თბილისი, 25 დეკემბერი - Sputnik. კორონავირუსის ახალი შტამი ევროპის რვა ქვეყანაშია გამოვლენილი, განაცხადა ჯანმრთელობის მსოფლიო ორგანიზაციის ევროპის რეგიონული ბიუროს ხელმძღვანელმა ჰანს კლუგემ.

ვირუსის ახალი სახეობის აღმოჩენის შესახებ 14 დეკემბერს დიდი ბრიტანეთის ჯანდაცვის მინისტრმა მეტ ჰენკოკმა განაცხადა. ბრიტანეთის ახალი რესპირატორული ვირუსული საფრთხეების საკონსულტაციო საბჭომ დაადასტურა, რომ კორონავირუსის ახალგამოვლენილი შტამი სწრაფად ვრცელდება და მოსახლეობის მხრიდან კიდევ უფრო მეტ სიფრთხილეს მოითხოვს. 

​

 „ევროპის რეგიონში რვა ქვეყანამ გამოავლინა COVID-19-ის ახალი სახეობა VOC-202012/01. სასიცოცხლოდ მნიშვნელოვანია არსებული დამცავი ზომების გაძლიერება“, - დაწერა კლუგემ თავის Twitter-ის გვერდზე. 

photo: Government of Georgia / FB

პაატა იმნაძე: მოსახლეობას კორონავირუსის ახალი შტამის არ უნდა ეშინოდეს

როგორც მან აღნიშნა, აუცილებელია დისტანციის დაცვა, ნიღბების ტარება, ე.წ. „მხარდაჭერის ბუშტებში“ დარჩენა, რომლებიც შეზღუდვების დროს ადამიანების ურთიერთობას უწყობს ხელს და სოციალური იზოლაციის თავიდან აცილების შესაძლებლობას იძლევა.

კლუგემ დასძინა, რომ ახალი შტამი, დანარჩენებისგან განსხვავებით, როგორც ჩანს, ვრცელდება უფრო ახალგაზრდა ასაკობრივ ჯგუფებში. მისი განმარტებით, აუცილებელია სიფრთხილის გამოჩენა, ვიდრე COVID-ის ახალი სახეობის შესწავლა გრძელდება.

გარდა ევროპის ქვეყნებისა, „ბრიტანული“ შტამი გამოავლინეს იაპონიაში, ლიბანსა და სხვა სახელმწიფოებში.

მიუხედავად იმისა, რომ ვირუსის ახალი სახეობა, წინასწარი შეფასებით, 70%-ით უფრო სწრაფად ვრცელდება, ჯერ არაფერი მიუთითებს იმაზე, რომ ის უფრო სახიფათოა სიკვდილიანობისა და ჰოსპიტალიზაციის თვალსაზრისით.

ახალი შტამის გამო ზოგიერთმა ქვეყანამ ბრიტანეთთან ავიამიმოსვლა შეაჩერა.

თბილისი, 18 იანვარი — Sputnik. ალჟირის ხელისუფლება იანვარში ანტიკოვიდური რუსული ვაქცინა „სპუტნიკ V–ს“ დაახლოებით 500 ათას დოზას ელოდება, იუწყება РИА Новости ქვეყანაში კორონავირუსის ზედამხედველობის კომიტეტის წარმომადგენელ ჯამალ ფურარზე დაყრდნობით.

„მოსახლეობის ვაქცინაციას ვაქცინის პირველი პარტიის მიღებისთანავე დავიწყებთ“, — განუცხადა ფურარმა ალჟირულ რადიოსადგურ Chaine 2–ს.

ჩინოვნიკის თქმით, ამ დროისათვის ქვეყანაში დაახლოებით რვა ათასი სავაქცინაციო პუნქტია მომზადებული, თუმცა მათი რაოდენობა შეიძლება კიდევ გაიზარდოს.

© photo : РФПИ и Центр имени Гамалеи

ბრაზილიაში რუსული ვაქცინის სასწრაფო გამოყენების ნებართვას ითხოვენ

ფურარი ხაზს უსვამს, რომ ალჟირის მიერ შერჩეული პრეპარატები „უსაფრთხოა და ეფექტური“.  მისი თქმით, ქვეყნის ხელისუფლება მოსახლეობის 60–70%-ის აცრას გეგმავს, რათა კოლექტიური იმუნიტეტის ჩამოყალიბებას მიაღწიოს, და იქვე განმარტა, რომ ბავშვები არ აიცრებიან.

გარდა რუსეთისა, ჩინოვნიკის თქმით, ალჟირის ხელისუფლება მოლაპარაკებებს აწარმოებს ვაქცინის ჩინელ მწარმოებლებთანაც.

ალჟირი 2020 წლის 10 დეკემბერს პირველი აფრიკული ქვეყანა გახდა, სადაც ანტიკორონავირუსული ვაქცინა „სპუტნიკ V“ დარეგისტრირდა. ქვეყნის ჯანდაცვის სამინისტროს მონაცემებით, COVID-19–ით დაავადებულთა საერთო რაოდენობა 103 ათას კაცს აჭარბებს, საიდანაც 70 ათასი განიკურნა, ხოლო 2836 გარდაიცვალა.