამი გამოვლინდა.

ამ გზით ქვეყნის ხელისუფლება ცდილობს, შეზღუდოს სავაჭრო ტურიზმი ორი ქვეყნის საზღვარზე და დაიცვას საკუთარი მოქალაქეები ვირუსის ახალი მუტაციისგან.

საფრანგეთის ხელისუფლების მოთხოვნით, ყველა პირმა, რომლებიც ქვეყანაში საზღვაო ან საჰაერო გზით შევლენ, უნდა წარადგინოს კორონავირუსზე უარყოფითი ტესტი საზღვრის გადაკვეთამდე არა უგვიანეს 72 საათისა.

„ვაქცინა გეებად გაქცევთ - არ აიცრათ“ - რაბინი ისრაელის მოსახლეობას მოუწოდებს>>

ჯონს ჰოპკინსის უნივერსიტეტის ბოლო მონაცემებით, მსოფლიოში კორონავირუსით ინფიცირებულთა რაოდენობამ 99 მილიონს გადააჭარბა. აქედან დაავადებამ  2.1 მილიონზე მეტი ადამიანი იმსხვერპლა.

საშიში ინფექციის გავრცელების მხრივ პირველ ადგილზეა შეერთებული შტატები — 25 მილიონზე მეტი დაავადებულითა და 419 ათასზე მეტი გარდაცვლილით; მეორე ადგილზეა ინდოეთი — 10,6 მილიონზე მეტი ინფიცირებულითა და 153 ათასზე მეტი გარდაცვლილით, მესამე ადგილზეა ბრაზილია — ინფიცირების 8,8 მილიონი დადასტურებული შემთხვევითა და 217 ათასი გარდაცვლილით.

39
თემები:
საერთაშორისო პანორამა
ლომონოსოვის სახელობის სახელმწიფო უნივერსიტეტი

ქართველ ახალგაზრდებს რუსეთში განათლების უფასოდ მიღების შესაძლებლობა ეძლევა

0
(განახლებულია 17:48 25.01.2021)
კონკურენცია მაღალია – ადგილებისთვის 700–ზე მეტი აბიტურიენტი იბრძვის, თუმცა, შანსის გამოყენება საჭიროა, აღნიშნავენ თბილისში.

 

თბილისი, 25 იანვარი – Sputnik. რუსეთის უმაღლეს სასწავლებლებში  სწავლის მსურველი ქართველი სტუდენტებისთვის განცხადებების მიღება დაიწყო, განაცხადა  საქართველოს რუს თანამემამულეთა ორგანიზაციის საკოორდინაციო საბჭოს თავმჯდომარე ნიკოლაი სვენტიცკიმ. 

Николай Свентицкий
© Sputnik / Alex Shlamov
ნიკოლაი სვენტიცკი

 როგორც „Sputnik საქართველოს“ მულტიმედიურ პრეს–ცენტრში გამართულ ბრიფინგზე სვენტიცკიმ აღნიშნა,  2021–2022 სასწავლო წლისთვის რუსეთის ფედერაციის უმაღლესი სასწავლებლებში მიზნობრივ ადგილებზე აბიტურიენტებისა და სტუდენტების შერჩევის კამპანია 20 იანვრიდან დაიწყო.

მისი თქმით, ქართველი სტუდენტებისთის რუსულ განათლებას მრავალი უპირატესობა და პლუსები გააჩნია. 

Николай Свентицкий
© Sputnik / Alex Shlamov
ნიკოლაი სვენტიცკი

 „ვფიქრობ, რომ რუსული განათლება, პირველ რიგში, ძალიან კარგი, ძლიერი და კლასიკურია. რუსეთი ჩვენი მეზობელია და აქ ბევრი პრობლემა იხსნება, რუსეთში ცხოვრება, მაგალითად, საფრანგეთთან შედარებით ხომ გაცილებით იაფია. ამ პროგრამაში მონაწილეობას მსოფლიოს თითქმის ყველა ქვეყანა ღებულობს – რუსეთში სასწავლებლად ამერიკელები და ინგლისელები ჩამოდიან. ინგლისში შესანიშნავი სკოლები და უმაღლესი სასწავლებლებია, მაგრამ ზოგიერთი რუსეთში მიდის სასწავლად“, – აღნიშნა სვენტიცკიმ.

როგორც მან განმარტა, წელსსაც, ტრადიციულად, ქართველი სტუდენტებისთვის დაახლოებით 120 მიზნობრივი ადგილი გამოიყოფა. კონკურენცია ყოველთვის დიდია – ადგილის მოსაპოვებლად 700–ზე მეტი აბიტურიენტი იბრძვის, თუმცა, „ამ შანსის ხელიდან გაშვება არ ღირს“, დასძინა სვენტიცკიმ. 

 „უნდა ისარგებლოთ ამ შანსით, რადგანაც კარგი განათლების მიღება საკმაოდ ძვირია, თქვენ კი მისი მიღება უფასოდ შეგიძლიათ. ჩვენ ძალზე ბევრი წარმატება გვაქვს, ძალიან ხშირად უმაღლეს შეფასებებს სწორედ ქართველი ახალგაზრდობა იღებს. ისინი, როგორც წესი, საკუთარ თავს კარგად წარმოაჩენენ და ეს აბსოლუტურ პატივისცემას იმსახურებს“, – განაცხადა ნიკოლაი სვენტიცკიმ.

შესარჩევ ღონისძიებებში მონაწილეობის მისაღებად დაინტერესებულმა პირებმა უნდა გაიარონ რეგისტრაცია და შეავსონ ანკეტა ვებგვერდზე www.education-in-russia.com. 

Николай Свентицкий
© Sputnik / Alex Shlamov
ნიკოლაი სვენტიცკი

მნიშვნელოვანია, რომ მთელი დოკუმენტაცია რუსულ ენაზე ნათარგმნი და ნოტარიულად დამოწმებული იყოს, შემდეგ კი ვებგვერდზე არსებულ ანკეტას თან დაერთოს.
წელს განცხადებების მიღების ვადები მკაცრად შეზღუდულია – პროცესი 20 იანვარს დაიწყო და 20 თებერვალს დასრულდება.

0
თემები:
საქართველო - ევროკავშირის ურთიერთობები