ბერლინი - სროლის ადგილი

სროლა ბერლინში: გენპროკურატურაში დეტალები განმარტეს

79
აღნიშნულ საქმეზე ოფიციალურად არავინაა დაკავებული - პოლიცია ადგენს, მსროლელი ერთი იყო თუ რამდენიმე პირი ისროდა

თბილისი, 26 დეკემბერი - Sputnik. ბერლინის გენპროკურატურაში განაცხადეს, რომ ქალაქში დილით მომხდარი სროლა ორგანიზებულ დანაშაულს უკავშირდება.

„ორგანიზებული დანაშაულის გარემოში სროლის გამო ჩვენ ბერლინის პოლიციის მკვლელობების განყოფილებასთან ერთად რამდენიმე ეჭვმიტანილის მიმართ მკვლელობის მცდელობის საქმეს ვიძიებთ“, - ნათქვამია უწყების განცხადებაში Twitter-ში.

ადრე პოლიციაში განაცხადეს, რომ კროიცბერგის რაიონში რამდენიმე პირს შორის ჩხუბი სროლაში გადაიზარდა, ადგილობრივებმა კი პოლიცია გამოძიძახეს.

მედია იუწყებოდა, რომ სროლა მოხდა შტრეზემანშტრასეზე, გერმანიის სოციალ-დემოკრატიული პარტიის შტაბ-ბინასთან ახლოს. ადგილზე ნახეს ოთხი დაჭრილი პირი ცეცხლსასროლი იარაღით მიყენებული ჭრილობებით, ერთ-ერთი დაშავებული შეეცადა მიმალვას და არხში ჩახტა, თუმცა მაშველებმა ის ამოიყვანეს.

ყველა დაჭრილი ჰოსპიტალიზებულია, მიმდინარეობს გამოძიება. აღნიშნულ საქმეზე ჯერჯერობით არავინ არ დაუკავებიათ. პოლიცია ადგენს, მსროლელი ერთი იყო თუ რამდენიმე პირი ისროდა.

79
არჩილ თალაკვაძე

თალაკვაძე: პატივს მივაგებთ ჰოლოკოსტის მსხვერპლს

15
(განახლებულია 17:21 27.01.2021)
მსოფლიოში 27 იანვარს ჰოლოკოსტის მსხვერპლთა ხსოვნის საერთაშორისო დღე აღინიშნება – ფაშისტურ ბანაკებში 6 მილიონი ებრაელი და მილიონობით სხვა ეროვნების ადამიანი გაანადგურეს

თბილისი, 27 იანვარი – Sputnik. საქართველო პატივს მიაგებს ჰოლოკოსტის მსხვერპლს. ამის შესახებ Twitter–ში ქვეყნის პარლამენტის თავმჯდომარე არჩილ თალაკვაძემ დაწერა.

​„დღეს პატივს მივაგებთ იმ ადამიანთა ხსოვნას, რომლებიც ჰოლოკოსტს ემსხვერპლნენ. ჰოლოკოსტი სიტყვებით დაიწყო და გაგრძელდა მილიონობით უდანაშაულო ადამიანის შემზარავი მკვლელობით. დღეს ჩვენ მტკიცედ ვამბობთ, რომ ეს აღარასდროს განმეორდება!“ – დაწერა თალაკვაძემ.

საქართველოში „ქართველი შინდლერის“ და ჰოლოკოსტის მსხვერპლთა ხსოვნის მონუმენტი გახსნეს>>

ჰოლოკოსტის მსხვერპლის ხსოვნის საერთაშორისო დღე 27 იანვარს აღინიშნება. ამ დღეს, 1945 წელს საბჭოთა ჯარმა ოსვენციმის საკონცენტრაციო ბანაკი გაათავისუფლა. ყოველ წელს, 27 იანვარს ბუნდესტაგში ჰოლოკოსტის მსხვერპლთა ხსოვნის ცერემონია ტარდება.

15
ადამიანი დანით ხელში

ლაიქების დასაგროვებლად: სამმა მოზარდმა გოგომ თანატოლი პირდაპირ ეთერში მოკლა

190
(განახლებულია 17:06 27.01.2021)
მკვლელობის სცენა პირდაპირი ეთერით გადაიცემოდა „ფეისბუქსა“ და „ინსტაგრამზე“, ხოლო ერთ-ერთი გოგონა ტრაბახობდა კიდეც, რომ დანა შიგ გულში ჩაარტყა მსხვერპლს

თბილისი, 27 იანვარი — Sputnik. ოთხმა არასრულწლოვანმა გოგონამ, ლუიზიანის სავაჭრო ცენტრ Walmart –ში, თანატოლი მოკლა სოციალური ქსელებით ლაიქების მისაღებად, იუწყება The Daily Dot–ი.

გავრცელებული ინფორმაციით, პოლიციამ უკვე დააკავა 12, 13 და 14 წლის სამი გოგონა.

გამოძიების ვერსიით, ერთ–ერთმა მათგანმა დანა ჩაარტყა 15 წლის გოგონას, რასაც ინციდენტის მონაწილეები Facebook–ისა და Instagram–ის პირდაპირი ეთერით გადასცემდნენ.

ერთ–ერთ ვიდეოზე ისმოდა კიდეც, როგორ ტრაბახობდა ერთ გოგონა, რომ მოზარდ დანა შიგ გულში ჩაარტყა.

დაჭრილი ბავშვი საავადმყოფოში გადაიყვანეს, მაგრამ ექიმებმა მისი გადარჩენა ვერ შეძლეს.

ამ დროისათვის სამივე ბრალდებული არასრულწლოვანთათვის განკუთვნილ დროებითი მოთავსების იზოლატორში არიან გადაყვანილი.

 

190
თემები:
საერთაშორისო პანორამა
მეათე მოწვევის პარლამენტი

ქართველ ოპოზიციონერ დეპუტატებს უფლებამოსილებას გაუზრდიან

0
საქართველოში შექმნილი პოლიტიკური კრიზისის ფონზე დამოუკიდებელი დეპუტატები მეტ უფლებამოსილებას მიიღებენ

თბილისი, 27 იანვარი - Sputnik. საქართველოს პარლამენტმა პირველი მოსმენით დაამტკიცა შესწორებები პარლამენტის რეგლამენტში, რომლებიც საკანონმდებლო ორგანოში ოპოზიციონერთა მცირე ჯგუფის უფლებებს აფართოებს.

პოლიტიკური კრიზისის ფონზე პარლამენტში ოპოზიცია წარმოდგენილი იქნება ცხრა დამოუკიდებელი დეპუტატით, თავად საკანონმდებლო ორგანოს კი შეზღუდული უფლებამოსილებები ექნება.

შესწორებების თანახმად, დამოუკიდებელ დეპუტატებს ვიცესპიკერის, ასევე, კომიტეტების თავმჯდომარეების მოადგილეების წარდგენის უფლება ექნებათ.

გარდა ამისა, დებატების დროს ან კანონპროექტის განხილვისას მათ ფრაქციისთვის ანალოგიურ დროს გამოუყოფენ.

შესწორებების მიზეზი გახდა დამოუკიდებელი დეპუტატების შეზღუდული უფლებამოსილებები, რომელთაც დღემდე არა აქვთ შესაძლებლობა, სრულფასოვნად მიიღონ მონაწილეობა პარლამენტის მუშაობაში და დაიკავონ ხელმძღვანელი თანამდებობები.

ვინაიდან მმართველი პარტია „ქართული ოცნება“ 2 თებერვალს დააკმაყოფილებს ოპოზიციის წარმომადგენელთა დიდი ნაწილის უარს მანდატებზე, ოპოზიციური ფრთა პარლამენტში წარმოდგენილი იქნება „ევროპელი სოციალისტების“ ოთხი, პარტია „მოქალაქეების“ ორი და პარტია „ახალი პოლიტიკური ცენტრი - გირჩის“ სამი დეპუტატით. ამასთან, პარტია „გირჩი“ არ აპირებს სხდომებში მონაწილეობას და აგრძელებს ბოიკოტს.

უფრო მეტი უფლებამოსილება?

შესწორებების განხილვისას მმართველი პარტიის წარმომადგენელმა ბეჟან კახაძემ კოლეგებს შესთავაზა, დამოუკიდებელ დეპუტატებს სამწევრიანი ფრაქციის შექმნისა და ბიუროს სხდომაზე დასწრების შესაძლებლობა მიეცათ.

ამასთან დაკავშირებით პარლამენტის თავმჯდომარე არჩილ თალაკვაძემ განმარტა, რომ არსებობს კონსტიტუციის ჩარჩოები, რომლებიც მკაცრად განსაზღვრავს პარლამენტის ბიუროს შემადგენლობას, ასევე ფრაქციების შესაძლებლობებსა და შემადგენლობას.

პროექტის ავტორმა ლევან მგალობლიშვილმა კი აღნიშნა, რომ დამოუკიდებელი დეპუტატების უფლებამოსილება შესაძლოა გაფართოვდეს რეგლამენტის შესაძლებლობების გათვალისწინებით, ისე რომ არ დაზარალდეს კონსტიტუცია.

„ჩვენ არ წავალთ კონსტიტუციის წინააღმდეგ, რომელიც პარლამენტის ფრაქციების შესაძლებლობებს განსაზღვრავს, მათ შორის, სახელმწიფო თანამდებობებზე გარკვეულ პირთა დანიშვნისას, მაგრამ ჩვენ შეგვიძლია რეგლამენტის ფარგლებში ოპოზიციონერებს მეტი შესაძლებლობა მივცეთ“, - განაცხადა მგალობლიშვილმა.

მისი თქმით, კანონპროექტი მეორე მოსმენისთვის დამუშავდება და განსახილველად იქნება წარდგენილი.

რატომ „გაღარიბდა“ პარლამენტი

საქართველოს პარლამენტში არჩევნების შედეგად 60 ოპოზიციონერი და 90 მმართველი პარტიის დეპუტატი მოხვდა. თუმცა ოპოზიციონერების უმრავლესობა დღემდე უარს აცხადებს არჩევნების შედეგების აღიარებაზე და ამბობს, რომ ისინი „ქართული ოცნების“ სასარგებლოდ გაყალბდა.

პარლამენტში მოხვედრილმა დეპუტატებმა პარტიებიდან - „ერთიანი ნაციონალური მოძრაობა“, „ევროპული საქართველო“, „ლელო“, „სტრატეგია აღმაშენებელი“, „საქართველოს პატრიოტთა ალიანსი“ და „გირჩი - მეტი თავისუფლება“ - პროტესტის ნიშნად პარლამენტის დატოვება გადაწყვიტეს.

ექვსიდან ხუთმა სუბიექტმა გააუქმა პარტიული სიები, რათა თავიანთი პარტიებიდან უფრო ლოიალური წარმომადგენლებით მათი ჩანაცვლების შესაძლებლობა მოესპო.

ერთადერთი, ვინც ეს არ გააკეთა, პარტია „პატრიოტთა ალიანსია“, რის წყალობითაც პარლამენტში მისი ოთხი ყოფილი წარმომადგენელი მოხვდა. მათ „პატრიოტების“ ადგილები დაიკავეს და შექმნეს საკუთარი პარტია „ევროპელი სოციალისტები“.

პარლამენტის შემცირებული შემადგენლობა საქართველოს პარლამენტს კონსტიტუციის შეცვლის, კონსტიტუციური კანონების მიღებისა და მიწის შესახებ კანონის შეცვლის შესაძლებლობას უკარგავს.

0