ბოგდან ცირდია

როგორ მუშაობს სოროსის ფონდი მოლდოვაში? დეპუტატის გამოძიება

28
(განახლებულია 19:11 25.12.2020)
მოლდოვის პარლამენტის წევრს ბოგდან ცირდიას მიაჩნია, რომ არასამთავრობო ორგანიზაციები, რომლებსაც დასავლური სტრუქტურები აფინანსებენ, პოსტსაბჭოთა სივრცეში გავლენის ორ ხაზს იყენებენ — რბილსა და ხისტს.

მისი თქმით, დასავლური არასამთავრობო ორგანიზაციების გავლენა თითქმის ყველა პოსტსაბჭოთა რესპუბლიკაში შეინიშნება. დეპუტატი განმარტავს, როგორ მუშაობენ ეს სტრუქტურები და რისი მიღწევა სურთ.

ფაქტებით უნდა დაამტკიცო

სოროსის ფონდი და კონრად ადენაუერის ფონდი მოლდოვაში არაერთ არასამთავრობო ორგანიზაციას აფინანსებენ, ირწმუნება ბოგდან ცირდია. მისი თქმით, ეს არასამთავრობოები კი თავიანთ ქმედებებს ერთმანეთთან ათანხმებენ და სპოსორების ინტერესებში მოქმედებენ, მათ შორის, პოლიტიკურ ინტერესებშიც. საკუთარი მოსაზრებები პოლიტიკოსმა ჩამოაყალიბა წიგნში სათაურით „მოლდოვის სამოქალაქო საზოგადოება: სპონსორები. NGO–კრატია. კულტურული ომები“. და ამ მოსაზრებების გასამყარებლად 1500-ზე მეტი ბმული მონიშნა მის ფურცლებზე.

„წიგნის მოლდოვურ ენაზე გამოსვლას მყისიერი რეაქცია მოჰყვა ჯერ მოლდოვაში ევროკავშირის მისიის ხელმძღვანელ პეტერ მიხალკოს მხრიდან, შემდეგ კი ჰოლანდიის ელჩისა და სოროსის ფონდის მხრიდან“, — ამბობს დეპუტატი.    

ბოგდან ცირდიას 759-გვერდიანი წიგნი მიმდინარე წლის 21 ოქტომბერს გამოიცა და სოროსის ფონდმა იმავე საღამოს შეაფასა ის „მოლდოვის სამოქალაქო საზოგადოებაზე უხეშ თავდასხმად“.

„ჩემი ნაშრომი იმაში დაადანაშაულეს, რომ ის დემოკრატიას, სამართლის უზენაესობასა და ზოგადად ევროპულ ფასეულობებს ემუქრება. მაგრამ თუ ფონდი სიტყვის თავისუფლებას უჭერს მხარს, მაშინ იქნება მანამდე წიგნზე გვემსჯელა? თუ თქვენ ფიქრობთ, რომ მასში ტყუილი და სიყალბეა, ნახეთ მასში 1519 ბმული და 600 წყარო. მე პოლემიკისთვის მზად ვარ“, — ამბობს ცირდია.

მაგრამ, როგორც დეპუტატი აცხადებს, ოპონენტები დუმან.

მოღვაწეობის არეალი

როგორც ცირდია ამბობს, პოსტსაბჭოთა სივრცეზე აქტიურად ნერგავენ მოსაზრებას, რომ არასამთავრობო ორგანიზაციები — ეს სამოქალაქო საზოგადოებასთან ტოლობის ნიშანია, მაგრამ ეს ასე არ არის. მისი თქმით, გარედან დაფინანსებული ორგანიზაციები ნაკლებად ეხებიან რეალურ ლოკალურ პრობლემებს — მხოლოდ სპონსორების დღის წესრიგს მიჰყვებიან.

„მაგალითად მოლდოვა ავიღოთ. რა პრობლემებს აშუქებენ არასამთავრობოები აქ? რადიკალურ ფემინიზმს, იუვენალურ იუსტიციას, დემოკრატიზაციას — ისე, როგორც ეს მათ ესმით. რა საერთო აქვს ამას ჩვენს პრობლემებთან? ჩვენი პრობლემები არის სიღარიბე (ჩვენ ევროპის ყველაზე ღარიბი ქვეყანა ვართ), კორუმპირებულობა — რაშიც უკრაინას ვეჯიბრებით, და უმუშევრობა. ჩვენი მოქალაქეების მესამედი საზღვარგარეთ იმყოფება“, — აცხადებს წიგნის ავტორი.

პოლიტიკოსის აზრით, დასავლური ფონდების საქმიანობა სიტყვით კეთილშობილურ მიზნებს ემსახურება, მაგრამ რეალურად ყველაფერი დაკვირვებებითა და სხვადასხვა სიების შედგენით შემოიფარგლება, მაგალითად, სიტყვის თავისუფლების რეიტინგითა თუ დემოკრატიის ინდექსით.

„მაგრამ ეს ხომ სინამდვილეში ვითარებას არ ცვლის, — ამბობს ცირდია. — ნახეთ მოლდოვის არასამთავრობოების ბიუჯეტი — ეს მილიონობით დოლარია. განათლების ბიუჯეტი კი ბევრად ნაკლებია, მიუხედავად იმისა, რომ საზოგადოების განვითარებისთვის სწორედ ეს სფეროა ერთ-ერთი ყველაზე მნიშვნელოვანი. ევროპულ სტრუქტურებს უყვართ თქმა, რომ მოლდოვას ფულს აძლევენ. მაგრამ სად არის ის რეალურად? იუსტიციის რეფორმისთვის გამოყოფილი 100 მლნ ევროდან მხოლოდ 10 მლნ დაიხარჯა უშუალოდ სასამართლოების აღჭურვაზე. ძირითადი ნაწილი ის კანტორებია, რომლებიც თითქოს რეფორმებს ახდენენ იუსტიციაში. გამოდის, რომ ფონდი ფულს თავის თავს აძლევს“.  

მოლდოველი დეპუტატი მიიჩნევს, რომ სოროსის ფონდის მიერ დაფინანსებული ორგანიზაციები ყველა ქვეყანაში ერთნაირად იქცევიან და ორი სახის სამუშაოს ასრულებენ.

„მაგალითად: სოროსის ფონდი ყველგან ერთდროულად გამოჩნდა და თავიდან ისტორიის შესახებ წიგნების დაფინანსება დაიწყო. რაზე წერდნენ ამ წიგნებში? თითოეულ ქვეყანას შთააგონებდნენ, რომ ის ჩამორჩენილი იყო და ახლა მას დაეხმარებოდნენ. მერე ფონდმა საგრანტო პროექტები წამოიწყო. რისთვის? ნორჩი ტვინების მისაზიდად. მათ ვითომ სემინარებისა და კვლევებისთვის კრებდნენ, ადამიანები კი, ისე, რომ თავადაც ვერ აცნობიერებდნენ, საკუთარი სახელმწიფოების შესახებ სადაზვერვო ინფორმაციებს გასცემდნენ. ამას არავინ აკონტროლებდა, ვინაიდან 1990-იანებში „ბარდაგი“ იყო“, — მიაჩნია პოლიტიკოსს.

ცირდიას განმარტებით, მოქმედების პირველი ვარიანტი — ეს რბილი ნაბიჯებია: „თავდაპირველად ქვეყანაში იხსნება ფონდი, რომელიც ქმნის არასამთავრობო და არაკომერციულ ორგანიზაციებს, შემდეგ კი თავად იწყებს სხვა სტრუქტურების დაფინანსებას და ასე ყალიბდება ქსელი, რომელიც ქვეყნის ინტერესებს კი არ ემსახურება, არამედ სპონსორებისას. ქსელური პრინციპებითვე აწინაურებს ფონდი თავის ხალხს ხელისუფლების სტრუქტურებში“.

ამის მაგალითად ცირდიას სომხეთი მოჰყავს, სადაც ნიკოლ ფაშინიანის მმართველობის პერიოდში მაღალ თანამდებობებზე სოროსის ფონდის წარმომადგენლები დაინიშნენ.

სხვადასხვა ფონდების ხისტი გავლენის მაგალითად კი მოლდოველი დეპუტატი ბელარუსში მომხდარ არეულობებს ასახელებს: „დასავლეთი ღიად უჭერს მხარს ბელარუსულ ოპოზიციას. ვფიქრობ, ბელარუსში არავის გაუანალიზებია ადგილობრივი ფონდების საქმანობა ღრმად, რევოლუცია ხომ ასე უბრალოდ არ ხდება — მისთვის პირობების შექმნაა საჭირო“.

28

აფეთქება მადრიდში: ნგრევა და მსხვერპლი - ფოტო

7
  • ოთხშაბათს ესპანეთის დედაქალაქის ცენტრში, ადგილობრივი დროით დაახლოებით 15:00 საათზე დიდი აფეთქება მოხდა
  • დაინგრა შენობის ოთხი სართული
  • შემთხვევას სამი ადამიანის სიცოცხლე შეეწირა
  • ერთი კი უგზო-უკვლოდ დაიკარგა
  • მედიის ცნობით, დაშავებულია რვა ადამიანი, ერთ-ერთი მათგანი მძიმე მდგომარეობაში გადაიყვანეს საავადმყოფოში
  • ესპანეთის მთავრობის წარმომადგენელი ხოსე მანუელ ფრანკო აცხადებს, რომ აფეთქება ბუნებრივი გაზის გამო მოხდა
  • ფრანკოს თქმით. სახლში გაზის ქვაბის  სარემონტო სამუშაოები მიმდინარეობდა
  • დაიღუპა ერთი ქუჩაში მიმავალი ქალი და ორი შენობაში მყოფი ადამიანი
  • მაშველები ფიქრობენ, რომ ნანგრევების გაწმენდის შემდეგ მსხვერპლის რაოდენობა გაიზრდება
  • აფეთქების ეპიცენტრის მახლობლად მოხუცთა თავშესაფარი მდებარეობს
  • მისი ბინადრები არ დაშავებულან. მიმდინარეობს ევაკუაცია
  • ადგილზე მუშაობენ საგანგებო სიტუაციების სამსახურები, მეხანძრეები, ექიმები და პოლიცია
მადრიდის ცენტრში ძლიერი აფეთქება მოხდა, რის შედეგადაც შენობის რამდენიმე ზედა სართული დაინგრა. იხილეთ Sputnik-საქართველოს ფოტოლენტაში სურათები შემთხვევის ადგილიდან

ძლიერი აფეთქება მოხდა პუერტა-დე-ტოლედოს რაიონში მადრიდში. დაინგრა ერთი შენობის ოთხი სართული, რომელშიც ეკლესია Iglesia de la Virgen de la Paloma-ს მსახური სასულიერო პირები ცხოვრობენ.

აფეთქების შედეგად დაიღუპა სამი ადამიანი, ერთი უგზო-უკვლოდ დაიკარგა, ამის შესახებ ესპანეთის მთავრობის წარმომადგენელმა ხოსე მანუელ ფრანკომ განაცხადა.

აფეთქების ეპიცენტრთან ახლოს მდებარეობს მოხუცებულთა თავშესაფარი. მისი ბინადრები არ დაშავებულან, მიმდინარეობს ევაკუაცია.

7
  • ოთხშაბათს ესპანეთის დედაქალაქის ცენტრში, ადგილობრივი დროით დაახლოებით 15:00 საათზე დიდი აფეთქება მოხდა
    © AP Photo / Europa Press

    ოთხშაბათს ესპანეთის დედაქალაქის ცენტრში, ადგილობრივი დროით დაახლოებით 15:00 საათზე დიდი აფეთქება მოხდა

  • დაინგრა შენობის ოთხი სართული
    © REUTERS / Susana Vera

    დაინგრა შენობის ოთხი სართული

  • შემთხვევას სამი ადამიანის სიცოცხლე შეეწირა
    © REUTERS / Susana Vera

    შემთხვევას სამი ადამიანის სიცოცხლე შეეწირა

  • ერთი კი უგზო-უკვლოდ დაიკარგა
    © REUTERS / Susana Vera

    ერთი კი უგზო-უკვლოდ დაიკარგა

  • მედიის ცნობით, დაშავებულია რვა ადამიანი, ერთ-ერთი მათგანი მძიმე მდგომარეობაში გადაიყვანეს საავადმყოფოში
    © AFP / Gabriel Bouys

    მედიის ცნობით, დაშავებულია რვა ადამიანი, ერთ-ერთი მათგანი მძიმე მდგომარეობაში გადაიყვანეს საავადმყოფოში

  • ესპანეთის მთავრობის წარმომადგენელი ხოსე მანუელ ფრანკო აცხადებს, რომ აფეთქება ბუნებრივი გაზის გამო მოხდა
    © AP Photo / Manu Fernandez

    ესპანეთის მთავრობის წარმომადგენელი ხოსე მანუელ ფრანკო აცხადებს, რომ აფეთქება ბუნებრივი გაზის გამო მოხდა

  • ფრანკოს თქმით. სახლში გაზის ქვაბის  სარემონტო სამუშაოები მიმდინარეობდა
    © AFP / Gabriel Bouys

    ფრანკოს თქმით. სახლში გაზის ქვაბის სარემონტო სამუშაოები მიმდინარეობდა

  • დაიღუპა ერთი ქუჩაში მიმავალი ქალი და ორი შენობაში მყოფი ადამიანი
    © REUTERS / Susana Vera

    დაიღუპა ერთი ქუჩაში მიმავალი ქალი და ორი შენობაში მყოფი ადამიანი

  • მაშველები ფიქრობენ, რომ ნანგრევების გაწმენდის შემდეგ მსხვერპლის რაოდენობა გაიზრდება
    © AP Photo / Bernat Armangue

    მაშველები ფიქრობენ, რომ ნანგრევების გაწმენდის შემდეგ მსხვერპლის რაოდენობა გაიზრდება

  • აფეთქების ეპიცენტრის მახლობლად მოხუცთა თავშესაფარი მდებარეობს
    © REUTERS / Susana Vera

    აფეთქების ეპიცენტრის მახლობლად მოხუცთა თავშესაფარი მდებარეობს

  • მისი ბინადრები არ დაშავებულან. მიმდინარეობს ევაკუაცია
    © REUTERS / Sergio Perez

    მისი ბინადრები არ დაშავებულან. მიმდინარეობს ევაკუაცია

  • ადგილზე მუშაობენ საგანგებო სიტუაციების სამსახურები, მეხანძრეები, ექიმები და პოლიცია
    © AFP / Gabriel Bouys

    ადგილზე მუშაობენ საგანგებო სიტუაციების სამსახურები, მეხანძრეები, ექიმები და პოლიცია

ჯო ბაიდენი

ბაიდენმა აშშ ჯანმოში დააბრუნა და ქვეყანაში შესვლა დაუშვა

11
(განახლებულია 11:15 21.01.2021)
აშშ-ის ახალმა პრეზიდენტმა ინაუგურაციისთანავე გააუქმა წინამორბედის მიერ გამოცემული რამდენიმე ბრძანებულება

თბილისი, 21 იანვარი — Sputnik. ჯო ბაიდენმა, გახდა რა აშშ–ის 46–ე პრეზიდენტი, პირველსავე დღეს გააუქმა დონალდ ტრამპის რამდენიმე განკარგულება.

კერძოდ, შეერთებული შტატები მან ჯანდაცვის მსოფლიო ორგანიზაციაში დააბრუნა. ჯანმოდან გამოსვლის პროცესი ექს–პრეზიდენტმა გასული წლის ივლისში წამოიწყო, როდესაც ორგანიზაციას კორონავირუსის ეპიდემიის მასშტაბების დამალვაში დასდო ბრალი ჩინეთის სასარგებლოდ.

გარდა ამისა, ბაიდენმა ქვეყანა ასევე დააბრუნა პარიზის კლიმატის შეთანხმებაში, რომელიც ატმოსფეროში ნახშირბადოვანი გამონაბოლქვების შემცირებას ითვალისწინებს.

ახალმა პრეზიდენრმა შეაჩერა მექსიკასთან კედლის მშენებლობა და გააუქმა საგანგებო მდგომარეობა საზღვრისპირა ტერიტორიებზე.

ტრამპის ადმინისტრაციამ მანამდე გაამკაცრა მიგრანტებისთვის ქვეყანაში შესვლის წესები და კედელიც ააგო საზღვრის უმეტეს ნაწილზე, რათა აშშ–ის ტერიტორიაზე არალეგალური შეღწევა აღეკვეთა. ტრამპის მიერ აღთქმული 800 კილომეტრიანი წინაღობის სიგრძე 5 იანვრისთვის უკვე 727 კმ–ს  შეადგენდა.

აღსანიშნავია ისიც, რომ მანამდე ბაიდენმა მიანიშნა, რომ უკვე აგებული კედლის დანგრევას არ აპირებდა.

კიდევ ერთი ბრძანებულება, რომლიც ახალმა პრეზიდენტმა გააუქმა, ეს აშშ–ის ტერიტორიაზე ახლო აღმოსავლეთის მთელი რიგი ქვეყნებიდამ მოქალაქეთა შესვლის აკრძალვაა. ტრამპის 2017 წლის ბრძანებულების თანახმად, შეერთებულ შტატებში ჩასვლა ეკრძალებოდათ ირანის, ლიბიის, სირიის, იემენის, სომალის, სუდანისა და ერაყის მოქალაქეებს. თუმცა მას შემდეგ, რაც რამდენიმე სასამართლო ინსტანციამ ადგილობრივ დონეზე ბრძანებულება არაკანონიერად ცნო, სიიდან ერაყი და სუდანი ამოიღეს, თუმცა დაამატეს ჩადი და ჩრდილოეთ კორეა. ამასთან შავ სიაში მოხვდნენ ვენესუელელი ჩინოვნიკებიც.

ჯო ბაიდენმა ასევე გააუქმა გაზსადენ Keystone XL–ის მშ ენებლობაც კანადასთან საზღვარზე, რომელსაც ტრამპის ადმინისტრაცია მხარს უჭერდა.

 

11
თემები:
საერთაშორისო პანორამა